انا فتاة في مقتبل العمر ...

saralg

:: عضو مُتميز ::
إنضم
24 أوت 2011
المشاركات
947
نقاط التفاعل
100
النقاط
39
السلالآم عليكم ناس اللمة
واش ليجان و الجانات .. صافآ ؟؟
عندي شعال ماكتبتش هنا آلوغ جيت نخربش اليوم شويه :d
ساعة على ساعة نحب نقرى الجرنان ... و تعجبني وحد الصفحة هاديك تع $ طلبات الزواج $
ساعات تضحكني و الله .. دوك كاين اللي يقلي و علاه تضحكي ؟؟ يخي كل واحد و ظروفو.. الخ
كل واحد و ظروفو مي :
انا فتاة عزباء عمري 18 سنة ابحث عن شريك لحياتي ... آآآو مريضة نتيا .. صح قولولي هادي ماشي تروح تلتهى بقرايتها خير :-o
انا شاب بطال حاليا ابحث عن فتاة عاملة تملك مسكنها الخاص و حبذا لو تملك سيارة ... ايــــه نتا ريح فالدار و هي توكلك .. آخر الزمان :mad:
اريدها مملوءة ... آآآ خلايا :-o شوف خويا نمدوهالك فارغة و نتا ملاها وحدك داكوغ ؟؟؟
كهل عمره 72 يبحث عن فتاة لا تتجاوز ال30 ... كهل ؟ تبانلي اكتب شيباني باقيلو فيراج و يموت :-h


.
.
.

و الله ساعات يحيروني .. زعما بصح و لا يتمسخرو .. نبقى نسقسي في روحي .. gراv و الله

المهم كاش حاجه تخلع نسيتها فكروني بيها و اللي فهم يفهمنا ... و شكرا :regards01:
 
أهلا بيك سارة
درت قبل موضوع على هاذ القضية
http://4algeria.com/forum/threads/256126/

يحيروني هاذوك ألي يقلك وعندها مسكن خاص ههههه
باين طماع
والسؤال هل صلحتلهم وتزوجو من الجرائد ؟؟؟؟؟

 
ههههه :d
دايما نضحك فيها هاذيك الصفحة
ربى يستر من هاذ الوقت ومن هاذ العباد

شكرااا اختى على الموضوع
 
وعليكم السلام ورحمة الله وبركاته

هههه والله غير هبال
نزيدلك هذه :
أنا عامل حر أبحث عن فتاة عاملة بسلك التعليم
او بسلك الصحة ... ايييه يزيدو يشرطو ههه

حسب رأيي جاوني يتمسخرو وماعرف


ربي يهديهم ويهدينا

وشكرااا على الموضوع :)

 
بصراحة اختي نشوفهم للاستمتاع
كيما هاك نعرف العقلية تاع الدزيرين اكثر:d
انا رجل متزوج ابحث عن امرأة ثانية لتعيد لي شبابي
والله العظيم قريتها مرة تشوكيت المهبولة تقبل بيك وفي رقبتك عيال
صحيت لحبيبة على الموضوع
 
انا شاب بطال حاليا ابحث عن فتاة عاملة تملك مسكنها الخاص و حبذا لو تملك سيارة


شوفولي وحدة كيما هو هههههههههههههه
:p
لي يطمع في ربي حلال ما عليهش كي نطمعو فلعباد ههههههههههههه


تفاهات يا اختي قال القفص الذهبي قال ههههههههههه راني كيفك نحب نقراهم ونضحك من قلبي
مرسي على الموضوع الباهي خيتوو

 
بصراحة اختي نشوفهم للاستمتاع
كيما هاك نعرف العقلية تاع الدزيرين اكثر:d
انا رجل متزوج ابحث عن امرأة ثانية لتعيد لي شبابي
والله العظيم قريتها مرة تشوكيت المهبولة تقبل بيك وفي رقبتك عيال
صحيت لحبيبة على الموضوع
وش فيها كي عاد متزوج المهم ترجعلو شبابو شو دخل العيال ههههههه
كي شاب علقولو الكتاب طلي عليه تلقايه 75 هذا ههههههههه :p

أنا قريت لي أغرب من هاك يا اختي
ربي يجيب ساعة الخيـــــــــــر

 
كي كنت على ديداني حكيت على كلش يا نعيمة ختي هههه

و علاه درك وش بيك خويا سفيان ؟
شبت ؟؟
متخافش درك نشوفولك لي ترجعلك شبابك أنت تاني ههههه :p
مزال فيك الخير خويا :regards01:

 
وش فيها كي عاد متزوج المهم ترجعلو شبابو شو دخل العيال ههههههه
كي شاب علقولو الكتاب طلي عليه تلقايه 75 هذا ههههههههه :p

أنا قريت لي أغرب من هاك يا اختي
ربي يجيب ساعة الخيـــــــــــر

اللهم امين ربي يجيب ساعة الخــــير
نقول امالين العيال الله يهديهم اكيد مضروبين على الراس
بكاش حجرة ولا حاجة ثقيلة
 
ههههههه
كشما تشوفولي ألي نطيحلها شبابها ههههههههه
شاب رومنسي وحنون ابحث عمن تقدر الحياة الزوجية وحبذا لوكانت ذات مسكن خاص ههههههههه
 
ههههههه
كشما تشوفولي ألي نطيحلها شبابها ههههههههه
شاب رومنسي وحنون ابحث عمن تقدر الحياة الزوجية وحبذا لوكانت ذات مسكن خاص ههههههههه
يا لوكان تكتبها يا خويا سفيان لبنات كامل طيح عليك
على جال الرومنسي والحنون واما المسكن الخاص ما يتولهولهاش كــــامل يضربهم العما ويطير عليك المسكــن:cray01:
 
اللهم امين ربي يجيب ساعة الخــــير
نقول امالين العيال الله يهديهم اكيد مضروبين على الراس
بكاش حجرة ولا حاجة ثقيلة

ما هم مضروبين حتى بحاجة
مضروبين على الزواج كثر من ليجان
نص الدين كملوه حبو يكملو النص الثاني هههههههه

 
يا لوكان تكتبها يا خويا سفيان لبنات كامل طيح عليك
على جال الرومنسي والحنون واما المسكن الخاص ما يتولهولهاش كــــامل يضربهم العما ويطير عليك المسكــن:cray01:


ماعندهم ما يديرو بالرومنسية والحالة زوالية هههه
 
hhhhhhhhhhhh rabi yahdihoum
w ya3ni sah tzawjou
 
ما هم مضروبين حتى بحاجة
مضروبين على الزواج كثر من ليجان
نص الدين كملوه حبو يكملو النص الثاني هههههههه

:d
هذي بيان نص الدين لمرا لولة والنص الثاني لمرا الثانية
والله لا فور تاع الصح
قالك الراجل لا زملي زوج عينين
يدير المرأة لولة عادت عندو عين يزيد الزاوجة عادو عندو زوج
وهو العما ضاربو
 
ماعندهم ما يديرو بالرومنسية والحالة زوالية هههه
عندنا يقولو المرا وقصتها
ماعناتها تجيب معاها الخير ولا تجيب البلا
انت جرب وما راح تخسر والـــو لو كان تجيب الخير معاها :d
تترفه ودير واش تحــــب
 
بصراحة اختي نشوفهم للاستمتاع
كيما هاك نعرف العقلية تاع الدزيرين اكثر:d
انا رجل متزوج ابحث عن امرأة ثانية لتعيد لي شبابي
والله العظيم قريتها مرة تشوكيت المهبولة تقبل بيك وفي رقبتك عيال
صحيت لحبيبة على الموضوع

و الموضوع لي محير الشعب الجزائري:d
هههههههههههههه مازالو شباب الله يبارك اختي نعيمة
مي البروبلام تلقاي لي تقبل بيه:down:

اواه شكيت هذيك الصفحة بالذات زيادة في الجرنان هههههههه لتسلية فقط
خمي نعيمة نهار تلمي الجوهر وتترفهي اكتبي وحدة انت ثان غنية تبحث عن نصف دينها :p ويلزم تتشرطي انت ثان
اريده مترشح للرئاسة ولديه خبرة عالية في الاعمال المنزيلة وحبذا لو كانت هوايته الطبخ :d

سلامي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top