خبز المطلوع حصريا من مطبخي ...ماشي قطن ..رغوة ..

ام اسحاق

:: عضوية محظورة ::
أحباب اللمة
إنضم
7 ديسمبر 2012
المشاركات
3,665
نقاط التفاعل
4,668
النقاط
191
السلام عليكم و رحمة الله و بركاته
اليوم جبتلكم خبز المطلوع بكيفية جديدة حصرية من مطبخي
خفيف و مغذي ...باختصار هايل و يصلح ديريه سندويتشات
و ناجح باذن الله 100ب100
نبدا بسم الله
في جفنة او اناء كبير نضع 3 كيلات سميد من النوع الممتاز +كيس خميرة الحلوى +3ملعقة صغيرة ملح+ملعقة اكل من خليط سينوج و جلجلانية و حبة حلاوة
amanihn 027.jpg
نخلط كل المقادير ثم نلمها بكاس ما ساخن
نعجن لمدة 10دقائق و نغطي بكيس بلاستيكي
amanihn 034.jpg
في هذه الاثناء في اناء اخر نحظرو
2بيضات+1ملعقة اكل سكر عادي ..خلط ثم اضافة 2ملعقة اكل زيت عادي..خلط +2ملعقة اكل خميرة الخبز..خلط +نصف كاس حليب دافئء ثم اضافة مع التحريك نصف كيلة فرينة (الكيلة لي كيلتي بيها السميد)...تترك لتخمر حوالي 15 دقيقة
amanihn 032.jpg
مهم جدااا كي تخمر تصبح مثل الرغوة
amanihn 029.jpg
ثم نرجع للعجينة و نعجنها بالخليط المختمر
نتحصلو على عجينة طرية نوعا ما ..نقسمها اقسام متساوية
و نذرذر فوقها شوي فرينة (ما نكثروش بش ما تتحرقش مبعد في الطاجين) و نمدها على شكل قرصات و نغطيوها و نخليوها تعاود تخمر مدة نصف ساعة او اكثر شوي حسب الطقس و حسب حرارة المطبخ
amanihn 030.jpg
amanihn 031.jpg
في الاخير نطيبوها في طاجين سخون على نار قاوية و مهم جدااا انك ما تقلبيش ياسر بش ما تيبسش ..انا ما ننقبهاش
amanihn 042.jpg
شوفي ما شاء الله تبارك الله من داخل خفيييييييييييييفة
amanihn 043.jpg
الف الف صحة و هنا و ادعوا لامي بالرحمة
 
بارك الله فيك نجربه ان شاء الله

حبيت نسقسيك السميد الي كما الفرينه الي رقيق ؟؟؟
 
آخر تعديل:
بسم الله ما شاء الله
وشي هذا يا ام اسحاق انا راح نجيب ملوخيتي
وانت اعطيني خبيزة الله الله من هذاك المطلوع الي
يدي العقل ربي يباركلك
وبصحتكم تستاهلي احسن تقيييييييييييييييييييم
 
الله يرحم أمك في كل تقليبة والله صح كسرة تهبل إنشاء الله نجربها بارك الله فيك وفي إديتك .


اللهم امين و يجعلها سيدة من سيدات اهل الجنة
ويرحم اموات جميع المسلمين
اللهم امين
 
اممممممممممممممم يعطيك الصحة ياشاطرة
 
و الله يشهي طريقة جديدة عليا ان شاء الله نجربها
بارك الله فيك و جزاك خيرا
 
بارك الله فيك نجربه ان شاء الله

حبيت نسقسيك السميد الي كما الفرينه الي رقيق ؟؟؟

وفيك بارك الله ...
انا استعملت السميد العادي ...متوسط لا رقيق و لا خشن ...و لكن تقدري تستملي السميد تاع المسمن يعني الرقيق
و لكن تعجني جيدا
انا في انتظار تجربتك ,,,موفقة
 
بسم الله ما شاء الله
وشي هذا يا ام اسحاق انا راح نجيب ملوخيتي
وانت اعطيني خبيزة الله الله من هذاك المطلوع الي
يدي العقل ربي يباركلك
وبصحتكم تستاهلي احسن تقيييييييييييييييييييم
حبوبتي ام انس مرحبا بك ...انت جيبي الملوخية و انا الكسرة .......اممممممممممممم
و نعرضوا كل اللمة الجزائرية ...لقمة هنية تكفي مية ..ههههههههههه
شكراا على المرور و بارك الله فيك
 
الله يرحم أمك في كل تقليبة والله صح كسرة تهبل إنشاء الله نجربها بارك الله فيك وفي إديتك .
اهلا ام راقية ... ربي ينورك
امين ربي يرحمها و ينعمها و يجعل قبرها روضة من رياض الجنة ...اميييييييييين
انتظر جديدك ...موفقة
 
اممممممممممممممم يعطيك الصحة ياشاطرة
الله يسلمك ...من بعض ما عندكم
ربي يبارك انت الفحلة و الشاطرة راني نتابع في مواضيعك ...بارك الله فيك
 
و الله يشهي طريقة جديدة عليا ان شاء الله نجربها
بارك الله فيك و جزاك خيرا
و فيك بارك الله ...
راني ننتظر جديدك ...موفقة
 
الله يرحمها و يوسع عليها والله يبارك طريقة جديييييييييييييييييييييدة رايحة نجربها في القريب مع اني نعجن المطلوع تقريبا كل يوم
 
وفيك بارك الله ...
انا استعملت السميد العادي ...متوسط لا رقيق و لا خشن ...و لكن تقدري تستملي السميد تاع المسمن يعني الرقيق
و لكن تعجني جيدا
انا في انتظار تجربتك ,,,موفقة

baraka allaho fik hbibt
 
الله يرحمها و يوسع عليها والله يبارك طريقة جديييييييييييييييييييييدة رايحة نجربها في القريب مع اني نعجن المطلوع تقريبا كل يوم

ربي يبارك فيك ...تعيشي و ترحمي...
هيا فرحيني يا ام عماد و جربيها ...
موفقة ان شاء الله تجيك خير من لي درتها انا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top