قاطو ساهل يطيب بدون الحاجة للفرن

هبة الرحمان2

:: عضو مُتميز ::
إنضم
29 جانفي 2013
المشاركات
979
نقاط التفاعل
845
النقاط
51
قاطو ساهل يطيب بدون الحاجة للفرن

بسم الله الرحمن الرحيم


هادا قاطو الجوزة عملت الأسبوع لي فات و لان النت معنديش ما صورتوش الاسبوع هذا رجعنا النت صورتو جاهز فقط

wol_error.gif
إضغط هنا لرؤية الصورة بحجمها الطبيعي.
photo0725p.jpg




wol_error.gif
إضغط هنا لرؤية الصورة بحجمها الطبيعي.
photo0724r.jpg



wol_error.gif
إضغط هنا لرؤية الصورة بحجمها الطبيعي.
photo0726p.jpg


wol_error.gif
إضغط هنا لرؤية الصورة بحجمها الطبيعي.
photo0727a.jpg


و ان شاء الله مرة اخرى نحطو بالخطوات المصورة بالتفصيل الممل للأخوات لي ميعرفوهش



المقادير :

250 غ مرغرين
1 فاني
2 مغارف سكر
2 بيضات و واحدة صفار
1 خميرة
نصف كأس نشاء
رشة ملح

فرينة نجمعو العجينة
مول الجوزة انا هادا لي عندي و كاين انواع كثيرة فالسوق و كاين حتى المول الكهربائي لكن هذا احسن يتغسل بالماء و الصابون ما يروح ما يجي



wol_error.gif
إضغط هنا لرؤية الصورة بحجمها الطبيعي.
photo0735m.jpg



wol_error.gif
إضغط هنا لرؤية الصورة بحجمها الطبيعي.
photo0736u.jpg



للتزيين :

شوية جوز مرحي
شوية كوكاو مرحي
شكولا الدهن انا استعملت هادي
شوية مربى مشماش
شكولا بودرة


wol_error.gif
إضغط هنا لرؤية الصورة بحجمها الطبيعي.
photo0737k.jpg




تخلطي الزبدة مع الزيت و الملح و السكر ملييييييييييييييييييييييييييح ثم تضيفي البيض و الفاني و تخلطي مليييييييييييييييييييييييييييييح ثم النشاء و الخميرة و تخلطي ملييييييييييييييييييييييييييييييييييح و اخيرا تشيحي بالفرينة حتى تتحصلي على عجينة طرية تعمليها كويرات صغيرة كامل و تغطيها بكيس بلاستيكي
تحطي المول يسخن انا طيبت فوق الكويزينيار غطيتو بورق المنيوم و طيبت يسخن من الجهتين ثم فوق الرخامة تفتحي المول و تحطي الكويرات نتاعك و تغلقي مليح تزيري باه تجي الحبة رقيقة ما تجيش خشينة بزاف و تجي مجوفة فالداخل
تحمريها من الاسفل ثم تزيدي من الجهة الاخرى تقدري بعد 2 دقائق تفتحي عليه و تشوفي اذا حمارت ولا لا حتى تحمار لازم يكون اللون ذهبي ماش تحمار بزاف

لما طيب تنحيها من المول و تحطيها في قصعة و اذا ما خرجتش بسهولة انفضي المول على الحاشية فوق الرخامة تنزل الحلوى وحدها و هكذا حتى تكملي كل الكمية

تخليه يبرد مليح ثم هادوك لحواشي لي يجيو زايدين تحيهم و تعدلي الشكل نتاع الحبة تاعك
تهرسي هادوك الحواشي بشوكة و تخلطيهم مع الكوكاو و الجوز خخخخخخخخخ الاقتصاد مليح نعمة ربي
و تضيفي المعجون و شكولا الدهن و تخلطي مليح من الافضل المعجون تستعملي شوية فقط حتى ما يفسدش الذوق
و للاخوات لي تجيهم شكولا الدهن غالية ممكن تستعمل نستلي كرمال نستلي عادية و طيبها فالكوكوت و لما تبرد تخفقها و تخلط معاها الكوكاو و الحواشي و الجوز
او للاخوات لي يحبو الكابريس ممكن يذوبوها في حمام مائي مع 2 مغارف زبدة و 2 مغارف حليب و لما تذوب تخليها تبرد شوية و تخلطها الكوكاو و الجوز و الحواشي
و كل وحدة حسب ذوقها و حسب امكانياتها

المهم الحشوة لي رح نستعملها نحشي بيها النصف و نلصق كل زوج مع بعض ما لازمش الحشوة تجي خارجة على الحبة ولا قليلة لازم قدقد و نخليها تتماسك
تجيب علبة ولا باطة بغطاء تكون دائرية و نحط الشكولا غبرة و نحط شوية حبات نغلق الغطاء و ندور العلبة حتى يتمرغدو الجوزات فالغبرة و يصبح لونهم مثل حبات الجوز

نخرجهم و نحطهم في صفاية كبيرة او غربال باش نحي الزائد و تقدم في ليكيسات

نتمنى شرحي يكون مفهوم خخخخخخخخخخخخ تعودت نشرح بالصور الله غالب المرة الجاية

اذا عجبتكم الوصفة دعوة خير لبنات
 
السلام عليكم
بارك الله فيك اختي
قاطو الجوزة تشهر مدة من بعد نساوه الناس وهذا المدة ثاني رجع وبزاف ناس صارت تعملو في المناسبات
جاك مليح يعطيك الصحة
 
يعطيك الصحة أختي
جاك هايل

 
:p


الله يحفظك وبارك الله فيك اختي على هاذ القاتو اللي يعجبني بزافوماكنتش نعرف الوصفة
 
يا حصراه راني في مدة طويلة ما درتوش يمكن اكثر من 7 سنوات لكن المول مزالو للان في دارنا شحال من خطرة كي نروح نلقاه هاد الخطرة كي نروح نسرقو من عندهوم هههههههههههههه باش نديرها وكي نزيد نروح نديلهم منو ومعاه المول تاعهم ههههههههههههه:p:$:d
 
يعطيك الصحة يا الشاطرة ....انا كي كنت صغيرة كانت ختي ديراهلنا بزاف بصح كنت نعرف ناكل برك و عمري مسييتو ان شاءلله نسييه و نديهولها باش نفكرها بيه ان شاءلله.....تسلم ايديك
 
نورتواااااااااااااااااااااااااااااااااااااااااااااا.:d
 
روعة يا اختي بعثيلي غير قطعة صغيرة
بارك الله فيك يا لحبيبة ؟
 
اممممممممممممممممممممممممممممممممممممممممممم


مليح آ سيدي


راكي شاطرة و فحلة

خخخخخخخخخخخخخ درتي نفس قاطويا

و عندك نفس مواعني


معليش انا لي تعبت عليه و نتي ديتي السوكسي


المرة الجاية اختي و لا اي اخت لما تحب تنقل واحد من وصفاتي او حتى بقية الأخوات تكتب من فوق منقول للأمانة فقط


ان شاء الله تعمليه صح و نشوف تطبيقاتك :d :d :d :d :d :d :d :d :d :d :d :d :d :d :d :d :d :d :d :d :d :d :d :d :d
 
والله مانتبهت دخلي لمواضيعي راح تلقي اي موضوع ناقلاتو كاتبا فيه منقول وانا نقلته للفائدة لاغير:regards01:
اممممممممممممممممممممممممممممممممممممممممممم


مليح آ سيدي


راكي شاطرة و فحلة

خخخخخخخخخخخخخ درتي نفس قاطويا

و عندك نفس مواعني


معليش انا لي تعبت عليه و نتي ديتي السوكسي


المرة الجاية اختي و لا اي اخت لما تحب تنقل واحد من وصفاتي او حتى بقية الأخوات تكتب من فوق منقول للأمانة فقط


ان شاء الله تعمليه صح و نشوف تطبيقاتك :d :d :d :d :d :d :d :d :d :d :d :d :d :d :d :d :d :d :d :d :d :d :d :d :d
 
و عليكم السلام و رحمة الله تعالى و بركاته

لا اختي ما قصدت والو بكلمة سوكسي


و الله بالعكس نفرح كي يكون اقبال على وصفاتي و نساعد بيها ناس ثانية نبغي دعوة خير بزااااااااااااااااااايد عليا

اصلا كل وحدة تعمل الوصفات لاخواتها باش يستفادو ماش باه تخبيها

المهم لعزيزة و الله ماني قاصدة والو الظاهرة حبيت نمزح معاك مزاحي ثقيل بما اني ما نعرفكش

الظاهرة خخخخخخخخخخخخ انا كي مزحت معاك غلطت وااااااااااااااااع راكي حسستسني بلي درت جريمة

هيا صافية لبن
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top