وش رني رايح ندير مع هدي الطفلة الله غالب

406_nassim

:: عضو بارز ::
أحباب اللمة
إنضم
11 جوان 2009
المشاركات
3,012
نقاط التفاعل
41
النقاط
157
العمر
34
محل الإقامة
Blida
الجنس
ذكر
السلام عليكم

كيف الحال لباس اليوم جبتلكم جديد انتعي عن حياتي


انا رني مع طفلة يتيمة ورني معها في 4 سنوات نحبها وتحبني وعلبلها بلي انا معنديش وديت العائلة انتعي شفوها في هداك الوقت كنت خدام ولباس بيا وسما حبيتها وقع العائلة حبوها الانها بنت فمليا
بصح دوكا رهي تقلي وكان ومجيش تدفعلي الصداق وتبين روحك منا حتي ديسمبر رني رايح نخليك وش ندير معها الله غالب انا نحبها ومكانش كفاش نسمح فيها

لخصت القصة انتعي بش تفهمو اعطوني جواب
 
اهلا نسيم على السلامة ...

ياخويا هاد لبروبلام نسمع بيه
مي كرأي من عندي ....
شوف انت ويكتاه تربط معاها خيوط صحاح
قصدي تعقدو وكل الامور الكاغطاوية ....

الىى شت روحك مطول آصاحبي ساعفها سير راهي تتعذب كل ماتسمع بلي وحدة خطبوها وراها وتزوجت وهي مزالت هكاك
مي هي تاني لازم تساعفك وتساعف احوالك ..


ربي يصلح حالكم وخبرنا بالجديد تاعك

 
أنا في رأيي لوكان راهي تحبك صح رح تستناك
خصوصا كي تكون نتا صح ناوي و صادق معاها
و زيد حاول كيفاش تفهمها بلي لازم تصبر عليك شويا
و بلي ماش رح تسمح فيها
و أكيد راهي حابة تزربك هذا ماكان و هذا يبين بلي راهي ناويتك حتى هيا
دونك سايسو بعضاكم غير بالشويا

و ربي يكمل خويا ، إن شاء الله ميكون غير الخير
 
تقلي وكان ومجيش تدفعلي الصداق وتبين روحك منا حتي ديسمبر رني رايح نخليك
:s
4 سنين وانت معاها وتقولك هكذا - هاذى غريبة -

ربى يفرج عليك خويا

لى عودة ان شاء الله

 
3endha he9 khouya koun majetch t3ezek metgoulch haka
w nta 4 ans mazwl matefhamhech
rabi ykemelek
 
كان الله في عونك
حكى الأصمعي : قال: بينما أنا أسير في البادية إذ مررت بحجر مكتوب عليه هذا البيت : أيا معشر العشاق بالله خبروا
إذا حل عشق بالفتى كيف يصنع فكتبت تحته:
يداري هواه ثم يكتم سره
ويخشع في كل الأمور ويخضع ثم عدت في اليوم الثاني فوجدت مكتوباً تحته:
فكيف يداري والهوى قاتل الفتى
وفي كل يوم قلبه يتقطع فكتبت تحته:
إذا لم يجد صبراً لكتمان سره
فليس له شيء سوى الموت أنفع ثم عدت في اليوم الثالث فوجدت شاباً ملقى تحت ذلك الحجر ميتاً لا حول ولا قوة إلا بالله العلي العظيم وقد كتب قبل موته:
سمعنا أطعنا ثم متنا فبلغوا
سلامي إلى من كان للوصل يمنع هنياً لأرباب النعيم نعيمهم
وللعاشق المسكين ما يتجرع لذلك كان العشق من أعظم الابتلاءات التي يبتلى بها الإنسان
 
السلام عليكم
ان شاء الله ميكون غير الخير
خويا انا نعرف حاجة لي يحبك عمرو ميسمح فيك و يستناك 10 سنين و يلاوي معاك
ساعفو بعضاكم
هي لازم تقدر ضروفك و انت لازم تقدر ضروفها
و لي فيها خير ربي يقدمها ان شاء الله
 
شوف خويا
ربع سنين بزاف الطفلة راهي تكبر و الاهل نتاعها راح يبدا يزيروا فيها و زيد تقدر حتي يتقدم ليها واحد يكون لاباس عليه و موجد روحوا
لازم تبين روحك باش حتي هيا تلقى الجواب لي تجاوب لي يسقسيها و اذا كانت مكتوبك ربي يكمل بيناتكم انشاء الله
 
السلام عليكم
راك تقول نبغيها ومنقدرش نسمح فيها وهادي الهدرة لازملها تطبيق
هي تاني ماشي بيدها تقولك الا ماجيتش نخليك
صح الا كانت تبغيك رايحة تستناك بصح لوينتا وهي تستنى لازم دير حاجة تخليها تستناك
ان شاء الله مايكون غير الخير وربي يسهلك خويا ويكملك ان شاء الله
 
و عليكم السلام و رحمة الله تعالى و بركاته

أخي الكريم... أنت تحبها صح و راك تقول اديت والديك شافوها و قبلوها الحمد لله... مي فترة الخطوبة إذا طولت ماشي مليح و الله... لازم تقدر ظروفها هي بنت و راهي محاطة بمليارات الأراء ... والديها من جهة و صحباتها من جهة و المجتمع من جهة أخرى.... أنت راك تقول بللي تحبك و صبرت معاك 4 سنين بلا ما قالت و بلا ما سمحت فيك... أكيد هي تقوللك هككا باش تزير روحك برك.. و من حقها هاذ الشي.... فقط لازم عليك تخف روحك شوية حتى لوكان بالقليل و تعيشو لاباس المهم التفاهم..... و يا أخي أعتذر على هاذي الكلمة... رانا في وقت عادت فيه (الثقة في الوثيقة) يعني قدملها المهر ديالها و عقد قرانك عليها و للي فيها الخير ربي يقدرها و ربي يسهللك خويا و ربي يجمعكم في الحلال في القريب العاجل إن شاء الله

تحياتي
 
KHOYA NA3TIK NASSIHA MATESMAHCHE FIHA HIYA MEN HAKHA TETKALEK ELBANTE KI TETAKHTAB MACHI MLIHE TAWEL BEZAF TEKRAH TESTENA KHLASSE RANI DJERABTHA SAYE KIFACH TETSALEF WELA OU A3TILHA MAHREHA OU EL3ACHRA OU LAHNA HOMA SAH ELMAL MACHI KOLACH ELMOHIM TDIRALHA KIMA KODAM ENASSE
 
ماهيش محتاجة تفكير..4 سنين راهي جزء من حياة كل واحد فينا.من حقها تطلب واش تحب و نتا تلبي...علاه راك تهرب بكلام معندوا حتى معنى...كونك راجل و قد الثقة اللي دارتها فيك و لا روح خليها تبني حياتها......
 
اولا ربي يقدم لك ربي كل مافيه خير
ربما شافت واحد احسن منك او عندها ضغط من شخص حاول تعرف اهلك او اهلها اصدقاء
او ممكن شافت فيك اشياء معجبتهاش تكون في حياتها هذا كلو اذا كانت حابة تتسيباراو
اما مدام بينكم حب 4 سنين هذي عشرة ربما حبت تظغط عليك لانها حابة تكمل حياتها معاك وهي تتمنى اليوم قبل الغد
تقبل ارائيي وربي يهنيك خويا ولعقوبة للذرية الصالحة
 
شكرا لكم يا اعضاء براك الله فيكم​
 
نقلك هدى حابة الدراهم مهيش حابتك انت
ولى ميقوفش معاك فى محتنك معندك مدير بيه
+
وبلى بدلك بفول بدلو بقشور
 
يا مصيبة واش راك ليك وحشة خويا لعزيز

او يفرجها ربي حتي لهذاك لوقت

مي ماشي حقا عليها تزيرك و إلا تحبها دير المستحيل على جالها

أيا ربي يوفقك خويا
 
انا نقول لازم طبق هدرتك
كيما تقول انا نحبها وما نخليهاش
في نفس الوقت تشرحلها وضعك المادي
ونعود نوصك ما تخليش الوقت يروح .........
وانشاء الله ربي يهنيك في حيلتك
 
انا نقول لازم طبق هدرتك
كيما تقول انا نحبها ومانخليهاش
وفي نفس الوقت لازم تشرحلها وضعك المادي
ونعود نوصيك ما تخليش الوقت يروح .....
وانشاء الله ربي يهنيك في حياتك ...
 
صرحتا اخي لو كنت في مكانك وكنت خاطب طفلة اوكان ياحصراه من لي تزوجت بها

نقلك وعلاه لاني مانخطب حتى نوجد روحي مليح باش كي نتقدم لها نكون واعي مليح وزيد اذا صبرت نخليها تصبر شهرين او شهر فقط مش 4سنين ياصحبي
هذا بالنسبة ليا فقط
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top