مـآذآ ستطبخيــن اليـوم سيدتــي / آنستــي ,, الجــــــ 21 ـــزء

السلام عليكم ورحمة الله وبركاته

صح عشاكم وتسلم الايادي ماشاءالله كل شي يشهي كي نكون جيعانة ندخل هنا نعذب روحي ههههه


العشية درت LES BEIGNETS وللعشاء لوبيا غرينييه







ربي يدومها نعمة ويحفظها من الزوال

ميمي 53 ليسيقار جاو هايلين اممممم بصحتكم
حسنة 23يم يم لبنيي رووووعة ولوبيا قريني تشهييي بصحتكم حنونة
ام منصف صيامك في الجنة وصح فطورك بصحتك حبيبتي وش فطرتي بالهناء على قلبك

يم يم يعطيكم الصحة.

اممممممممممم ميمي مشاء الله عليك هايل خصارة مالحقتش دات خيرة كل شئ معليش هي صايمة مسامحة

اهلين احلامو توحشناك اختي مزال منحتيش تفنيين هيا اصدمي

شرين واش راكي توحشتك

بصحتكم اختي حسنة

تحية للجميع

السلام عليكم وشراكم لبنات وجمعة مباركة
زهور حبيبتي وينك ليك وحشة كبيرة حنونتي وطيابك لكونتي الله يبارك مدوختنا بيه اممممم توحشناه الله يحفضك ويرعاك المهم الحمد لله راكي بخير

السلام عليكم يا بنات يا فحلات
راكم 10 على الله يبارك انا اليوم راني دايرا الطعام لشيماء وابوها وانا راني صايمة وربي يجازيكم الجنة الفردوس على صيامكم ونهاركم موفق 10

قال mimi53:

صباح الخير لبنات انشاء الله تكونو بخير
اهلا ومرحبا بالغالية والحبوبة زهور وانا نقول المنتدى كله منور اليوم وعلاش هادا غير نور حبيبتنا زهور على السلامة
وين اغطستي لا خبارك توحشنا مفاجاءاتك واطباقك الحلوة
انشاء الله تكوني بخير

إضغط للتوسيع...

قال روعة2005:

تحياتي لكل الغاليات اللمويات العزيزات
وتبارك الله عليكن ان شاء الله تكونو باحسن حااااااااااااااال يارب
تقبل الله صيامك اختي ام شيماء
ويسعد صباااحك سارة ان شاء الله راكي احسن اليوم

إضغط للتوسيع...

شحال فرحت كي رجعتي ياعفاف والله توحشتك بزااااااااااف ان شاء الله تكوني بالف خير

اهلا بالغاليات اسماء وزهور نورتونا
اختي ميمي من بعد ان شاء الله نجاوبك عالغريبية والمقروظ لاني صايمة بعد الفطور نرجعلكم باذن الله

فوفتي هاهي ليك الوصفة
الحنواز جربتها القيتها في منتدى اخر وعجبتني وجات خفيفة تهبل ونشكر صاحبة الوصفة ربي يحفضها يارب وكاين بعض التغيرات زدتها
الجينواز تحضري 2 وكل وحدة بهده المقادير
6بيضات نفصل الصفار عن البياض
نضرب الصفار مع وحدة فاني ونخبط جيدا ونزيد قطرات من القارص قدر نصف ملعقة صغيرة هدي اضافة ديمة نديرها في الجينواز من اجل ريحة البيض ونزيد نصف كاس سكر عادي ونحتفض بالنص الاخر ونخبط جيدا حتى يتضاعف الحجم ويتغير اللون
البياض رشة ملح ونخبط جيدا وبعد نضيف نصف كمية السكر بحال عاد ديري ميرانغ وخليه بجيه
كاس فرينة +نص كاس نشاء مع ملعقة قهوة خميرة القاطو وغربليهم مع بعض
اهنا تجيبي الخليط الصفار وتضيفي الفرينة والبياض بالتناوب وخلطي بملعقة خشبية من الاسفل الى الاعلى حتى تنتهي
وديري في مول مدهون وفيه الفرينة وبعد ورق الزبدة والمول يكون 28 ستم على22 ستم و المول يكون كاري
والجنواز الثانية بنفس الطريقة وشيه نحي 2 مغارف فرينة وعوضيها بالكاكاو وكي تبرد كامل وكل وحدة نقسمها على 2
ونوجد شربات ونخلط معها معجون المشمش قدر 5 ملاعق وندوبهم في الشاربات وندهن به الطباقات خفافي راكي عارفة كيفاش طريقة الموعتدة
بالنسبة لتزين استعملت كرام شنتي طلعتها و قسمتها نص خليتو ابيض ونص دوبت نص بلاكة شكولا وزدت ليها 2 ملاعق نيسكافي دوبتهم وضفتها لشكولا خليتها شوية بردت وضفتها لشنتي حطيتهم في الثلاجة نصف ساعة وبعد زينت بها القاطو
والقاطو نحيتلو لحواشي من كل الجهات الاربعة و نضع الطبقة الولى كيما اتحبي اللون بصح كي تحطي الطبقة الثانية خالفي في اللون ولكرام التزين كدالك مرة بيضاء مرة كرام الشكولا بالنسكافي ونخلي شوية لتزين الوجه بلابوش ادوي
لما تطلي وجه الكيكة كامل الوجه والجوانب ربيت على الوجه شكولا النصف لقعد والحاشية انا درت كاوكاو مقلي ومدشش او لوز ايفلي والتزين الوجه انا درت زقزاق باش تكفيني لكرام
الشربات كاس سكر + 3 ملاعق كبيرة سكر على النار ثم النضيف 5 ملاعق مربي ونخلط جيدا حتى نتحصل على مربى سائل والفرينة انخليها مرة والثانية انا نخليها في الغربال سبيسيال تاع الحلويات نغربل بشوية فوق البيض ونخلط بشوية حتى نخلص الكمية وكاش حاجة مافهمتيهاش راني في الخدمة

قال عفاف الجزائرية:

صباحكم خيرات
وجمعتكم طيبة
ان شالله كل الاخوات بخير
عندي مجموعة من الصورة نتاع الاطباق
نكمل الميناج ونجي نحطهم
ان شالله تكونو كامل بخير عليكم
ربي يهنيكم وينور دربكم
​

إضغط للتوسيع...

حبيبتي ربي يعينك على الميناج والاطباق راني نسنى فيهم عفوفتي تحياتي :regards01: