مملحات بشكل سمكة من مطبخي

Smile Queen

:: عضو مُتميز ::
إنضم
2 سبتمبر 2012
المشاركات
587
نقاط التفاعل
925
النقاط
51
محل الإقامة
باتنة
السلام عليكم


جبتلكم وصفة جميلة اعطاتهالي زميلتي في العمل وكي درتها جات هااايلة

حبيت نفيدكم بالوصفة ولكان عجبتكم ادعولي

المقادير:
2كيسان فرينة
6 ملاعق زيت
بيضة
2 ملاعق كبار سكر
3 ملاعق كبار لحطة 'حليب غبرة'
مغرف ماكلة خميرة
1 خميرة قاطو
حليب دافي أو ما دافي (للتخمير)
الحشو: (كيما تحبي )
الحشو لي درتو انا: تقطعي حبة بصلة+ 3 فصوص ثوم + دجاج مقطع + رشة ملح + زيت
تقليهم شوية وتلوحي التوابل 'فلفل أسود + شوية كمون+ كسبر + زنجبيل '
كي تطفي عليهم لوحي دبشة مقطعة

تحضير العجينة :
امزجي الزيت والبيضة والسكر واللحظة وخميرة الأكل ومقدار نص كاس فرينة وصبي كاس حليب دافي شوية برك عليهم (يجيك الخليط سائل شوية)

خليهم تقريب نصف ساعة

ومبعد كملي كمية الفرينة الباقية
تجيك عجينة طرية
زيدي خليها تخمر مدة نصف ساعة اخرى
بعدها جيبي العجينة تاعك ونحي بالشوية منها
مدديها بالقنوط
وقطعي بالطابع لي درتيه نتي تاع الورق بشكل سمكة
كما في الصور

WP241.jpg


QQ4D2.jpg


ومبعد حطي الحشو
وغطي بالسمكة الثانية (من العجينة طبعا)
rV4O3.jpg


uGJO5.jpg




بعدها لصقيها مليح بيدك وزيدي بفرشيطة
شكلي عليها بموس شكل السمكة وحطي حبيبات سينوج كعين للسمكة

ci5b4.jpg


bbrV6.jpg


ادهنيها ببيض
ولوحيها في الفرن المدهون مسبقا بزبدة ومرشوش عليه الفارينة

X7Dn7.jpg


وكي تنضج



.
.
.
.

كوليها

بصحتك :d

4dAX8.jpg



tAFC9.jpg



puHL10.jpg




لكان عجبتكم جربوها

وكان جربتوها ادعولي :regards01:
 
رائع يعطيك الصحة واروع شكلها
 
شكرا لمروركم

نورتو الصفحة
 
تبان تهبل أكيييد راك نسييها يعطيك الصحة
 
بارك الله فيك اختي وجزاك خيرا
 
يعطيك الصحة على السمكات .. .يشهواا
 
السلام عليكم
ما شاء الله يعطيك الصحة
 
امممممممممممم هايلين يعطيك الصحة
 
الله يسلمكم حبيباتي
نورتوني
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top