- إنضم
- 18 أوت 2010
- المشاركات
- 1,385
- نقاط التفاعل
- 123
- النقاط
- 39
السلام عليكم ورحمة الله وبركاته
أهلا فحلات اللمة
من يومين عجنت خبز المطلوع وجبتلكم الطريقة بالتفصيل
فرينة
ملح
خميرةالعجين
ماء دافئ
أنا المقادير عيني ميزاني
سميد
في قصعة العجين حطي الماء الدافي والملح ودوبي الخميرة حوالي ملعقتين كبار
وبداي تطي فالفرينة تدريجيا بيد وتخلطي لعجين بيد أخرى حتى تحصلي على عجينة رخوة مش قاصحة نجاح المطلوع نتاعنا يحذجي جاري لكن مش بزاف
وخليها ترتاح شي 10 د
من بعد خبطيها وشوفي غذا لازمها الماء او لا
غطيها مليح وخليها تخمر
حطي قدامك طاس فيه الماء الدافي باه تقطعي لعجين
وطبيقة فيها السميد رقيق
وطبيقات صغار باه تحطي لخبيزات بعد ما تقطعيهم وتطيهم فالسميد
شمخي يديك مليح من بعد قطعي الخبزة وكوني خفيفة فهذ المرحة باه متلسقش في يديك
قطعيها من لعجين ولميها لداخل بحيث تحصلي على كرة بسرعة
منين تلميها راه تكون الجهة الي قطعتي منها من تحت وتكوني قفلتيها حطيها فالطبيقة نتاع السميد وغلفيهابيه
وقلبيها لطبيقات أو طاسات او باسينات الي متوفر أنا نديرلهم قطعت قماش باه متلسقليش
وخليهم يخمرو من جديد
هدو مين خمر الخبز
في هذا الوقت ديري طاجن الخبز فالغاز نتاع الارض يحمى
وشعلي على الكوشة
قلبي الخبزة من الطبيق الصغيرة على لوحة دائرية ونفضيها من السميد وقلبيها
من بعد ارميها فالطاجين
وحليها بيديك وثقبيها
وساعة على ساعة حركيها بتدويرها بالطاجين
منين تشوفيها ولات تقريبا شفافة من الاطراف ودارت فقعات من الوجه دخليها للكوشة تحمار من الفوق وتكمل الطياب
وهذا مطلوعنا منين يطيب
هو حقا في التعب لكن يجي بنين وخفيف
وهو معروف في ولاية تلمسان
خصوصا مغنية
لا تنسوني في صالح دعادكم
أهلا فحلات اللمة
من يومين عجنت خبز المطلوع وجبتلكم الطريقة بالتفصيل
فرينة
ملح
خميرةالعجين
ماء دافئ
أنا المقادير عيني ميزاني
سميد
في قصعة العجين حطي الماء الدافي والملح ودوبي الخميرة حوالي ملعقتين كبار
وبداي تطي فالفرينة تدريجيا بيد وتخلطي لعجين بيد أخرى حتى تحصلي على عجينة رخوة مش قاصحة نجاح المطلوع نتاعنا يحذجي جاري لكن مش بزاف
وخليها ترتاح شي 10 د
من بعد خبطيها وشوفي غذا لازمها الماء او لا
غطيها مليح وخليها تخمر
حطي قدامك طاس فيه الماء الدافي باه تقطعي لعجين
وطبيقة فيها السميد رقيق
وطبيقات صغار باه تحطي لخبيزات بعد ما تقطعيهم وتطيهم فالسميد
شمخي يديك مليح من بعد قطعي الخبزة وكوني خفيفة فهذ المرحة باه متلسقش في يديك
قطعيها من لعجين ولميها لداخل بحيث تحصلي على كرة بسرعة
منين تلميها راه تكون الجهة الي قطعتي منها من تحت وتكوني قفلتيها حطيها فالطبيقة نتاع السميد وغلفيهابيه
وقلبيها لطبيقات أو طاسات او باسينات الي متوفر أنا نديرلهم قطعت قماش باه متلسقليش
وخليهم يخمرو من جديد
هدو مين خمر الخبز
في هذا الوقت ديري طاجن الخبز فالغاز نتاع الارض يحمى
وشعلي على الكوشة
قلبي الخبزة من الطبيق الصغيرة على لوحة دائرية ونفضيها من السميد وقلبيها
من بعد ارميها فالطاجين
وحليها بيديك وثقبيها
وساعة على ساعة حركيها بتدويرها بالطاجين
منين تشوفيها ولات تقريبا شفافة من الاطراف ودارت فقعات من الوجه دخليها للكوشة تحمار من الفوق وتكمل الطياب
وهذا مطلوعنا منين يطيب
هو حقا في التعب لكن يجي بنين وخفيف
وهو معروف في ولاية تلمسان
خصوصا مغنية
لا تنسوني في صالح دعادكم
