- إنضم
- 28 جويلية 2008
- المشاركات
- 4,516
- نقاط التفاعل
- 351
- النقاط
- 323
- العمر
- 34
بسم الله الرحمن الرحيم
سؤال يحيرني و يتردد من لحظة لأخرى بين حنايا ضلوعي
تسآؤل يقآطع الصمت و يباغت الظلام
و يلاحقني بحثآ عن إجابة مقنعة
علاه ،، نكتبوو
نكتبوو ،، رغبة فالخلـــود ؟
زعمة نتخيلو كتابتنا سيف نبارزو بيه في معركة
ولا رمح يسابق الريح
ولا سهم ودع كبد القوس مشتاق لهدفه ؟
يا درى الكتابة واجب أو فرض علينا ؟
نكتبوو أحيانا ،،
تألما و شكوى من الشي لي راهو يثوووور في أعماق وجداننا ؟
و في أحيان أخرى نكتبوو ،، نيابة على لي ما عندوش قلم ولا صوت ؟
نكتبوو ،، باه نهدرو مع الغير و نلعبوها قادرين على قراءة أفكارهم
و نحاولوو عبثا التعاطف معاهم ؟
و نحسوو ببعض همومهم ؟
نكتبوو ،، باه نأثروو و نتأثروو ؟؟
و ساعات نكتبوو مرارا و تكرار رغبة في الألم
نكتبوو إقرارا بجهلنا ؟
و ساعات نحاولو بكلماتنا أننا نهربوو من الزمن الي يلاحقنا
أو دوووولاب العمر ،،
نكتبوو ،، باه نغازلو الفرح ؟
و نشاطح الأمل ؟
نكتبوو ،، لأن المشاعر و الأفكار في بالنا تتزاحم و تحوس على منفذ ؟؟
نكتبوو ،، لأنو أصابعنا ما عادش تقدر على السكون ؟
نكتبوو ،، باه نفضو للورقة كل شي حابيين نقولوه و مانلقاوش أحد غيرها يصغي ؟
نكتبوو ،، باه مانكلموش أنفسنا ؟
نكتبوو ،، باه نفرغوا عقولنا و نملوو الورق ؟؟
ولا باه نحيوو على خاطرنا ؟
نكتبوو ،، لأننا نحوسو على واحد يسمعنا ؟؟
نكتبوو ،،باه نرتاحووا ؟
نكتبوو ،، باه نتعبوو عقولنا بأفكار جديدة ؟؟
و نكتبوو ،،
علاااه نكتبوو ؟؟
نكتبوو لأننا نحبوو نكتبوو ،، بصح بعد ما نعو و نعرفوا واش نكتبوو
سآمي