الهدية مفتاح القلوب (خاص بهداياكن ــ أفكار ، مساعدة ..الخ )

قال جامعية:

السلام عليكم بنات اللمة ان شاء الله راكم بخير
انا من بسكرة و خطيبي من زرالدة و اليوم زعف شوي مني بسب ما يستاهلش و ان شاء الله بعد غد يجي لبسكرة واش تقتارحو نديرلو هدية بسيطة ؟ مع العلم درتلو ريحة و درتلو مصحف و درتلو صورة نتاع لفاتحة نتاعنا في كادر باهي و درتلو تاني كاشني
و شكرا :d

إضغط للتوسيع...

قال *sarah dz*:

السلام حبيبتي
فكرة الــgــاطو عجبتني بزاااف
ركزي فيه على الشوكولا و يكون من صنع يديك

تقدري تهديله ظرف توضعي فيه صورة ليكم مع بعض
وكاتبة فيها كلام جميل:$
​

إضغط للتوسيع...

قال خيرة جانت:

السلام عليكم حبيباتي
شوفو انا شخصيا مانفهمش بزاف في لايكادو
وعندي طريقة خاصة نتبعها
في إطار قوله (ص) .....تهادوا تحابو...
صديقتي الأنتيم نمدلها دراهم
مباشرة وهي تشري اللي خصتها
وهذا في عرسها ولا في اي مناسبة تخصها
بالعربية تتصرف على حساب معرفتها هي
وانا نتخلص من الموقف بكل سهولة
:d
أما اللي نعرفها غير هاكا نشريلها
أي حاجة تجي قدامي
سرفيس ماعن......الخ
بربي تعجبكم افكاري
الى الملتقى
​

إضغط للتوسيع...

قال جامعية:

السلام عليكم لبنات جيت نقوللكم الكادو لي درتو لخطيبي بعد ما تناقشت معاكم فيه
درتلو صباط تاع اولاد صغار يصلح لبنات و ذكور :up: و درتلو صورة نتاعي انا و هو مع بعض و شريت هدوك البطاقات الصغار كتبتلو فيها :$ لكن خطي ماهوش مليح هههههه مي الرسمي في التعبير هههههههه
فرح بالهدية و قالي هداك الصباط ما فهمتش ليا؟ قتلو ايه دير رجليك في ماء سخون باه يتقلصو و البسو ههههههه

إضغط للتوسيع...

قال فتاة الاسلام22:

سلام بنات واش راكم صافا

حبيتكم تساعدوني ربي يعيشكم
انا عندي استاذي نتاع الفيزياء ترسم في المنصب نتاعو و تفاهمنا حنا التلاميذ
نديرولوا حفلة و نكرموه
و ما علاباليش واش راح نهديه :s:s
ساااااعدوني ربي يخليكم الحفلة سمانة الجاية و ميزال ما قررتش:-o​

إضغط للتوسيع...