شفتو زلابجي خلعت ...

ماكانش

:: عضو بارز ::
أحباب اللمة
إنضم
15 جوان 2010
المشاركات
7,712
نقاط التفاعل
2,463
النقاط
351
السلام عليكم ورحمة الله وبركاته
واش راكم خاوتي لاباس بخير الحمد لله
كلشي مبروك لناس الباكن وألي ماجابوش العام هذا العام الجاي ان شاء الله لعوام راهم يجريو ...
أيا الصباح خرجت نقضي قضياتي أيا هابط على الطريق ألي موالف نمشي عليها ، أيا نشوف من بعيد في لبرم وزوج طوابل لوح تاع المدارس هاذوك مغطيين بنيلو وردي فيه النوار :p وحوايج فوقها، أيا كي قربت شوي شفت زلابية وحوايج قهوي ماعرفتهمش فوقهم شوي سينوج، قلت اففف خلاص بداو يفتحو الزلابجية ؟؟؟
أيا وكي قربت مليح نشوف فالتوفيق يخلط في لعسل ولبرم لداخل ويطيب فالزلابية :s
او عندك ميتي زلابجية اتوفيق ؟؟؟ حرت صح صح
ياخاوتي هاذ الراجل يخدم اجون فواحد لبلاصة ياي لاعلاقة بالزلابية والطبخ، هاهو قرب رمضان وهز الكونجي تاعو من ثم دورها زلابية هههههههه
يخدعهم بحاجة وحدة، كرشو خارجة وموسطاش يبان ايكسبيريونس فالكوزينات والزلابية ووو ههههههههه
المهم زربت مشيت ودورت راسي باه مايشوفنيش ويعرضني على حبات زلابية نذوق البراكة ههههههههههههه
كملت الطريق وانا نضحك على الشعب والعقليات هاذي
يقرب رمضان الميكانيسيا يدورها زلابجي البانتر زلابجي العساس زلابجي الماصو زلابجي والله حيرة ههههههههه
ونتوما ثاني عندك راي وتعليق على العقليات هاذي واكيد تعرفو ناس لاعلاقة بالزلابية فرمضان يوليو زلابجية هههههههههههههه


ملاحظة:
لفطور تاع اليوم اللول فرمضان خلاص كيلو كيلو زلابية ليكم كامل من عند خونا هههههه
ثانيا:
لازمني ندي لاجودان شاف يشوف اللقطة هاذي تاع الطوابل علابالي يعجبوه ههههههههه
 
شكرا لقبول الموضوع
 
هههههههههههههههههههههه عندك نتا برك تقلبها زلابجي اولد لبلاد نفلت عليك باتنة ونجبدك نديرلك التبهدايل هههههههههههههه.والله ياخويا عندك الحق الناس كامل يشوفو وش يخرج عليهم والزلابية هي العقلية فرمضان.والله صح حيرة في بحيرة.
 
هههههههههههههههههههههه عندك نتا برك تقلبها زلابجي اولد لبلاد نفلت عليك باتنة ونجبدك نديرلك التبهدايل هههههههههههههه.والله ياخويا عندك الحق الناس كامل يشوفو وش يخرج عليهم والزلابية هي العقلية فرمضان.والله صح حيرة في بحيرة.


أهلا بيك يا لبلاد ههههههه
راني نخمم فيها زلابجي ، بصح مانديرش طوال تاع المدارس ههههههههه
انا ندوخ فالناس ألي تشري بركن انا مانعرفوش بلي عام كامل زلابجي والله مانشري
ساعات فالليل برك تدهمني السخفة نشري برك هههههه
 
ههههههههههههههههههه
يمشيو على حسب الحالة
رمضان زلابجي ..الصيف يبيع لاكريم .... و الشتا ما نعرف واش + خدمته الاساسية
هاذو هوما الدزيريين توتابسيون
بصح كي تجي تخمملها تقول و الله غير حليلهم المعيشة غالية و الشهرية مادير والو
يولي الواحد يشوف في اي طريقة يجيب بيها دورو زيادة كشما يستنفع بيه
ربي يكون في العون برك
و ربي يستر من الزلابية هاذي ههههههههههههههه
 
هههههههههههههههههههه بصحتك.وnnمانيش لبلاد.وهااااااااااااااااااااااااي بااااااااااااينة.حنا في حنا ولبراني يسمحلنا.هههههههههههههههههههههه.
وادا صح حاتحل نحلو شركة.هههههههههههه
 
صح هاد لحكاية من زمان
الا ما شي زلابية
تصيبو يبيع القلبلوز
ولات حاجة نورمال
 
ههههههههههههههههههه
يمشيو على حسب الحالة
رمضان زلابجي ..الصيف يبيع لاكريم .... و الشتا ما نعرف واش + خدمته الاساسية
هاذو هوما الدزيريين توتابسيون
بصح كي تجي تخمملها تقول و الله غير حليلهم المعيشة غالية و الشهرية مادير والو
يولي الواحد يشوف في اي طريقة يجيب بيها دورو زيادة كشما يستنفع بيه
ربي يكون في العون برك
و ربي يستر من الزلابية هاذي ههههههههههههههه

اهلا أميرة
هههههههههههههههه
ضحكتني تاع الصيف لاكرام هههههههههه
بصح يبيع لاكرام مخدوم عادين مي يبدا يخلط في لحليب ويتفلسف لالا ههههههههه
وتساليني كيلو ونص من زلابية عمي التوفيق يحلالك رمضان ههههههههههه
 
هههههههههههههههههههه بصحتك.وnnمانيش لبلاد.وهااااااااااااااااااااااااي بااااااااااااينة.حنا في حنا ولبراني يسمحلنا.هههههههههههههههههههههه.
وادا صح حاتحل نحلو شركة.هههههههههههه

ههههههه
خلاص نديرو شركة ونتي نحطوك برك لثم تجيبينا ليكليونات هههههه
 
اهلا أميرة
هههههههههههههههه
ضحكتني تاع الصيف لاكرام هههههههههه
بصح يبيع لاكرام مخدوم عادين مي يبدا يخلط في لحليب ويتفلسف لالا ههههههههه
وتساليني كيلو ونص من زلابية عمي التوفيق يحلالك رمضان ههههههههههه


ههههههههههههههههههههههههه
لا لا يبدا يخلط في الحليب و يتفلسف
مادام تجيبلي كيلو و نص زلابية انا ثاني يليق ندير الواجب
و نجيبلك من هذاك لاكريم ههههههههههههههههههههههههههههههه
و تحلى سهرة رمضان :d
 
ههههههههههههههههههههههههه
لا لا يبدا يخلط في الحليب و يتفلسف
مادام تجيبلي كيلو و نص زلابية انا ثاني يليق ندير الواجب
و نجيبلك من هذاك لاكريم ههههههههههههههههههههههههههههههه
و تحلى سهرة رمضان :d
ايااااااااااااااااااااااه من قبيل نتوم تعرضو في بعضاكم اي سكتو سينو نعرضكم تجوزو رمضان في دارنا.هههههههههههههههههههه
والله مرحبا بيكم نحطك في قلبي ونهزكم برمزش عينيا بصح عندكم طيحو ههههههههههههه رمضان كريم لليكم كاااااااااااامل.:-r
 
هههههه بانتلي نسجل زلابجية و نقرا عليها في الجامعة و لا واش رايك؟؟
انا في رمضان ما نحبش ناكل زلابية بارسكو علابالي باللي لي صنعها نقي بزاف الله يبارك و زيد كيما قلت ماهيش حرفتوا غير موهبة تجيه من رمضان لرمضان
عندي سؤال:ماشي كتبت موضوع غير باه تقولنا مبروك عليكم الباك هههههههه جيب الكادو و لا راك تتهرب
 
صح هاد لحكاية من زمان
الا ما شي زلابية
تصيبو يبيع القلبلوز
ولات حاجة نورمال

ههههههههه
المهم يدور الميتي ويتبع الدورو وفرات هه
يعطيك الصحة اموريس


 
ف الحق راني ناويا نبيع الزلابيا ف رمضان
ادا خلاني راجلي ههههههه

و الله ما عقليا هادي
الواحد خاطيه كامل الطياب

حتى تصيبو يطيب الزلابية
و ف رمضاااااان
ميرسيييي سفيااااااااااان​
 
سلـــآمــ عليكمــ

~

ايه مليحة هاك على الاقل عبد كي يحصل يلقا روحو فميتتي واحد آخر

مثلا الطبة غدوا كي يغلقو السبيطارات تلقاهم حاكمين لي باركينق نورمال ^^

شكرا على الموضوع الجميل

ورمضان كريم للجميع
 
ههههههههههههههههههههههههه
لا لا يبدا يخلط في الحليب و يتفلسف
مادام تجيبلي كيلو و نص زلابية انا ثاني يليق ندير الواجب
و نجيبلك من هذاك لاكريم ههههههههههههههههههههههههههههههه
و تحلى سهرة رمضان :d

هههههههههه
لالالا لكم لاكرامكم ولنا الزلابية ههه
 
ايااااااااااااااااااااااه من قبيل نتوم تعرضو في بعضاكم اي سكتو سينو نعرضكم تجوزو رمضان في دارنا.هههههههههههههههههههه
والله مرحبا بيكم نحطك في قلبي ونهزكم برمزش عينيا بصح عندكم طيحو ههههههههههههه رمضان كريم لليكم كاااااااااااامل.:-r


نسالوك بعرضة ليلة النصفية برك مانكثروش عليك هههههههههههههه
يعطيك الصحة ورب يحفظك على لكلام لمليح
 
هههههه بانتلي نسجل زلابجية و نقرا عليها في الجامعة و لا واش رايك؟؟
انا في رمضان ما نحبش ناكل زلابية بارسكو علابالي باللي لي صنعها نقي بزاف الله يبارك و زيد كيما قلت ماهيش حرفتوا غير موهبة تجيه من رمضان لرمضان
عندي سؤال:ماشي كتبت موضوع غير باه تقولنا مبروك عليكم الباك هههههههه جيب الكادو و لا راك تتهرب

ههههههههه
التخصص هذا تقراوه فتيندوف هههه
والله الزلابية مام حنا مانجيوهاش يومي ومام نشريها نشريها ملي نعرفو ديما زلابجي هههه
-- فقتي بيا هه الكادوات زوج كيلو زلابية من عند عمي التوفيق
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top