سلف المعزة ، محروم اللحم !!! أدخلو تعرفو

Only me

:: عضو بارز ::
أحباب اللمة
إنضم
27 مارس 2013
المشاركات
1,976
نقاط التفاعل
2,551
النقاط
411
محل الإقامة
BBA
السلام عليكم جماعة الخير


واش راكم وواش احوالكم؟؟ ،، مع السخانة هاذي :(


على هاذ الجو الحار واليامات تاع السخانة جبتلكم موضوع جديد حابة نسمع رايكم فيهـ

هاذي الحكاية عندها سمانة ملي صرات ،، السبت لي فات ماما ودار عمي راحو للعرس وبقيت في الدار انا وخويا ،، وفي العشية جاو نساب عمي مالقاوهش دخلهم خويا لدارنا وبدينا نقصرو معاهم

وبدا نسيب عمي هذا يخرف علينا بالأساطير تاع بكري

في ذاك النهار كان شوية البرد ، قالنا هاذ اليامات يقولولهم ايام محروم اللحم يعني الانسان والخنازير اكرمكم الله وكل ما حرم اكل لحمهـ ،، فهمنا بلي هذاك البرد يحس بيه غير محروم اللحم :s

وثاني كاين سلف المعزة ،، قالنا هذا يوم يجي عادة في 15 ولا 16 فيفري تكون الشمس فيه تصرع الدواب حاشاكم والمعيز ترجف من البرد :-o البارح حكمتني الحمة الباردة شكيت في روحي بلي معزة ههههه

وكاين 21 يوم قالنا يجيو 7 ايام في الشتا و7 ايام في الربيع و7 ايام في الخريف فيهم المطر والبرد يقتل :up:

وفوق هاذ الشي يقولنا ،، لوكان تحكي هاذ الشيء للجيل هذا يقولك مكانش منها لكن في الحق كاينة منها ( مثبتة علميا:-o )

ايه والله يا كي يستدل بشخصية من العصر الأزلي عمي فلان بن فلان لي مات سنة كذا وكذا نشفالو كان يقولنا ولا كان يدير كذا وكذا زعما نبي

عمو فلان كان يرمي التراب على الشجرة كي تخرج البراعم باش هاذوك البراعم مايطيحوش :-h


ايا بزاف عليكم لا يحبس مخكم ،، خليو شوية حق اللايك والرد

اتهلاو في رواحكم وبالوكو من سلف المعزة ههه:regards01:
 
هههههههههههه موضوعك ضحكني ونسيب عمك هدا كعبة وحدة
منقولكش منامنش بهاد الأساطير ومنقولش تاني نآمن بيهم
خاطر ما سمعت بيهم ما فاتو عليا
نشوف الأعضاء بلاك عندهم معلومات كتر

 
هههههههههههه موضوعك ضحكني ونسيب عمك هدا كعبة وحدة
منقولكش منامنش بهاد الأساطير ومنقولش تاني نآمن بيهم
خاطر ما سمعت بيهم ما فاتو عليا
نشوف الأعضاء بلاك عندهم معلومات كتر


ههههه بالاكي يغرك الشيطان وتامنيهم

انا راه خاطيني
 
أهلا بيك ختي
واش نكره الناس ألي تطلق هرهورها ، يعني تحكي وتلبز برك وخاصة مع ناس مايعرفوهمش
ثم زيدي يحكي على لحلالف والدواب ولمعيز

 
آخر تعديل:
أهلا بيك ختي
واش نكره الناس ألي تطلق هرهورها ، يعني تحكي وتلبز برك وخاصة مع ناس مايعرفوهمش
ثم زيدي يحكي على لحلالف والدواب ولمعيز
هذا داب اكرمكم الله

صح هو من النوع لي راك تحكي عليهـ وزيد مايقبلش خلاص واحد يعارضو سورتو في البوليتيك

بالصح ردك ماعجبنيش ،، مانسمحلكش تقول عليه داب مهما كان راهو انسان كبير :mad:

وزيد هاذو الشيوخ كامل كيف كيف عقلية وحدة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top