- إنضم
- 1 أكتوبر 2012
- المشاركات
- 4,329
- نقاط التفاعل
- 3,756
- النقاط
- 191
على سلامتكم ان شاءا لله تكونو كامل بخير راني جيتكم اليوم بحاجة جربتها جديدة هي ماشي جديدة كنت عملتها بكري قبل ما نتزوجش ونسيت الوصفة واليوم بالصدفة لقيتهم في كتاب تاع حلويات وعاودت درتها وهي ساهلة ماهلة وحاضرة باش تقدموها للضيوف اخر دقيقة الي يجوك على غفلة وما يكون عندك حاضر اي شيء امالا هادي نص ساعة وتكون واجدة
تصلح للحليب والا للتاي يلا بلا ما نكثر هدرة:
زوج بيضات + 4 ملاعق كبيرة سكر + 4 ملاعق كبيرة زيت + مبشور ليمونة +واحدة ليفور + الفرينة تلمي بيها
اضربي البيض مليح وممكن تستعملي برك الفرشيطة انا ما استعملتش حتى الباطور ومن بعد تزيدي السكر والزيت والمبشور تاع الليمون وتبقاي اضربي ومن بعد الخمارة مع الفرينة والفرينة تزيدي بالشوي حتى تولي عندك عجينة تقدري تتحكمي فيها
تعملي منها براسليات والا صوابع ومن بعد ما تشكلي العجينة تاعك شعلي الزيت في المقلى خلي يسخن وحطيها ولازم تكون البراسليات تاعك ماهي كبيرة ما هي رقيقة مليحة برك لخاطر بالزيت راح يزيد حجمها وفي الاخير مرمديها في السكر والا عندك شيكولا ممكن تعمليلها غلاساج تاع شيكولا او شيء تحبيه المهم هاي ليكم التصاوار ومستنيا رايكم:
تصلح للحليب والا للتاي يلا بلا ما نكثر هدرة:
زوج بيضات + 4 ملاعق كبيرة سكر + 4 ملاعق كبيرة زيت + مبشور ليمونة +واحدة ليفور + الفرينة تلمي بيها
اضربي البيض مليح وممكن تستعملي برك الفرشيطة انا ما استعملتش حتى الباطور ومن بعد تزيدي السكر والزيت والمبشور تاع الليمون وتبقاي اضربي ومن بعد الخمارة مع الفرينة والفرينة تزيدي بالشوي حتى تولي عندك عجينة تقدري تتحكمي فيها
تعملي منها براسليات والا صوابع ومن بعد ما تشكلي العجينة تاعك شعلي الزيت في المقلى خلي يسخن وحطيها ولازم تكون البراسليات تاعك ماهي كبيرة ما هي رقيقة مليحة برك لخاطر بالزيت راح يزيد حجمها وفي الاخير مرمديها في السكر والا عندك شيكولا ممكن تعمليلها غلاساج تاع شيكولا او شيء تحبيه المهم هاي ليكم التصاوار ومستنيا رايكم:
وهاي ليكم من داخل طايبة وماشي معجنة مع انها ما تحتاجش تخليها ترقد والا اي حاجة:
آخر تعديل بواسطة المشرف:
