دجاج بالبرتقال في الفرن

قال عفاف الجزائرية:

والله اول مرة نشوفها
يعني صح هاذو يجيو في الاطباق الحلوة مي في الجاج اول مرة نشوفها
يعطيك الصحة يا ام الاختراعات
​

إضغط للتوسيع...

قال nada242008:

يعطيك الصحة حديدة بصح قولينا البنة كيفاه وهل الطبق شينوي ولا مريكاني ههه
تمنيت نذوق امممممم

إضغط للتوسيع...

قال ألاء الرحمـــن:

يعطيك الصحة على الوصفة حدودة
قوليلي البنة كيفاه تجي بالبرتقال؟
​

إضغط للتوسيع...

قال بنت الجسور المعلقة:

رجعتينا مروكية على حساب الشوفة ههههه
يعطيك الصحة حبيبتي أنا نعرف نتاع لمشماش نفس الطريقة نتاعك
من شكلو يباان يشهي
مشكورؤة ننتظر جديدك ^^ ​

إضغط للتوسيع...

قال hadda0425:

لالا جزايرية هههههههه
الله يسلمك حبيبتي تعيشي
هاتي الطريقة تاع المشماش بلاك المرة الجاية نديروه لاشتة بالمشماش المصبر هههههه
​

إضغط للتوسيع...

قال بنت الجسور المعلقة:

justement هو يجي بلمشماش المجفف هههه
نظفي جاجة وتقطعيها كيما كي جي ديري شطيطحة الجاج وعلى نار هادية قليه مع البصلة و شوية طماطم المصبرة وحبة طماطم مرحية والتوم شوية فلفل لكحل و وزعفران وملح وخلي كلشي يت قلى على نار هادية ومرقي لنيطيب الجاج

ومن جيهة واحد أخرى في طاوة ولا كسرونة غلي الماء وحوطيلو السكر مع شوية زبدة ولا سمن وشوية ما زهر ورشة قرفة والمشماش المجفف كي يطيب و يهز غليتو ويعقد السيرو خلطيه مع الجاج ألي طاب زيدي حوطيهم على النار باه تدخل لحلاوة في الجاج
وزينية بلور ايفيلي ويقدم

إضغط للتوسيع...

قال ندى الورود:

يعطيك الصحة يا حدة
الحقيقة البرتقال عمري ما ذقتو طايب مع حاجة مالحة
بصح حاجة مليحة كي الانسان يغير من طريقة الطياب ويدخل مكونات جديدة

إضغط للتوسيع...

قال hadda0425:

ندى البرتقال حطيتو برك باه يدير نكهة ما كليتوش وتاني تقدري تضيفي العصير تاعو
بلا ما تحطيها كامل تعطي ذوق هايل
​

إضغط للتوسيع...