جواز السفر البيومتري في الجزائري

SAMIRA25

:: عضو بارز ::
أحباب اللمة
إنضم
6 ديسمبر 2011
المشاركات
3,724
نقاط التفاعل
4,064
النقاط
191
السلام عليكم جميعا
سمعت بلي خلاص تهنينا و دارونا جواز سفر بيومتري كي الناس قلت الحمد لله رحت باه نجدد تاعي قريب تنتهي صلاحيتو
يلاه ديت S12 و رحت وطبعا باقي الاوراق المطلوبة قدمت الملف و بقيت نسنا نشوف في السيد كي جبد واحد جواز جديد و بدا يملاء في الفراغات بخط اليد قتلو ماشي درتو البيومتري قالي لا مازال دهشت قتلو كيبفاه و علاه ما علابالو بوالو يعني شكون لي علابالو ؟؟؟؟؟؟؟؟
جبتو كيفو كيف القديم مخربش و روحت .......
و علاه يعني حنا اخر من يحصل على هدا الجواز لي الناس الاخريين عندهم من زمان حتى سيريلنكا و بنغلاداش و الصومال عندهم
و كون ماش فرضتة المنظمة العالمية للطيران على كل مواطن يدخل مطارات عالمية كون حنا ما يديروهناش
ما هوش تاع وجوهنا و لا كيفاش
و الله تتبهدل و انت تمشي بيه مرات فيه اخطاء مصححين ب المبيض و مرات الكلمات م اهومش مفهومين و زيد تاني
صالح فقط لمدة سنتين لان وكالة الطيران العالمية حددت اخر اجل ب 24 نوفمبر 2015
حبيت نعرف منكم لي عندو الجواب طبعا سبب هدا التاخير و شكون المستفيد منو ؟؟؟؟؟؟ و خاصة كي نشوفو اقرب الجيران عندهم الجواز و بطاقة التعريف البيومترية و حنا لا
 
السلام عليكم
إييييييييييييييييييييه
كيما الما يروحلنا على 11 تاع الصباح والتريسيتي تضل تغمزلنا و خسرتلنا شحال من حاجة
كيف كيف الباسبور مازال ما عاصروش الجديد
أنا قلتلهم ما نخدموش حتى يبداو فالجدد * زعمة رح نسافر خخخخ :$:$*
قلناها و نقولوها مازلنا بعاااد والي تغيضنا كيما قلتي جيرانا عندهم وحنا لالا :( واش خصنا عليهم !! :mad:
صحيتي ختي :-r وربي يفرج علينا إن شاء الله
 
أهلا بيك ختي
يعطيك الصحة على الموضوع الباهي ولميح بزااف
حيرة وعلاه منا لعامين باه يهزو المواطن ؟؟؟؟؟
قبل أيام درت تحويل للتيليفون كاريثة
قالك لازم يطلقوه من قسنطينة ويعيطو من قسنطينة وو
قلت فقلبي وعلاه ماهوش كلش من باتنة ياخي حاجة تاع ميكرو برك
ياسيدي عندكم 5 سنين فيديكم ريقليونا المشكل هذا والي يولي يدير حاجة تفرالو من ولايتو وفي سمانتو
هذا نظام متعمد من الدولة باه يعطلو كلش والناس المخلصين تهبل ولا تهاجر
والمواطن يبقى يخمم على الباسبور ويخلي المور ؟ألي راهم ينهبو فيها
 
أهلا بيك ختي

يعطيك الصحة على الموضوع الباهي ولميح بزااف
حيرة وعلاه منا لعامين باه يهزو المواطن ؟؟؟؟؟
قبل أيام درت تحويل للتيليفون كاريثة
قالك لازم يطلقوه من قسنطينة ويعيطو من قسنطينة وو
قلت فقلبي وعلاه ماهوش كلش من باتنة ياخي حاجة تاع ميكرو برك
ياسيدي عندكم 5 سنين فيديكم ريقليونا المشكل هذا والي يولي يدير حاجة تفرالو من ولايتو وفي سمانتو
هذا نظام متعمد من الدولة باه يعطلو كلش والناس المخلصين تهبل ولا تهاجر
والمواطن يبقى يخمم على الباسبور ويخلي المور ؟ألي راهم ينهبو فيها

بارك الله فيك اخي على مرورك الطيب
والله يليهو في الشعب بحوايج تافهين مثلا هده S12 الناس في العالم كامل من بكري وهي عندهم يعني حاجة عادية ما تحتاج لا لاعلانات و لا جري نهار ينزاد المولود يخرجوهالو و خلاص و احنا كرهونا فيها و كانها صاروخ المهم ربي يهدي الناس اجمعين
 
السلام عليكم

إييييييييييييييييييييه
كيما الما يروحلنا على 11 تاع الصباح والتريسيتي تضل تغمزلنا و خسرتلنا شحال من حاجة
كيف كيف الباسبور مازال ما عاصروش الجديد
أنا قلتلهم ما نخدموش حتى يبداو فالجدد * زعمة رح نسافر خخخخ :$:$*
قلناها و نقولوها مازلنا بعاااد والي تغيضنا كيما قلتي جيرانا عندهم وحنا لالا :( واش خصنا عليهم !! :mad:

صحيتي ختي :-r وربي يفرج علينا إن شاء الله


و عليكم السلام اختي شفتي اختي المشاكل لي يواجه فيها الشعب ربي يفرج همومنا كلها
و انا كيفك قلت ما نعودوش حتي يديرو الجديد هدا البيومتري بصح جي غير عليا يلاه عودتو و امري لله
بارك الله فيك على المرور اختي و جزاك خيرا
 
بارك الله فيك اخي على مرورك الطيب
والله يليهو في الشعب بحوايج تافهين مثلا هده S12 الناس في العالم كامل من بكري وهي عندهم يعني حاجة عادية ما تحتاج لا لاعلانات و لا جري نهار ينزاد المولود يخرجوهالو و خلاص و احنا كرهونا فيها و كانها صاروخ المهم ربي يهدي الناس اجمعين

كيما قلتي قادرين نهار الزيادة يفريو الورقة هاذي
وعلاه حتى تولي بلاشان ونهار الثلثاء فقط والناس ماتروحش للخدمة وقلقة وو
ولكن سياسة خبيثة من الدولة
 
والله ياأختي شوية نهبل الباسبور من 2011 مازال ماخدموهوليش والسبب ماكاش هادوك لي كارني عجب والله حتى انسحبت قلت مانزيدش نحوس عليه ...علابيها تقعد الجزائر دائما بلد متخلف مكاش النظام و دايما حنا توالا ...وكيما قالك سفيان هادا نظام معتمد من عند الدولة باش يعطلوا المواطن برك ...
شكرا أختي على الموضوع تقول طليتي على قلبي..
 
والله ياأختي شوية نهبل الباسبور من 2011 مازال ماخدموهوليش والسبب ماكاش هادوك لي كارني عجب والله حتى انسحبت قلت مانزيدش نحوس عليه ...علابيها تقعد الجزائر دائما بلد متخلف مكاش النظام و دايما حنا توالا ...وكيما قالك سفيان هادا نظام معتمد من عند الدولة باش يعطلوا المواطن برك ...


شكرا أختي على الموضوع تقول طليتي على قلبي..

ايههه اختي رانا شعب واحد و مشاكلنا وحدة علابيها نحسو ببعضنا واش رايحيين نديرو غير ندعيو لربي:mad:
والله تقول عليهم يكرهونا كاش ما درنالهم؟؟؟:(:(:(
 
كيما قلتي قادرين نهار الزيادة يفريو الورقة هاذي
وعلاه حتى تولي بلاشان ونهار الثلثاء فقط والناس ماتروحش للخدمة وقلقة وو
ولكن سياسة خبيثة من الدولة

هدي غير S12 مالا غدوة كي يبداو الجواز السفر البيومتري واش راح يصرا يقولونا خليكم مريحين لا دخلات و لا خرجات:(
مكانش التنظيم
 
للاسف الا عندك معريفة راه اوجد كون اكون واش يكون اي ورقة واي دوسي مي الا ما عندك حد شدي في ربي
الله غالب هادي سياسات تنتهجها الدولة باش تخلينا ديما تحت رحمتها شيء ما يندار بلا مشاكل وبلا اخطاء ديما كاين الغلطات في اللقامي في الباسبور في الكارطة تقولي الي يخدمو حتى الابتدائي ما عندهمش وطبعا معروف كيفاش تم التعيين على بيها نشوف ونزيدو نشوفو اكثر من هك
 
السلام عليكم سميرة
ايه والله يا الدولة تعنا والدوائر الحكومية المعوقة
احنا توجور نبقاو اللورا وما يطلعش علينا النهار خلاص
يقولولك روحي جيبي تامبر تع 2000 دج
تروحي تشريه وتجيبيه يقولك رجعوه كيطونص جيبيه من دار الغرامة
حتى تكرهي تبطلي
ووالله يا الـS12 تروحي تجيبيها من بلدية عوينة الفول تما تباتي
تكرهي بالسيف
حبيت نعرف منكم لي عندو الجواب طبعا سبب هدا التاخير و شكون المستفيد منو ؟؟؟؟؟؟
مكانش مفيد ومستفيد سميرة
المشكل فالتفنيين ونقص النظام أو بالأحرى انعدامه
يديرو حاجة ماش قادرين عليها
عندي 3 سنين ملي سمعت بلافير تع البيومتري مي على أرض الواقع ربي يجيب
الحل : قالك اللي يستنى خير ملي يتمنى
سلام
 
للاسف الا عندك معريفة راه اوجد كون اكون واش يكون اي ورقة واي دوسي مي الا ما عندك حد شدي في ربي
الله غالب هادي سياسات تنتهجها الدولة باش تخلينا ديما تحت رحمتها شيء ما يندار بلا مشاكل وبلا اخطاء ديما كاين الغلطات في اللقامي في الباسبور في الكارطة تقولي الي يخدمو حتى الابتدائي ما عندهمش وطبعا معروف كيفاش تم التعيين على بيها نشوف ونزيدو نشوفو اكثر من هك

اهلا ام امين هدي حكايه اخرى كون نبداوها ما تخلصش انا مشكلتي فقط اني نحلم باه يكون عندي باسبور مطبوع بالميكرو كيما الناس ماشي مكتوب باليد :-h هدا مكان ياعني ماطلبناش صاروخ ما عليش زيدو في الرسوم بصح اعطيونا حاجه تشبه
شكرا ام امين على المرور الطيب و بارك الله فيك
 
السلام عليكم سميرة
ايه والله يا الدولة تعنا والدوائر الحكومية المعوقة
احنا توجور نبقاو اللورا وما يطلعش علينا النهار خلاص
يقولولك روحي جيبي تامبر تع 2000 دج
تروحي تشريه وتجيبيه يقولك رجعوه كيطونص جيبيه من دار الغرامة
حتى تكرهي تبطلي:mad:
ووالله يا الـS12 تروحي تجيبيها من بلدية عوينة الفول تما تباتي
تكرهي بالسيف


مكانش مفيد ومستفيد سميرة
المشكل فالتفنيين ونقص النظام أو بالأحرى انعدامه
يديرو حاجة ماش قادرين عليها
عندي 3 سنين ملي سمعت بلافير تع البيومتري مي على أرض الواقع ربي يجيب
الحل : قالك اللي يستنى خير ملي يتمنى
سلام


اهلا اختي
ما تفكرينيش في عوينه الفول لازمك تحرقي النهار كامل تمه تولي على الساعه التانيه يقولولك مازال المهم ربي يهديهم و المشكل او قريب يحبسو الباسبور هدا القديم خايفه لا مايقدروش يحلو المشكل و نقعدو دوله معزوله
 
غير الهف الجزائر ياناس راهي تعيط وتعاني من سوء التسيير حصوصا البلديات والدوائر الحكومية
 
غير الهف الجزائر ياناس راهي تعيط وتعاني من سوء التسيير حصوصا البلديات والدوائر الحكومية

ربي يهدينا اجمعين هدا ما عسانا ان نقول بارك الله فيك اختي على مرورك​
 
والله يااختي سميرة عندك الحق حتي انا رحت نبدل الباسبور هنا في لندن وبعد ما وجدت الكواغط قاع قالي لالا مانديروش البيومتري من علي 6 اشهر ؟؟؟؟؟
ونزيدك حاجة قبل ما نتزوج بغيت ندير لماما زرقة الفوط المهم درت قاع الوراقي ورحت البلدية وتامني راه عندي 4 سنين زواج وكلما تروح امي عندهم يقولولها مازال ؟؟؟ قاتلهم بنتي دفعتهالي تزوجت وجابت ولد ونتوما راكم عاد غي تصنعو فيها .هادي غي ورقة الفوط .
ايا وما ادراك ما الباسبور البيومتري ؟؟؟
بلادنا ما بقات بلاد الله يهدينا وصاي
 
و علاه نسيت بلي راك فدزاير كلشي تبهديلة
 
والله يااختي سميرة عندك الحق حتي انا رحت نبدل الباسبور هنا في لندن وبعد ما وجدت الكواغط قاع قالي لالا مانديروش البيومتري من علي 6 اشهر ؟؟؟؟؟
ونزيدك حاجة قبل ما نتزوج بغيت ندير لماما زرقة الفوط المهم درت قاع الوراقي ورحت البلدية وتامني راه عندي 4 سنين زواج وكلما تروح امي عندهم يقولولها مازال ؟؟؟ قاتلهم بنتي دفعتهالي تزوجت وجابت ولد ونتوما راكم عاد غي تصنعو فيها .هادي غي ورقة الفوط .
ايا وما ادراك ما الباسبور البيومتري ؟؟؟
بلادنا ما بقات بلاد الله يهدينا وصاي

والله يا اختي رانا غير في تبهديل عندنا بطاقة التعريف فيها زوج ورقات الباسبور مازال يتكتب باليد رخصه السياقة جريده و ...
با قينا غير ندعيو ربي ييب الخير
بارك الله فيك اختي على المرور و ربي يهل لامك و تكمل اوراقها:-o:-o
 
السلام عليكم ورحمة الله تعالى وبركاته

انا رحت تدفع اوراق للجواز قالولي تحبي البيوميتري تستناي شهرين تحبي العادي 20 يوم
انا اخترت العادي بصح هادي في دائرة حسين داي بالعاصمة خاطر ماشي كامل الولايات والدوائر فيهم البيومتري كاش عام ان شاء الله :d
 
السلام عليكم ورحمة الله تعالى وبركاته

انا رحت تدفع اوراق للجواز قالولي تحبي البيوميتري تستناي شهرين تحبي العادي 20 يوم
انا اخترت العادي بصح هادي في دائرة حسين داي بالعاصمة خاطر ماشي كامل الولايات والدوائر فيهم البيومتري كاش عام ان شاء الله :d

و عليكم السلام اختي
نهار تشوفي جواز السفر الجزائري بيومتري صوريهونا :)
و هديك الشهرين عندنا راهي عامين :d
و كي عاد يوجد في 20 يوم ديجا اي حاجة مليحة كنا نسناوه 2 شهريين و كي نروحو يقولونا ارجعو الشهر الجاي:(
بالتوفيق اختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top