سلام عليكم ورحمة الله وبركاته
بمناسبة عيد الطفولة
اتقدم الي كل اطفال
ستار تايمز
ونقولهم كل عام وانت بالف الف خير وخمير
ههههههه
ايا متزعفوش راني غير نزعق معاكم
والله كل واحد فينا يتمني يعاود يعيش الصغر نتاعو من جديد
الوقت لي فات
كنا صح نحسو بلي حنا اطفال
كنا نعرفو قيمت الطفولة
اليوم جيتكم بهاد الميضوع
قصدي الموضوع
ههه علي ليمات لي فوتناهم كي كنا صغار حاجا باينا كل واحد فيكم عندو ذكريات علي ايام الطفولة
نبدي انا لولي نحكيلكم علي الصغر نتاعي
بصراحة لا اخجل من طفولتي وكل واحد فينا كان عنده صفة يتميز بيها
مثلا كان عاقل
ولا كان مشاغ
ب او غير ذالك اما انا كنت مشاغبة وشحاااااااااااااااااااااال بصح حنونة احم احم حوحو
يشكر روحو
وكنت افضل التراب الاسود
كنت نحس فيه وحد الطعم غير ذالك هههه وكي كبرت شوي اكيد وليت نعرف شوي كنت ندير فريق
وكل فريق لازم يطلع للعمارات وكنا نصونو في ديار ونهربو
خاصة لحاجا لمليحة ولي مننساهاش كانت وحد المنزل تسكن فيه عجوزة
وحدها
كنا نكسرو هداك الباب حتي تخرج وتبدي تهدر كااااااااامل متسكتش
وكنا تانيك نرجعو نطبطبو
في الباب ايا مسكينة كانت تحطلنا دراهم
وكل مرا
يوم واش كانت تحطلنا باه ندوها ونروحو هههه
والله مسكينة لحد الان راها عايشا كي نشوفها ونتفكر نبدي نضحك
غير روحي وهي تانيك كانت تفكرني
تقولي واش كنتي دايرا فيا هههه ونزيدكم حاجا كاين اطفال كي يسقسوهم والديهم واش تخرجو كل واحد واش يقول واحد يقول طبيب واحد يقول
استاذ وهي رايحا اما انا كانو والديا يسقسوني واش تخرجي نقوللهم شريرا
هههه كنت متاثرة بوحد الرسوم تاع شريرا
اما ضرك راني نشوف اطفال تاع الوقت هادا
كلش متوفرلهم سما معندهم ما يسوفرو ولا يتمحنو ولا يتبهلو
ايا وضرك لي عنده كاش حاجا كان يديرها في صغره يتفضل يخبرنا بيها
ومايحشمش
