الـــــــدرس الـــسادس لدورة اللمة الجزائرية لتعليم فنون الطبخ2

الحالة
مغلق ولا يسمح بالمزيد من الردود.

عفاف الجزائرية

:: عضو بارز ::
أحباب اللمة
إنضم
1 جوان 2008
المشاركات
7,675
نقاط التفاعل
6,740
النقاط
351
1338841206364.png



السلام عليكم ورحمة الله وتعالى وبركاته
1338840820751.png



الدرس السادس :
باذنجان مشوي ومحشي في الفرن. لي بابا مالحين بالحم المفروم.فلان في الفرن

-----باذنجان مشوي ومحشي في الفرن:
المقادير:
حبات باذنجان حسب الاختيار
بصلة
لحم مرحي
جبن مثلثات
شابلير
نعناع يابس
ملح ثوم فلل اسود
نحتاجو ايضا لكريمة الجبن عبارة عن:
2ملاعق فرينة او نشاء
1/2 لتر حليب



قرصةملح
حوالي 7 حبات جبن مثلث او 1 جبن شاف

طريقة التحضير:
نحطو الباذنجان في الفرن ندهنوه بشوي زيت من فوق ونخلوه ينشوى على نار هادئة
بعد ما ينشوى نخرجوه ونحاولو نحفروه في الوسط
do.php


نأخذو اللب نتاعو نمحروه وفي مقلات نقطعو البصل مربعات صغار نحمصوهم في شوي زيت وملح وفلف اكحل بعد ما يتحمس البصل نضيفولو اللحم المفروم ونخلوه يطيب
وبعده نضيفولو الجبن الشابلير حوالي 3 مغارف والنعناع اليابس ونخلطو الكل مع بعضو
do.php


بعد ما نكونو حضرنا صلصة الجبن نقطعو فيها كمية نتاع كسبر اخضر ونحطو نصها في البلاتو نتاع الفرن
do.php


نعمرو حبات الباذنجان ونسدفوهم في البلاتو وباقي اللحم نحطوه كريات على الجنب
do.php


نزيدو نغطوها بباقي صلصة الجبن وندخلوها للفرن
do.php


نخلوها على نار هادئة قيس ما تتحمر لانه كل شي طايب وبعد ما تتحمر نخرجوها
do.php


وهنانقدموها
do.php




--------------------------
الطبق الجانبي لي بابا باللحم المفروم
المقادير:
قطع لحم
بصلة متوسطة
توابل من فلفل احمر ملح ثوم كسبر مطحون وكسبر اخضر فلفل اكحل
بيضة
1 كرام فراش
2ملاعق مايوناز
ملعقة موطار
وملعقة هريسة
جبن ابيض

طريقة التحضير:

نحطو كل المكونات اللي هي عبارة عن لحم بصلة صغيرة ملح فلفل اكحل كسبر مطحون وكسبر اخضر في الروبو ونرحيو كل شي مع بعض
do.php


بعد ما نرحيوه نحطو فيه بيضة ونعجنوها
do.php


بعد ما نخلطو كل شي نحطوها في لي مول نتاع لي بابا ونشكلوها على حساب الشكل ونحطو وسطها قطعة صغيرة زبدة

do.php


ندخلوها للفرن تطيب وبعد ما تطيب نخرجوها
do.php


نحضرو الصلصة اللي نحطوها في الوسط عبارة عن:
كرام فراش نخلطوها مع ملعقتين مايوناز وملعقة موطارد وملعقة هريسة نحطو علبة جبن ابيض وسنة ثوم وقرسة ملح ونخلطوها شوي على النار ونقطعو فيها كسبر
do.php


نعمرو حبات لي بابا في الوسط ونزينوها حسب الرغبة
انا بقالي لحم مرحي وبقاتلي شوي صلصة خلطتهم وحطيتهم في الوسط
وهذا الشكل النهائي
do.php


----------------------
فلان في الفرن

المقادير:
للكرامال 150غ سكر رطب
كاس تقريبا ماء

الفلان:
3 بيضات
120غ سكر رطب
1/2 لتر حليب
قرصة فاني

طريقة التحضير :
نحضرو الكارميل اولا نحطو لاسكر والماء في اناء
do.php


ونخلوها على النار يغلي حاتن يتغير لونو للاصفرار البني وننحيوه على النار
do.php


نحطوه في اكواب ونخلوه يبرد
do.php


من جهة تانية نحطو نصف لتر نتاع الحليب نديرولونص مغرفة صغيرة فاني ونخلوه على النار هادئة حتان يغلي
do.php

ونطلعو 3 بيضات مع 120 غ سكر رطب
do.php


حتان يتضاعف حجمهم
بعد ذلك نضيفولو الحليب تديرجيا مع مواصلة الخلط

do.php
do.php


بعد ذلك نفرغوه في الاكواب اللي حطينا فيهم الكراميل باه ندخلوهم للفرن
do.php


نحطوهم في بلاتو نكونو دايرين فيه الماء باه يطيبو في حمام مائي
do.php


وهذا شكلهم بعد ما يطيبو ونخرجوهم خلوهم يبردو ونقلبوهم
do.php


do.php


 
آخر تعديل:

1484.gif


امممممممممممممممممممممممم يم يمي

روعة حبيبتي عفاف

بلا ما نقولهااااااااااا بيان سور شاطرة وفحلة في المطبخ كيما العادة

اطباقك راااااائعة وخاصة الطبق الجانبي لي بابا باللحم المفروم

عجبنييييييييييييي بزاااااااااااااااااااف

دمت متميزة

موضوع رائع ++++++++++++++++++++

تقبلي مروري

zehor



1484.gif
 
ممممممممممممم
الله الله عالفحلة
تسلم الايادي فوفتي
ان شاء الله نطبقها فاقرب فرصة
خاصة الفلان ممممممممم
رووووووووووووووعة
ربي يحميك حبيبتي

 
وعليكم السلام
الله يبارك روووووعة
اطباق في القمة
ان شاء الله تفيد العضوات
مشكورة فوفا
سلامي

 
بارك الله فيك فوفتي على المجهود

امممممممممم بصحتكم
 
آخر تعديل:
يعطيك الصحة عفاف
كل شيء هايل
بالتوفيق لكل المشاركات
 
الله يبارك عفوفة جهد يستحق التقييم واطباق في القمة كلها وخاصة لي بابا غير نتفرج ربي يباركلك في كل ماتقدمي ليه
+
 
الله يبارك فيكم حبيباتي مشكورات على المرور
فقط ملاحظة انني حبيت نكمل ننزل الدرسين اللي مازالو باه نخدم الفهرس العام للدورتين الاولى والثانية
يعني فقط للافادة البسيطة برك
ربي يهنيكم كاملين خواتاتي
 
السلام عليكم ورحمة الله وبركاته
يعطيك الصحة عفاف وصفاتك كلها روووعة

مشكورة على مجهودك
انا حسبت المسابقة حبست
انشاءالله نشارك
حبيت برك نسقسي بالنسبة للفلان الكراميل نصنعوه بالسكر العادي ولا بالسكر الناعم؟
ومتى اخر أجل لوضع التطبيقات؟

 
السلام عليكم ورحمة الله وبركاته
يعطيك الصحة عفاف وصفاتك كلها روووعة

مشكورة على مجهودك
انا حسبت المسابقة حبست
انشاءالله نشارك
حبيت برك نسقسي بالنسبة للفلان الكراميل نصنعوه بالسكر العادي ولا بالسكر الناعم؟
ومتى اخر أجل لوضع التطبيقات؟



اهلا حبيبتي انيسة
في الحقيقة المسابقة صح حبست ودرك رح نكمل الدرسين اللي بقاو باسكو رح نجمع الدورتين كامل في فهرس على هذا رجعت حطيت الدروس للافادة فقط
اما بالنسبة للكسر انا استعملت السكر الناعم
ربي هنيك حبيبتي ويعطيك حساب قلبك
 
بارك الله عفوفة كلش شهي انتظري تطبيقي في القريب العاجل
 
يعطيك الصحة اخت عفاف حبيت نسال على لبابا نطيبوهم في لمول ام نحيهم من لمول وضع الزبدة في الوسط
 
والله فحلة الفحلآآآت وشآطرة الشآطرآآت
فريمو تحفة يعطيك الصحة شريكتي خآصة لي بآبآ
روووووعة ان شآء الله نجربهم في العيد هههه
الله يحفظك شريكتي الزينة ويخليييييييييييك
 
بارك الله فيك
 
وااااو اطباق رائعة
مشكووورة وخاصة التحلية خرجت تحفة
 
اطباق رائعة يعطيك الصحة
 
اطباق رائعة يعطيك الصحة
 
السلام عليكم بارك الله فيكم انا عضوو جديدة بينكم اتمنى ان افيد واستفيد
 
كلشي رآآآئع والطبق الأول من مكوناتو يبآآن بنين يعيطك الصحة حبيبتي ولفلان عندي مدة وانا نحوس على طريقتو يتفصيل وراكي فدتيني بيها
ربي يجآآزيك على كل الوصفات لي راكي تمديهومنا ولي رانا نتعلمو فيها ونستفادو بيها
الله يجعلها في ميزان حسناتك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top