كيـــــــــــفكم فحلآت اللمة
ليـــــكم وحشة كبيرة وحدة وحدة
الحمد لله كملنا القرآية ورجعلنا للكوزينة :yahoo01:
جبتلكم اليوم وصفة سرقتها منا من اللمة عآم 2010 ولا 2011 مانيش عاقلة بيآآن :-r
ومآ حطيتش تطبيقي قلت اليوم نعآود الوصفة للعضوآت الجدد :-h
على العموم من يوم مآ جربتهآ عجبتهم كآمل بزآآف اللي دوموندوا على الوصفة:-r
نبدآو بالمقــــــآدير:
4 بيض
125 غ سكر عآدي
125غ زبدة
2 خميرة حلوى
1 ملعقة كبيرة كاكاو
فرينة
المورآنغ:
4 بيآض البيض + 6 م ك سكر نآعم
طريقة التحضــــــير:
المقآدير اللي ذكرتها هي نتآع عبر وآحد
انا في طريقة تحضيري عملت 2 عبآر وآحد للدآر وواحد لأمونتي
المهم الطريقة تبقى هي هي
تبعوا معآيآ
نفصل بياض البيض عن الصفار، الاصفر نعملوا بيه العجينة والابيض لامورآنغ
نخلطوا مليح الزبدة اللي لازم تكون على شكل pommade مع السكر
نضيفوا البيض ونخلطوا مليح مليح ثم الخميرة الكآكآو والفرينة
ونلموا العجينة بباقي الفرينة مي مالازمش تكون يابسة
نخلوها تريح شويا ممبعد ندهنوا البلآ نتآع الفور بالزيت ونبسطوا فيه العجينة وندخلوها للفور ومرة على مرة نراقبوها مي بلا ما نحلوا الفور بآسكو طيب بلخف
كيما قلت الفوق انا درت 2 عبآر مآلآ 2 plats:d
من جهة أخرى نكونوا ديجآ حضرنآ لامورآنغ بخفق بيآض البيض حتى يطلع en neige ونضيفوله 6 م ك سكر رطب
نفرغوا لامورآنغ فوق لابات اللي طآبت من قبل ونرجعوها للفور ونشعلوا عليها من الفوق حتى اللي يرجع لونها ذهبي من كل الجوانب
بعد ذلك تبقى طريقة التزيين حرة
انا عملت شوكولآ ذوبتها بالحليب وفرغتها بالملعقة ممبعد حاولت نغطي الفرآغ غير بالشوية والا رآيح تطلع لامورآنغ ويفسد المظهر :down: وممبعد رشيتها بالنواد كوكو
طبعآ وحتى طريقة التقطيع لآزم تكون بالحذر وغير بالعقل بلا تقلآق :-h
وهآد هو الشكل النهآئي
وهآد لحبيبتي امآني :$
تجي وتقوللكم على البنة :p
شهــــــــــية طيبة
سلآمـــــــو :bye01:
