ماذا تفعل حينها

سندريلا

:: عضو مُشارك ::
إنضم
19 سبتمبر 2013
المشاركات
220
نقاط التفاعل
213
النقاط
13
محل الإقامة
TIARET
السلام عليكم
خطر ببالي امر اردت معرفة جوابه من مختلف الاشخاص فكل منا و له طريقة تفكيره و شخصيته الخاصة به.

الامر و هو انك ماذا تفعل لو انك كنت تحب شخص و ترتاح له و تعزه وتكن له اسمى عبارات التقدير حتى يجيء في وجهك و ببرودة اعصاب و لا مبالات و صدق في قوله ويقول لك اني اكرهك بل لا تعجبني ابدا و بالعامية عندنا( يا خويا شحال نكرهك من عند ربي منحملكش ومتعجبنيش) انا ادري ان الكل سيجيب ب:بارك الله فيك .ولكني اريد معرفة ماذا ينتابك من مشاعر و ماهو احساسك اتجاها هذا.


شكرااااااااااااااااا.
 
رد: ماذا تفعل حينها

jami صراتلي وما نتمناش تصيرلي على خاطر netchoka مي واش نقولو؟ مانقولوش بارك الله وفيك. نقولو أنا ماطلبتش منك تحبني وعندي شكون يحبني ولا ما عجبتكش كل واحد ووجهة نضرو مي كاين شكون يشوفوني انا لمخيرة وأصلا حتى انت ماتعجبنيش وماراكش stil تاعي. بلاك في هديك الدقيقة نكون رايحة نموت مي والله ما يشوف ضعفي كي نبعد sur رايحة نبكي وندمر وبلاك نمرض مي قدامو نبين روحي tre b1 بلاك هاد الانسان ماننساهش على خاطر جرحني مي اكيد رايح يخليني نولي خير ملي كنت ونحاول ننجح في حياتي ونولي خير منو في كل شيء :-h.
 
رد: ماذا تفعل حينها

مازال ما صراتليش بصح راني حاستها رح تصرالي عما قريب
انا نهبل ما فيهاش نقاش
 
رد: ماذا تفعل حينها

شكرااا لاجابتكما الصريحة .
 
رد: ماذا تفعل حينها

نحس بالقزعة
بصح من بعد نوغمال هادي دنية ماشي قاع الناس يبغوك
نتقبل رايه ونتفكر الناس الي نكرهم وهوما يبغوني
ميرسي حنونة على الموضوع
 
رد: ماذا تفعل حينها

Masratlich we nch matsalich mi ida sralo ray7a nmouuuuuut
 
رد: ماذا تفعل حينها

ان شاء الله متصرالكمش كاملييييييييييين و تكونو محبوبين عند كامل الناس .شكرااااا للردود.
 
رد: ماذا تفعل حينها

انا مصراتليش مييي لوكان تصرالي نحس روحي تقزيت ونقنط ميي اجابتي ليه نقوله بلي صحا مكانش مشكل كل شيء بسيف غير المحبة لي بالخاطر ونقوله عفوا حسبناك بنادم لي تستاهل ناس تبغيك وديرلك اعتبار ونروح ونخليه
 
رد: ماذا تفعل حينها

انا نقلك الصح
نشوف فيه بكل كبرياء ونقلوا
لاه انا وقتاش كنت نحبك ولا كنت تعجبني
ونضحك ونروح
مايصرالي والوا نضربوا في 0 واكيد راح يكون الناتج 0
 
رد: ماذا تفعل حينها

عجبتني اجابت الاخت شهنازبزاف حسبناك بنادم شكراااا لارائكم
 
رد: ماذا تفعل حينها

اواا نقلك حاجة ما صراتلي ما راح تساارلي ..........مي اذا جا واحدوقالهالي هاي باينة نتشوكا ومنحبش ونزعف وتجيني كآآآبة كيفاه انا نحب الناس كامل وهوا بذات نحبو ونعزو يجي يقولي هكا ....والله صح صح تحكمي كآآبة حادة
 
رد: ماذا تفعل حينها

مانيش فاهم المشكل وين راه
هذا زوجك ولا خطيبك ولا واش يكووووون
والله ماني فاهم او لعلو مشهد من فلم تركي
يا ناس خافوا الله
ماشي هكذا تكون الحياة هذا الحب خليوه في وقتو يكون احلى
الله المستعان
تخيلي تكون متزوجة و يسمع زوجك انك كنت تحبي واحد لهذي الدرجة المبالغ فيها
ربي يوفقنا و يردنا الى الطريق المستقيم
 
رد: ماذا تفعل حينها

اول حاجة راك رايح تتشوكا........الصدمة.......من بعد تتفكر ان لله في خلقه شؤون
 
الرومنسي الجاد، تم حظره "حظر دائم". السبب: مخالفة القوانين
رد: ماذا تفعل حينها

منعرف

انا من الناس لي تقول نكرهك و منحبكش

زال كانش لي يقولهالي

منخليهم يقولوهالي
 
رد: ماذا تفعل حينها

ان شاء الله الواحد ما يطيحش في موقف مماثل
 
رد: ماذا تفعل حينها

موالف تصرالي وتعلمت منها درس بلي مانعطيش لأي شخص اهتمام اكثر من الي عاطيهلي هو
 
رد: ماذا تفعل حينها

أشكرك أختي على الموضوع القيم
بالنسبة لي أنا سأتبسم في وجه هذا الانسان و أشكره على صراحته التي عرفتها منه قبل أن اعرفها من غيره و سأتذكر أنها مجرد دنيا و أنه واحد من هذه الدنيا فلا أحسب له أي حساب ففي الاخير المحبة ليست فرض
 
رد: ماذا تفعل حينها

jami صراتلي وما نتمناش تصيرلي على خاطر netchoka مي واش نقولو؟ مانقولوش بارك الله وفيك. نقولو أنا ماطلبتش منك تحبني وعندي شكون يحبني ولا ما عجبتكش كل واحد ووجهة نضرو مي كاين شكون يشوفوني انا لمخيرة وأصلا حتى انت ماتعجبنيش وماراكش stil تاعي. بلاك في هديك الدقيقة نكون رايحة نموت مي والله ما يشوف ضعفي كي نبعد sur رايحة نبكي وندمر وبلاك نمرض مي قدامو نبين روحي tre b1 بلاك هاد الانسان ماننساهش على خاطر جرحني مي اكيد رايح يخليني نولي خير ملي كنت ونحاول ننجح في حياتي ونولي خير منو في كل شيء :-h.

hadi wa3ra
 
رد: ماذا تفعل حينها

من عند ربي ماحملنيش او بدون سبب
ماعندي مانقولو غير نروح ونخليه
ومن لاميموار نفاصيه انا تاني لي مايحبنيش مانحبوش
تو سامبلومون
.

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top