وصفة جديدة لحلوى السيقار بالشكولة روووووعة حصريا من مطبخي

الحالة
مغلق ولا يسمح بالمزيد من الردود.

ام اماني05

:: عضو مُشارك ::
إنضم
30 ماي 2012
المشاركات
481
نقاط التفاعل
1,174
النقاط
41
السلام عليكم غالياتي
جبتلكم اليوم حلوى ذوقها اكثر من رااااائع
بالنسبة للمقادير راح نعطيكم مقادير ل100 حبة طبعا ممكن نعمل نصف الكمية
المقادير:

كيلو فرينة،رطل مرقرين ذايبة وباردة،3 م ك سكر رطب،3 بيض،فاني ،باكي خميرة،ماء الزهر
الحشو:
250غ زبدة من الافضل فلوريال،250غ عسل،250 كاوكاو محمص ومرحي خشن،كمية من حلوة الترك
نحتاج ايضا الى شكولة ولي مول الخاصة بالسيقار
الطريقة:
نحط الفرينة والمرقرين الذايبة ونحرك بواسطة اليد حتى تتداخل المرقرين في الفرينة نضيف السكر والفاني والخميرة وتلم بالبيض وشوية ماء الزهر
نبسط العجينة بالحلال بسمك متوسط وبعرض 6سم

http://

نحط المول الخاص بالسيقار فوق العجينة
http://

ونلف حول المول ثم نقطع
http://

ونحطهم في البلاطو على الجهة لي غلقناه منها
http://
ندخلهم للفرن يطيبو على درجة حرارة متوسطة
بعذ النضج نخليهم يبردو تماما وننزعهم من لي مول
نذوب الشكولة مع شوية فقط من الحليب على حمام مائي
ناخذ بلاطو نحط فوقه ورق الزبدة ومشبك نحط الحلوى فوق المشبك وبواسطة ملعقة نغطي السيقار بالشكولة والكمية لي تنزل من الشكولة نعاود نستعملها

http://

بعد ما نكمل كل الحلوى نخليها تنشف تماما
في هذا الوقت نحضر الحشو
بواسطة الخلاط الكهربائي نخلط الزبدة مع العسل جيدا ثم نضيف الكاوكاو ونحرك وكمية من حلوة الترك والكمية نتاعها على حسب الذوق يعني لي يحب الحلاوة يكثر والعكس
نحط الحشو في كيس حلواني
http://
نحشي حبات السيقار
http://

نذوب الشكولة البيضاء فوق حمام مائي على نار هادئة ونحطها في كيس حلواني
http://

نزين الحلوى بخطوط من الشكولة
http://

بعد ماتنشف الشكولة البيضا نحط الحلوى في لي كيسات ونقدمها
http://

http://

للتقريب وليس للتعذيب ههههه لاحظو الكريمة اممممممممم
http://
نتمنى تجربوها لان ذوقها رهيييييب
ملاحظة
هذا الحلوى نحتفظ بها في الثلاجة لان الحشو فيه زبدة باه تبقى متماسكة

لاتنسوني غالياتي من صالح دعائكن ولكن بالمثل
في امان الله
 
آخر تعديل:
مممممممممممممممممالله يبارك ام اماني متميزة دائما يسلمو دياتك +تقييم
 
يعطيك الصحة هايلة
:up::up::regards01:
 
الله الله عليك يا الفحلة .................بربي ان شاء الله نجربو ونرجعلك الخبر
 
امممممم يا ام اماني
راني حاسة بيها تذوب في فميييي
قوليلي ماشي هادي الوصفة تع لمخاخ؟؟لانو حوست عليها مالقيتهاش
هوما يجو تقريبا هكا
 
شكرا لكن غالياتي ربي يسعدكم ويفرحكم كيما فرحتوني بروددكم
احبكن في الله
 
يعطيك الصحة ان شاء الله نجربها بعد ما نشري لمول تعجبني هاذ الحلوى بزاف
 
يممممممممممممم يمممممممممم
الله يبآآآآآرك عليك ا طآطآ جآتك هبآآآآآآآآل
وسيرتو دآك الطعم نتآع الشكولآلآلآ
بصحآآآتكم​
 
يعطيك الصحّة أم أماني روعة إن شاء الله نجرّبهم
 
الله يبآآركـ روووعــة
ديمآآآ تحفينآآ بوصفآآآت هآآيلــة
يعطيك الصحة

 

عمل متقوووون ...الله يبارك
ربي يحفظك...في انتظار جديدك دائما
كوني بخير
 
مشكورة اختي ام اماني
هاذ الوصفة يسموها لمخاخ
عملناها في عرس خويا
تجي زاكية تقطع بزاف وبنينة
مشكورة لافادة الاخوات
موفقة اخية
 
جا هايل هدى يعطيك الصحة
 
اممم يشهي اختي يعطيك الصحة و ربي يجازيك كل خير
و تستاهلي احلى تقييم
 
مشكورة اختي ام اماني
هاذ الوصفة يسموها لمخاخ
عملناها في عرس خويا
تجي زاكية تقطع بزاف وبنينة
مشكورة لافادة الاخوات
موفقة اخية
اهلا بالغالية عفاف
حنا حلوى المخاخ وصفتها مختلفة ونقلوها في الزيت ونحشوها بكريم باتسيير اما هذي تطيب في الفرن
مشكورة غاليتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top