ارجوكم مسعادة لازالة صبغة الشعر

sara arab

:: عضو مُشارك ::
إنضم
10 مارس 2008
المشاركات
314
نقاط التفاعل
16
النقاط
7
العمر
31
السلام عليكم ورحمة الله وبركاته

من فضلكم حابة تساعدوني عندي قريب عامين والصبغة في شعري نورمالمو تروح وهيا ماراحتش خلاص لاكوافوز لي نروح ليها تقصلي من شعري والمشكل انا نحب شعري طويل وخلاص راهم ماخلاوش فيه الصبغة هبطت برك شوية من الجذور اما من تحت مازالت باقية خاصني شيئ ينحيها بصح مايكونش التمقاص ارجوكم لي تعرف تخبرني بيهم وجزاكم الله خير وربي يهنيكم
 
السلاآمـ عليكم

أختي سارة كي دايرة لاكولاغ نتاع الصبغة ؟​
 
السلاآمـ عليكم

أختي سارة كي دايرة لاكولاغ نتاع الصبغة ؟​
لاكولوغ درت 7 لوريات ومن باعد نحيتها قالولي ديري 3 من باعد درت 5 خلطتها كامل كل مرة وحدة تقولي ديري كولار بصح هاد لمرة مش حابة ندير لون باش يدي الصبغة بويسك تهبط لاكولوغ وتعاود ترجع كيما كانت مش حابة نرجع نصبغ شعري وصحيتي بزاف لاهتمامك
 
عندي معلومة ختي بصح منش مجربتها سمعت وحدة نعرفها قالت نجحت معاها

ليفيتامين c تشريهم و دقيهم bien
و ممبعد تخلطيهم مع زيت زيتون
ولا لي عندك زيت مفيد و تديري ماسك
لشعرك وداومي عليه اسبوع لاسبوع حتى تشوفي لونتاع شعرك رجع

 
وكاين الطبيعية :

بياض بيضتين
ملعقتين زيت زيتون
ملعقتين اى زيت شعر
ملعقه خل تفاح
الطريقه
تخلط المقادير وتوضع لمده ساعتين على الشعر
الاسبوع الاول ثلاث مرات
الاسبوع الثاني مرتين
الاسبوع الثالث مره
 
بصح ختي حبيت نقولك بلي علاش ماتروحيش و تشري مزيل الصبغة انا نقول احسن و افضل
 
السلام عليكم

اختي انتي صح خلطتيها لوكان بقيتي على صبغة وحدة ماشي هذوما قاع عاودي ديري 5 وخليها تريح في شعرك كثر من نص ساعة ومتزديش ديري اي لون وحد اوخر
 
عندي معلومة ختي بصح منش مجربتها سمعت وحدة نعرفها قالت نجحت معاها

ليفيتامين c تشريهم و دقيهم bien
و ممبعد تخلطيهم مع زيت زيتون
ولا لي عندك زيت مفيد و تديري ماسك
لشعرك وداومي عليه اسبوع لاسبوع حتى تشوفي لونتاع شعرك رجع

هادي ان شاء الله نجربها بصح سمعت بلي زيت الزيتون مين تكوني دايرة ديجا كولوغ يرجع الشعرة شغل حمرا صح كاينة منها ؟

بصح ختي حبيت نقولك بلي علاش ماتروحيش و تشري مزيل الصبغة انا نقول احسن و افضل

هادا واش اول مرة نسمع بيه هه كون علابالي بلي كاين حاجة تزيل الصبغة نهائيا وعلاش مانشريهاش نقولو عطيني مزيل الصبغة هاكدا ؟

السلام عليكم

اختي انتي صح خلطتيها لوكان بقيتي على صبغة وحدة ماشي هذوما قاع عاودي ديري 5 وخليها تريح في شعرك كثر من نص ساعة ومتزديش ديري اي لون وحد اوخر

ايه راني خلطتها صح بصح مش حابة نزيد نصبغ لانو راح تهبط هاداك اللون تاني حابة نديها خلاص معالي باقيلي شوية من تحت في شعري وهبلتني ماحبتش تروح



صحييييييييييييتو بزاف بزاف بزاف ربي يحفضكم وسمحولي تعبتكم معايا ربي يجازيكم خير





 
اختي يلا عندك معلومة عن زيت الزيتون انه يحمر الشعر تقدري تديري سيروم في مكان الزيت

بالنسبة لمزيل الصبغة بالاك تقايه عند ليبيع ليبوماد وو الصبايغ

بصح الوصفةنتاع الفيتامين c مفيدة و تنحي الصبغة


الله يهنيك سارورة ربي يحفظك
 
اختي يلا عندك معلومة عن زيت الزيتون انه يحمر الشعر تقدري تديري سيروم في مكان الزيت

بالنسبة لمزيل الصبغة بالاك تقايه عند ليبيع ليبوماد وو الصبايغ

بصح الوصفةنتاع الفيتامين c مفيدة و تنحي الصبغة


الله يهنيك سارورة ربي يحفظك


صحيتي ربي يحفضك


راها وحدة صحبتي قالتلي ديري الحجرة السسودا مع لوكسيدو يصلح صار قالتلي مجربة وتكحل الشعر قاتلي مرسيها لحجرة وديريها مع لوكسيدو واش رايكم؟
 
اختي الصبغة ما تنحيها غير صبغة وحدوخرا

اذا كان شعرك اسود ديري رقم2

واذا كان شاتان ديري 5
وانا ننصحك باش تخيري صبغات غاليين مثلا لوريال باريس ولا بالات

وربي يسهل اختي
 
اختي الصبغة ما تنحيها غير صبغة وحدوخرا

اذا كان شعرك اسود ديري رقم2

واذا كان شاتان ديري 5
وانا ننصحك باش تخيري صبغات غاليين مثلا لوريال باريس ولا بالات

وربي يسهل اختي


لالا الصبغة تهبط وترجع برك كيما كانت هادا لي مش حاباته قادرة ندير صبغة كحلة مي لالا تهبط وترجع تاني هاكدا حابتها تروح ديراكت مش نصبغها وصحيتي بزاف ربي يخليك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top