كيف اتعامل مع خطيبي ؟

الحالة
مغلق ولا يسمح بالمزيد من الردود.

Amira ~

:: عضو مُشارك ::
إنضم
7 سبتمبر 2009
المشاركات
493
نقاط التفاعل
18
النقاط
17
السلام عليكم و رحمة الله و بركاته

مرحبا ناس اللمة الكرام


قبل كي شئ انا فتاه لم تعرف العلاقات من قبل ابدا و الحمد لله
لم يكن لي علاقة مع شاب ولا تكلمت في هاتف ولا اي شئ من هذا القبيل
اتربيت على يد اب و ام رائعين و الحمد لله
بابا طريقته في التربية كانت مميزة نتمى نقدر نطبقها مع ولادي في المستقبل ان شاء الله

كان يخلينا نعرفه الغلط و ما نديروهش بلا ما يعيط علينا و لا يضغط علينا
والفت نعرف الصح من الغلط وحطي بدون ضغط

دوكا جاني الضغط من حيث لا ادري هههههه

خطيبي كي نكون خارجة لازم نقله راني رايحة للحانوت الفلاني و الحانوت الفلاني
و ما نزيدش فوقها و انا ما نعرفش نقضي صوالحي هكا

راكم تعرفو حنا النسا كي نخرجو باش يبانولنا الصوالح
انا الخرجة مزيرة عندي منه و من ماما و زيد كي نخرج نقول نقضي شحال من حاجة نتهنى منهم
سيرتو عرسي قرب ممبعد رمضان ان شاء الله

و مازال خصوني بزاف صوالح و ماعنديش الي يعاونني كامل

خفت نقله راني رايحة برك للحانوت فلاني و نشري واش نحوس وما نقلوش
نخاف يعرف و يحسبني كذابة و انا نكره الكذب و كي راني نقله ما نسلكش معاه
يولي يقلي ما تسمعيش الهدرة و ما نحبش مرتي تدور و انا ربي يشهد غير راني ما نيش نخرج كااااااااااااامل ..كي نخرج مرة نقول نبروفيتي ياخي نحصل

هذا شئ و الشئ الثاني

انا كنت نتمنى ربي يرزقني بواحد نقي كيما انا مادارش علاقات او على الاقل ماشي بزاف

مي خطيبي كان مخلطها حتى خلاص قبلي و عرفت هاذ الشئ كي فتحنا برك
من الاول تشوكيت ممبعد قلت معليش المهم من بعدي ماشي قبلي
بصح هاذ الشئ خلاه شكاااااااااااك فوق الحد ...و انا مانحملش هو يغلط و انا تحصل في راسي
و يولي يشك فيا ؟؟

دوكا راكم عرفتو شوية العلاقة بيني و بين خطيبي
انصحوني كيفاش نتعامل معاه
كيفاش تقدري تمتصي غضب راجلك بالهدرة ؟
واش الي لازم نديرها وواش لي لازم ما نديرهاش ؟

يعني على حسب خبرتكم
 
وعليكم السلام ورحمة الله

ساهلة خلاص اختي غي ماتتقلقيش
اصلا نحب نرد على هاد النوع من المواضيع
بون خطيبك شكاك ساهلة
كي يبدى يعيط ويقلك لا و و و و
قوليلو برك يفهمك علاه وراح تديرو بآمروا ..
لا قالك ماتخريش وماتشريش اوبيه انتي بلي راح تجيه فارغة ؟؟ هاي ماجياش
فهميه من الآ لزاد واش لازم لعروسة تشري ولازم تروح للحانوتالفولاني و و و
الى حكيتي معاه وحسيتي بلي شك في حاة قوليلوا هارواح عسني واتهنى
يبقى امر لازمك تعرفي كيفاه تقنعي خطيبك لأنو هو كل شيئ بعد ماتتزوي
لازمك تفوتي هاد السطا بمعدل مليح باه تقدري تعيشي معاه ...

نتمنى انو فهمتيني
زربي يصلح حالكم ...
 
ربي يسهلك اختي و كيما قالك الاخ اعرفي برك كيفاه تهدري و اكسبيه كوني انت دايما لمليحة :)
 
ربي يهدينا برك ما علاباليش اعلاه الناس الملاح ديما يدوهم شرار القوم او بالأحرى ناس ما يستاهلوهمش ربي يفتح عليك اختي
 
أنا نقلك الشك واعرة ويفسد العلاقة
يغير ماعليهش بصح درجة الشك اي تعيف
 
وعليكم السلام ورحمة الله

ساهلة خلاص اختي غي ماتتقلقيش
اصلا نحب نرد على هاد النوع من المواضيع
بون خطيبك شكاك ساهلة
كي يبدى يعيط ويقلك لا و و و و
قوليلو برك يفهمك علاه وراح تديرو بآمروا ..
لا قالك ماتخريش وماتشريش اوبيه انتي بلي راح تجيه فارغة ؟؟ هاي ماجياش
فهميه من الآ لزاد واش لازم لعروسة تشري ولازم تروح للحانوتالفولاني و و و
الى حكيتي معاه وحسيتي بلي شك في حاة قوليلوا هارواح عسني واتهنى
يبقى امر لازمك تعرفي كيفاه تقنعي خطيبك لأنو هو كل شيئ بعد ماتتزوي
لازمك تفوتي هاد السطا بمعدل مليح باه تقدري تعيشي معاه ...

نتمنى انو فهمتيني
زربي يصلح حالكم ...



عييت ما نقلو ..جهاز العروس فيه بزاف الصوالح و قع العرايس يخرجو و يخرجو شحال من مرة باش يقضو صوالحهم
هو يقلي ارواحي كيما راكي ما تجيبي والو .... هذا ما يخسر عليا
راني نحاول ندير كيما راك تقول بصح عييت و الله غير عييت و ليت نخاف منه
نخاف كيفاش نعيش معاه ممباعد
و في نفس الوقت نقول بالاك عادي ..بالاك تالمو ما جربتش من قبل مانيش مالفة بعقلية الرجال و غيرتهم
ولا ممكن خطيبي غيرته زايده شوي
ولا انا نديرله في الاعذار
و الله ماني عارفة :s

آمين يا رب
شكرا خويا ربي يحفضك
 
ربي يسهلك اختي و كيما قالك الاخ اعرفي برك كيفاه تهدري و اكسبيه كوني انت دايما لمليحة :)

الحمد لله للآن جامي خسرت معاه
و ديما يقولهالي يقلي انا غلطت معاك بصح نتي جامي توصليني

المشكل وليت نخاف من الملاحة هاذي
نخاف يديها على راسو انا مليحة و هو يغلط و يقول اسمحيلي و تفوت
ساهلة عنده و انا اعصابي ينحرقو

ميرسي ختي
 
ربي يهدينا برك ما علاباليش اعلاه الناس الملاح ديما يدوهم شرار القوم او بالأحرى ناس ما يستاهلوهمش ربي يفتح عليك اختي


ربي يجيب الخير :(
ماتزيدنيش توسويس يا خويا هههههه
آمين يا رب
يعطيك الصحة
 
أنا نقلك الشك واعرة ويفسد العلاقة
يغير ماعليهش بصح درجة الشك اي تعيف


ايه الشك واعر
الي يكون شكاك هذا مرض
مهما تكون زوجته مخلصة ليه يبقى يتوهم
منين داك نحس خطيبي غيور بزيادة هذا مكان
و منين داك نتوسوس :(
ربي يجيب الخير
 
kheti 9liil darwek lii marahch 3aych histoire wahda 3la el a9al
raki ttolbi fel mohel maiis ylii9 ta3arefi kifeech tekesbiih
koun 3innah fi hadouk koun khetabhom houma
mais howa dareek nti ta3 darah mala kouni geddeha
hada rajel li normalement ghadi tkemli m3ah hyateek
il faut men darwek tt3almou ttfahmou m3a ba3dakom
sem3ilah w 3almih yesma3lek w tani esséyé matokherjich wahdek
haka howa mayyet9ale9ch 3liik

rebii ywef9eek hnouna w yhannikom
 
آخر تعديل:
كان الله في عونك.

اختي عاودي حسابك مع هذا الخطيب.

فالقادم على حسب كلامك ما يسرش......؟؟

الشك بفسد العلاقة ولو بعد حين ...........

وربي يجيب الخير .
 
اختي الكريمة
واش رايحة نقولك اختي
يعني شرحك للموضوع
وتعبيرك عن شخصيتو هو و انتي

انا نقولك اختي
اذا كانت خرجتك تشكل عنده مشكل
قوليله نخرج مع ماما
باش يرتاح وما يتوسوسش
حاولي تساعفي
وكيما قال الاخ حمزة
اذا كان هو قريب
فخليه يراقبك لحتى يرتاح

ربي يوفقك اختي
ربي يخليه خير مما تتمني
وان شاء الله برك
ما يكونش انسان شكاك
لخاطر الشك صعيييييييب

ربي يتمم على خير ليكي اختي
ويوفقك

 
؟؟؟؟؟؟؟؟؟؟؟؟؟؟؟؟؟؟؟؟؟؟؟
مممممممم
 
انا العكس كي كنت مخطوبة خطيبي كان نورمال معايا بصح من الاول فهمتو بلي راني في دار بابا و الاب هو الي يتحكم فيا ضرك لانو اذا مادارش ثيقة فوالديا مراهش داير ثقة فتربيتهم ليا
الحمد لله هو فهم الشي هدا و ما لقيتش مشكل من هذه الناحية لاني كنت عارفة عقليتو من قبل ما نرتبط بيه فضلت نحطلوا النقاط على الحروف من الاول
و الرجل ما يحبش المراة الضعيفة
لازم يا اختي ماتكونيش ضعيفة هكذاك رايح يعتابرك خايفة تخسريه لازم هو الي يخاف يخسرك
المهم اعرفي كيفاش تسيري معاه لانو الزواج راه كثر من هاذ الشي و انا رني مجربة و الحمد لله على كل حال
لكن لازم من ضرك تديريلو حدود و ماتخفيش تخسريه خاطرش هو بلاك مراهش مأمن روحو بلي لقا وحدة كيفك
و هكذا باش مايوالفش ما ترديلو حتى طلب خطرش الولف صعيب مع الدعاء ايضا ماتنسايش
هذي عن تجربة
ربي يوفقك و يهنيك و يحلي يماتك
 
انا العكس كي كنت مخطوبة خطيبي كان نورمال معايا بصح من الاول فهمتو بلي راني في دار بابا و الاب هو الي يتحكم فيا ضرك لانو اذا مادارش ثيقة فوالديا مراهش داير ثقة فتربيتهم ليا
الحمد لله هو فهم الشي هدا و ما لقيتش مشكل من هذه الناحية لاني كنت عارفة عقليتو من قبل ما نرتبط بيه فضلت نحطلوا النقاط على الحروف من الاول
و الرجل ما يحبش المراة الضعيفة
لازم يا اختي ماتكونيش ضعيفة هكذاك رايح يعتابرك خايفة تخسريه لازم هو الي يخاف يخسرك
المهم اعرفي كيفاش تسيري معاه لانو الزواج راه كثر من هاذ الشي و انا رني مجربة و الحمد لله على كل حال
لكن لازم من ضرك تديريلو حدود و ماتخفيش تخسريه خاطرش هو بلاك مراهش مأمن روحو بلي لقا وحدة كيفك
و هكذا باش مايوالفش ما ترديلو حتى طلب خطرش الولف صعيب مع الدعاء ايضا ماتنسايش
هذي عن تجربة
ربي يوفقك و يهنيك و يحلي يماتك

هدي هي الهدرة يا ختي كل واحد لازم يبين قيمتو باه واحد ما يحقرو
 
Une suggestion de ma part, a lire tes phrases j'ai compris que ton pere est un homme sage, peut etre que tu devrai lui parler gentillement et qu'il essai d'approcher ton fiance gentiment aussi et parler ... y a pas mieux que de dialoguer pour eclaircir les choses ...rabi yssahel.
 
Une suggestion de ma part, a lire tes phrases j'ai compris que ton pere est un homme sage, peut etre que tu devrai lui parler gentillement et qu'il essai d'approcher ton fiance gentiment aussi et parler ... y a pas mieux que de dialoguer pour eclaircir les choses ...rabi yssahel.


وي خويا عندك الحق هذا حل هايل و بابا صح هكا و يقدر
بصح للاسف بابا مات عنده 4 سنين الله يرحمه
و كون جا حي مانحير من والو
علابيها راني نحس روحي وحدي و يديا مربطة
الله يرحمه و يوسع عليه
 
اختي ....
اذا كان هدي هي عقليتو ديمة رايح تلقاي معاه مشاكل في حياتك امبعدين.

فكري ثم فكري واستشيري واستخيري ..

وكان الله في عونك.
 
اختي الكريمة
واش رايحة نقولك اختي
يعني شرحك للموضوع
وتعبيرك عن شخصيتو هو و انتي

انا نقولك اختي
اذا كانت خرجتك تشكل عنده مشكل
قوليله نخرج مع ماما
باش يرتاح وما يتوسوسش
حاولي تساعفي
وكيما قال الاخ حمزة
اذا كان هو قريب
فخليه يراقبك لحتى يرتاح

ربي يوفقك اختي
ربي يخليه خير مما تتمني
وان شاء الله برك
ما يكونش انسان شكاك
لخاطر الشك صعيييييييب

ربي يتمم على خير ليكي اختي
ويوفقك


انا جامي نخرج وحدي و هو علبالو ديما نخرج مع اختي ولا ماما
راني نحاول نكبر بالي و لكن قتلني الخوف من الي جاي
ان شاااااء الله تكون غيرة زايدة برك
لخد الآن مانيش فاهماته مليح

آمين يا رب
ربي يخليك ختي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top