المطلوع كالقطن من مطبخي

الحالة
مغلق ولا يسمح بالمزيد من الردود.

ام اماني05

:: عضو مُشارك ::
إنضم
30 ماي 2012
المشاركات
481
نقاط التفاعل
1,174
النقاط
41
السلام عليكم اخواتي
المطلوع اوكسرة الخميرة كيما نقولو في الشرق نحضروها بزاف خاصة في شهر رمضان الكريم مع شربة فريك امممم
كاين بعض الاخوات ماتنجحش معاهم قلت نحط طريقتي بالشرح وراهي تتجي كالقطن
المقادير
بالنسبة لزوج قرصات
نكيل بعلبة مرقرين صغيرة نتاع 250غ
2 كيلات دقيق من النوع الممتاز يكونو معمرين مليح،4ملاعق فرينة،2ملاعق زيت،2ملاعق صغار خميرة فورية،شوية سكر،سنوج،ملح،ماء دافيء
الطريقة
نخلط جميع المقادير السابقة ونجمعها بالماء الدافيء
http://
نعجنها بدون اضافة الماء ثم نضيف الماء تدريجيا مع الاستمرار في العجن لازم نتحصل على عجينة مطلوقة شوية
http://
نغطيها ونخليها تختمر بعدها نخرج الهواء الموجود بداخلها ونقسمها لكرتين نغطيهم لمدة 5د ثم نبسطهم نغطيهم ونخليهم يختمرو للمرة الثانية وهذا شكلها بعد ما تختمر
http://
نطيبها في طاجين يكون مسخن مسبقا ولازم النار تكون عالية وهذا شكلها النهائي
http://
هذي طريقتي البسيطة نتمنى تعجبكم ولاتنسوني اخواتي من صالح دعائكن
ملاحظة:
كمية الخميرة ومدة الاختمار متعلقة بالفصل يعني نزيد الخميرة ومدة الاختمار في البرد والعكس في فصل الصيف
</B></I>
 
يعطيك الف عافية على المطلوع
و طاجين الضرة و لكن لماذا سمي هذا الاسم
:s
مشكورة
 
اعطيك الصحة ام اماني واضافة الفرينة طريقة جديدة انا للاسف ما نقدرس نديرها لخاطر ما عنديش طابونة
 
امم يعطيك الصحة اختي ام اماني راهي روعة
ربي يجازيك كل خير
 
بارك الله فيك م أماني باين هشهوش وهايل شكرا لك:regards01:
 
مشكورة اختي ام اماني اكيد المطلوع احنا عندنا شي اساسي في رمضان ولا باقي الفصل يعني قليل وين نديرو الرخساس ولا نجيبو الخبز
موفقة اختي
 
يعطيك الصحة ام امون
متميزة كالعادة باطباقك وحلوياتك الحلوة يا حلوة
ما تحرميناش من جديدك
يسلموووو
 
تعرفي يما كانت هنا قاتلي كيفاش دارت فيها الزيت
هههههههههههههه
يعطيك الصحة ختي سيرتو السانوج تجي بنينة
 
hayel okhti le3ziza ana 3jozti thebo bzf doka kinroh l3anedha nderelha 6ari9tek bayna hayla
 
هايلة يا ام اماني يعطيك الصحة
احنا ما نحطوش الزيت في كسرة المطلوع وتجي خفيفة قطن
 
يعطيك الف عافية على المطلوع
و طاجين الضرة و لكن لماذا سمي هذا الاسم :s
مشكورة
شكرا اختي لمرورك
بالنسبة لطاجين الضرة سماوه بهذا الاسم لان زعما اللحم الابيض واللحم الاحمر ما يتفاهموش كي الضراير ههههه وكاين لي يسميه رولي اللحم كل واحد كيفاه يسميه
 
مطلوع هايل اختي الف شكر
في انتضار وصفاتك القاديمة ان شاء الله
 
يعطيك الصحة وبارك الله فيكي لما تقدمينه من مجهودات ربي يعطيك ما تتمناي
 
يعطيك الصحة فحلة و قافزة بصح كسرتي خير من كسرتك و نديرها غير بالسميد وحده و شكرا
 
رد: المطلوع كالقطن من مطبخي

هايلة يا ام اماني يعطيك الصحة
احنا ما نحطوش الزيت في كسرة المطلوع وتجي خفيفة قطن
 
رد: المطلوع كالقطن من مطبخي

بارك الله فيك اختي ام اماني مطلوع خفيف ريشة ما شاء الله غليك كل وصفاتك رائعة كروعتك غاليتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top