ناس الغرب رحبو بينا كيما لازم الحال مي ناس الوهارنة وش نقلكم ...

الحالة
مغلق ولا يسمح بالمزيد من الردود.

sahiko hamza

:: عضو بارز ::
أحباب اللمة
إنضم
14 جويلية 2008
المشاركات
3,676
نقاط التفاعل
2,253
النقاط
191
العمر
38
محل الإقامة
وادي سوف
الجنس
ذكر
سلام عليكم ورحمة الله





ها وش راكم لاباس بخير
ربي ينجح لي راه يعقب فالباك ومام ينجح فالناس لي راح تفوت على البيام وينجح الناس كامل
اتهلاو في رواحكم وكيما يقولوا لعجايز سلامة روسكم




الحمد لله قطعنــا قريب 3500 كيلو متر من الشرق حتان الغرب
بديناها على ناس خميس مليانة ونعطيهم الف تحية ونقلهم بارك الله فيكم استقبلتونــا مليح ومام ناس مليانة عندي مانقول فيهــا
انا نحير فالعباد ويقلك لبلاد مافيها والو
كيفاه بلاد فيها مليانة ويقولوا مافيها والو ؟؟ :s أمبوسيبل
وقيل كي نتزوج ندير شهري العسل تم لأنو ناسها عسل والله ....


نزيدكم تانــي الشلف تم لقينا حبيبنا وحبابنــا بصح الله غالب مانعرف حتى واحد من اللمة كون هكاك درنــا قهاوي وريحنــا


فهاداك النهار درنــا عشا في وهران وهنــا صرا تقلب جوي
مانعرف اسم المكان مي وقيل بلازدارم
وين كاينىة مقر البلدية
دوماج كيف كيف مانعرف حتى واحد كون هكــاك درنــا فيها عشا ....


من غد روحنــا لتلمسان ايييييييييييييييييييه مانحكيلكمش عليها
بويسك كانت احسن ماكنت نستنى فيهــا
المناظر الخلابة على مد عينك
ناسها هايلين وكلش ...ناس توت أوبسيون الله يبارك ...
هاداك المنظر من الفوق لذرك راه مزال في راسي وسيرتو فالليل ....
ناس مستغانم الله يبارك عليهم مانحكيلكمش
ناس غيليزان تيارت وهاديك الطريق كامل رحبو بينا



انا نحير والله فالعباد لي يقلك بلادنا مافيها والو وفيها بلايص ابين كيما لي قلت عليهم وبلاك كاين ماخير منهم وانا مافتهمش ....

بلادنا مليحة والله ....
ماتقولوليش برك على التصاور لأنهم راهم فالفايس بوكـ ...


بالمناسبة راني نسلم على ناس الغرب كامل وسيرتو لي حكيت على بلايصهم ...

مارسي غليكم وربي يخليكم

.... :d
 
الله يباركـ .. الغاشي كامل مرحب بيكـ يا خويا يسمعوكـ بيكـ الوزراء تاعنا يغيرو منكـ .. وعلى فكرة للباصة هديكـ لفي وهران أسمها بلاس دارم ;)

ربي يدوم لمحبة مع حبابكـ خويا حمـزة .. واني حبيت نخلي رد بسيط هنا لانو الموضوع من كتابة صديقي العزيز :up:
 
آخر تعديل:
الله يباركـ .. الغاشي كامل مرحب بيكـ يا خويا يسمعوكـ بيكـ الوزراء تاعنا يغيرو منكـ .. وعلى فكرة للباصة هديكـ لفي وهران أسمها بلاس دارم ;)

ربي يدوم لمحبة مع حبابكـ خويا حمـزة .. واني حبيت نخلي رد بسيط هنا لانو الموضوع من كتابة صديقي العزيز :up:



اوهوه اوهوه ....
بابابابا

علي اول من يرد عليا
ياخااااااااااااااااااااااااه
علي تاعنا وسعو وسعو
هارواح هاخويا لعدنــا والله شي مايخصك
وهاك تعرف حبيبك
اسكت عليا برك
جيت مدهون لخر ههههههه
 
ايه انا معاك في كلامك

و حق بلادنا روعة و معرفناهاش برك

انا ثاني حلمي الوحيد اني ندور ل 48 ولاية و نشوف بلادي الزينة

و الله يااخي غير انو يحوسو يخرجو من لبلاد و ميحوسوش يشوفو بلادهم

انا نقولك بصحتك الخرجة ديالك نتوما الرجال مش كما حنى مالا غير غتنمو فرصة شبابكم و عيشو حياتكم

 
و عليكم السلام خيو
راني معاك بلادنا شابة و ناسها 4
الله يبارك وانا 48 ولاية حوستها:d
مشكور خويا​
 
و عليكم السلام و رحمة الله تعالى و بركاته

مساء النور خويا حمزة

أيه بصحتك الخرجة لعقوبة للمرة الجاية ان شاء الله تزورنا في مدينة الورود ان شاء الله

و ما شاء الله على بلادي من الحدادة للحدادة راهي فوووووووووووووووور بزااااااااف

ربي يحفظ بلادنا
 
اهلا بيك خويا حمزة..ايهيه بصحتك التحوييسا..وي بلادنا شابة بزززااف بززاف ..سورتو الغر ام يقولو عليه وفوور بزااف..ان شاء الهه نروح ليه كاش نهار..تقبل مروري ..
 
وعليكم السلااااااام

بصحتك التحويسة خويا
بصح مافهمتش مليح ؟؟
ناس الغرب رحبو بينا كيما لازم الحال مي ناس الوهارنة وش نقولكم


مارحبوش بيكم مليح ولا ؟؟؟؟؟؟؟


:d :d :d


تحيــــــــــــاتي’’

 
اهلا بحمزوش
ايييييييه سخفتني راك درتها كامل :-r
وي بلادنا باهية مي احنا منشوفوهاش بالعين اللي يلزم نشوفوها بيها
لعقوبة نهار تعفس أرض الجسور المعلقة ونتهلاو فيك كيما يلزم الحال ;)
بصحتك التحويسسسة
 
اووه خويا بصحتك
اي و بلادنا فوور و بزور
مام انا عجبتي ياسر وهران و تلمسان بلاد نقية و فورر تحس الاصالة فيها
بصحتك خويا
 
وعليكم السلام

بلادنا من أجمل البلدان
بصحتك أخي التحويسة بين الولايات الجميلة
ومرحبا بيك عدنا في عنابة وفي الشرق بكل
تحياتي
 
وعليكم السلآآآم
أووووه هآو غيرت منكـ انآآآ ;)
بصحتك التحويسة والله مآعليكـ درت شحآل من بلآصة
لعقوبة لنهآر تزور بلآيص أخرين مآرحتلهمش
بصح نصيحة لوجه مرتك المستقبلية بركـ
انآآ ورآسهآ مآتديهآ تفوت شهر العسل في مليآنة
يآخي نحآولكم الفيزآ للتركـ ، خليهآ تسمع هدرة مش كمآ تآعنآ
وتشوف الدنيآ شويآ ، ولآآ سينو النص في شهر العسل تفوته
في هديكـ الطريق الطويلة بينكم وبين بسكرة :p
 
بصحتك تحويسة لعقوبة لينا اكثر حاجة نحبها ومرة اخرى بصحتك خويا حمزة
 
SETIF étudiant، تم حظره "حظر دائم". السبب: مخالفة القوانين
:-r والله يا تلمسان في خاطري نزورها برك قالو عليها حضارة تاع الصح... عادات تقاليد نظافة وناسها قمة متحضرين هوما لي زادو زينوها ما كثر ..... لي بييزاج لي في تلمسان و كأنك في لوروب .. كل شيء:-h
 
آخر تعديل:
بصحتك التحويسة
و اكيد بلادنا شابة هدي لا يختلف عليها اثنين
لكن حبيت نسال فقط هدي الجولة تجوز تطبق على اسرة
يعني اب و زوجته و اولادهم
كون كملت جبتنا بعض الصور
و بارك الله فيك
 
ايه انا معاك في كلامك

و حق بلادنا روعة و معرفناهاش برك

انا ثاني حلمي الوحيد اني ندور ل 48 ولاية و نشوف بلادي الزينة

و الله يااخي غير انو يحوسو يخرجو من لبلاد و ميحوسوش يشوفو بلادهم

انا نقولك بصحتك الخرجة ديالك نتوما الرجال مش كما حنى مالا غير غتنمو فرصة شبابكم و عيشو حياتكم


بارك الله فيك
والله الموضوع درتو ماشي على جال التحويسة
درتو على جال العباد يقلك بلادنا مافيها والو ... بففففففف :s


و عليكم السلام خيو
راني معاك بلادنا شابة و ناسها 4
الله يبارك وانا 48 ولاية حوستها:d
مشكور خويا​

الله يبارك
مزالك بزاف ولايات غي ماتفرحيش ....

و عليكم السلام و رحمة الله تعالى و بركاته

مساء النور خويا حمزة

أيه بصحتك الخرجة لعقوبة للمرة الجاية ان شاء الله تزورنا في مدينة الورود ان شاء الله

و ما شاء الله على بلادي من الحدادة للحدادة راهي فوووووووووووووووور بزااااااااف

ربي يحفظ بلادنا

مدينة الورود زرتها
وراني مديسيدي نزيد نشم شويا ورود بويسك فيها ورود شابين ;)

 
اهلا بيك خويا حمزة..ايهيه بصحتك التحوييسا..وي بلادنا شابة بزززااف بززاف ..سورتو الغرب ام يقولو عليه وفوور بزااف..ان شاء الهه نروح ليه كاش نهار..تقبل مروري ..

اهلا الشاوية
ان شاء الله يا ربي علاش لا لا
مرحبا بيك فالغرب هادي راح تسمعيها بيان سير .. :up:

وعليكم السلااااااام

بصحتك التحويسة خويا
بصح مافهمتش مليح ؟؟
ناس الغرب رحبو بينا كيما لازم الحال مي ناس الوهارنة وش نقولكم


مارحبوش بيكم مليح ولا ؟؟؟؟؟؟؟


:d :d :d


تحيــــــــــــاتي’’

:-r :-r:-r

اهلا بحمزوش
ايييييييه سخفتني راك درتها كامل :-r
وي بلادنا باهية مي احنا منشوفوهاش بالعين اللي يلزم نشوفوها بيها
لعقوبة نهار تعفس أرض الجسور المعلقة ونتهلاو فيك كيما يلزم الحال ;)
بصحتك التحويسسسة

اااااااااااااااااااااااااه والله كنت مديسيدي نرجع من تم مي دومااااااااج
الله غالب فرصة اخرى ان شاء الله نجوكم ياك هكا امينة ..

اووه خويا بصحتك
اي و بلادنا فوور و بزور
مام انا عجبتي ياسر وهران و تلمسان بلاد نقية و فورر تحس الاصالة فيها
بصحتك خويا


النظافة راهي في تلمسان
وهران ديزولي
كاين صح شي بلايص مي ماشي كامل
تلمسان صح :up:

 
وعليكم السلام

بلادنا من أجمل البلدان
بصحتك أخي التحويسة بين الولايات الجميلة
ومرحبا بيك عدنا في عنابة وفي الشرق بكل
تحياتي

كي تقوليلي عنابة نتفكر ديغكت سوناتيباااا
ايه عنابة مليحة تاني سيرتو قنطرة لهوا
ومام بوثلجة وبزاف بلايص انا نسيت اساميهم
الله يبارك على الشرق ..

وعليكم السلآآآم
أووووه هآو غيرت منكـ انآآآ ;)
بصحتك التحويسة والله مآعليكـ درت شحآل من بلآصة
لعقوبة لنهآر تزور بلآيص أخرين مآرحتلهمش
بصح نصيحة لوجه مرتك المستقبلية بركـ
انآآ ورآسهآ مآتديهآ تفوت شهر العسل في مليآنة
يآخي نحآولكم الفيزآ للتركـ ، خليهآ تسمع هدرة مش كمآ تآعنآ
وتشوف الدنيآ شويآ ، ولآآ سينو النص في شهر العسل تفوته
في هديكـ الطريق الطويلة بينكم وبين بسكرة :p

هههههههههههه
نروح لتركيا ونخلي مليانة ؟؟
نروح لأسطنبول ونخلي اسطمبولات هنا
ياو زوري برك الغرب وهارواحي احكي معايا كيما هك
بلادي مانبدلهاش باش تكون ..

بصحتك تحويسة لعقوبة لينا اكثر حاجة نحبها ومرة اخرى بصحتك خويا حمزة


ميرسي عليك خيتو
عقوبة ليك ولأكثر حاجة تحبيها

 
الله الله عليكم درتو تقريبا دزاير كاملة
ومرحبا بيكم مرة اخرى في خميس مليانة ع الراس والعين شي مايخصكم
بصحتكم الخرجة خويا حمزة
ولعقوبة لوحدوخرة مع اعضاء من اللمة ان شاء الله
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top