كلآم نوآعم على الـMBC ولآ جزآئريآت على الجزآئرية !

الورد الأحمر

:: أمينة اللمة الجزائرية ::
طاقم الإدارة
إنضم
6 مارس 2008
المشاركات
18,270
نقاط التفاعل
14,172
النقاط
671
محل الإقامة
سكيكدة
الجنس
أنثى
IoTEN.png


السلآم عليكم ورحمة الله وبركآته
...
صبآح الخير/ مسآء الخير وان شآء الله تكونوآ بخير ؟
أنآ عن نفسي رآني آنتيك والحمد لله على كلِّ حآل
عندي مدة مآ خربشتش هنآ واليوم جيت نحط موضوع
مقلقني من سمآنة وعجزت نحطو واليوم وين كتب ...
...
مآلآ السمآنة لي فآتت وأنآ رآيحة نرقد و La télé يقآقي وحدو
في قنآة الجزآئرية سمعت الحصة لي قآعدة تلعب قآل اسمهآ
" جزآئريآت "
cz22.gif

زعمة الدعوة هذيك لي فيهآ بهية رآشدي لي حسبتهآ كبرت
cz44.gif
وفيهآ
وحد لآكليك تآع البنآويت والنسآوين شبهملي ربّي بحصة كلآم
نوآعم لي تلعب في الـMBC الحصة التآفهة ديك
cz38.gif

وأنآ من عند ربي نكره الحصص لي يتلمو فيهم النسآوين على
خآطر علآبآلي بلّي يمدو معلومة وحدة تصلح وبآقيهآ خرطي
وكلآم فآرغ وزيد تشجيع على الإنحلآل والصيآعة
cz15.gif

...
هيآ وأنآ نسمع صوت بلآ صورة كوم عيآنة سمعتلكم بهية رآشدي
الفنآنة القديرة لكبيرة تآعنآ تحكي على المرأة وإنجآزآتهآ لي هي
أنهآ غزآت لبلآد واحتلت المنآصب الكل لدرجة حتى في الطآكسي
كآينة لي تسوق طآكسي وكآينة لي تسوق Bus في وهرآن
وكآينة لي تخدم خدمة الـ Receveur !
cz47.gif

هذآ الكل ورآهي تقول الحمد لله لي المرأة لحقت هنآ
cz45.gif
!
هذي Our بهية رآشدي لي رآهي تحكي وتحمد
cz52.gif

وأنآ لي نحسبهآ كبرت وتحجبت
cz24.gif

...
ألوغ وصلت للنهآية تآع الموضوع لي يستدعي تدخلآتكم:
اممم وآش رآيكم في الحصة هذي للي يعرفوهآ ؟
ووآش رآيكم في لي تسميه بهية رآشدي إنجآز ؟
تشوفوآ المرأة باحتلآلهآ للمنآصب هذو إنجآز ؟
...
أنآ رآيي يقول: هذآ مش إنجآز هذآ إنسلآخ على العآدآت وحتى
التقآليد تآعنآ والمرأة حتى وأنآ من مؤيدآت العمل للمرأة مي
نقول أنو بلآصتهآ مش في الأمآكن هذي قآل تخدم خدمة الشوفوغ
والغوسوفوغ هذآ لي خص وهذآ لي بقى
cz40.gif


وفي اللخر نقوللكم تبقآو على خير وفي انتظآر تدخلآتكم

سلآمي ’

5tBSn.png

 
رد: كلآم نوآعم على الـMBC ولآ جزآئريآت على الجزآئرية !


وعليكم السلام
يويويويو مرحبا بيك ياو توحشنا مواضيعك هنا
بالنسبة للحصة هادي
ابدايها من الجينيريك بعد لي يقول: يابنات الجزاير
يابنات الجزاير لي خليتو قلبي حاير
تفشل أمة
نرجعو للحصة التافهة هادي
لي تمثلها نسا
وحدة كبيرة وماش متحجبة ولوخرا كيف كيف ولوخرا دايرة حجاب كليماتيزي
والضيفات لي يجيبوهم زيهم بعد
يحسبو هادي هي الثقافة والتقدّم
متعجبنيش خلاه الحصة هادي
تشجع لتحرّر المرأة
فكريا وجسديا
كيفاه تخدم لمرا روسوفار هادا
نحير علاه ميديروش حصص تفيد
عليها بلادي بقات اللخرا
وبقينا في الدرك الأسفل
هيا تقبلي مروري
سلامي

 
رد: كلآم نوآعم على الـMBC ولآ جزآئريآت على الجزآئرية !

السلام عليكم

انا شخصيا ما تعجبنيش الحصة هادي خلاص

وكي نشوفهااا نقلق بزااااف و بالاخص العجوزة هديك

اولا كي راهم مقلدين للحصة ( كلام نواعم )

و تانياا المواضيع اللي يقدموهاا و يناقشوها زعما


وش راح نقول ربي يهديهم

وان شاء الله يحاولو كيفاه يحسنو من مستواهم اولا و من بعد يجيبوهم في Télé

ويوعيوا الشعب


تقبلي مروري


تحياتي لك

 
رد: كلآم نوآعم على الـMBC ولآ جزآئريآت على الجزآئرية !

مغسي عالاعتماد وأكيد لي رجعة للرد
 
رد: كلآم نوآعم على الـMBC ولآ جزآئريآت على الجزآئرية !

السلام عليكم اختي
اولا جبتيلي على اكثر حصة نكرها في الجزائرية وخاصة بهية راشدي نحسها مصطنعة وتلعبها بزاف
وزيد اذا هي تشوف انو المرا كي تخدم روسوفار دارت انجاز علاش متروحش هي تاني تخدمها وهكا هي تاني دير انجاز
يعيوا غير فينا والله ربي يهدينا وينورلنا طريقنا يارب
تقبلي مروري المتواضع اختي
 
رد: كلآم نوآعم على الـMBC ولآ جزآئريآت على الجزآئرية !

عجبني موضوعك بزاااف

انا شفتها 3 خطرات ولا 4 والموضوع نفسو تاع الزواج العرفي غير يرغيو

هاذي الحصة تبين قمة الانحطاط الاعلامي والبرامجي في الجزائر ،، يكمل الجينيريك اجي وحدة تهدر شوية وتريح تلحق لخرى والمشكل زوج ممثلات ووحدة كيما قالت سندريلا خمار كليماتيزي هههه

بالنسبة لكلام نواعم أنا نشوفها بزااف ومرات يعالجو مواضيع بزااف هادفة انكومبارابل مع الجزائريات

الانجازات ،، اصبري نبكي شوية ونكمل الرد
بداوها بـ 50 سنة بعد الاستقلال 50 امرأة ،، تخيلي وحدة تخدم في البحر تصايد واقيل تخرج مع الفجر ودارو عليها روبورطاج وتقولك انجاز بلاما نحكي على الطاكسي و ماخفي أعظم
وزادو دعموها بحملة الأيادي البيضاء ، ياخي زعما المرأة النموذح ، النماذج كامل خارجين الطريق

كيما يقول خالي الكلام شيق والوقت ضيق ،،، نخلي الأخوات واش يقول في الموضوع

يعطيك الصحة الزين
 
رد: كلآم نوآعم على الـMBC ولآ جزآئريآت على الجزآئرية !

انا هاذ الحصة بلا منشوف نها حلقة كرهتها
جامي شفت منها لقطة خطرش تعييي
وعمرهم ميلجقوا برامج تاعهم ميعرفوا لا ينشطوا
لا والوا جامي فلحوا في حاجو جزائريات تاعنا
 
رد: كلآم نوآعم على الـMBC ولآ جزآئريآت على الجزآئرية !

شوفي الحصة هادي جامي شفتها وما سمعتش بيها راني معاك في انو الاعلام الجزايري ماعندو حتى علاقة بالاعلام مي واش نديرو هدا lnivou تاع بلادنا حاجة فوق يدينا ربي يصلح الاحوال وكي قلتي على بهية راشدي منيش معاك هادي راهي أخت وراهي زوجة وراهي أم مكان لاه نديو دنوب الناس لي عندنا يكفيونا ربي يسهل عليها العكس أنا نشوف بلي الجزايريين في المستوى الفني والاعلامي malgre nivou طايح تاع الفن والاعلام مي راهم محترمين ومحترمات مانهدروش عالجيل هدا الجديد مي منقدفوش فأخلاق الناس ادا كان محجبة ولا ماشي محجبة كبيرة ولا صغيرة الله يسهل وادا قلتي نتقلق على خاطر راها مستنسخة من حصة كلام نواعم هههههه هدا واش عندها بلادك نحرقو ونخليوها ؟ العين بصيرة واليد قصيرة ودرك نرجع معاك للموضوع أنا منيش ضد خدمة المرأة في كل الميادين لي راها حلال كي تحب تسرح المجاري هديك لي راها تخدم شوفور ولا روسوفار قبل ما نقولو انحطاط وانحلال أخلاقي أرواحي نقولو حاجة المرأة هادي مات راجلها وخلالها 5 ولاد والدار كرا ومهيش خدامة يا اما تروح تهبل يا ما تبيع ولادها يا تدير لحرام يا تخدم أي حاجة وتوصل فلدات كبدها وهدا مثال بسيط راهي كاينة ناس أشد حاجة للدراهم وكل واحد وضروفو وكاينة حاجة تقول الحاجة تبرر الوسيلة مننتقدوش الناس معلابالناش واش راهو مخبيلنا الزمان alor انا منيش ضد الخدمة الحلال للمرأة مهما تكون وتقدر تخدم في gazirna عسكر وما تغلطش كي تكون بنت آصل وتخدم في بلاصة ريحة الرجالة ما فيهاش وكي تكون ماش بنت آصل تديرثقب فالاوزن . تقبلي مروري رغم الاطالة مي نحب كامل نحسو بعضانا ونحطو رواحنا بلاصة هدوك الناس ونقراو عدرهم .:) et merci.
 
رد: كلآم نوآعم على الـMBC ولآ جزآئريآت على الجزآئرية !

غريب جدا أمركن ياجزائريات غير قالت وحدة الحصة ما عجبتنيش وبدات تخرج لعجب في مقدماتها لحقو لخرين كامل بتفس الرأي حتى الي ما شافش الحصة ولا مرة والي شافها 4 مرات بصح ماعجبتهاش..؟
خلي عندكم موضوعية وشخصية وخلية النقد بناء . وعلى كل ما هو محلي يبهدل.............؟ والي جاي من برا .......راكم تعرفو مليح ... والي مش متحجبة نقولها ربي يهديك . والي متحجبة نزيدو نقطعو فيها........ لا هذه ولا هذه عجباتكم غريب يازمن
انا نشوف البرنامج كل ما لقيت فرصة . وكل واحدة وذوقها
المهم هذا راي ....
 
رد: كلآم نوآعم على الـMBC ولآ جزآئريآت على الجزآئرية !

غريب جدا أمركن ياجزائريات غير قالت وحدة الحصة ما عجبتنيش وبدات تخرج لعجب في مقدماتها لحقو لخرين كامل بتفس الرأي حتى الي ما شافش الحصة ولا مرة والي شافها 4 مرات بصح ماعجبتهاش..؟
خلي عندكم موضوعية وشخصية وخلية النقد بناء . وعلى كل ما هو محلي يبهدل.............؟ والي جاي من برا .......راكم تعرفو مليح ... والي مش متحجبة نقولها ربي يهديك . والي متحجبة نزيدو نقطعو فيها........ لا هذه ولا هذه عجباتكم غريب يازمن
انا نشوف البرنامج كل ما لقيت فرصة . وكل واحدة وذوقها
المهم هذا راي ....
اولا يالسكيكدية انا اول مرة نشوفك في المنتدى
مرحبا بيك
ثانيا كل واحد ورايو
انا متعجبنيش الحصة بمقدماتها بمواضيعها
بكلشي مديت رايي بكل صراحة
ماش تجي انتي تعلميني كيفاه ندير نقدم بنّاء
وي متعجبنيش مديعة ماش دايرة حجاب و ماش متربية تربية دينية انها تجي تلعبها تمثل بلادي
كل واحد حرّ في رايو
تربحي سلامي

 
رد: كلآم نوآعم على الـMBC ولآ جزآئريآت على الجزآئرية !

نكمّل لآ سيآست تآعي ونجي نستّف كل رد على جنب
مغسي على المرور ... سلآمي ’
 
رد: كلآم نوآعم على الـMBC ولآ جزآئريآت على الجزآئرية !

راكي غاطة يا اخت بلقيس

ماحناش امعـــــــة اوك ؟؟

كل وحدة فينا عندها رايها

ومالا علاه خصولنا منتدى وش راك تهدر


هنا نحطو المواضيع وناقشوها وكل واحد يفرض رايه باسلوبه


انا حاجة تعجني نقول عجبتني و حاجة ماعجبتنيش ما تعجبنيش


سلامي
 
رد: كلآم نوآعم على الـMBC ولآ جزآئريآت على الجزآئرية !


وعليكم السلام
يويويويو مرحبا بيك ياو توحشنا مواضيعك هنا
أهلآ بيك الحب وأنآ توحشتكم بعد :p
بالنسبة للحصة هادي
آيوَنْ !
ابدايها من الجينيريك بعد لي يقول: يابنات الجزاير
يابنات الجزاير لي خليتو قلبي حاير
تفشل أمة
هههه ولآ عمري سمعت الجينيغيك
نرجعو للحصة التافهة هادي
أهآه
لي تمثلها نسا
وحدة كبيرة وماش متحجبة ولوخرا كيف كيف ولوخرا دايرة حجاب كليماتيزي
والضيفات لي يجيبوهم زيهم بعد
يحسبو هادي هي الثقافة والتقدّم
أو تقليد برك على كلآم نوآعم مي هذوك نآس عآيشين
في نعمة عمآتلهم عينيهم وتآعنآ شآفوآ معآهم وحدة
متحجبة جآبو المتحجبة شآفوآ معآهم لمرأى هذيك لكبيرة
جآبو بهية رآشدي و... إلخ
درك تقدّم ولآ مش تقدّم كل وآحد ووجهة نظروآ كآين
لي تفكيرو يقولو بلي هذآ تطوّر وكآين لي يشوفوآ سيآبة
وليس إلآ تبقى مسألة عقليآت وكل وآحد وعآدآتو لي تربى
بيهآ برك ... زعمة قضية تفتّح وعصرنة ولآ تحجّر أفكآر !
متعجبنيش خلاه الحصة هادي
تشجع لتحرّر المرأة
فكريا وجسديا
أنآ تآني تصآدفت فيهآ زوج مرآت بآلآك ومآ عجبتنيش لوكآن
مآ درتش الموضوع من أسآسو :p
كيفاه تخدم لمرا روسوفار هادا
هذآ إنجآز حسب مآ يقولوآ :s
نحير علاه ميديروش حصص تفيد
درك في بآلهم رآهم يفيدوآ وكآين نآس في بآلهم فآدوهم
وقلتلك مسألة طريقة تفكير وبرك :-r
عليها بلادي بقات اللخرا
وبقينا في الدرك الأسفل
هيا تقبلي مروري
سلامي


درك لبلآد هذي بيهم ولآ بلآ بيهم أي مآ تطورش وتبقى في الدرك الأسفل
مي كي نشوف حصص هك تجيني الفشلـة ويطلع قلبي :p ...
مغسي على المرور وصحّيتي ... سلآمي ’
 
رد: كلآم نوآعم على الـMBC ولآ جزآئريآت على الجزآئرية !

السلام عليكم

انا شخصيا ما تعجبنيش الحصة هادي خلاص

وكي نشوفهااا نقلق بزااااف و بالاخص العجوزة هديك

اولا كي راهم مقلدين للحصة ( كلام نواعم )

و تانياا المواضيع اللي يقدموهاا و يناقشوها زعما


وش راح نقول ربي يهديهم

وان شاء الله يحاولو كيفاه يحسنو من مستواهم اولا و من بعد يجيبوهم في Télé

ويوعيوا الشعب


تقبلي مروري


تحياتي لك


أنآ مآ نكذبش عليك ولآ مرة ركّزت معآهم غير هذي المرة كوم كنت رآيحة نرقد وخليت
لآتيلي وحدو قعدت نسمع فيهم طلعولي قلبي قآل الحمد لله المرأة غزآت كل المجآلآت ورآهي
درك تخدم حتى خدمة الغوسوفوغ والشوفوغ طآكسي ومعرف وآش ... خص غير تخدم في
الشونتيي مع لي مآصون تبني ... صرآحة كيمآ يقولو الإنطبآع اللول عندو دور كبير وأنآ
أول مرة نركز معآهآ ديت عليهآ انطبآع بلي حصة تآفهة ولي يقدموهآ أتفه مآدآم تخمآمهم
هذآ هو ... ومغسي عالمرور أختي ويعطيك الصحة ... سلآمي ’
 
رد: كلآم نوآعم على الـMBC ولآ جزآئريآت على الجزآئرية !

السلام عليكم اختي
اولا جبتيلي على اكثر حصة نكرها في الجزائرية وخاصة بهية راشدي نحسها مصطنعة وتلعبها بزاف
وزيد اذا هي تشوف انو المرا كي تخدم روسوفار دارت انجاز علاش متروحش هي تاني تخدمها وهكا هي تاني دير انجاز
يعيوا غير فينا والله ربي يهدينا وينورلنا طريقنا يارب
تقبلي مروري المتواضع اختي

ههه كي شغل حليتلكم لموآجع كنتو نآسيينهآ برك وفكرتكم فيهآ :p ...
درك بهية رآشدي مآ ذكرتهآش بآه نحللوهآ هي كشخص مي ذكرت كلآمهآ وهو المطلوب للتحليل
بغض النظر إذآ مصطنعة أو لآ لآ تهمني ولآ تعنيني ولآ تقربلي ولآ رآيحة نصآدفهآ يعني مآ عندي مآ
نقضي معآهآ ولآ بيهآ مي كلآمهآ شغل شوكآني مآ توقعتوش من إنسآنة بعمرهآ وكيمآ قلتي كي تشوف
الشي هذآ انجآز نتمنى من قلبي نشوف بنآتهآ وحفيدآتهآ يخدمو الخدمة هذي ولأمآ لآ هي تآني ...
كيمآ تقول وحد المقولة الرجل مع حقوق المرأة إذآ لم تكن من عآئلته وهذي الحصة تبآنلي تروّج لحآجة
كيمآ هك وآشيآ هومآ بالذآت يحوسو عالتحرر لي يشوفوه هومآ في نظرهم ... ربي يهدينآ كيمآ قلتي
ومغسي على التدخل وإبدآء الرأي وسلآمي خيتو :)
 
رد: كلآم نوآعم على الـMBC ولآ جزآئريآت على الجزآئرية !

عجبني موضوعك بزاااف

انا شفتها 3 خطرات ولا 4 والموضوع نفسو تاع الزواج العرفي غير يرغيو

هاذي الحصة تبين قمة الانحطاط الاعلامي والبرامجي في الجزائر ،، يكمل الجينيريك اجي وحدة تهدر شوية وتريح تلحق لخرى والمشكل زوج ممثلات ووحدة كيما قالت سندريلا خمار كليماتيزي هههه

بالنسبة لكلام نواعم أنا نشوفها بزااف ومرات يعالجو مواضيع بزااف هادفة انكومبارابل مع الجزائريات

الانجازات ،، اصبري نبكي شوية ونكمل الرد
بداوها بـ 50 سنة بعد الاستقلال 50 امرأة ،، تخيلي وحدة تخدم في البحر تصايد واقيل تخرج مع الفجر ودارو عليها روبورطاج وتقولك انجاز بلاما نحكي على الطاكسي و ماخفي أعظم
وزادو دعموها بحملة الأيادي البيضاء ، ياخي زعما المرأة النموذح ، النماذج كامل خارجين الطريق

كيما يقول خالي الكلام شيق والوقت ضيق ،،، نخلي الأخوات واش يقول في الموضوع

يعطيك الصحة الزين

أهلآ أختي منورة الموضوع :-r
والله يآ أختي مآ يهمني الإعلآم ولآ البرآمج ولآ حتى الفن الجزآئري لأني طلّقت العآلم هذآ
من زمآن خآصة الجزآيري منو كل مرة يبرهنو بلي خآطيهم الفن ... مي لي جذبني وقززني
كلآمهآ وهي تحكي وتشر بيدهآ شغل تآع وحدة كبيرة ومثقفة ووآعية في نظرهآ هي وقآعدة
تحكي وكي شغل جآبت معلومة تفرّح ... إذآ عآد هذآ إنجآز فالله أكبر أو رحنآ فيهآ ...
الأيآدي البيضآء والسودآء وأيّ كآن اللون علآبآلنآ هدفهم وآحد ... ربي يستر وبرك
ومغسي عالمرور والتدخل أختي وصحّيتي وسلآمي ’
 
رد: كلآم نوآعم على الـMBC ولآ جزآئريآت على الجزآئرية !

انا هاذ الحصة بلا منشوف نها حلقة كرهتها
جامي شفت منها لقطة خطرش تعييي
وعمرهم ميلجقوا برامج تاعهم ميعرفوا لا ينشطوا
لا والوا جامي فلحوا في حاجو جزائريات تاعنا

اجتمعت الجزآئريآت على أنهن يكرهن حصة جزآئريآت :p
هههه أهلآ بيك أختي ومشكورة على رأيك الصريح والوآضح
تمنيت تزيدي تتوسعي أكثر في ردك خآصة فيمآ يتعلّق بالإنجآزآت
لي شآفتهم فنآنتنآ القديرة ! ... يعطيك الصحة وسلآمي ’
 
رد: كلآم نوآعم على الـMBC ولآ جزآئريآت على الجزآئرية !

شوفي الحصة هادي جامي شفتها وما سمعتش بيها راني معاك في انو الاعلام الجزايري ماعندو حتى علاقة بالاعلام مي واش نديرو هدا lnivou تاع بلادنا حاجة فوق يدينا ربي يصلح الاحوال وكي قلتي على بهية راشدي منيش معاك هادي راهي أخت وراهي زوجة وراهي أم مكان لاه نديو دنوب الناس لي عندنا يكفيونا ربي يسهل عليها العكس أنا نشوف بلي الجزايريين في المستوى الفني والاعلامي malgre nivou طايح تاع الفن والاعلام مي راهم محترمين ومحترمات مانهدروش عالجيل هدا الجديد مي منقدفوش فأخلاق الناس ادا كان محجبة ولا ماشي محجبة كبيرة ولا صغيرة الله يسهل وادا قلتي نتقلق على خاطر راها مستنسخة من حصة كلام نواعم هههههه هدا واش عندها بلادك نحرقو ونخليوها ؟ العين بصيرة واليد قصيرة ودرك نرجع معاك للموضوع أنا منيش ضد خدمة المرأة في كل الميادين لي راها حلال كي تحب تسرح المجاري هديك لي راها تخدم شوفور ولا روسوفار قبل ما نقولو انحطاط وانحلال أخلاقي أرواحي نقولو حاجة المرأة هادي مات راجلها وخلالها 5 ولاد والدار كرا ومهيش خدامة يا اما تروح تهبل يا ما تبيع ولادها يا تدير لحرام يا تخدم أي حاجة وتوصل فلدات كبدها وهدا مثال بسيط راهي كاينة ناس أشد حاجة للدراهم وكل واحد وضروفو وكاينة حاجة تقول الحاجة تبرر الوسيلة مننتقدوش الناس معلابالناش واش راهو مخبيلنا الزمان alor انا منيش ضد الخدمة الحلال للمرأة مهما تكون وتقدر تخدم في gazirna عسكر وما تغلطش كي تكون بنت آصل وتخدم في بلاصة ريحة الرجالة ما فيهاش وكي تكون ماش بنت آصل تديرثقب فالاوزن . تقبلي مروري رغم الاطالة مي نحب كامل نحسو بعضانا ونحطو رواحنا بلاصة هدوك الناس ونقراو عدرهم .:) et merci.

أهلآ بيك السكيكدية بنت مدينتي :)
الظآهر مآ فهمتي موضوعي أنآ كي درت الموضوع الهدف تآعو مش بآه نحكي على الإعلآم
أنآ رآني نحكي على الحصة وطبعآ كل حصة تروّج لحآجة وأنآ بحكآيتي عالحصة رآني نقصد
الشي لي قآعدة تروجلو مش الحصة بحذ ذآتهآ كتقديم ولآ ...
زآئد بهية رآشدي مآ ذكرتهآش بآه تحللوهآ هي كشخص ولآ أنآ حللتهآ كشخص أنآ ذكرت
وآش جآ على لسآنهآ ومآرآنيش نحكي على حتى وحدة من الحصة وآشيآ كلآمهآ خلآني
نشوفهآ صغيرة وكي قلت تحجبت على خآطر نشفى وكأنو عندي في الذآكرة صورة ليهآ
وهي متحجبة مافكرتهآ كلّي حجبت وحد الوقت والله أعلم ! ... يعني رآكي خرجتي بردك
عالموضوع شوية ... أمآ على الظروف تآع المرأة يآ أختي أنآ مآ نحكيش على لي ظرفهآ ظرف
خآص ولي مآ عندهآ منين توكّل ولآدهآ ولآ هومآ حكآو على العينة هذي والعينة هذي ولآ
مرة يحكيو عليهآ ديمآ مهمشين ... درت الموضوع لأنو العينة هذي لي تدآفعي انتي عليهآ
هومآ شآفوهآ حآجة كبيرة يفوخو يزوخو بيهآ ألوغ أنآ حآجة كيمآ هك تحشمني وتهبطلي رآسي
مش تطلعو ونولّي نعلّي في رقبتي ونحكي بيدي ونفرح :-r ... مغسي على التدخل جآرتي
وسلآمي ’
 
رد: كلآم نوآعم على الـMBC ولآ جزآئريآت على الجزآئرية !

و الله ما لقيت ما نقول غير أنو جانا الإحتلال :d
 
رد: كلآم نوآعم على الـMBC ولآ جزآئريآت على الجزآئرية !

غريب جدا أمركن ياجزائريات غير قالت وحدة الحصة ما عجبتنيش وبدات تخرج لعجب في مقدماتها لحقو لخرين كامل بتفس الرأي حتى الي ما شافش الحصة ولا مرة والي شافها 4 مرات بصح ماعجبتهاش..؟
خلي عندكم موضوعية وشخصية وخلية النقد بناء . وعلى كل ما هو محلي يبهدل.............؟ والي جاي من برا .......راكم تعرفو مليح ... والي مش متحجبة نقولها ربي يهديك . والي متحجبة نزيدو نقطعو فيها........ لا هذه ولا هذه عجباتكم غريب يازمن
انا نشوف البرنامج كل ما لقيت فرصة . وكل واحدة وذوقها
المهم هذا راي ....

أهلآ أختي السكيكدية جآرتي :-r
مرحبآ برآيك لكن عندي تعقيب عليه:
أولآ أنآ مآ خرجتش لعجب في مقدمآتهآ كيمآ قلتي كل مآ هدرت عليه هو مآ جآ على لسآن
وحدة من المقدمآت وكي ذكرت اسمهآ مش لتحليلهآ هي وإنمآ لتحليل كلآمهآ وحتى في أسئلتي
مآ قلتش وآش رآيكم فيهآ حكيت على الحصة لي قصدت بيهآ مآ تُرَوّج له وحكيت على الإنجآز
لي تفرح بيه فلآنة وقلت آسكو تشوفوه إنجآز وغيرو مآ عطيتش رآيي في المقدمآت تقدري تقرآي
الموضوع مليح! ... أمآ على المحلي ولي من برآ لي مآ ذكرتوش أنآ في الموضوع نقولك لي من برآ
دوغيجين ثقآفتهم مش كيمآ ثقآفتنآ مي المحلي لي نشوفو فيه ثقآفة مش تآعنآ يخلّينآ نعلقو ...
وكيمآ قلت في ردي على السآندريلآ هذي مسألة عقليآت عقليآت زعمة متحررة وعقليآت محآفظة
وكيمآ قلتي مسألة ذوق والنآس أذوآق وانتي عجبتك مش معنآهآ الكل تعجبهم وأنآ مآ عجبتنيش
مش معنآهآ الكل مآ تعجبهمش ولي قآلت مآ عجبتنيش معنآهآ مآ عجبتهآش مش معنآهآ مآ عندهمش
شخصية والصرآحة مش في الموضوع هذآ يكون النقد البنآء كآين موآضيع بزآف تستآهل النقد البنآء
رآهي تستنى ولآ نقدك كآن بنآء حبيت نصآرحك برك ومغسي على إبدآء الرأي وسلآمي ’
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top