شكون يقدر يحكي كيما أنا ....

sahiko hamza

:: عضو بارز ::
أحباب اللمة
إنضم
14 جويلية 2008
المشاركات
3,676
نقاط التفاعل
2,253
النقاط
191
العمر
38
محل الإقامة
وادي سوف
الجنس
ذكر
سلام عليكم ورحمة الله


nZ6EX.gif


:p :p :p

واش راكم بخير
واش راهم جماعة الباك
قولونا لاراكم مالاح بعد الندابات لي درتوهــا



:d :d :d



حبيت نحكي برك في موضوعي على

اختلاف اللهجات



ماشي كيما لهجت الصحرا كيما لهجة الشرق كيما الغرب كيما الوسط كيما العاصمة كيما بلاد حنونـي ....


مي زعمـا شكون اللهجة المفهومة عند الناس كامل
ولا ويناه لي يقدر يحكي باللهجات كامل


نحكي على روحي نقدر نحكي عنابي قالمي سكيكدي جيجلي قسنطيني قبايلي كي يكسر العربية
والله يا العاصمي ومام طون نقدر نحكي بليدي
زيد نقدر نحكي شلفاوي وهراني تلمساني ملياني

نقدر نحكي جلفاوي اغواطي وروح روح روح

لي يفوت من هنــا برك يقولنا ويناه من اللهجات لي يقدر يحكي بيهم
ولازم يتقنهم تاني ماشي يعرف كلمة برك يقلك نحكي بيها



هيا خلوني نشوف ثقافتكم فاللهجات تاعنـا .
 
آخر تعديل بواسطة المشرف:
و عليكم السلآم و الرحمة ..

أهلآ خويآ حمزة ان شآء الله تكون بخير ،
خلي نجآوبكـ :

واش راهم جماعة الباك
قولونا لاراكم مالاح بعد الندابات لي درتوها


أنآ نحمد ربي لي خرجت سلآمآت من هآذيكـ الحرب مآشي بآكـ :d

نرجعو لموضوعكـ ،

عندكـ حق حنآ بلآدنآ وآسعة ..
و على قد مآ رآهي وآسعة على قد مآ تنوعت اللهجآت فيهآ ..
و كل وآحد أكيد رآح يقلكـ لهجتنآ خير مفهومة و نتآ في بآلكـ نتآعكـ خير ..
هآذي حآجة مآنقدروش نعينوهآ كل وآحد و وين تربى و على وآه تعود ..
بالنسبة ليآ نحب يآسر اللهجة التبسية كيمآ نحكي عآدي بالقسنطينية
و لهجة العآصمية كآمل يعرفوهآ
+ من اللمة تعلمت قدآه من هدرآت و كلمآت من ولآيآت اخرين :up: ..

مشكور عالموضوع :)


 
مساء النور خويا
أنا ما نكدبش عليك تغيبلي دي فوا في بعض الكلمات
صح نفهم معظم اللهجات مي ما نقدرش نحكي بيها
وكاين بعض الكلمات خطفتهم من هنا من هاذ المنتدى و كاين اللي نفهمهم برك من خلال الجملة اللي تحطو فيها و كاين اللي مازالني نحوس واش معناتهم
ههههههههههههه شكرا خويا على الموضوع بالاك نزيد كاش ما نخطف من خلال الردود ديال خاوتنا في المنتدى

 
نقدر نحكي جلفاوي اغواطي وروح روح روح


نقولو اقواطي مش اغواطي هاذي أول الأخطاء ههه


يعطيك الصحة حمزة انا عمري مافكرت نتعلم لهجة نهدر نورمال مع الكل
لكن مرات كي نجي باش نهدر بلهجة مختلفة شوية كما صحاب عنابة وتبسة مانعرفش
يعني نعرف نقول كلمات لكن مش جمل طويلة + كاين بعض الكلمات مانفهمهمش في لهجات ولايات اخرين

لكن على حساب وش راني نشوف في المنتدى كي يكتبو تقريبا نهدرو كيف كيف
مام كاين كلمات يقولوهم اصحاب الصحرا نلقا صحاب قسنطينة على سبيل المثال يقولوها
حتى هم وكنت حاسبة اني لما نقولهالهم مش رايحن يفهموني
نظن الاختلاف تقريبا راه في النطق برك

نموووت في العنابيين كي يقولو : فاها مش فيها :graduation:
 
انا واش نقولك

قبايلة و كي دخلت للمة

رفد منا و من

و درك نحكي و نهدر كما جات المهم نفهم واش حبيت نقول

و راني نفهمكم كامل و هذا هو الصح

 
و عليكم السلآم و الرحمة ..

أهلآ خويآ حمزة ان شآء الله تكون بخير ،
خلي نجآوبكـ :

واش راهم جماعة الباك
قولونا لاراكم مالاح بعد الندابات لي درتوها


أنآ نحمد ربي لي خرجت سلآمآت من هآذيكـ الحرب مآشي بآكـ :d

نرجعو لموضوعكـ ،

عندكـ حق حنآ بلآدنآ وآسعة ..
و على قد مآ رآهي وآسعة على قد مآ تنوعت اللهجآت فيهآ ..
و كل وآحد أكيد رآح يقلكـ لهجتنآ خير مفهومة و نتآ في بآلكـ نتآعكـ خير ..
هآذي حآجة مآنقدروش نعينوهآ كل وآحد و وين تربى و على وآه تعود ..
بالنسبة ليآ نحب يآسر اللهجة التبسية كيمآ نحكي عآدي بالقسنطينية
و لهجة العآصمية كآمل يعرفوهآ
+ من اللمة تعلمت قدآه من هدرآت و كلمآت من ولآيآت اخرين :up: ..

مشكور عالموضوع :)



تبسية اها ....
او عمبالك
والله كي يجي فاميلتي لهنا في واد سوف
ياو قداه يحب يقعد معايا خاطر نفهمو مليح ويفهمني ونقداه نعجبو كي نحكي كيفو هههه
لهجة تبسية مام هي تعجبني .. ;)
 
السلام عليكم

واش راكم بخير
واش راهم جماعة الباك
قولونا لاراكم مالاح بعد الندابات لي درتوهــا

خرجنا بأخف الاضرار :d

والحمد لله

نوليو للموضوع

بالنسبة ليا نفهم معظم اللهجات تاع دزاير
عندي مشكل برك مع اللهجة الجيجلية :d
اما من ناحية الهدرة نسلك روحي شويا فالهجات تع الشرق
الجوايه لخرين خاطيني

وزيد بلادنا الله يبارك واسعة
مام فالولاية الواحدة قادر تلقى اختلاف فالهجات
مستحيل الواحد يتقن اللهجات كامل
ليسونسيال نفهمو بعضانا :-r

يعطيك الصحة على الموضوع
سلام

 
انا اممم نحكي بلهجتي اكيد تلمساني
وشوية وهراني وعاصمي و غير زوج ولا تلاتة كلمات قبايلي هههههه
مرسي على الموضوع شباب بزاف
مي نتا تبارك الله عليك تقريبا كل اللهجات
 
مساء النور خويا
أنا ما نكدبش عليك تغيبلي دي فوا في بعض الكلمات
صح نفهم معظم اللهجات مي ما نقدرش نحكي بيها
وكاين بعض الكلمات خطفتهم من هنا من هاذ المنتدى و كاين اللي نفهمهم برك من خلال الجملة اللي تحطو فيها و كاين اللي مازالني نحوس واش معناتهم
ههههههههههههه شكرا خويا على الموضوع بالاك نزيد كاش ما نخطف من خلال الردود ديال خاوتنا في المنتدى


شوفي ختي
ساهلة خلااااص
وشيا لازمك تحوسي برك فالخيمات وعلى ربي تتعلمي اللهجات
ياو مافيها والو ..
:d
 
اللهجة المسيلية ما نظنش تتقنها بيان بيان سيرتو نتاع بوسعادة والجوايه هاذوك
خيتك تعرف شوي من وشوي من وكيما الجاج وين تحطني نعيش
نهار جاتني مروة تقولي جيبيلي لاغوب الساع ما فهمتش الساع هاذي يا ربي واش راها تقول يا ربي وهي راها لاغوب الي قستها من قبل يعني الاولى اااه يجيبلك عيطة عمرك
يمكن كاني لهجات نعرف نحكيهم وكاين نبقى نبوه فيهم برك ههههه
 
نقولو اقواطي مش اغواطي هاذي أول الأخطاء ههه


يعطيك الصحة حمزة انا عمري مافكرت نتعلم لهجة نهدر نورمال مع الكل
لكن مرات كي نجي باش نهدر بلهجة مختلفة شوية كما صحاب عنابة وتبسة مانعرفش
يعني نعرف نقول كلمات لكن مش جمل طويلة + كاين بعض الكلمات مانفهمهمش في لهجات ولايات اخرين

لكن على حساب وش راني نشوف في المنتدى كي يكتبو تقريبا نهدرو كيف كيف
مام كاين كلمات يقولوهم اصحاب الصحرا نلقا صحاب قسنطينة على سبيل المثال يقولوها
حتى هم وكنت حاسبة اني لما نقولهالهم مش رايحن يفهموني
نظن الاختلاف تقريبا راه في النطق برك

نموووت في العنابيين كي يقولو : فاها مش فيها :graduation:


لقواط زينة بصح خسرها الزيش
ايه لأنو الناس كاملة تحاول تكتب بالكلمات المفهومة
احكي معاه فالفيس بوك ولا سكايب دوك توفي الديفيرونس
طفلى ولا طفل .
 
انا واش نقولك

قبايلة و كي دخلت للمة

رفد منا و من

و درك نحكي و نهدر كما جات المهم نفهم واش حبيت نقول

و راني نفهمكم كامل و هذا هو الصح



ايه هداك هو الصح
المهم انو احنا نكتبو هنايا فالمنتدى وانتموا تفهمونا هههه
:d
 
السلام عليكم

واش راكم بخير
واش راهم جماعة الباك
قولونا لاراكم مالاح بعد الندابات لي درتوهــا

خرجنا بأخف الاضرار :d

والحمد لله

نوليو للموضوع

بالنسبة ليا نفهم معظم اللهجات تاع دزاير
عندي مشكل برك مع اللهجة الجيجلية :d
اما من ناحية الهدرة نسلك روحي شويا فالهجات تع الشرق
الجوايه لخرين خاطيني

وزيد بلادنا الله يبارك واسعة
مام فالولاية الواحدة قادر تلقى اختلاف فالهجات
مستحيل الواحد يتقن اللهجات كامل
ليسونسيال نفهمو بعضانا :-r

يعطيك الصحة على الموضوع
سلام


المحنة والزعاف
ياو سطيف ثاني نحكي بيها نورمال
انتوما السطايفية نورمالون تفهمو الجواجلة
نحي برك القاف وأكتبيها كاف
باه تنطقيها قاف انطقيها كاف هادا مكان ههه
كتلي وكتلك :p

 
لقواط زينة بصح خسرها الزيش

ايه لأنو الناس كاملة تحاول تكتب بالكلمات المفهومة
احكي معاه فالفيس بوك ولا سكايب دوك توفي الديفيرونس
طفلى ولا طفل .


ماجربتش بصراحة مواقع الدردشة هي في واد وانا في واد
لكن نعرف هنا اخرين من ولايات اخرين مانحسش ديفيرونس كبيرة بيناتنا في الهدر
ماعدا طريقة النطق كما قتلك
بصح وش معناها الزيش ؟
اعذرني والله عيت نتفكر ماعرفتش
 
انا اممم نحكي بلهجتي اكيد تلمساني
وشوية وهراني وعاصمي و غير زوج ولا تلاتة كلمات قبايلي هههههه
مرسي على الموضوع شباب بزاف
مي نتا تبارك الله عليك تقريبا كل اللهجات


وااااه
نحكي مام بلهجتكم
تأمني .... كي كنت عدكم انا لي نحكي مع الغاشي خاطر قاااع يفهموني شا نقول هههه
:d
 
اللهجة المسيلية ما نظنش تتقنها بيان بيان سيرتو نتاع بوسعادة والجوايه هاذوك
خيتك تعرف شوي من وشوي من وكيما الجاج وين تحطني نعيش
نهار جاتني مروة تقولي جيبيلي لاغوب الساع ما فهمتش الساع هاذي يا ربي واش راها تقول يا ربي وهي راها لاغوب الي قستها من قبل يعني الاولى اااه يجيبلك عيطة عمرك
يمكن كاني لهجات نعرف نحكيهم وكاين نبقى نبوه فيهم برك ههههه


لمسيليةبلوكيت معاهم شويا مي اكيد نقرب كون نحكي معاهم
هات تجي لوكازوين بركـ .. :d
 
ماجربتش بصراحة مواقع الدردشة هي في واد وانا في واد
لكن نعرف هنا اخرين من ولايات اخرين مانحسش ديفيرونس كبيرة بيناتنا في الهدر
ماعدا طريقة النطق كما قتلك
بصح وش معناها الزيش ؟
اعذرني والله عيت نتفكر ماعرفتش


الزيش كيما يقولوا اصحبا لقواط
لي هو الجيش
لأنها مدينة عسكرية وفيها كونطركتيار بزاااف
وشعبها توجوغ يقول هك
لقواط زينة بصح خسرها الزيش
علاه الله أعلمـ ...
بالمناسة انا جوزت السطاج تاع لارمي تم .. :-r
 
الزيش كيما يقولوا اصحبا لقواط


لي هو الجيش
لأنها مدينة عسكرية وفيها كونطركتيار بزاااف
وشعبها توجوغ يقول هك
لقواط زينة بصح خسرها الزيش
علاه الله أعلمـ ...
بالمناسة انا جوزت السطاج تاع لارمي تم .. :-r


مممماسمعتش بهذ الكلمة في الحقيقة
يعطيك الصحة على الموضوع
 
آخر تعديل:
وعليكم السلام
نتقن لهجات الشرق العنابية السوقهراسية التبسية السكيكدية الجيجلية ...وكاين لهجات الغرب تعلمتهم من اللمة
اما اللهجة لمسيلية نتقنها بيان خلاه خلاه
كانت تحيرلي في كلمة ياودي هادي تدوخني هههه
اما الكلمة لي تفشلني هي تاع ناس وهران لي يقولو كراعي
ههههه
بلادنا كبيرة ولهجاتها اكثر
صحيتي على الموضوع لمليح
:d

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top