عاجل ومهم جدا ارجو الدخول

emy39

:: عضو مُشارك ::
إنضم
8 أكتوبر 2009
المشاركات
148
نقاط التفاعل
0
النقاط
6
السلام عليكم ورحمة الله وبركاته
انا حامل في الشهر الخامس وعندي بعض التحاليل راني خايفة منها تخص الجنين ولقيتها طالعة شوية اللي عندها خبرة في الموضوغ ولا فات عليها تقلي راني ميتة من الخوف
التحاليل هي rubeole و toxoplasmose
 
كيفاش طالعة يا اختي ؟ النتيجة اللي يمدوهالك في المخبر تكون + او - بصح بلا مايحدولك النسبة
فهميني اكثر ممكن نقدر نعاونك
 

عندي =05 toxoplasmose
30 + rubeole والنورمال معنديش شحال لازم يكون وراني قريت بلي هاذم يخصو تشوهات الجنين بعيد الشر
 
toxoplasmose negatif كي يكونو IGG اقل من 4
انت عندك 5 يسمى +
قوليلي اول مرة ديري هذا التاست ولا درتيه في 3 اشهر الاولى من الحمل ؟
 
درتو من بداية الحمل
 
والنتيجة كيفاه خرجت تاع البداية ؟
شوفي اذا التاست تاع 3 اشهر الاولى + والثاني + عادي ومليحة
اما اذا كان التاست تاع 3 اشهر الاولى - والثاني + يعني اكتسبتي الميكروب اثناء الحمل
 
نتاع الاشهر الاولى خرجت نورمال جبيت نفهم برك وشنو هاد الفيروس ولا المرض فهميني فيه وانا راني نورمال ولا لالا والله راني مية بالخلعة
 
ماتخافيش يا اختي
ال toxoplasmose ميكروب تكتسبيه كي تمسي مثلا شعر تاع قطة او كلب ولا لحم مش طايب مليح ... سلاطة او فواكه مش مغسولين مليح

اما ال rubeole يجي مرة واحدة في العمر اذا تعديتي من انسان مصاب بيه وهو المعروف بالعامية نتاعنة الفرينة هههه مش la farine للي نطيبو بيها

وفي زوج مايخوفوش بصح تديرهم المراة الحامل كاحتياط للمحافظة على صحة الجنين
 
النسب العادية تاع rubeole مانعرفهاش للاسف .. من العادة المخبر يكتبلك غير + او -
روحي للطبيبة تطمنك اكثر وان شاء الله مايكون غير الخير
 
يعطيك الصحة والله كنت خايفة ياسر هاذا اول حمل راني النهار كامل وانا نبكي
معناها نريح مكانش حاجة خطيرة
والله بارك الله فيك حبيت نعرف برك انت تباني طبيبة ولا راني غالطة قاتلي ماما هاذي باينة بسكرية هوما اللي يقولو الفرينة
 
يعطيك الصحة والله كنت خايفة ياسر هاذا اول حمل راني النهار كامل وانا نبكي
معناها نريح مكانش حاجة خطيرة
والله بارك الله فيك حبيت نعرف برك انت تباني طبيبة ولا راني غالطة قاتلي ماما هاذي باينة بسكرية هوما اللي يقولو الفرينة
الله يطمنك ويريح بالك ويسللك على خير انت والبيبي
ايه ماماك عندها الحق .. انا صيدلانية
وكيما قتلك زيدي روحي للطبيبة تطمنك اكثر
تحياتي
 
يعطيك الصحة اختي ربي يخليك
الف شكر
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top