ولواش تكسر في راسك ماعندكش معريفة ريح في بلاصتك؟؟؟؟؟؟؟؟

قال محبة الورد:

وطبعا كيما قااال رضا الطلياني خبز الدار ياكلوا البراني هكذاك الخدمة راهي غير بالمعريفة ولازملك في هاذ لبلاد يكونوا عندك لكتاف والجييب طبعا اذا كان الجيب معمر ااااااااااا هو لي يهدر في بلاصتك ويديرلك كل شي يبنيلك حتى طريق في نص لبحر اما اذا كنت على قد حالك اصبر حتى كي ينور الملح ولا يشيب لغراب
الخدمة في بلادنا يدوها غير جماعة الشكارة تلقاه اسمو ميعرفش يكتبوا وعندو منصب في شركة اما لي قاري مسكين ومتخرجش راهو شاد الحيط وخايف اذا يطيح
الله غالب نزار هاذي هي بلادنا واش رايح دييير بلاد التيكي
كانت معاك محبة الورد من وراء ليكرون
اتكلمت نيابة على كل الشباب هههه تقول راني نعاني من هاذ الظاهرة ههههه​

إضغط للتوسيع...

قال ضو العش:

ياو طمع يخاف طبع
وعمرك متنحي خشمك من وجهك ......................
شكرا

إضغط للتوسيع...

قال jijel88:

المعريفة وما ادراك مالمعريفة
علابالاك خونا هدا الموضوع لازمو كتاب وتخلصش الهدرة
انا نقول لازم يزيدوه مادة فالتعليم

المشاركة وعادت بالمعريفة
كلشي بالمعريفة
الا ما رحم ربي
مرسي خونا​

إضغط للتوسيع...

قال ميسومة الدلوعة:

السلام عليكم
محال خويا رايحة تنحا الله غالب هذه هي الحياة
والمعرفة حاجة و الرشوة حاجة خلاف

إضغط للتوسيع...

قال Jeune Sghir Mc:

ايه في بلادنا يزيدو الما للبحر صديقي
هنا الواحد يقرا طول حياتو
من بعد يجي وليد فلان يجيبو برا
ولاد لي جينيرو بالتيكي والتحواس والزوالي خلاصت عليه بالقرعة والكاس
وافار رشوة هاذي واضحة


صحيتووو
​

إضغط للتوسيع...

قال ميمي87:

سلام خويا حطيت يدك ع الجرح كيما يقولو انا راني متخرجة منذ عام او اكثر وراني قاعدة مع انو التخصص تاعي مطلوب(فرونسي) كيما قلت يا ريتها معريفة برك ولا كلش بالرشوة والعياذ بالله واش نديرو هذي هي بلادنا ربي يجيب الخير برك هذا ماكان.يعطيك الصحة ع الموضوع.+++++++++

إضغط للتوسيع...

قال وردة الروح:

يا خويا المعريفة راهي بارتو
وين تروح كاينا المعرفة :cra_zy:
في لوبيتال ، البلدية ، الدايرة ، الدونتيست ، السطاد ، الحفاف و الحفافة ،في الدوش ، و حتى في القهاوي :scared:
أنا كنت ضد المعرفة شكلا و موضوعا :sheer:
وحد المرة مرضت أختي في الليل حبطتها لوبتال أملا الطبيبة المناوبة فحصتها و عطاتلها لوردنونس فيها 07 دواوات و كل واحد إدير 2000 دج قولشي واسمنا بنات ملياردار و الشابة كامل الطفلة قريب تموت و رفضت باش تعطيلها قرعة صيروم و لا حقنة مهدئة :cra_zy:
قلتها واش دوكتور ما تعطيلها والو
قالتلي : لالا مدام ما ننجمش هذا الدواء روح أشروه
قلتهها الطفلة تلقف وانت تقولي روح أشرو الدواء ما نجيو نشريو الدواء الطفلة تموت :scared:
قاتلي : ما عندي ما ندير :cra_zy:
قلتها والله العظيم غير تخلصيها غدوة الصباح كجي المسؤول ديالك و لا مدارلك والو انروحو العند مديرية الصحة نشوفو و لا ما دارولك والو انروحو لوزارة الصحة
ولا سلكتيلها الثم ثان انروح لهيئة الأمم المتحدة :yaw:
قاتلي روحي وين تحبي :sly:
أمالا أنا عندي 05 طبيبات معارف يعملوا الثم
عملتهم كامل تليفون :showoff:
أمالا في 05 دقائق حضروا اعندي 03 كانوا مناوبات كل واحدة بسارفيس وعاودوا عملو فزيت لأختي وحدة توجدلها في الصيروم وحدة في الحقنة و زيد بدواء مخبي سبيسيال ممنوع على المواطن البسيط ؟؟
و الشابة كامل وضعوها في غرقة خاصة ؟:like_1:
امالا هذا الطبيبة جات تحلل فيا يا مدام والله ماعلبالي بليك انت معرفة فلانة و فلتانة ....:surrender:
فلتلها لتسما اللي معندوش معرفة على حسابكم إموت مي لافوت ماشي ديالكم ، ديال هذا الموطنين اللي عايشين كيفهم كيف ........ حاشاكم
قلتلها الحرام ماشي غير اللي روح يسرق واش راكي اديري انت أكبر من السرقة ؟؟؟؟
و زدت بهدلتها ؟؟:cursing:
و لوكان ماشي المعريفة كانت أختي راح تروح فيها .....
على بالي راكو تتساءلوا واش عملت مع الطبيبة ....
زعمة سامحتها:like_1: أبدا محال ؟؟؟
كان لازم تدفع الثمن
غدوة الصباح عندبالها ما نشتكيش بيها :sneaky2:
والله غير صبحت عند المدير و كتبت فيها رابور لمديرية الصحة و حطيت الوصفة اللي عطاتلي
و كتبت واش قاتلي ؟:lolo:
و شهدت عليها زميلتها بليك أختي كانت صح محتاجة للإسعاف ؟
و هي رفضت تقدملها العلاج
و وجه لها إنذار زوق ملفها العملي و لولا أن أختي سامحتها لكان الأمر إزداد سوءا :busted_red:
و من هذا المرة وليت مع ناس فيف المعرفة :sneaky2:
و الحمد لله عندي في كل مكان المعرفة
هكذا ما نوقف بزاف قدام البيبان
ما يطلعلي السكر و لاتوسيون:cra_zy:
ما انجبد كاش وحدة من شعرها نمسح بها الأرضية وتوجه لي تهمة إهانة موظف أثناء تأدية مهامه :cursing:
و عقوبتها لا تنزل عن ستة أشهر نافذة نسأل الله العفو و العافية
و هنا أذكر نكتة حكاها لي أخي
وحد النهار راح واحد الطباخ العند صاحب ريستورن يبحث عن عمل
قالوا هذا الأخير : تعرف اطيب
قالو الطباخ : إيه هو اللي بعثني
شوف خويا كابن حل من زوج :shiny:
يا نحاربو المعرفة و نقضيو عليها من الجذور و ذلك بتجريم هذا السلوك
و إلا تكن لك معرفة وين تروح
ملاحظة
أنا في عملي ماكانش معرفة و الحمد لله
الناس سواسية كأسنان المشط لأنني أخاف الله
و العمل اللي بالمزية نخدمو وقت الفطور ولا في الويكاند ​

الله غالب
شكرا لك
بارك الله فيك
:re_gards:​

إضغط للتوسيع...

قال aya2009:

المعرفة داء و دواء
داء للفقير
و دوآء للي يعرف الشخصيات المهمة في البلاد

ربي يعفو على بلادنا ،كيف يقضويو على هاد الظاهرة: بتطبيق قوانين صارمة على كل من تلبس فيها كأن تستخدم البورطابل و الكام لتصوير الحدث و من بعد يفوت الراشي و المرتشي و صاحب المعرفة للسجن ( لكن هادشي فقط خيال هههه صعب تطبيقه على بني البشر خصوصا العربي )
​

إضغط للتوسيع...