منتدى اللمة الجزائرية - تعرف على الجزائر من أهلها  
ناس ملاح
العودة   منتدى اللمة الجزائرية - تعرف على الجزائر من أهلها > أقسام الأسرة والمجتمع > منتدى المطبخ الجزائري > ركن الكيك والحلويات > وصفات الكيك والحلويات الحصرية والمجربة

الملاحظات

حنيفيات او مقرقشات العين + قريوش المارغوريت او الوردةمن مطبخي


إضافة ردإضافة رد جديد
 
LinkBack أدوات الموضوع طريقة عرض الموضوع
  #1   
قديم 29-10-2012, 12:55
الصورة الرمزية الإفتراضية
:: عضو مشارك ::
ninafret غير متواجد حالياً  
افتراضي حنيفيات او مقرقشات العين + قريوش المارغوريت او الوردةمن مطبخي


السلام عليكم نظرا لطلب الاخوات راني حطيت الوصفة في موضوع مستقل
مقرقشات العين
بسم الله نظرا لطلب اخواتي حبيباتي راني كتبتلكم الوصفات

مقرقشات العين بصراحة انا كنت نعملها بمقادير مختلفة على اللي راح نحطلهالكم اليوم هاذ المرة عملتهم هوما وقريوش المارغوريت بنفس العجينة وطلعو روعة لكن مذافهم مختلف لان كل وحدة عندها طريقة عملها ومايبانوش من نفس العجينة
العجينة
1كلغ فرينة
علبة مارغارين لابال نتاع250غ
1مغرف كبيرة خميرة الخبز
1خميرة نتاع القاطو ..كيميائية
مغرف كبيرة مليانة خل
1فاني
1بيضة كاملة
مزيج من ماء الزهر والماء العادي يكونو دافيين حسب الحاجة

طريقة التحضير

تذوبي كمية الزبدة وتخليها تبرد من غير ماتجمد وتصبيها فوق الفرينة وتخلطي مليح مليح حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء المخلك اللي شوية فقط دافي وتلمي حتى تتحصلي على عجينة ماشي طرية بزاف لانها لوكان تكون طرية بزاف تتعبي معاها وقت العمل
تقسميها على4قرصات وتغلفيها بكيس ولا الغلاف الغذائي الشفاف وتخليها ترتاح ساعة كاملة
تحضري كمية من المايزينة واشري نتاع الميزان تخليها مورقة 1000مرة خير من نتاع العلب وهدا سر نجاح التوريق عن تجربة
حلي القرصة الاولى فوق طاولة حطب كبيرة تكون مرشوشة بالمايزينة حلي وكل مرة اقلبيها ورشي شوية مايزينة حتى تتحهلي على شكل مستطيل كبير ورقيق كي تشوفي الطاولة بدات تبان تحت العجينة اعرفيها بلي محلولة مليح حتة متجيش معجنة اعدلي الجهات 4 للمستطيل بالسكين حتى تولي متساوية
غلفي كامل الوجه نتاعو بالمايزينة باستعمال يدك حتى تلصق شوية في العجينة
ادعني جيهة من المستطيل بشريط من بياض البيض حتى يساعدنا في الالتصاق
ابداي رولي العجينة من الجيهة اللي مقابلة شريط بياض البيض حتى توصلي ليه وراح تتحصلي على حربوش طويل
ميلي سكين ماضي وابداي قصي العجين مقروضات مايلة بسمك 1سم اوقيس اصبع اليد لا اكثر حذاري ادا عملتي المقروضات كبار تجيك شوية معجنة
جيبي مقروضة منهم رقديها على الجنب وزيدي حليها بالحلال منفوق للتحت ثم من تحت لفوق وحطيها مباشرة في بورت مونجي حتى ماتشيحش وكملي باقي المقروضات بنفس الطريقة
كي تكمل كل الاقراص المتبقية بنفس الطريقة ابداي عملية القلي مباشرة حطي 1لتر من الزيت في مقلات غامقةوواسعة
زيدي معاه ملعقة خلي وخليه على نار متوسطة ثم ابداي اقلي الحبات وابداي بالحبات اللي عملتيهم مع الاول لانها تكون تخمرت مع القلب المستمر حتى تاخد اللون الذهبي قطريها مليح وحطيها طوليا في كسكاس كبير فيه ورق ماص ولا ورقة جريدة حسب المتوفر
كي تحبي تقدميها نحي الحبات اللي تحتاجيها حطيها في صحن مستوي ماشي غامق كيما نتاع السلاطة واسقيها بملعقةمن خليط متكون من عسل نوع المرجان مداقو هايل ومذا ثاني سر لنجاحها يكون مخفف بشوية ماء زهر ورشي فوقها كمية من الجلجلانية البيضاء المحمصة ضروري تكون محمصة وذري شوية من البراق الغذائي الذهبي وانقلي الحبات لصحن التقديم والف صحة وهناء







وهذا قريوش الوردة او المارغوريت وكاين اللي يسميه قريوش النخلة مذاقو روعة






العجينة
1كلغ فرينة
علبة مارغارين لابال نتاع250غ
1مغرف كبيرة خميرة الخبز
1خميرة نتاع القاطو ..كيميائية
مغرف كبيرة مليانة خل
1فاني
1بيضة كاملة
مزيج من ماء الزهر والماء العادي يكونو دافيين حسب الحاجة

طريقة التحضير

تذوبي كمية الزبدة وتخليها تبرد من غير ماتجمد وتصبيها فوق الفرينة وتخلطي مليح مليح حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء المخلك اللي شوية فقط دافي وتلمي حتى تتحصلي على عجينة ماشي طرية بزاف لانها لوكان تكون طرية بزاف تتعبي معاها وقت العمل
تقسميها على 4 قرصات وتغلفيها بكيس ولا الغلاف الغذائي الشفاف وتخليها ترتاح ساعة كاملة

قسميها لقطع متوسطة وحليها بالمشينة نتاع العجين رقم 9 ثم 5ثم 3 حتى تتحصلي هلى شريط قطعي منو حبات بطابع المارغوريت المتوسط والكبير كي تكمليها حطي مارغوريت كبيرة وادهني الوسط بشوية بياض بيض وهدا هو السر في انها ماتتنحهاش الحبات من بعضها وقت القلي وزيدي فوقها حبة من نفس الحجم لكن حطيها بطريقة معاكسة وادهني الوسط بياض البيض ولصقي حبة المارغوريت المتوسطة واهني الوسط بياض البيض وزيدي فوقها حبة من نفس حجمها لكن حطيها معكوسة واخيرا اغطسي حبة لوز من الجهة الرقيقة في بياض البيض وارشقيها مليح في الوسك حتى تبان من تحت

حطي الحبات فوق بلاطو مرشوش بشوية فرينة وخطيهم بمنشفة

كملي حلي باقي العجينة في المشينة وتبعي باقي الخطوات حتى تكمليها كلها
واللي بقالك كل مرة من العجينة لميه من غير عجن وخليه في الكيس مدة وعاودي حليه واستعمليه بنفس الطريقة
سخني 1لتر من الزيت مع ملعقة خل واقلي الحبات اللي لازم تكون وغمورة وتتغطى بالزيت على نار متوسطة مالازمش تكون سخونة باش تطيب من الوسط حتى تاخد اللون الذهبي قطريها ووقت التقديم اسقيها بملعقةمن خليط متكون من عسل نوع المرجان مداقو هايل ومذا ثاني سر لنجاحها يكون مخفف بشوية ماء زهر ورشي فوقها كمية من الجلجلانية البيضاء المحمصة ضروري تكون محمصة وذري شوية من البراق الغذائي الذهبي وانقلي الحبات الى الكيسات اللي تكون من النوع الجيد حتى تبان الحبة شابة ثم لصحن التقديم والف صحة وهناء

اي استفسار انا في الخدمة

ندى الأيام, samah06, poutcha و 2 آخرون معجبون بهذا.
التعديل الأخير تم بواسطة ninafret ; 29-10-2012 الساعة 13:00
رد مع اقتباسإقتباس
قديم 29-10-2012, 13:23   #2   
:: عضو فعال ::
الصورة الرمزية الإفتراضية
عاشقة الوردة غير متواجد حالياً
افتراضي


يشهيو وخاصة الثاني


  رد مع اقتباسإقتباس
قديم 29-10-2012, 14:17   #3   
:: عضو متميز ::
الصورة الرمزية siimo
siimo غير متواجد حالياً
افتراضي


شكرااا لييك اختي..ربي يخلييك
تحياااااتي




آنثَى نِصفهُآ هدوِء وَنصفهٍآ خجل | ~
شهادة تكريمية
  رد مع اقتباسإقتباس
قديم 29-10-2012, 14:21   #4   
:: عضو متميز ::
الصورة الرمزية الإفتراضية
om abdulhadi 2011 غير متواجد حالياً
افتراضي


يعطيك الصحة


  رد مع اقتباسإقتباس
قديم 29-10-2012, 14:52   #5   
:: عضو مشارك ::
الصورة الرمزية nina ricci1
nina ricci1 غير متواجد حالياً
افتراضي


تسلم الايادي



  رد مع اقتباسإقتباس
قديم 29-10-2012, 15:08   #6   
:: عضو متميز ::
الصورة الرمزية الإفتراضية
joumane غير متواجد حالياً
افتراضي


يهبلووووووووو يعطيك الصحة


  رد مع اقتباسإقتباس
قديم 29-10-2012, 19:56   #7   
:: عضو فعال ::
الصورة الرمزية ام انس الحبيب
ام انس الحبيب غير متواجد حالياً
افتراضي


تسلم الايادي يا الشاطرة والله شهيتيني
راح نجربهم ان شاء الله لاني تعودت انو وصفاتك ما شاء الله ناجحة


ربي لا تذرني فردا و انت خير
الوارثين


  رد مع اقتباسإقتباس
قديم 29-10-2012, 20:30   #8   
:: عضو فعال ::
الصورة الرمزية أمونة المتألقة
أمونة المتألقة غير متواجد حالياً
افتراضي


مشكووووووورة على الوصفات اللذيذة


  رد مع اقتباسإقتباس
قديم 30-10-2012, 15:06   #9   
:: عضو مشارك ::
الصورة الرمزية الإفتراضية
ninafret غير متواجد حالياً
افتراضي


اقتباس
المشاركة الأصلية كتبت بواسطة ام انس الحبيب مشاهدة المشاركة
تسلم الايادي يا الشاطرة والله شهيتيني
راح نجربهم ان شاء الله لاني تعودت انو وصفاتك ما شاء الله ناجحة
الله يسلمك اختي العزيزة نتمنى تجربيهم ولو بنصف المقادير وادا عجبوك عودي اعملي المقادير كاملة
راني نستنى تطبيقك


  رد مع اقتباسإقتباس
قديم 30-10-2012, 15:18   #10   
:: عضو شرفي ::
الصورة الرمزية ЯέКîά Яồมkà
ЯέКîά Яồมkà غير متواجد حالياً
افتراضي


امممممم
حبوبة وصفآتك كلهآ روووووووعة
دمتي في تالق
تسلم دوك اليدين


سـَ أبْقَى كـ الـعُطورَ
ألفُت الإنتبُآه مُن غُير ضجُيج
يُعرفنُي الجُميع وآبقُى رغُم كُل ذلك
سُـرآ لايعُرفه آحٌد !

~~~
يُا ربَ أكَرمنُيَ بـْ أمُنَية تَحُولَ أنيَن قُلبَي ألىَ دُقَاتّ مُن ألفَرحُ
مسابقة أجمل توقيع
  رد مع اقتباسإقتباس
إضافة ردإضافة رد جديد

العلامات المرجعية

حنيفيات او مقرقشات العين + قريوش المارغوريت او الوردةمن مطبخي


أدوات الموضوع
طريقة عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] : متاحة
كود HTML : معطلة
المراجع : معطلة
التنبيهات : متاحة
المصادر : متاحة

 


الساعة معتمدة بتوقيت جرينتش +1 . الساعة الآن : 00:28.
التعليقات المنشورة لا تعبر عن رأي منتدى اللمة الجزائرية ولا يتحمل أي مسؤولية حيال ذلك ، (ويتحمل كاتبها مسؤولية نشرها).

Powered by vBulletin® Version 3.8.8.
Copyright ©2000 - 2014, vBulletin Solutions, Inc.
SEO by vBSEO 3.6.1 ©2011, Crawlability, Inc.
جميع الحقوق محفوظة ©2005 - 2014, شبكة فور ألجيريا - منتدى اللمة الجزائرية
!-- / thread rate -->