حكآيآت بنآت : العدد الثآلث

قال iméne09:

منورتنا يلغالية​

امين حبيبتي ربي عطانا لعقل باش نخممو بيه ناس تستغلو باش تستفاد وهوما يستغلوه في شي لي يضرهم
ربي يسترنا نورتي امونة بردك لي يبرد القلب ​

إضغط للتوسيع...

قال أمينة16:

الله يخليك مينو

والله لا يطيحنا في لبنات من داك النوع
وربي يستر على كل ووحدة
وماشي الريح اللي جاء يديك يا بنتي ولا لالا
بيزوو الزينة​

إضغط للتوسيع...

قال romaissa2011:

mr6 iméne pr ct sjt ​

هادي صارية بزاف
تدخل بالجلباب تخرج ب الميني
الخلطة تدي والجرب يعدي
تتأسفي على هاد كاليتي ربي يقطعهم ويبعد مشاكلهم علينا شوفي قدما تكون وحدة شادة روحها مليحة ليها غير تتلق شوية يتبلاوها في pـوان فابل ديالها امالا لازم علينا مانحلبو حتى وحدة نعرفوها جديدة نخلوها في حدها وديما كاين لي ليميت بيناتنا باغسكو غير تضحكيلها شوية تولي حبيبتك il faut تبعدو عليهم قد ماتقدرو
dmj
هنا ترجع لقوة شخصية البنت وكيفية التأثير عليها
البنت لي تتغير بمجرد دخولها الجامعة لديها شخصية ضعيفة لانها مقدرتش تحافظ على نفسها وعلى اخلاقها
مهما كانت الضغوطات كبيرة مهما كان الوسط لي راهي فيه فاسد
ايه صح انا تان نقول ادا كانت عارفة بهاد الشي وراحت فيه برضايتها نقولها تستاهلي باغسكو عارفة طريق هدا مايخرجش عليها علاه تمشي فيه في لافان تطفر غير فيها ​

تحافظ على نفسها متخليش فرصة لشيطان
والشابة المجتمع ديالنا ميرحمش والنظرة ديالو للجامعيات يا لاطيييييييييف الله يستر
وكيما قالك
حبة مريدة تخسر صندوق
راني معاك حبيبتي ولات غير تقولي بلي تقراي في لافاك يشوفوك منحرفة تبدا الهدرة عليك بصح الطفلة هي توصل روحها لهاد شي ​

hhhhhhhhh
تخيلي وحدة كيما هادو البنات تروح تقرا في الخارج واش راهي رايحة دير ؟؟؟؟؟؟؟؟
ممكن مادير والوا
و
ممكن دير التالفة ل بليس​

​

االله يهدينا ويثبتنا على طاعتو​

إضغط للتوسيع...

aـسـuـغي راح تتقبلها يماها في خارج سيـpـوغسا ماشي وجهم تاع قراية برا لهنا وماتلقوش يروحو لهيه يخربوها كتر سـuـغ ماترجعش لهنا
ربي يهديهم منورتني حنونتي بردك كفيتي ووفيتي ​

قال أم أمين23:

السلام عليكم ورحمة الله وبركاته

وعليكم السلام حنونة ​

موضوع في الصميم ويمس بناتنا بدرجة كبيرة مشكورة وان شاءا لله دائما بمواضيع مفيدة للبنات

بلا مزيتنا حنونة لي علينا التوعية ونستفادو من حكايات غيرنا المهم ناخدو حدرنا منهم ​

والله ماني عارفة واش نقول وانا نقرا في القصص الي حكاوهم البنات حسيت روحي مانيش من الجزائر او كاني نقرأ في قصص من الخيال

ماشي خيال حنونة هاد لحكايات من بكري كاينين مي كانت pـخسونتاج قليل مي دوكة كتروهاسي pـو غ سا ولات نظرة المجتمع لبنات الجامعة بلي gـاع ماشي مربيات طغاو على العاقلات بسبة فضايحهم
انا عندي خمس سنين كملت قرايتي وراني بعيدة على البلاد مي في الفترة الي كنت فيها في البلاد كانت تصرا حكايات ونسمع بعض القصص بصح ما كانتش توصل لهاد الدرجة رانا ولينا كي الافلام والمسلسلات والمؤامرات الي نشوفوها فيها ​

انا من رايي انو الطفلة الي تكون واثقة من روحها ومربية تربية مليحة وعندها اساس صحيح في الدين والاخلاق ماشي الي مفروض عليها الدين كلبس الحجاب الشرعي كيما حكاية الاخت الي نحاتو بعد مخالطة رفقة السوء او الينت الي كانو ماليها حاطين عليها العسة وكي بدات تحل عينيها كي دخلت الليسي والجامعة راحت فيها انا من رأي انهم كانو اطبقو في امر من دون ما يفهمو الحلال من الحرام وكان الرقيب عندهم هو الانا الاعلى الاهلي بمصطلح نفسي وليس الانا الاعلى الداخلي اي ضميرهم هم فكانو يتبعو الحلال لان الاهل قالو دلك ولكنهم في نفس الوقت ما فهموهمش علاش راه هاد مليح وهاد خايب وبالنتيجة كي يلقاو الضو كيما نقولو ما يعودوش يشوفو غير الجانب المبهرج والاضواء الزاهية ومايشوفوش الضلمة الي راح تكون في نهاية هادي الاضواء

تحليل منطقي راهو في محلو خيتو عندك الحق في كل واش قلتي ​

مانيش عارفة بصح ما نيش قادرة نتخيل واحدة تبنات على قاعدة صحيحة تروح في الفيد واتبع الغالط هاد من جيهة ومن جيهة اخرى البنات الي يشوفو انو الي معاهم ممكن يجرو عليهم الشبهة الافضل الواحدة تبعد عليهم ومالازمش اصلا تبني معاهم اي علاقة

مي ياختي ديفوا لبلى يطيح عليك وين ماتكون قدما يبعدو قدما يلصقو فيها الواحد يطلب ربي الستر ​

لخاطر بالعادة البنات الي مشيهم خاطي الطريق يكونو معروفين وادا واحدة خلطت روحها معاهم يعني راها حابة برك تجيب لروحها المشاكل ولازمها تتفاداهم بأي طريقة
على بالي الهدرة ماشي كيما الفعل بصح على الاقل نحاولو كي نربيو بناتنا او ننصح خواتتنا نورولهم علاش هاد غالط وعلاش هاد صحيح ما نكتفيوش بكلمة لا وبرك لازم نقولولها لا وهاو علاش لا حتى ادا واجهت عكس ما عاشت ما تروحش وراهم على العمياني

إضغط للتوسيع...

قال اميرة الفن:

سسلام عليكم اهلا ايمان موضوع عجبني بزااف
حكايات واقعية رانا نعيشو فييها للاسف شديد موضوع جد حساس ربي يجازيك كل خير
ايمان على اقل توعية للبنات حفظهم الله
وعليكم السلام حنونة نورتيني بدخلتك عليا
تالمون عجبني موضوعك حبيت نصمملك سبيسيال ليه اكيد لي عودة للمشاركة :p انتظري مزيد ديزولي حبيت نبعتهالك مبيساج مي ماقدرتش :s​

​

​

إضغط للتوسيع...

قال بوح المشاعر:

السلام عليكم اختي ايمان ​

وعليكم السلام حنونة
والله واش نقولك الموضوع هذا اخطر
نشكرك عليه بزااف حبوبة
رفيقات السوء خطر عظيم يفتك بالأخلاق الحميدة للانسان
وبلاء يأتي على كل ذرة حميدة فيقتات منها
كليآ ليترك تلك الروح غارقة في مفاسد الدنيا و المعصية
قصص بزاف يصراوا وصراوا
وتقريبا كل وحدة منا عندها ميش قصة على رفيقات السوء
نحكي قصة صرات في الجامعة ميش لي نقرأ فيها وين تقرا
بنت عمي وهي لي حكاتنا القصة
وحدة بنت فاميلا ومتربية بحجابها وتصلي وكل شيء وهي زينة بزاف
داروا بيها بنات معندهمش اصل
وحاولوا يخرجوها على الطريق كيما داروا معها مانفع حاولوا
يقولوها نحي الحجاب لقاوها ماسمعتش لكلامهم
هي خاطيتهم وبعيدة عليهم مي هوما لصقوا فيها مرة قالولها
خلي الحجاب على روحك بصح ولي البسي سراول
و ليكات باهيين باه يبينو زينك هي رفضت ونصحتهم
كي مقدرولهاش ومقدروش يخرجوها على الطريق
تفاهموا بنات لي ميصلحوش وحكموها في الغرفة
وحرقولها وجهها و الله العظيم غير حرقوها مسكينة
لحد الساعة الوجه تاعها مزال عليه اثار الحريق وبكثرة
الله يحفظنا ويسترنا من هاد كاليتي وصلت بيهم لهاد دراجة حرام عليهم مي ماتخافيش يجي نهارهم وربي يخرج فيهم عمايلهم شوفي لمسكينة هنا بلى جا ليها كي ماحبتش تمشي معاهم شوفي واش صرالها صافي دوكة كما ديريلهم تحصلي
وحكاية اخرى من جامعتنا مع بنت نعرفها مليح مليح
هي بنت ماشاء الله اخلاقها حميدة لعام لي دخلت للجامعة
حدها حد روحها متخالطش خلاص
طاحت في شومبره مع زوج بنات غير تاع انحراف وتدخين
ملقات كيفاه دير مسكينة مرة شفتها قاعدة معاهم نعرفوهم
بلي اخلاقهم تحت الزيرو
ومايصلحوش هما من لبنات لي سيارة تجيب وسيارة تدي
و لقش غير اخر الصيحات الموضة رحت عيطتلها قلتلها نحتاجك
جاتني نصحتها قلتلها بعدي عليهم
اذا حابة ميهدروش فيك و يضعنوكش قاتللي هوما لي راهم يدوروا بيا
عارفتهم بلي ميش ملاح مي لم ينفع الامر وبقاوا يدوروا بيها
بالشوي بالشوي
سيرتو كي معاهم في الشموبرة علموها تتكيف وخرجت على الطريق
والله دارهم ماولات تروح ليها حتى في العطلة تقعد لتم وتخرج معاهم
ومع لولاد حتى لعبوا بيها و تفروها فيها ولات سيرتها على كل لسان في لجامعة
ادارة الجامعة وصلو لبباها لخبر بلي بنتو راهي بالحمل
و الله تصدم واش قالها ماكي بنتي ماني بباك انسي
مرة قالت لصحابتي ندمت لي مسمعتش كلمة صاحبتك كي نصحتني
مي هل ينفع الندم الان ؟
ندامة في لخر مادير والو مدام توصلك كونساي من وحدة تكون حابتلك لخير ماعليها غير دير بيها ماشي تكمل في طريق لي تدي ماتجيب غير الهم كانت قادرة تبدل شومبرا انا عندي هدي هي في عقلها كانت حابة تولي هكداك
رفيقات السوء يعرفوا شكون يستغلوا و يعرفوا على شكون يحطوا عينيهم
بصح انتي اختي احذري منهن
وحاولي انتي متلعبيهاش قافزة على خاطر لي تلعب روحها قافزة وشاطرة
هذيك هي لي طيح في الشباك تاعهم
وحدة تقولك انا عارفتهم مليح وين حابين يوصلوا خلي برك ودوك تشوفوا كيفاه نتوبهم
ساع ولات هي تدروقي و تشرب يعني جابوها في طريقهم و تلفولها
عقلها وضيعولها حياتها وراحوا عليها
باه يطيحوا وحدة اخرى
ايه خلاص ديلي تاعها لازك يغونوــليوها بوحدخرا وتخلاص ليستواغ LA MEME FIN
نصيحتي لكِ اختي سيرتو لي تقرا في الجامعة وبعيدة على دارهم التزمي حدودك
وماتخالطيش بزاااف وحدة ولا زوج يكونوا بنات فاميليا يغينوك على الكل
يقولك كثرت الصحاب تلف خيارهم
ويقولك تان كي تكتر صحاب تقعد بلا صاحب
واعرفي شكون تختاري ميش لي تضحكلك في وجهك و تقولك كلمة مليحة
تقولي صايي هاذي هي صحبتي
والافضل اذا مكونتيش تحسني الاختيار ان تبقي لوحدكِ يعني من صباح لخير
لمساء الخير ماتكثريش معهاهم
وحدة الإنسـان خير *** من جلوس السوء عنده
وجليس الصدق خير *** من جلوس المرء وحده​

أنت في الناس تقـاس *** بمن اخترت خليلاً
فأصحاب الأخيار تعلو *** وتنل ذكراً جميلاً​

حكايات بزااف صارييين وكل يوم نسمعوهم ونسمعوهم
بصح للاسف بنات يسمعوا ومايدوش العبرة من حكايات لي فاتوا
ويطيحوا في نفس الغلظة و يرجعوا نادمين وهوما بعد لي يولوا
هدي لي غايضتني يعرفو بهاد حكايات علاش مايدوش بلعبرة حتى كي طيح الفاس براس
يقنصوا في بنات الناس باه يطيحوهم كيما طاحوا
الله يهدي الجميع يارب وكاين لي تغير من وحدة تحرش عليها
بنات ميصلحوش و كاين لي دير فيها زكارة وخلي برك
المهم راني طولت اسمحولي
ربي يبعد علينا وعليكم بنات السوء وربي يسترنا ويستركم
و يطيحنا غير في بنات الاصل لي معدنهم ذهب مايتصدى
اختي ايمان بارك الله فيك على الموضوع الرآئع الذي يمس واقعنا
تحياتي لكِ ولفكرك النير ​

إضغط للتوسيع...

قال nina bonoise:

موضوع هايل
بصراحة انا بنات لاسيتي منحكيش معاهم
نخاف كشما يلعبولي بعقلي

ياختي والله مام لوكان تحكي معاهم وعندك عقل تخممي بيه ماتخافيش يأترو عليك الوحدة لي شادة روحها ماتخاف من والو ​

المهم عندي حكاية
هذي وحدة قرات معايا 1 ere année
درك راني 3 eme année
ادعيولي يعطيوني الديبلوم
المهم هذي الطفلة قمة في التربية و الجمال زينة الله يبارك الشعر الاصفر و العينين الزرق
في semester الاول كانت حاطة راسها في القراية و كلش
مبعد في semester الثاني الطفلة تبدلت ولات دير المكياج و تلبس حوايج الله لا يشوفك فيهم
احنا حرنا بقينا غير نشوفو بعينينا
حتان كونفيرمينا بلي صحاباتها تاع la chambre رفقاء سوء
و لحد الان مازلت نشوفها الطفلة هذي كيفاه ولات دايرة في لافاك
عرض ازياء - كل يوم مع واحد - لي يشوفها يهبل
و كي تولي مروحة ل ولايتها الازياء - الماكياج كلش يتنحا ترجع طفلة بريئة خاطيها كلش
و في الاخير ربي يهدي ما خلق

إضغط للتوسيع...