ملف الشوربات

oumniati

:: عضو بارز ::
أحباب اللمة
إنضم
29 جويلية 2011
المشاركات
2,646
نقاط التفاعل
10,508
النقاط
111
السلام عليكم ورحمة الله وبركاته


ارتأيت تخصيص هذا الموضوع للشوربات لا غير, حتى يكون مرجعا لنا , لوجباتنا اليومية أولاستقبال ضيوفنا:re_gards:


أبدأ بمشيئة الله ببعض الوصفات المعتمدة لدي, ويفتح المجال بعدها لكن يا رائدات ركن الطبخ لتتحفننا بانواع من الشوربات:sheer:

يمكنك وضع وصفتك في هذا الركن تحت عنوان:

مشاركتي في ملف الشوربات: شوربة كذا وكذا

وتقوم بعدها المشرفة بنقل الوصفة الى الملف

-- يرجى فقط التأكد من عدم ادراج الوصفة من قبل من طرف عضوة أخرى, الا اذا كانت هنالك اختلافات او اضافات


--يجب ان تكون الشوربة مجربة من قبل ومعتمدة من قبل المشاركة

--يستحسن وضع الصورة النهائية للشوربة, المراحل ليست اجبارية

--هذا وأشير ان الموضوع سيبقى مغلقا, تجنبا لكثرة الردود التي ينجم عنها صعوبة التصفح فيما بعد



أقدم لكن

- سيدة المائدة: شوربة فريك
-شوربة الشوفلور
-شوربة الفطر
-شوربة البروكولي
-شوربة البسباس

والبقية تأتي من بعد ان شاء الله

أرجو التفاعل من قبلكن عزيزاتي, ولتبق المرأة الجزائرية في تألق مستمر




شكر خاص لحبيبتي ابتسام على مساعدتها لي في الموضوع, رجاء اللي تدخل ويعجبها الموضوع تدعيلنا في زوج في ظهر الغيب وبارك الله فيكن
 
سيدة المائدة في الأعراس والمناسبات

شوربة فريك بالغنمي, ركزولي على الغنمي ههههه

المقادير
لحم غنمي مقطع صغير, يستحسن يكون مخلط شحم ولحم والافضل تاع الشطوب
بصلة كبيرة او 2 متوسطين, انا درت بصلة وبنتها ههههه
3 سنات ثوم
حبة صغيرة قرعة او نصف حبة كبيرة
عود كرافس
عريفات نعناع
ربطة حشيش يعني دبشة
طماطم مصبرة
طماطم حب مرحية, تكوني فورتيها او غليتيها وترحيها
ملح وفلفل اكحل وكسبر مرحي وزيت
راس حار اخضر
بدون توابل اخرى, وبدون خضر

التحضير
ارحي لبصل والثوم حطيهم مع اللحم في قدر وركزولي ايضا على قدر, ماشي كوكوطة
اربطي لحشيش مع الكرافس واضيفيه+ القرعة رابيها في السكرفاج من جهة الرقيق+ شوية حشيش قطعيه+ راس الحار
أضيفي 2 مغارف طماطم مصبرة + زيت+ملح+فلفل اكحل+كسبر مرحي وخلطي كلشي
وخليها على نار قلييييلة تتقلى بعقلها
لما تشوفيها تقلات وذاب مليح لبصل اضيفي طماطم حب مرحية عينك ميزانك وزيدي خليها تتقلى مليح ثم مرقي بالماء سخون وخليها حتى يطيب اللحم

عندها نحي الربطة تاع لحشيش وحطي الفريك تاعك- في حالتي انا استعملت نصف كاس-
حركيها مليح وزيدي للنار شوية حتى يغلي لفريك ثم نقصيلها وزيدي خليه يطيب, مع التحريك مرة على مرة

خليها حتى تخثار شوية

وقدميها مع لحشيش مقطع واذا حبيتي قطع من القارس ويا حبذا راس فلفل اخضر مشوي مممممم

لللامانة الشربة في صورتي كانت ناقصة طماطم
 

المرفقات

  • IMG_3701.JPG
    IMG_3701.JPG
    293.3 KB · المشاهدات: 3
  • IMG_3702.JPG
    IMG_3702.JPG
    283.2 KB · المشاهدات: 2
  • IMG_3704.JPG
    IMG_3704.JPG
    313.3 KB · المشاهدات: 1
  • IMG_3705.JPG
    IMG_3705.JPG
    255.5 KB · المشاهدات: 2
  • IMG_3708.JPG
    IMG_3708.JPG
    302.8 KB · المشاهدات: 1
  • IMG_3715.JPG
    IMG_3715.JPG
    330.2 KB · المشاهدات: 5
شوربة الشوفلور

المقادير لراس صغير شوفلور حوالي رطل لااكثر
نحتاج

راس شوفلور غليه في الماء والملح, وما تخليهش يدقدق يبقى شاد روحو

حوالي 200غ بطاطا مقطعة مكعبات, اي حبة كبيرة او 2 صغار

حبة بصل

سنينة ثوم

مغرفة زبدة

مغرفة فرينة

مكعب مرق دجاج

كرام فراش

ملح, فلفل ابيض, وجوزة الطيب

التحضير

ذوبي الزبدة واضيفي البصل مقطع ماشي مرحي والثوم حركيه لبضع دقائق+ مغرفة فرينة وحركي ثم اضيفي باقي المكونات بطاطا+ مكعب المرق+ الشوفلور+ فلفل ابيض+ ملح وراعي كمية الملح لانك غليتي الشوفلور بالملح والمكعب مالح ايضا
مرقي بالماء قيس الخضرة تاعك يعني غير تغطيها شوية برك وخلي البطاطا تطيب

لما تطيب ميكسيها مع لاكرام فراش وخليها تهز الغلية مرة وحدة وطفيلها
عند التقديم ديري عليها جوزة الطيب

ماضنيتش اولادكم او ناسكم راح يفيقو بللي شوفلور ههههه:eek:i-o:
 

المرفقات

  • IMG_3537.JPG
    IMG_3537.JPG
    256.2 KB · المشاهدات: 5
  • IMG_3535.JPG
    IMG_3535.JPG
    289.6 KB · المشاهدات: 7
شوربة الفطر

ولا أسهل, شوربة اخر لحظة, لكن لما تقدميها لضيوفك مع اطباق اخرى رايحين يمدحوك اكيد

المقادير اللي نقترحها عليك انا تكفيني فطور وعشا هههه وانت عينك ميزانك

نصف صدر جاجة

بصلة او 2 صغار

2 حبات بطاطا

حوالي 200 غ فطر طري ماشي معلب= عمري ما جربتها بالمعلب=

ملح , فلفل اكحل, وكسبر مرحي

ونحتاج كرام فراش في الاخير- نسيت ما صورتهاش مع المقادير-

التحضير

قطعي كلشي مع بعض: بصل +بطاطا+صدر+ فطر واحتفضي بحبات منه
اضيفي التوابل ومرقي بارد في بارد قيس الخضرة تاعك
دائما في مثل هاو لي سوب ميش لازم تكثرو الماء لانها لازم تجي شوية ثقيلة

لما تطيب الخضرة تاعك ميكسيها مع كرام فراش, واضيفي حبات الفطر اللي خليتي بعدما تقطعيهم, خليها تهز الغلية فقط وقدميها بالصحة والهنا
 

المرفقات

  • IMG_3523.JPG
    IMG_3523.JPG
    273.9 KB · المشاهدات: 3
  • IMG_3528.JPG
    IMG_3528.JPG
    276.9 KB · المشاهدات: 4
  • IMG_3533.JPG
    IMG_3533.JPG
    273.8 KB · المشاهدات: 4
شكرا بسومتي

شوربة البروكولي

نفس المبدأ: الخضرة الرئيسية وبصل ومعاها الرابط اللي هو بطاطا ونعقدوها بكرام فراش او فرماج


هنا ما صورتش المقادير للأسف, نهار نعاودها نصورهم ونحطهم هنا ان شاء الله

نصف صدر دجاج

ربطة بروكولي

حبة بطاطا كبيرة او 2 صغار

حبة بصل كبيرة

زيت وملح وفلفل اسود

نقطع كلشي ونمرق بالبارد ولما تطيب نميكسيها هاذي المرة مع فرماج المربعات كيري

وبالصحة والهنا
 

المرفقات

  • IMG_3607.JPG
    IMG_3607.JPG
    195.6 KB · المشاهدات: 2
ايمان 27



المقادير
710925267.jpg

حبة بطاطا نصف حبة لفت 3 حبات زرودية عواد كرافس 2 حبات قرعة حبة بصل 4 حبات طماطم

لحم غنمى مقطع مرسوات

قطعت الخضرة الى قطع صغيرة
771108588.jpg

حطيت لحم مع الخضرة واضفت زيت ملح فلفل اسود فلفل عكرى قرفة وحطيتو يتقلى حوالى 10 دقائق

واضفت عروق لحشيش مقطفة وحتفضت باوراق فى ما بعد

مرقت بماء سخون

واضافت لحميصة باش طيب

قطعت طماطم على زوج وحطيتها تفور على المرقة

وحطيتها فى مكسور رحيتها مع طماطم علب

رحيتها مليح باش ميبقاش فيها حب

بعد ما طاب لحم ولحميصة اضافت طماطم ولسان عصفور وخليتها تزيد طيب وقبل ما طفيتها بادقيقتين اضافت اورا لحشيش مقطفة وطفيت عليها هدا هوا سر الشوربة ديالنا هيا اضافة طماطم ولحشيش فالخر باش تقعد لونها احمر ورحتها حشيش
592986073.jpg

85472322.jpg

هنا راهى واجدة بصحتكم
انشاء الله تعجبكم طرقتى


 
آخر تعديل:
ايمان 27

المقادير

الكمية على حسب العائلة
درت 2 حبات بطاطا
2 زرودية
2 قرعة وبصل
2 لفت حبة قارص
عواد كرافس وربطة حشيش مقطفة
دجاج درت افخاض
ملح فلفل لكحل زيت زيتون واحد مكعب دجاج
التحظير
323273947.jpg

حطيت كل المقادير فى طنجرة وخليتهم يتقلو مليح

ومرقت وخليت كلش يطيب

نحيت لجاج بجيه ورحيت كلش

وفتت لجاج

ورجعت لجاج لطنجرة وخليتو غلى شوية
905958351.jpg

وتقدري تقدميه مع قارص
 
كوثر الوهرانية

السلام عليكم و رحمة الله و براكاته
اليوم جبتلكم لا سوب نخليكم مع الكيفية
المقادير:1بصلة كبيرة
4 حبات بطاطا كبار
ربطة من اوراق الكرافص
1ملعقة اكل زبدة
1قطعم فرماج انا استعمل الشاف
1ماجي قوا دجاج
قليل من الملح
الطريقة:ننضف البطاطا و البصل و نضعهم في طنجرة +الكرافص+قليل من الملح+ ماءنضعهم فوق النا حتى يطيبوا و يكون المرق قليل نضيف الفرماج+ ملعقة الزبدةو نطحن بالميكسور
ادا كانت خفيفة رجعيها فوق النارحتى تتقال
و شهية طيبة


نجية
wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 820×615 و حجمها هو 44 كيلوبايت.
06022012808.jpg



وهاهي مين طابت وزدتلها الفرماج وطحنتها



وهاهي في الغرفية نتاعي قبل ما ناكلها

wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 820×615 و حجمها هو 60 كيلوبايت.
06022012809.jpg





 
حاملـة المسك

على بركة الله نبدأ

المقادير

لحم غنم ـ حزمة مربوطة متكونة من حشيش عرف كرافس عرف نعناع
فلفلــــة حــــارة
حبة بصل صغيرة ـ 3 حبات طماطم ـ طماطم مصبرة
زيت ـ ملح ـ فلفل أحمر ـ فلفل أكحل ـ قرفة
حمص منقوع فنجان فريك


الطريقة :

نقطع شرائح اللحم أجزاء صغيرة .. نقليهم في الزيت و التوابل مع البصل المسكرفج و نصف ملعقة طماطم مصبرة
لمدة 10 دقائق .. نضيف الماء ، حزمة الحشيش و الحمص .. لما يستوي اللحم نصف استواء نضيف الطماطم المرحية و الطماطم المصبرة تقريبا ملعقة و نصف .. اللحم راح يكمل الطياب مع الفريك
نطفئ النار و نضع الفلفلة الحارة ........عند التقديم نعطرها بحشيش مقطع

wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.
081710060849djs14ikftfj10po4nqaf.jpg


wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 600×480.
081710070822xvd1d4wcu1.jpg


wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 578×480.
081710060849hw8cpmxw9xr1309o9ny5.jpg


wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×477.
081710060849lmod1s8iukl57uin.jpg


08171006084966ustzy9j41eu.jpg


و صــــــح شريبتكــــــم

الملاحظات :

ممكن نسكرفج مع البصل قرعة صغيرة تمدلها مذاق أطيب
الفريك غسلة وحدة تكفيه باش ما يروحش ذوقو
و من الأحسن نوجدوه مغسول مع بداية الطهي يطلق خثورتو مليح
الطماطم اذا كانت يابسة من الأحسن نغليها في شويا ما أو نقطعها و نذبلها و نصفيها في الكسكاس
لأنو في الخلاط تبقى حرشة و المرقة ما تجيش صافية
اذا كان غير موجود نعناع أخضر ممكن استبدلو في الأخير بنعناع يابس أو الاثنين معا
من الافضل اللحم يكون مزيج من الشحم و العظم و الهبرة
القرفة هي لتليق بالشربة مليح لما نحط شويا بزيادة
 
الشــربـــــة

Farnanita Ida

المقادير
:

2 حبات زرودية
2 حبات قليلشة
حبة بطاطا
4 حبات طماطم
حبة بصل
لحم مرحي
قصبر
التوابل: ملح/فلفل اكحل/فلفل احمر/قرفة

فريك
حمص


طريقة التحضير:

409467144.jpg

نغسل الخضر ونقشرها ونقسمها على ربعة ونحطها تتغلى في كسرونة


462062389.jpg

في كسرونة أخرى نغلي الماء


501252115.jpg


وكي يتغلى الماء نحط فيها حبات الطماطم مدة 10 دقائق

625162891.jpg

في هذه الأثناء نحط في قدرة بصلة مفرومة اللحم والقصبر والتوابل
ونخلوهم فوق نار هادئة يتقلاو


238074366.jpg

نقشر الطماطم لي كنا خليناها تتغلى فالماء وتكون سهلة لأن القشرة نتاعها تتنحى وحدها من الغليان


765958382.jpg

نرحيها (هذه أفضل وأسرع طريقة للحصول على صلصة طماطم:sheer:)

634780235.jpg

بعدما يتقلى اللحم

451254891.jpg

نضيف له الطماطم المرحية ونضيف له الماء الي تغلات فيه الطماطم

103045792.jpg

نحط الحمص يطيب مع المرقة

305128395.jpg

الخضر لي كنا قد تركناها راهي جاهزة نرحيوها كذلك

648630162.jpg


187713182.jpg

ونضيف الخضر المرحية للقدر

986472941.jpg

هنا تلاحظي إذا كانت الشربة خاثرة بزاف يعني خاصك تزيديلها شوية ماء لخاطرش رايحين نزيدولها الفريك يزيد يعقدها أكثر (غلي الماء قبل ما تزيديه للقدر) وإذا كانت عاقدة مليحة يعني عينك ميزانك

413258090.jpg

الخطوة الأخيرة إضافة الفريك للشربة ونخليها تغلي مرة واحدة ونطفي عليها الفرن

الشربة ديالي جاهزة وتنتظر من يأكلها يمي يمي
174931091.jpg


853501602.jpg
 
آخر تعديل:
حساء الخضر


anissa 13

المقادير

حبة بصل
1 او 2 طماطم
1 او 2 جزر
حبة لفت
3 او 4 سن ثوم
عود كرافس céleri
حبة قرعة خضراء
قليل من القرعة الحمراء
قرعة =

courgette

ملح
فلفل اسود
1 جمبو اي ذوق
قليل جدا من زيت زيتون
ماء

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 653×368.



تاخدي لكوكوت
وتحطي فيها كل الخضار
ما تفرميهاش
فقط كل حبة قسميها على 2
تغطي الخضر بالماء وتزيدي توابل

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 653×368.


تغلقي الكوكوت مدة ساعة

وهاهي بعدما فتحنا الكوكوت

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 653×368.

تاخدي robot او mixeur
وتطحني فيه الخضر
هنا انت تتحكمي
ادا حبيتيها خفيفة كثري الماء
وادا حبيتيها ثقيلة اطحني الخضر بقليل جدا من الماء

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 653×368.

وها هو شكلها النهائي

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 653×368.


ملاحظة
- ان اردتي بامكانك ان لا تستعملي الفلفل الاسود
- الوصفة مفيدة جدا للاطفال لان بها معادن وفيتامينات لاجسامهم واضافة لهدا لا تحتوي على توابل
- انزعي الكرافس بعد فتح الكوكوت ولا تطحنيه مع الخضر
- الحساء يقدم ساخنا
 
آخر تعديل:
شربــة العـدس


حاملـة المسك

بسم الله نبدأ

المقادير

دجاج عدس بصل ثوم 1جزر 1كوسة
حشيش مقطفة معدنوس عرف كرافس
ملح كمون فلفل اكحل قطرات ليمون شعرية


الطريقة


نضع الدجاج في القدر
( استعملت بقايا دجاج فقط ) العدس البصل الكرافس الجزر و القرعة مقطعة مكعبات
بعد ما طيب المكونات نرحيهم في الخلاط
يهرس الثوم و الحشيش و يضاف للشربة مع التوابل نضيف الفرمسال
بعد ما نطفي النار نضيف عصير الليمون او الخل
يقدم الطبق مزين بالمعدنوس و رشة كمون

wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 600×480.http://dc07.**********/i/01644/6xfdaldzo7qf.jpg

wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 600×480.http://dc10.**********/i/01644/5ldmin6hg5xz.jpg

wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 600×480.http://dc07.**********/i/01644/sdszha4znhmd.jpg

و بالصحة و الهناء


ملاحظة : ضروري الجزر لانو يحافظ على بياض الشربة متكحالش

يمكن الاستغناء عن الدجاج
 
icon11.gif
امنياتي
icon11.gif

شوربة البسباس والبطاطا
المقادير
حبات بسباس
حبات بطاطا متوسطين
سنينات ثوم
حبة بصل
رند
ربطة معدنوس
نص صدر جاج
ملح وفلفل وزيت وكسبر
التحضير
نقطع كل شي مع بعض ونمرق بارد في بارد, نحط التوابل ونخليها تطيب
حتى المعدنوس نقطعوه
كي تطيب نحي الرند وميكسي كلشي مع فرماج ابيض, انا نستعمل لافاش كيري مثلثات ممكن 4 او 5 حبات يكفيو
وبالصحة والهنا

749746314.jpg


366574853.jpg

 
آخر تعديل:
حساء الدجاج

imane27


المقادير

الكمية على حسب العائلة
درت 2 حبات بطاطا
2 زرودية
2 قرعة وبصل
2 لفت حبة قارص
عواد كرافس وربطة حشيش مقطفة
دجاج درت افخاض
ملح فلفل لكحل زيت زيتون واحد مكعب دجاج
التحظير
323273947.jpg

حطيت كل المقادير فى طنجرة وخليتهم يتقلو مليح
248097880.jpg

ومرقت وخليت كلش يطيب
771453245.jpg

نحيت لجاج بجيه ورحيت كلش
171337320.jpg

وفتت لجاج
157946345.jpg

ورجعت لجاج لطنجرة وخليتو غلى شوية
905958351.jpg

وتقدري تقدميه مع قارص

 
الحريرة

merieme hassi

السلام عليكم


اليوم جبتلكم طريقتي في صنع الحريرة
نقولكم اولا السر في نجاحها
لازم تكون التوابل خاصة لها تباع عند العطار
بالاظافة الي القصبر خصوصا لمزرع تجي بيه هايلة
نبدا علي بركة الله
بسم الله
قليت دجاج في شوية زيت ثم اظفت حبة بصل ثلاث حبات جزر حبة طماطم حبة بطاطا حبة كوسا شوية حمص ما شي بزاااف علي الاكثر عشرين حبة
علي فكرة البطاطا و الكوسا منطحمهمش نحيهم كي يطيبو
نزيد للخليط التوابل
ملح فلفل احمر فلفل اسود و لا ابيض زنجبيل راس الحانوت الخاص بالحريرة
طماطم مصبرة
جومبو
و قليتهم مليح حتي تدخل التوابل في الخضرة و الدجاج
wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.
attachment.php



و اضفت للخليط القصبر ثم مرقت عيني ميزاني
لازم يكون الماء سخون
attachment.php






كي تغلي نقص للنار اي نخليها علي نار هادية
كي تطيب و تكون ريحة القصبر معمرة الدار
نطفي النار
و نحي القصبر
و نرحي المزيج
wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.
attachment.php



.

هنا نزيد شوية قصبر جديد و راس الحانوت تاع الحريرة
و نخليها تغلي مليح علي نار هادية
نحضر ملعقة فرينة و لا زوج عينك ميزانك و نخلطها بالماء البارد
مليييييييييييييييييح حتي لا تتكور في الحريرة
يكون المزيج غلي مليح نقوم باظافة الفرينة ليه
و نخلط مليييييييح
و نخليها تغلي علي نار هادية

attachment.php




هده النتيجة
wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.
attachment.php
 
كنت نحوس على موضوع كيفه انا نموت على الحساء خصوصا في البرد
 

omalbatoul
شربة الفريك


6_5_16.jpg


نبدا بسم الله
المقادير


فخد او صدر دجاجة + قطعة لحم غنم او بقر + بصلة كبيرة او 2 متوسطين مفرومة 3 سنات ثوم مفرومين
عود كرافس +طماطم مصبرة 2 ملاعق اكل
طماطم حب مرحية 2 حبات صغار تكوني فورتيها او غليتيها وترحيها ملح وفلفل اكحل وزيت راس حار اخضر و كسبر مرحي اذا كنت تحبي طعموا و فريك جاهز
طبعا و ملعقة صغيرة غبرة فريك
التحضير

اغسلي اللحم و الدحاج جيدا و احطيه في قدر و اضيفي له البصل و الثوم و الزيت و الفلفل اسود و الملح و الطماطم المصبرة و ممكن تضيفي كسبر مرحي انا مانحطوش و تخلطي كل شيىء و تخليهم على نار هادئة يتقلاو حتى يذبل البصل و تنسايش تحركي ساعة على ساعة
حتى تتقلى مليح ضيفي طماطم نتاع الحب و زيدي قلي شوية و امبعد امرقي بماء سخون و خليها تستوي حتى يطيب الدجاج و يقرب يطيب اللحم امرقيها بكمية من الماء و خليها تغلي و بعد ما تهز الغليا ارمي كاس صغير او نصف كاس كبير من الفريك و الفلفل الاخضر اذا ماتحبيش الحار خليه مغلوق او استغني عنوا و نقصي للنار و خلي الفريك يطيب على الاقل ساعة او اكثر و ماتنسايش تحركي ساعة على ساعة باش مايعجنش الفريك كي تنشف امرقيها بماء ساخن و بعدها ضيفي غبرة الفريك و عود الكرافس و خليها تغلى 20 دقيقة حتى تختار و طفي عليها
ماتخليش المرقة عاقدة الفريك بعد ما يبرد يتكاثف و حطيها في غميقة و زينيها بدبشة مقطعة رقيقة

7pvk.jpeg


ملاحظة

ممكن تعملي شربة الفريك بالدجاج فقط او باللحم فقط اذا ماتوفروش الاثنين و اذا توفروا راهم يزدوها بنة ايضا ممكن تستبدلي اللحم بكريات من الكفتة مداوية و ارميها تطيب بعدما تمرقي
 


ام ياسمين
شربة العدس


المقادير

رطل عدس
لحم
حبة بصل كبيرة
راس ثوم
حبة طماطم
حبة زرودية
ملعقة طماطم مصبرة
ملح
فلفل اسود
شوية زيت بالطبع
طريقة التحضير
نضع العدس في طنجرة صغيرة ونضيف له الماء ونضعه على النار ونتركه يتغالى حوالي15 دقيقة ثم نصفيه في كسكاس ونشلو مليح.
من جهة أخرى نضع اللحم و(حبة البصل والثوم وحبة الطماطم وحبة الزرودية) ماشي لازم نقطعهم صغار على خاطر رايحة نرحي كلش+ شوية زيت فلفل أسود نقلي ونمرق ثم نضيف الطماطم المصبرة ونتركها تتغالى شوية ونزيدلها العدس.
نتركها حوالي ساعة حتان طيب اللحم وفي نفس الوقت ما نخليش العدس ينشف.
وفي الأخير نحي اللحم بجيه ونرحي مرقة العدس ونفتت هذاك اللحم ثم نضيفوه للمرقة المرحية.
ملاحظة: تجي بنينة خاصة اذا اضفنالها فلفل حار اخضر.
 
اليوم جبتلكم حساء الجزر بالقشطة خفيف وبنين وسهل التحضير و في نفس الوقت صحي


المقادير
كمية كبيرة من الجزر انا استعملت رطل لازم تكون كمية كبيرة
2 حبات بطاطا متوسطة الحجم
1 بصل كبيرة
فص ثوم
ملح فلفل اسود
زنجبيل مليح للصحة
2 ملاعق زيت
قشطة تاع العلب او تاع القارورات انا استعملت تاع القارورة
قطع خبز محمص


التحضير
في قدرة حطي الجزر بعد ما تكوني نظتيه و البطاطا و البصل و حطي 2 مغارف زيت و الملح و فلفل اسود والزجبيل و الثوم و مرقيها بطاس ماء حسب الكمية لي حطيتيها و خليها طيب كي طيب ارحيها بالميكسور
عند التقديم كي تحطي الحساء في الصحن حطي عليه ملعقة قشطة و هذا سر نجاحها متحطيهاش في القدر
و قدميها بالخبز المحمص


1346340637601.jpg
[/url][/IMG]
 
حساء السمك

  • بصلة
  • 3سنينات ثوم
  • حبة طماطم و ملعقة معجون طماطم
  • جزرة
  • بطاطا
  • كرافص
  • توابل زنجبيل,فلفل اسود -زعفران - معكر و الزعفران
  • سمك انت و مقدورك انا استعمل السردين - ليمون و ملح

  1. اغلي حوالي لتر من الماء فيه ليمون على شكل دوائر فيه السمك مدة عشر دقائق انزعي السمك واتركيه يبرد ثم انزعي الشوك
  2. قطعي الخضر واضيفي الزيت من الافضل زبت الزيتون و الملح و التوابل وقليها مع بعض امرقيها بالماء اللي فيه الليمون وخليها طيب
  3. ارحي الخضر و اضيفي الماء و فتات السمك واطفي عليها
- الى جانب الحساء يحمص الخبز و يحك بالثوم

- تحضر la rouille هي صلصة تتكون من المايونيز + الثوم + الهريسة + و زبت الزيتون
- تدهن قطع الخبز بالصلصة و شهية طيبة



 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top