حكآيآت بنآت العدد الأول

قال *sarah dz*:

هايلة با ايمان .. يعطيك الصحة اختي

و البنات بعطبكم الصحة حباباتي
انا صراحة عجبني النقاش و السوجي لي حكينا فيه
نتمنى نكونو قد افدنا و استفدنا​

مارسي .. ودي

إضغط للتوسيع...

قال Moon_light:

يمكن لبقية البنآت يحكيو على السـuـجي ,

ويمدولنآ رآيهم وينآقشونآ ,
سلآمي ’
​

إضغط للتوسيع...

قال عفاف الجزائرية:

نحكم بلاصة ونقراه السيجي مليح ونجي نمدلكم رايي فيه
مرسي ليكم دافونص..
​

إضغط للتوسيع...

قال قَطٌر❀ الٌنَـدَى:

موضوع رائع يعطيكم الصحة للاسف هذى الظاهرة ولات منتشرة بكثرة جداااا واكيد السبب راه باين هو الابتعادد عن الدين وقلة التربية اصبحنا فى مجتمع فاسد الا من رحم ربك على كل حال ماعلينا غير نقولوا ربي يسترنا ويهدينا
​

إضغط للتوسيع...

قال ندى الورود:

لي عودة ان شاء الله
​

إضغط للتوسيع...

قال mïŋěţţe:

يعطيكم الصحة يا لبنات على هاد الموضوع الباهي
تعيشي يلغالية
نقرا ومستمتعة بالنقاش وحسيت روحي في حصة كلام نواعم:d
هدا الشرف لينا شبهتينا بهديك الحصة باش تشوفو بلي قادرين نرجعو حصة من لاتيلي للنت بفاصون حلوة
عجبتني الألفاظ المعربزة تع بيان سـuغ و غونوvـــلومون هههه :up:
ههههههه فخونسي اوناغاب ردك رشقني شريكتي
بالنسبة للفكرة راها قمة ونتمنى تتواصل هكدا راهي فوووووور:up:
ان شاء الله بتفاعلكم تستمر واكيد كاين بزاف افكار مزال ماوصلناهالكمش
وبالنسبة للموضوع اللي حكات عليه ايمان وكيما أجمعت كل الهوانم راهي الكاليتي هادي معمرة الدنيا:down:
ومكلاه نروح بعيد كاينة وحدة فاميلتي تلاقيتها في عرس
بنتها صغيرة بزاف تخطبت وكل يوم هاملة معاه واحد ما يدري عليهم وين راحو وين جاو
قلنا لامها متخافيش على بنتك طالقتها ضل تهوم لاشتا خاطبها
تصوري وش قالت (هدا زعما خطيبها ورايح يكون زوجها فالمستقبل)
قالت: " ايه لوكان ما تبروفيتيش تطير منو حوايج دركا تطفر فيها"
:down:شفتي حتى الام هي سبب في pـروبلام لي رانا نعانيو منو يعني تشجع في بنتها على بروفيتاج نوغمالمون كي تشوف دير هكدا تنصحها وتمنعها زعما ماشي فايقة واش راه صاري في البلاد يا ناس مكاش حاجة بدون مقابل
انا بقيت بلا راس
الماديين كنت نسمع عليهم مي مكنتش نحسب فيهم قراب بزاف مني لهاد الدرجة
بلاك ماصادفوكش كاليتي كيما هدو مي انا شفت بزاف منهم كاغيمون نقولهاشفت لي كوpــل ديجونفي مع راجل كبير عليه بزاف و يعجبك الحال مايحشموش في وضع يبهدل
هادو لي حكيتو عليهم في جميع الأحوال سواء كمل معاها ولا حبس رايح يحتقرها طول عمرها
ماشكيتش يكمل معاها هوما متزوجين ويجيبو الوقت بيهم يخسر شوية دراهم وهي كي بهلولة تنخلع مي شوفي تبهدايل لي يجيبهالها
وش نقلك الشياب عدمت ولبانيت رخست (طبعا الشاذ يحفظ ولا يقاس عليه)
زينة العقل حنونة والله يهديهم
انتن الله يبارك احطتو بكافة الجوانب وراني موافقتكم في معظمها
الله الله عليك امون :-r
:$سـuـر عجبك هدا بلا كوpـي بلا كولي هدرتي نوالم نشعر
***********

في انتظار العدد الثاني
وراني هنا نقرعج عالمداخلات
سي يوووو
​

إضغط للتوسيع...

قال إحســاس بــراءة:

اهلا اختي ايمان وشكرا على الدعوة
sa me fai plaisir zina
اولا بغيت نشكرك على الموضوع الهام والهام جدا في وقت رانا محتاجين نتكملو على مثل هاذي التصرفات
:down:وموضوع يولي هام كتر كي نسمعو مداخلتكم وارائكم لي نستفادو منها
النوع هاذا اللي ذكرتيه في مووضوعك راه القليل والقليل جدا من وش رانا نشوفو
اول شئ اختي هو انعدام التربية
ياختي ماهوش قليل ماطحتيش في ناس كيما هدو راهم دايرين حالة في لي فاك دي بلاس فاميلي كرهنا ادا نروحولنا حشومة مرgـوها هاد شيوخة وقوتيف الطفلة لي سمحت لروحها تولي في هاد الموقف

لوكان كانت الطفلة متربية وبنت فاميليا مامبا ماتحكيش بالطريقة هاذي وفي مكان عام كيما هاذا
وكيما يقولو ان لم تستح فافعل ماشئت
وي عندك الحق مابقات تربية مابقات عندها صفة الانوتة ياك الطفلة تمتاز بالحياء مي في هاد كاليتي كتروها لوكان تشوفيهم كيفاش يهدرو بيس كامل سمعها باغسكو كانت دايرة كيتمان وفاقتش روحها
لبنات هاذو راهم موالفين كيما هاكا موالفين تصرفات وماعلابالهم بحتى واحد
لاحشمة ولا حياء ولاهم يحزنون
لبنات رجعو يهتمو بالمال والفاني وتاركين شرفهم وكرامتهم
يبيعو رواحهم على جال وسخ الدنيا
والله كارثة كارثة كبرى
ايــه مشكلة كبيرة ربي يهديهم ويرجعهم للطريق صحيح والله غير هي تخسر بزاف هو راجل مافيهش العيب مي فضيحة تولي غير على طفلة
مرات نشوفو وحد التصرفات وحد الكلام البذئء وفي امكان عامة والناس تسمع والله انا مرات نحشم على روحي
ونتمنى لو اني ماكنتش في هاذاك المكان وسمعت وش كانو يقولو
والمشكلة لوكان غير يكونو بنات صغار مراهقات ماعليش
الكارثة انهم نساء كبار وفاهمات ولكن يتعمدو الشئ هاذا
هديك حدت بلا حرج ولينا مانفرقوش بين هدرة لمرا وراجل حتى رجال تابو ولاو يحشمو قدامنا ومايطيحوش مي نسا طيح وفرحانة بروحها
والله يا اختي ايمان لوكان نبداو نحكو على وش رانا نشوفو ونسمعو غير نكتبو مواضيع مش غير موضوع واحد
المهم والاهم نطلبو الهداية للجميع
الطفلة او المراة كي يغيبلها حيائها يروحلها كلش
وماراهي مليحة لا مع ربي لا مع العبد
ربي يجيب الخير هاذا وش نقولو
يعطيك الصحة حبيبتي
​

إضغط للتوسيع...

قال أم أمين23:

اولا فكرة حلوة وطريقة طرح جميلة

تعيشي يلغالية
​

اكيد انو هاد الظاهرة كاينة ومنتشرة بشكل رهيب لكن المشكل هنا راه على الجيهتين
بنات يفركتو على معيل بسبب ان المظاهر هي الي ولات تحكم التصرفات تاع اغلب البنات لازمها البورطابل ماركة واللبسة الماماي ومادام الاسرة ما تقدرش توفرها

في هدي راني معاك سبة لي خلاتهم يديرو هكدا %70 تكون ماعندهمش ومحتاجين وكي تشوف لبناات يلبسو تغير دير pـوسيبل تاعها باش تكون خير منهم هدا لي يتبع لامود تقعد جبرية وماتخسرش روحها
​

وكاين هاد الشياب واحيانا حتى الشباب الي لاباس عليهم وقادر يعمل صاحبة وزوج وثلاثة وعندهم دراهم زايدين عليهم وربما حتى ما عندهمش

فكرتيني واحد جارنا كان مصاحب وحدة لاباس بيها باباها كاينلو ايماجيني مايخدمش دراهمو يجوه لعند فمو ويزيد يتقوعر عليها نهار لي ماتبعتلوش كي نجبدو هاد لحكايات تتلفلنا
​

بصح قلة العقل والدين تخليهم يبحثو عن مثل هاته الفرائس التي تكون سهلة بسبب غياب الواعظ سواء من الاهل او بغياب الوعي الديني ويعملو المستحيل لاصطيادهن وفي الاخير ما تكون غير هاد الفتاة هي الضحية لان الراجل نهار افيق اخر همو
اخمم في هاديك الطفلة راه اما راح يشوف غيرها بعد ما يكره منها

تاع الصح حنونة باغسكو الاهل راهم مفرطين في بناتهم لوكان لقات لي واقف عليها ومايخليهاش وكلش محاسبها عليه ماديرش هاد الشي اما راجل عندو pـاغيود وتجوز يجيب بيها الوقت غير يكره يرونولـvـيها
​

وادا كان شاب راح يتزوج وممكن يعملها هي للاحطياط والمشكلالاكبر انو هاد البنت عارفة النتيجة او النهاية بصح تستمر في نفس السيرة لخاطر الي همها هو المال الي راح تربحو من وراها وما هيش مخممة في سمعتها والا كيفاش راح تكون خاتمتها

هداك هو الشي لي محيرني عارفة لافان كيفاش تخحلاص ومكملة فيها بصح عندي لي يدوق بنة الدراهم ماتقدرش تنحيها
​

يعني خلاصة القول باش ما نطولوش الحكاية ونبقاو نمضغو ونعاودو في الكلام غياب الدين والتربية السليمة هو السبب في الحالتين وانتشار مثل هده الموبيقات في مجتمعاتنا
ولا ننسى طبعا تأثير التلفاز والبرامج الهابطة الي رانا نشوفو فيها والي ما تعلم كان العدم في ظل غياب برامج دينية توعوية

إضغط للتوسيع...

قال ام رحاب:

بسم الله الرحمان الرحيم
والله أصبح مثل هذه الافعال كثيرة في مجتمعناحتى انها قربت ان تدخل في عاداتنا

راني نخمم في اجيال الجاية تولي تجيهم هاد تصرفات نوغمال ربي يجيب الخير
​

لا لسبب الا انا ابتعدنا عن هدي الحبيب المصطفى وهدي امهات المؤمنين
فاصبحنا اكثر الشعوب تخلفا بعد ان كان يضرب بنا الامثال فهلكنا حالنا بحالنا.....

الانحلال الخلقي وصلنا هدا الشي
​

اصبحت الام لاتبالي بشي عن تربية ابنائها وبناتها ( مخليتها على ربي يا طابت يا نحرقت)...

كل وحدة من عضوات مدتلي ليدي جديدة وكيما قلتي ام تحسيها غايبة تماما عن البنت ماتسقسي ماتحوس تفهم على بنتها اي شي وطفلة زنقة والخلاط علموها هاد الاشياء تكمل فيها بلا وعي
​

وهي تعلم انا كلكم راع وكلكم مسؤل عن رعيته...........والاب ادخل الى بيته التلفاز والدش والنت بلا حسيب ولا رقيب....وكل منهم لايسال الا عن حاله......فكيف نريد صلاح الابناء اذا كان الاساس من الاصل فاسد.....ووووووو....وللحديث بقية...

صح عندك الحق لازم الوالدين يوقفو على الابن حتى يحسنو تربيتو مي لاتيلي ماتفسدتش ياناس عندنا عقل طفلة في عمرها من 20 سنة للفوق مزالها تجيح روحها ويأترو فيها مسلسلات ولا النت انا تجيني كبيرة لوكان مراهقة نعدروها مي راهي قد الزواج ومزالها ماتفرقش بين الصح والغلط انا هنا نقولك بلي عارفة وفايقة واش راهي دير الطمع تاعهم وصلهم يفسدو رواحهم
​

​

إضغط للتوسيع...

قال ام رحاب:

​

​

​

إضغط للتوسيع...