ماذا ستطبخين سيدتي ...انستي جزء'''31''''

الحالة
مغلق ولا يسمح بالمزيد من الردود.
صباح الانوار بسومتي وبصحت القهيوة
شريكتي الحلوة مابانتش يا درا واش راهي تخرب من ورانا بلاك اليوم تحصل معجة وتحط صور متعرف مزال مخلاصش زمن المعجزات
 
تقبل الله صلاتكم بمزيد من الاجر والثواب
مساء الخير لبنات
كش غدا راكم غير الهدرة والحكايات
بصحة لي تغداو وبصحة لي حيشربو حليبة ههههه
سهام ربي يخليك حنونتي وانت لاباس
ميمي لعشا تع سارة كليتو صابح ههههه
​
 
سلام لموياااات فحلاااات
جمعة مباركة علينا وعليكم إن شاء الله
==
كلشي بلي les calculesو لا وش قلتي حلوتي..؟!! :d
هههههههه كلشي معدوووول رغودة:p
 ==
ميمي لبسبوسة كنت غاطسة مع المحاجب ... ربي يخليك حبيبتي ويزوجك ههههههه:$
==
فوفتي لمسيلية بالشفاء لميمتنا الغالية .. طهور إن شاء الله
==
شريكتي أوووه تتمعكسي معليهش:mad: كي اليوم إن شاء الله وانا نحط .. ربي حنين كريم
==
وبالصحة والراحة ليكم..من لاسوب ..للشخشوخة المسيلية ..اللوبيا .. للتليتلي ..وكاااامل مكملييييين
اللهم أدمها نعمة على الجميييييع وأحفظها من الزوااال
​
 
آخر تعديل:
حكايتي مع الزفيطي والباطوط
​
عندي شحال ماحطيتش اطباق هنا كنت في تفكير كبير :s في كوزينتي
مع حملة الزفيطي والباطوط ياربي وش ندير زفيطي تع عفاف ولا الباطوط تع بسوم وكل واحد يقولي ديريني انا ههههههه
ايا شاورت الزفيطي قتلو ندير الباطوط قالي ديريني انا قتلو نت بالمهراس تع الحطب وانا ما عنديش قالي ابعثي لعفاف تبعثلك قتلو خلي ما نديرونجيش الطفلة نهرسك بالمهراس تع النحاس قالي يا شومي هههه عفاف تهرسني في تع الحطب بالحنانة والرقة نتي حتكسريلي عظامي ههههه
ايا قتلو مالا ندير الباطوط نعبز بيديا كيما ابتسام ههههههه
يا سيدي درت الكسرة وحطيت لحوايج والكوزينة مخربة كل شي يطايش وانا نشوي ونكوي ههههه
هذا فلفل وهادي طماطم وهادي دبشة وليمون اخيرا درت حاجة تشبه تالمو انا نديرو بصح نفتت الكسرة وندير مرقة عادي ونفور وهب في المرقة وحط المهم عاند وما تعاودش هههههه
بصح انا زت فيه حاجة وهي الفرماس يمي يمي وحمص وفلفل حار احمر يابس يا خرابي على الحرارة

المهم خرجت حاجة وكل واحد يقول سميها عليا باه ما يغيضهمش الحال تصورو كيفاه سميتها

سميتها الزفاطوط هههه خرجت ممممممم وش نقولكم :$حوحو شكرا لعفاف ابتسام كل وحدة ديت منها حاجة وزت من عندي





هادي قصتي ترقبو قصة اخرى :p:d
​

​
 
حدودة تامني بالله ما زال ماطابش غدايا ناس داري عادتهم يفطرو مور صلاة الجمعة كي يجي راجلي من صلاة الجمعة نفطر
و تسقسي عليك العافية ان شاء الله نقولو الحمد الله
شريكتي منيش نتمسخر قلت بلاك اليوم الجمعة ربي يستجيب لدعانا و تحطي غداك اليوم ههههههههههههههه
 
هههههههه حدة هاتي نديرو كوزينة للمسلاسلات ونحكمو الاخراج والمونتاج
والله مشيت معاك في االقصة صح هههههه
يصحتكم الزفاطوط وبصحتكم كامل غداواتكم
ززوزو تؤبريني يا نور العين
​
 
سهام كيفاش الغدا مكانش راهي 2:30 وععععععععع
شتي ياعفاف الكوزينة لازملها بطل ههه قصدي بطلة ومخرج ومنتج وخاصة المنتج هئهئهئهئهئ
​
 
اممممممممممممم على الزفاطوط والقصة رائعة
هههه ديتيني معاك وانا نقرا
يعطيك الصحة وبصحتكم
بصحتكم كامل يا لبنات ربي يدوم النعمة على الجميع ويعطيكم الصحة​
 
لا رانا فطرنا دوك نحط الفطور بصح راني نسيت الديكور هههه نحط ونتو شبحو وحدكم
دوك نحطو حدودة بصح و الله مغلطت كي قتلك يا الفرفوشة قتلتني بالضحك حكاية الزفاطوط بصحتك حنونة
 
آخر تعديل:
السلام عليكم. و جمعة مباركة . و شهية طيبة. للجميع.
أنا اليوم. درت بطوط. تع. لبسا كرة. بصح مودرن. بروبو. ليا أنا.
ودرت لغدا. كفتة و سلاطة. و بعد نحط. الصور.
 
السلام عليكم وجمعة مباركة علينا كامل
بصحتكم الغدا وبصحتكم واش طيبتو كامل يا البنات
انا درت روطي باللحم
89161366984642211.jpg
 
بصحتكم يالبنات واش طيبتو
هههه حدة على الزفيطوط مسكين خرجتيه من تراثو الاصيل
قلبتيه بالحمص والفرماس
المهم انو عجبك في الاخير
 
حدودة بصحتك الزفاطوط ...وزدتيلو الفرماس والحمص.. خموووس على أفكارك:$
==
نانوس بصحتك روطي اللحم يمي يمي.. نعمة دايمة إن شاء الله
==
ام منة بصحتك أختي باطوط الروبو و الكفتة امممممممممم
==
ابتيسو بصحتك القهيوة باه ماتقوليش نسيتك ههه
واللي نسيتها أكييييييييييييييييييد جاميتها:$
​
 
حدة يا حدة قصة شابة بزاف رحت معاك تجي عليك كاتة سيناريوهات بصحتك الزفطوط
ام منة اطباق شهية اعطيني طريقتك في الباطوط راه يبان يسخف
نانوسيتا بصحتك الروطي و اش راهم وليداتك
سمورة بصحت التليتلي
سموا انا تاني غي شويا هاك تغديت بحكم منضتش بكري جيت عيانة من العرس
زوزو واش احوالك كيفاش الجو اليوم عندكم
عفاف طهور على ميمتك
بيسوا واش نويتي للغداء اليوم
وينهم باقي الشيرات وين رحتوا اليوم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top