منتدى اللمة الجزائرية - تعرف على الجزائر من أهلها  
العودة   منتدى اللمة الجزائرية - تعرف على الجزائر من أهلها > الأقسـام العامـة > منتدى واش راك تهدر

منتدى واش راك تهدر هنا نتكلم على مانصادفه في حياتنا اليومية والمعيشية .
[ تطرح المواضيع باللهجة الـعاميـة فقط ]

الأعرآس الجزآئرية

السلام عليكم و رحمة الله تعالى و بركآته إن شآء'الله رآكم كآمل لآبآس ؟ توحشتكم جيت نضرب طلة عليكم قولولي كآش برد؟ كآش مطر؟ بدون مقدمآت جآية اليوم نحكيلكم على الآعرآس في الجزائر ~ و كما تعرفوني نموت على الأعرآس


إضافة ردإضافة رد جديد
 
LinkBack أدوات الموضوع طريقة عرض الموضوع
  #1   
قديم 11 - 11 - 2012, 18:53
الصورة الرمزية هدوء المطر
:: عضو فعال ::
هدوء المطر غير متواجد حالياً  
افتراضي الأعرآس الجزآئرية


السلام عليكم و رحمة الله تعالى و بركآته
إن شآء'الله رآكم كآمل لآبآس؟
توحشتكم جيت نضرب طلة عليكم

قولولي كآش برد؟
كآش مطر؟

بدون مقدمآت جآية اليوم نحكيلكم على الآعرآس في الجزائر ~ و كما تعرفوني نموت على الأعرآس ، مي نشتي أعرآس الخريف يكون الجو آنتيك، علاخاطر أعرآس الصيف تكون السخانة بزآف ، بصح السهرات تجي فيه مليحة~،
المهم، عييت نحوس ما لقيتش أعراس كما نتاوعنا، مثلآ في الأعراس الأوروبية تصيب موسيقى هادئة و المعاريض كيفاش منظمين، و البنآت تصيبهم قاعدين مع بعض يحكيو على الخدمة و القراية، جآمي تلقى وحدة تمنشر في الأخرى،

أمآ حنايآ لا حول ولا قوة إلا بالله، غير تدخل لاصال دي فات تبدا الدربوكة تضربلك في الرآس، و زيد الغاشي هذا رايح هذا جآي، قليل وين تلقى واحد حاكم بلاصتو،، و في الليل كي يغلقو الـ''دي جي'' يبدا التمهبيل نتآع النسآء، يجيبو بيدون فارغ و يبداو في التبندير و الغنا نتاع العصر الجاهلي .

bon، حنآ البنآتعندنا pـروبلام، لازم يعرضونا قبل العرس بـ:15 يوم و لا أكثر، هكذا باش نوجدو رواحنا، مي المشكل كي يلحق وقت العرس نلقاو رواحنا مانآش واجدين، هذي مزآل مازال يخصوها حوايج ما شراتهمش، و هذي ما علاباليش واش...


صحآ، كي تكمل الطفلة صآيي و تروح للعرس ، مين تحط رجلها الأول على البآب تبدا في التمنشير، سـuـغتو ويلا تلاقات مع حبيبتها ولا بنت خآلتها، يبقآو غير يضحكو على الغاشي و يمنشرو فيهم، وحدة تقولها'' ياااه شوفي شوفي هذيك كيفاش راهي تشطح الأغنية منا و هي منا حآسبة روحها راهي تشطح صح،،'' و الأخرى تقلها ''شوفي هذيك من الصباح و هي تعس في اللي رايح و اللي جاي حآطة النآس راهي جآية تسرق،، ''شوفي هذي اللي لابسة الغوج ملي جآت و هي تشوف فينا خمسة في عينيها،،
و كي يروحو يتعشآو كل وآحدة زعمة تتقلش في المآكلة
و في نفس الوقت تعس في البنآت الأخرين كيفاش راهم ياكلو، و من بعد كي يخلصو العشآء يبدآو في التمنشير '' شفتي سمية كيفاش قاعدة تآكل؟ تقول كآنت عايشة في المجآعة''.

بلا ما ننساو اللحظآت اللي يعودو رايحين يجيبو فيها العروسة
، تصرآ فوضى كبيرة، هذي تقلهم أنا نروح مع فلان و الأخرى تقلهم أنا نروح مع فلآن و يبداو في الدز و العياط ،، و كي يقولولهم ما تروحوش مآكآنش طوموبيلات بزاف، يزعفو و كآين حتى يبكيو، و كي يديماري الكورتاج يبداو في الزغاريت''كآين ما يعرفوش يزغرتو، مي هكذاك و يزغرتو و يحسبو التزغريتة نتاعهم زغرودة مصرية''.
من بعد كي يجيبو العروسة
يبدآو يمنشرو فيها، واحدة تقلهم'' شوفي لاغوب بلونش نتاعها راهي ولات ضرك ديمودي''و الأخرى تقلهم'' قوليلي وحدة كما هذي معوجة الحناك تدي سبع كما هذا؟ و الله خسآرة فيها''.

وكي يرجعو للدآر يبدا التمنشير على الـgـآطو، واحدة تقلهم'' هذا القآطو عجين كآمل من الدآخل'' و الأخرى تقلهم'' شوفي هذا شحآل يآآآبس، تخبطيه على الحيط يرجع ليك''.

أمآ لي جون ربي يبعد عليهم العين
، لوكآن يعرضوهم نهار العرس الصبآح، إذا كآنوا مآشي موجدين رواحهم 15 دقيقة برك تكفيهم، و يحضرو العرس بلا قلقة بلا ما يكلفو رواحهم فوق اللآزم، و جآمي شفت جون رجع من العرس يمنشر ،، أمآ حنآ البنآت ربي يغفرلنا و يسمحلنآ إن شاء الله .

خلاصتلي الهدرة وعييت من الكتبة، ويلآ عندكم حآجة إضافية ما قلتهآش قولوهآلنا، و ربي يزوجكم كآمل خآصة سفيآن اللي راه هابل على الزواج مسكين
.
اتهلاو في رواحكم.
سلآم
.







شهادة شرفية - مسابقة ملك الألغاز 2014
رد مع اقتباسإقتباس
قديم 11 - 11 - 2012, 19:06   #2   
:: عضو شرفي ::
الصورة الرمزية الإفتراضية
ماكانش غير متواجد حالياً
افتراضي


أهلا ياسمين
ههههههه نقرا في موضوعك ونضحك هههههههه
الله غالب هاذي هيا طبايع النسا واش راح يحكيو لوكان مايمنشروش ومايحكيوش في فلانة وفلانة والقاطو والتعليق ؟؟؟
ماكان حتى سيجي يجمع لبنات غير هاذ الأور برك هههههههه
---
اما الرجال ياي تبالك برك راهم نيات ياو كامل موصيين والديهم كاشما يشوفولهم طفلة من العرس ههههههههه




قاتلي واحد لمرا نتا الزين فخاوتك


  رد مع اقتباسإقتباس
قديم 11 - 11 - 2012, 19:11   #3   
:: عضو فعال ::
الصورة الرمزية الإفتراضية
أسير نفسي غير متواجد حالياً
افتراضي


هههههه
الاعراس الجزائرية فيها غير التبذير


  رد مع اقتباسإقتباس
قديم 11 - 11 - 2012, 19:25   #4   
:: مشرفة ::
منتدى المطبخ الجزائري
منتدى التكافل الإجتماعي
الصورة الرمزية 3afaf.dz
3afaf.dz غير متواجد حالياً
افتراضي


اقتباس
، حنآ البنآتعندنا pـروبلام، لازم يعرضونا قبل العرس بـ:15 يوم و لا أكثر، هكذا باش نوجدو رواحنا، مي المشكل كي يلحق وقت العرس نلقاو رواحنا مانآش واجدين، هذي مزآل مازال يخصوها حوايج ما شراتهمش، و هذي ما علاباليش واش...


عليا انا ركزيلي على هاااااذي
ديما في دارنا انا الروطاااار للعراس
السمانةا للي فاتت الحنة نتاع بنتعمي نهار الاربعاء على 4 نتاع لعشيا الناس راهم راحو للعرس وانا راني في البلاد ندور على إيسكاربان لون لاغوب نتاعي
وهذا الشي مازال ما رحت للحفافة

أما الباقي هاذوك خدايم النساء يعني نتحدى وحدة تقوللك منين نروح لمجمع نتاع نسء وانا حاكمة فمي الله غالب اللسان يسبق الفم
ربي يهني كامل المسلمين ويوفقهم ويزوج كامل البنات ويهنيهم
صحيتي ياسمين

أني رح نمنشر : شفتي لاصال نتاع غياط دروجها كيفاه مدايرين يخلعو يا بنت عمي تقولك رح تريبي في كاف


شهادة تقدير
  رد مع اقتباسإقتباس
قديم 11 - 11 - 2012, 19:51   #5   
:: عضو مشارك ::
الصورة الرمزية الإفتراضية
zahya غير متواجد حالياً
افتراضي


موضوعك هايل .....راكي انقلتي الصورة بكل حذافيرها
هداك هو انا مانكذبش كي روح للعرس وادا لقيت حبيبتي ولا بنات خالي ياو وحدة ماتفوتنا كل الحاضرين ندرولهم لافسيت .هههههه نحكمو موقع استرتيجي وين نقدرو نشوفو الكل ونبدو في المشار ....الله يهدينا ويسمح لينا ........... وخاصة ادا كانت لعروسة مش شابة .............سمانة وحنا حاكمين في ظهرها ربي يسمحلنا منهم وربي يهدينا.
وعلاش هادا الكل باسكو رانا نتلاقو غير في المناسبات ونحبو نحو على قلوبنا شوية ....... ربي يهدينا .........اما توجاد انا دايما اخر من يوجد باسكو دايما عندي بروبلام في لغوب نحب كل عرس نبان بوحدة جديدة وتكون انيقة وشابة بززاف والوانها متناسقة........... الله يهدينا ويغفر لينا ذنوبنا.
ومرة اخرى يعطيك الصحة على الموضوع الهايل


استغفر الله واتوب اليه
استغفر الله واتوب اليه
استغفر الله واتوب اليه
  رد مع اقتباسإقتباس
قديم 13 - 11 - 2012, 18:24   #6   
:: عضو مشارك ::
الصورة الرمزية الإفتراضية
*houda* غير متواجد حالياً
افتراضي


قتلتينا بالضحك والله صحيح كل ما تقوليه


  رد مع اقتباسإقتباس
قديم 13 - 11 - 2012, 18:43   #7   
:: عضو منتسب ::
الصورة الرمزية الإفتراضية
الزهرا 36 غير متواجد حالياً
افتراضي


السلام عليكم للأسف كل ما قلتي صح الصح لكن لا ولم نستطيع تغييرعم انا مثلا لما احضر عرس ابقى اتفرج وانا ساكتة تلقايهم هم ينتقدوني علاش راني دايرة هكذا و نبانلهم انا المعقدة ومشي نرومال الله يهدينا ويهديهم قولوا امين


  رد مع اقتباسإقتباس
قديم 13 - 11 - 2012, 23:15   #8   
:: عضو فعال ::
الصورة الرمزية mohgladiator
mohgladiator غير متواجد حالياً
افتراضي





شحااال شاابة كي تجي الفضييحة من عند
طفففففففففففففففلة
تفرشلك كللللش
ههههههه
والله نتوما النسا وحدكم
مايقدرلكم غي اللي خلقكم
انا دارا غي يجو من عرس
نسقسيييهم فالدخلة شحاااال من مخلووووقة نقصتوولها الذنوووب
هههههههه




يغيبون وعندما يتفرغون لنا يعاتبون؟

فـتبا
لن اعاتب احدا بعد اليوم.كونوا كما تريدون

الإهمالُ بالإهمـاَل ! مبدأُ جَميلٌ , كي ترتاحَ بعضٌ القلوبْ
أريد آلنُسخَة آلقَديمَة مِن بَعض آلقُلوب
فَتَحديثآت آلزَمن لَهُم لآ تُعجبُني إطلآقاً

..***.-<< >>-.***..
خيرِ مآقيلِ وخيرِ مآيقآلِ
هيِ ( لا إلہ الا اللہ )

....
..♥..(-->♥ MOH ♥<-- )..♥


el lemma walat ta3 visite w rod 3la kach msg w ro7
  رد مع اقتباسإقتباس
قديم 13 - 11 - 2012, 23:35   #9   
:: عضو منتسب ::
الصورة الرمزية الإفتراضية
هاني السعدي غير متواجد حالياً
افتراضي


اللي يحيرني في العراس نتاوعنا jـامي سمعت بلي العروسة شــــــــــــابة .
محروقة .مسمار .بتية .طويلة .gــــــــاصفة.نيفها بينوكيو .........................وزيد ..........آوليدي واش جبتلنا


  رد مع اقتباسإقتباس
قديم 14 - 11 - 2012, 03:29   #10   
:: عضو متميز ::
الصورة الرمزية الإفتراضية
largo19 غير متواجد حالياً
افتراضي


واش تحبي !!!!!!!!!!!!! هاذي هي العقلية dz


  رد مع اقتباسإقتباس
إضافة ردإضافة رد جديد

العلامات المرجعية

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] : متاحة
كود HTML : معطلة
المراجع : معطلة
التنبيهات : متاحة
المصادر : متاحة

 

المواضيع المتشابهه
الموضوع كاتب الموضوع المنتدى مشاركات آخر مشاركة
~ ذكرى المتوآجدون الآن على اللمة الجزآئرية ~ Ć.ŖŎήaĻđo مجتمع اللمـة العـام 204 07 - 06 - 2014 20:59
رحبوآ معي بأختنآ الجزآئرية ريتاج القمر Moon_light منتدى الترحيب والتهاني 24 07 - 12 - 2013 18:33
كلآم نوآعم على الـMBC ولآ جزآئريآت على الجزآئرية ! Moon_light منتدى واش راك تهدر 51 08 - 11 - 2013 15:33
ظوآهر غريبة في الجآمعة الجزآئرية - جزء 2 - Moon_light منتدى واش راك تهدر 28 18 - 06 - 2011 14:51
ظوآهر غريبة في الجآمعآت الجزآئرية ! Moon_light منتدى واش راك تهدر 56 17 - 06 - 2011 21:38


الساعة معتمدة بتوقيت جرينتش +1 . الساعة الآن : 09:00.
التعليقات المنشورة لا تعبر عن رأي منتدى اللمة الجزائرية ولا يتحمل أي مسؤولية حيال ذلك ، (ويتحمل كاتبها مسؤولية نشرها).

Powered by vBulletin® Version 3.8.7.
Copyright ©2000 - 2014, vBulletin Solutions, Inc.
SEO by vBSEO 3.6.1 ©2011, Crawlability, Inc.
جميع الحقوق محفوظة ©2005 - 2014, شبكة فور ألجيريا - منتدى اللمة الجزائرية
!-- / thread rate -->