رد: خوتاتي من فضلك لي تعرف هدي الحلوة
حبيبتي هذه الحلوى مقاديرها بسيطة وعادية
لكن شكاها تليق تشوفي قدامك راح نشرحها لك وان شاء الله نوصلك الفكرة
العجينة ديري 3كيلات فرينة وكيلة بسوس وشويا ملح وبليها بالماء وماء الزهر دافيين
العقدة فيها 3كيلات لوز او كوكاو انت وقدرك وكيلة سكر رطب وبشور قارص وشويا فاني ولميها بالبيض باه كي اطيب تشد روحها وما يخسرش الشكل تاعها
نكونو من العقدة شكل كورنيات صغار واحتفضي بيه وغطيهم طبعا بساشي
ومن بعد باقي العقدة نحلوها بالحلال ونطبعوها دوائر وايضا العجينة يكونو نفس القد وراح يكونو هما الاساس ومن باقي لعجينة نطبعو دوائر صغار نلفو فيهم هاديا الكورنيات تاع العقدة وحطيهم بجيهة وغطي عليهم
ومن بعد احكمي دوائر لعجينةمع دوائر العقدة لصقيهم بواسطة بياض البيض ومن بعد لصقي هاذوك الكورنيات ايضا فوق دائرة العقدة بواسطة بياض البيض دائما واعدليهم وحافضي على الشكل طبعا اللي راكي شايفاتو في الصورة
وبعدما اطيبيها عسليها وديكوريها باللماع الخاص بالحلويات
هي حلوى اوقاطو مليح صح لكن فيه شويا الخدمة تليق تلقاي اللي يعاونك فيه باه تخدميه
ان شاء الله نكون فهمتك او وصلتلك الفكرة وانشاء الله تنجحي فيها وننصحك باه ما تهابيش الحلويات اخلطيلهم تتعلميهم
وتعودي اديري افكار وقاطوات تاعك خاصة بيك وحدة ما دارتهم
