حابة رايكم

سمسم السمسومة

:: عضو بارز ::
أحباب اللمة
إنضم
1 أكتوبر 2012
المشاركات
3,154
نقاط التفاعل
2,385
النقاط
191
محل الإقامة
باتنة
مرحبا بيكم والله هاذي وحشة كبيرة للمنتدى و للناس لي جمعني بيهم المنتدى.....يا رب تكونوا بخير و متتعاودش هاذ الغيبة....المهم حاجة في بالي و كنت نستنى وقتاه نرجعوا باه نقولكم عليها...المهم في هاذ الفترة لي كان المنتدى مغلوق داني الفضول و رحت صراحة طليت على منتديات أخرى و حتى سجلت فيها المهم و أنا نتصفح فالمواضيع الموجودة فيها كاينة حاجة لفتتلي انتباهي و هي أنوا كاين موضوعين شفتهما هنا في القسم هاذا بالذات لقيتهم نفسهم في هذاك المنتدى و الحاجة الغريبة لي جاتني انوا الموضوعين منقولين حرفيا و حتى بالعنوان.....صراحة الرد تاعي كان أنوا طرحت سؤال على صاحبة الموضوع و قلتلها هل المواضيع تاعك و هل انتي نفس الشخص لي كتب الموضوع قبلا جاوبيني باه نرد عليك....الصراحة استنيت الاجابة و كانت بلي هي الموضوعين منقولين في زوج....معليش عارفة بلي كاينة مواضيع أغلبية الأشخاص راهم يديروا فيها بالطريقة هاذي مي الحاجة لي معجبتنيش صح أنوا في هاذ القسم بالذات رانا نحكوا على حوايج تصرا معانا في يومياتنا....و الصراحة جاتني مهوش القسم لنديروا منوا كوبي كولي و نحطوه في منتدى أخر....علاه الشخص التفكير تاعوا عقيم للدرجة هاذي حتى ميعرفش يعبر على الواقع تاعوا و يجي ينقل منا يحط لهيه....و نتوما واش رايكم
 
نورمال واش راحة ديري او كلش يهزوه من عندنا مكانش حقووق النشر محفوظة
وافقت على الموضوغ
 
سلام اختي

نعم هذا اللي صاري وكاي بعض الاعضاء يحطوا موضوع ماش باش يستفادوا ولا يفيدوا نونو يحطوا موضوع

ويستناو الردود فقط ....ربي يهدينا ان شاء الله والله حاجة تحير لوكان معلومات اخرى بلاك نتقبلوا المنقول

مشكورة اختي

دمتي في رعاية الله وحفضه
 

سلام اختي وي الاغلبية راهواااااا كوبي كولي واش تحبييييييي هادي هيا العقلية تاع المنتديات موضوع مليح مرسي
 
آخر تعديل:
الله غالب ممكن ميعرفوش ايعبروا على مشاعرهم
بطريقه او باخرى او ميعرفوش يكتبوا صح واش في داخلهم
او المواقف اللى عاشوها
واش تحبي هكا يحبوا باه ميتعبوش رواحهم في الكتابه
تحياتى لكى وشكرا على الموضوع
 
شوفي سمسومة
انا شفت لموضوعك من شحال ن زاوية

اللولة هي: انك خاينة وما عاد نصافيك ياللي خاب ظني فيك
غابت اللمة يومين بدلتيها بمنتديات اخرى اخص عليك ههههههه

والحاجة الثانية : يا درى الموضوع اللي شفتيه منقول لادات تعو قبل تاعنا ولا موراها؟
خاطر معروف على اعضاء اللمة وخصوصا الاوفياء لمنتدى واش راك تهدر انهم يجيبو غير الحصري اللي يصرا فالمجتمع تعنا
ممكن يكونو هوما اللي سرقولنا المواضيع تعنا
ولاكان العكس عندي معاك هدرة فالبغيفي خخخخخخ

 
اوووووووه و الله يا اختي لا بريزيتيني أصلا أنا نحب هاذ المنتدى بالذات على جال نحكي فيه براحتي و بلهجتي و اذا وصلنا لكوبي كولي حتى هنا دونك ما بقات مصداقية في حتى شي و الله لانقول من قلبي خسارة و ألف خسارة كاين هنا حتى مشاكل ديال ناس و اللي لقى عندو نفس المشكل على الأقل يكلف خاطرو و يعبر عليه بطريقتو
شكرا يا سمسومة على المعلومة
 
اهلااا سمسومة ....
الظاهرة الي تحكي عليها كاينة في اشحال من حاجة ..ماشي غار في المواضيع ....
الي تشوف حاجة في ديكور جارتها مثلا تهزها كيم هي فوتوكوبي و علاه انت ماكيش مرا ؟؟؟ ماعندكش لمسة خاصة
و الي تشوف عندك قندورة و لا حتى حاشاك صباط هاذاك هو الي تشريه ....
انا اعوذ بالله منكلمة انا نهبل من التقليد ...اماجيني حتى لي روسات تاع القاطو ونبدل فيهم و اله ما نديرهم كوبيي كولي غار الي نخاف تفسدلي و هكاك و نبدل في الزينة ....
وين يا المواضيع ..العلمية و نشقلبها ....اله غالب كل واحد كيفماه يخمم ....و ربي يهدي .....
خاصة واحدكي ينقل في الحق يكتب منقول للامانة على الاقل ....

و قوليلي سمسومة ...المواضيع هاذو ماهمش نتاعي بارازار ...؟؟....خلي نباصيهم ...هههههه

 

وعليكم السلام
سرقو اللمة بمافيها حتى شكلها
وقالو أبدعنا
واش نديرو أختي حصريات اللمة بكلها تنهبت
مرة لقيت عضو في منتدى خلاف سارق موضوع مسابقة قد السخط
دارها الأخ فريد أبو فيصل !!
ماخلاو مانهبو
تبقى اللمة خير منهم مهما سرقو
الأصل واضح !!
تقبلي مروري
سلامي
 
قلمي سلاحي، تم حظره "حظر دائم". السبب: مخالفة القوانين
كاين ناس هاكدا يسرقوا حتى الكحل من العين :d
ويحسدوك حتى على كلمة خرجت من قلبك يا إما يسرقوها ولا يوظفوها في غير منصبها
:):)
 
كاين ناس هاكدا يسرقوا حتى الكحل من العين :d
ويحسدوك حتى على كلمة خرجت من قلبك يا إما يسرقوها ولا يوظفوها في غير منصبها
:):)
:p:d:regards01::up:
 
السلام عليكم
انا قلبي يوجعني وما نحملش :( :mad:
اااه اااااه من ريسان البيطون و ريسان السيما اففف
تلاقيت زوج مرات بمواضيع مسروقة من اللمة تاعنا و مرة لقيت موضوع مسروق كوبي كولي من منتدى واش راك تهدر لمنتدى واش راك تهدر ههههههههههه فهمتوها؟؟؟؟
يعني كان موضوع هنا محطوط و جات عضوة وولا عضو ما نعرف وعاودت حطاتو في نفس المنتدى :!!!!!! يا عجب العجاب !!!!!!!!!!
الي سرق موضوع راهو سرق افكار وقصص و مشاعر و جهد غيرو
ربي يهديهم
حاسبينها ساهلة ....
شكرا سمسم :regards01:​
 
نورمالمو كل واحد وتخمامو وكل واحد كيفاش يشوف من جيهتو
مي بالاك ما يحبوش يشقاو هه هههه والله عجب
شكرا على الموضوع
 
ابن عمي هاااااااااااااااااااااااااااااااااااااااااااا..مايخليو والللوو..بدون تعليق سمسمو...على فكرة انا واحشتك اوي اوي :p
 
لدي فكرة اعتقد انها ستكون كفيلة بالقضاء على هذا المشكل نهائيا :d
ساطرحها على الادارة قريبا :regards01:

 
السلام عليكم
انا قلبي يوجعني وما نحملش :( :mad:
اااه اااااه من ريسان البيطون و ريسان السيما اففف
تلاقيت زوج مرات بمواضيع مسروقة من اللمة تاعنا و مرة لقيت موضوع مسروق كوبي كولي من منتدى واش راك تهدر لمنتدى واش راك تهدر ههههههههههه فهمتوها؟؟؟؟
يعني كان موضوع هنا محطوط و جات عضوة وولا عضو ما نعرف وعاودت حطاتو في نفس المنتدى :!!!!!! يا عجب العجاب !!!!!!!!!!
الي سرق موضوع راهو سرق افكار وقصص و مشاعر و جهد غيرو
ربي يهديهم
حاسبينها ساهلة ....
شكرا سمسم :regards01:​

يا ريت تنبهونا لمثل هاد الأمور حتى نتصرفو معاها
شكرا لك :regards01:
 
اقتباس

نورمال واش راحة ديري او كلش يهزوه من عندنا مكانش حقووق النشر محفوظة
وافقت على الموضوغ

مشكور أخي على الموافقة....و حتى اذا مكانش حقوق النشر في بالي الواحد يحاول يكون هو و فقط ...المهم يكتب حاجة خاصة بيه.....تحياتي لك
 
اقتباس

سلام اختي

نعم هذا اللي صاري وكاي بعض الاعضاء يحطوا موضوع ماش باش يستفادوا ولا يفيدوا نونو يحطوا موضوع

ويستناو الردود فقط ....ربي يهدينا ان شاء الله والله حاجة تحير لوكان معلومات اخرى بلاك نتقبلوا المنقول

مشكورة اختي

دمتي في رعاية الله وحفضه

نعم الحاجة الأكيدة هي انوا مكانش همهم الاستفادة مي باه يقولوا درنا موضوع و السلام و كل واحد يدير موضوع لي حلالوا مي مش بالطريقة هاذي ندي من هنا و نحط لهيه في أبسط الأشياء لي رانا نحكوا فيها...و كيما قلتي كاين مواضيع نتقبلوا انها تكون منقولة مي لكل حاجة حدود....مشكورة على ردك الجميل أختي تحياتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top