الدين

اسلام عليكم
كيفاش كان عيدكم ان شاء الله ما تكونوش كثرتو وبصحتكم
راني كنت مغيبة بشهر رمضان سمحولي
اليوم جبت موضوع محيرني هو الدين انا لمفهمتوش الانسان مين يحب يتدين المال على واحد يجيه كما لمشيش او القطيط وترجى ويقول لك غير تسلكنى مانبطاش ونرد ليك امانتك
وهديك الامانة ترجع من الشهر لشهورة والسنين عدنا
الغريب بالامر تلقاه مفحشش ومن سيارة لسيارة والكسوة مانقولكش بصح باش يرد
ومايردوش ويقعد مين يشوفك يتمنكر فيك ولا يتخبى منك وليكرهك مين يقعد يزعف عليك تقول انت لتدينت منو ولا سرقتو
برايكم مانعودوش نسلفو الناس ادا قدق الباب نقولو ليه ماعندناش
علاش ناس حلال عليها دراهم الغير
انا من نتسلم مانرقدش حتى نردهم ونصلي ركعتين لاني رديت الدين قبل ما نموت وهما عندهم عادي
واش معني الدين صار مثل الخبز
واش رايكم ليكم الخط وحكو على هد الناس ليتدينو ومايحبوش يردو الدين وماتنسوش كاين ليوصل يقتل باش مايردش هدا لصار عندنا بصراحة اليكم الخط






​

السلام عليكم ورحمة الله​

أهلا وسهلا ومرحبا بك الأخت​

بارك الله فيك على الموضوع

تحياتي لكــــ​

​

السلام عليكم اختي
ايه الله غالب رانا في وقت نفسي نفسي واش راح ديري
تلقاي الواحد كي يجي يسلف عليك يجيك غير بلكلام لحلو والهدرة الزينة ويقولك منطولش عليك
مي نهار يديهم ولا زدتي شفتي وجهو حتى قريب ديري عليه لاروشارش
وزيد على هذا كي يطولك عليك ونهار تقوليلو دراهمي يزعف علييك ويويلي ميهدرش معاك تقول واش قولتيلو ايه الله غالب يحبوا غير هاك ميحبوش اعطيني
​

السّلام عليكم ورحمته تعالى وبركاته
الجزائريين عايشين من الكريدي و الدين...
كون يروح الدين ولكريدي راحو
وفعلا عقبوا عني نماذج بزاف
ويلي حبسلي راسي
واحد يخدم استاذ عندو زوج ولاد ومرتو وهو يعني عيلة بزاف صغيرة
ما عندو لا دار ولا تاويل
عايش في دار مدهالو بوه يعني نتاع الوراثة
دايرها على اللحم والماكلة وووو والمابل و كل يوم يطيش ويجيب لجديد..
بورطابلات آخر عيطة
ونهار تجيهم تريسيتي يعود يداين ، أصلا ما تكملش الشهرية نتاع ربع ملاين الشهر
ويعود يدقدق في البيبان
ولا ميخرجش كامل
بويسك الديانة كثروا وهو غير كرشو فاتحها ..

مي نقلك الخير مرا والشر مرا
كون جات المرا فحلة وتعرف تتصرف ما يعود الراجل يتداين
اللهم إلاّ اذا كان يبني مثلا ولا حاجة كبيرة
ومتأكد أنو يسلكها

ياه خيتي
واش نحكو
مي نقولو كل يوم اللهم انا نعوذ بك من الدين وغلبة الرجال



ميضوع هايل ويضرب الوتر الحساس
صحيتي خيته​

عندكم الحق بكلامكم لواحد علاش ما يحاولش على روحو ادا كان ياكل خبزة يقدر ياكل نصفها ودخر الباقى كما قلت يكرهوك في مساعدت الناس ربي يحفظنا من الدين​

السلام عليكم
اهلا بك هختي رضوة و صحى عيدك
راكي قلتي الدين و لا كي الخبز
ربي يهدينا
و لي تحيرك كيفاه يقدرو يرقدو شهور و سنين و دين غيرهم ف رقبتهم
ناس تحير و الله
مشكووووورة ختيتي
تقبلي مروري

شكرا للموضوووع
​

اهلا بك اختي
و صحا عيدك ينعاد عليك بالخير و الصحة و الهنا
اي اختي صح كاين بززاف ناس تكريدي و باش ترجع يا حصراه غير انساي دراهم
مي اوقات نطيحو في انسان عندو ظروفو و هدا انسان قليل
و بززاف نطيحو في انسان كي يشوفك ساكتة على دراهمك يسكت و يقول اي باينة مش محتاجهم
مي انا نعرف الانسان لي يعرف كيفاش يمشي ميلحق يدين و نفترضو تدين يرجعهم في وقتهم
انا صراتلي مرة و حلفت قلت و الله منعاودها
سلفت و لحق عام و دراهمي مكانش حتى وليت انا كيما نقولو نطلب فيهم من ثماااك حلفت داود لا يعاود
مشكورة على الموضوع
و ما تغيبيش علينا
​

كي يكون الانسان يخاف ربي لا سلفتوا ما تخاف و الا تسلفت عليه ما تخاف​