وصفة السدرة مجربة لكثافة الشعر وتطويله

sara arab

:: عضو مُشارك ::
إنضم
10 مارس 2008
المشاركات
314
نقاط التفاعل
16
النقاط
7
العمر
31
السلام عليكم ورحمة الله

مرة كنت نبحث فلمنتديات باش نطول شعري ونقويه لاقيت وصفة مليحة بزاف ربي يهني مولات الموضوع ويعطيها واش متمنية بغيت نفيدكم معايا وهيا وصفة ساهلة وكامل المقادير نتاعها طبيعية

فيها السدرة ولبصل والثوم وزيت الخروع وزيت الزيتون

راح نقولكم الطريقة

تجيبو السدرة ولي مايعرفش السدرة هيا هاديك لي يديروها في الرقية الشرعية يجي فيها شغل الشوك لمهم انا قلت لخويا جابهالي من لجنان تاعنا ومابغاش يرجع يجيبلي قالي قتلني الشوك ههه على هاداك ماداومتش عليها بصح مليحة بزاف تجيبو السدرة ادا كانت مش يابسة تخلوها تيبس من بعد تحتوها وتغربلوها تنحيو الشوك منها وتطحنوها ترجع كيما لحنة بلدات

تجيبو بصلة متوسطة الحجم وتقطعوها على ربعة وزوج فصوص توم مقسمين على زوج وتديروهم يغلو فلما مين يولي هاداك الماء صفر تصفوهم وتديرو السدرة مع مع زيت الزيتون وزيت الخروع وتجيبي هاداك الماء لي صفيتيه من لبصل وتوم وتروني بيه هاديك الخلطة راح ترجع متل الحنة مي لوكان توشوها بيدكم تحسوها كيما لعلك وتابليكوها في شعركم كيما لحنة بلدات ديريها في شعرك مع لعشية ولغدوا غسليها ولا تحبي ديريها الصباح وفلليل غسليها نهار لي ماتكونيش معولة تخرجي فيه ههه جربيها وداومو عليها ماتديروش كيما كيفي ديروها مرتين فلاسبوع باش تعطيكم نتيجة اسرع وادعولي ودعو لمولات هاد الوصفة الله يحفضكم
 
ان شاء الله ندعيلك

شكرا على الموضوع

راح نجربها باذن الله
 
ان شالله رح نجربها ونتمنى انها تنفع وربي يعطيك ويعطي لمولات الوصفة واش متمنيين ياااارب
 
يعطيك الصحة اختي بارك الله فيك
ان شاء الله ربي يعطيك ماتتمناي
يُثبّت الموضوع لفترة نظرا لأهميته
 
يعطيك الصحة اختي بارك الله فيك

ان شاء الله ربي يعطيك ماتتمناي
يُثبّت الموضوع لفترة نظرا لأهميته​
امين ياربي ويعطي لكل مؤمن واش يتمنا ربي يخليك ويحفضك فرحتيني باهتمامك فلموضوع وشكرا على التثبيت :$
 
بَـآرَكَـ آلله فِيـكِـ ~ ..
 
بارك الله فيك اختي ع الوصفة
سلامي
 
ياريت اختي توضحي اكثر وشنو هو السدر لاني قريت على وصفات كثيرة بيه
 
ياريت اختي توضحي اكثر وشنو هو السدر لاني قريت على وصفات كثيرة بيه​
راني وضحت في الموضوع السدرة هيا لي يديروها في الرقية الشرعية تجي في شجرة وراقي صغار فيها الشوك بزاف بصح بعد ماتيبس وتحتيها راح تصفيها من الشوك وتطحنيها او مين تطحنيها راح الشوك وحدو يبقا تسيحيها راح تسقسي اي واحد على سدرة راهو يقولك تلاقايها في كل مكان
 
ربي يجازيك أختي و يكملك ما في قلبك ان شاء الله نجربها فالعطلة ان شاء الله
 
السدرة هي نفسها { النبق } ؟؟

نرحيها باللب تاعها ؟؟
 
ربي يجازيك أختي و يكملك ما في قلبك ان شاء الله نجربها فالعطلة ان شاء الله

أمين ياربي ربي يحفضك

السدرة هي نفسها { النبق } ؟؟

نرحيها باللب تاعها ؟؟

واش هوا النبق لا السدرة ورقة مافيهاش لب ول حاجة ورقة وتدقيها ول ترحيها
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top