طريقة عمل البسبوسة

ام سحر و لؤي

:: عضو مُتميز ::
إنضم
22 سبتمبر 2013
المشاركات
829
نقاط التفاعل
1,144
النقاط
51
انا حبيت اليوم نقترح عليكم حاجة حلوة تقدري ديريها في دقائق حتئ و لو جاو عندك ضياف على غفلة بدلا من لامونة اللي هي معروف
في اناء ديري 12 ملعقة سميد متوسط (لازم يكون متوسط لوكان يكون دق شوية و اللا فاخر ما تجيش)
12 ملعقة زيت
4 بيضات ( و يلا كانو البيضات كبار غي 3)
10 معالق سكر
1 لافاني
2 خمارة
4 معالق حليب
قشور الليمون
-السقوة او الشاربات:
2 كيسان ماء
كاس سكر
نصف حبة ليم
ديريها في كسرونة تغلي
خلطي كل المقادير تولي خلطة سائلة ديريها في صينية متوسطة الحجم و ديريها في الفرم علي نار فوق المتوسطة و لكن ماشي قوية بزاف علاخاطر ما طولش في الطياب و لازم تراقبيها و لازم طيب ملتحت و مالفوق باش تحمار شوية المهم كي تشوفيها طلعت و نتفخت طفي الفرن و خليها تم و حرصي باشكي تكون طيب ما تحليش الفرن علاخاطر تهود و تنفش شوفي برك مالزاجة و في نفس الوقت اللب تكون طيب يكونو الشاربات يطيبو. و كي تطفي الفرن و تخليها تما وحد 10 دقايق باش تحكم روحها خرجيها و هاذوك الشاربات تاني يكونو حاميين و سقي بيهم و خليها تبرد شوية و قطعيها و قدميها و يلا حبيتي ترشي فوقها فول سوداني مطحون و اللا نواد كوكو و اللا خليها هاكه نتمنئ تعجبكم بالصحة و الهنا
 
رد: طريقة عمل البسبوسة

ممممممممممم راني نتخيل في الذوق
يعطيك الصحة اختي
 
رد: طريقة عمل البسبوسة

يعطيك الصحة ياس على الوصفة تمنيت نشوفها من يديك
المرة الجاية كي ديريها صوريهانا
و ان شاء الله نطبقها
بارك الله فيك
 
رد: طريقة عمل البسبوسة

ربي يحفظكم علئ الردود نتمنى تجربوها و تعجبكم بالصحة و الهنا
 
رد: طريقة عمل البسبوسة

اولادي يموتو على البسبوسة فكرتيني بيها رايحة نديرها بطريقتك يعطيك الصحة
 
رد: طريقة عمل البسبوسة

بالصحة و الهنا اختي ام عماد ليك و لاولادك
 
رد: طريقة عمل البسبوسة

بالصحة و الهنا ختي و عيدك مبروك
 
رد: طريقة عمل البسبوسة

لاميشكو و فيك بركة حتى انا نديرها ف رمضان تجي مليحة للقصرة تاع رمضان
بوبو يعطيك الصحة و صح عيدكم
 
رد: طريقة عمل البسبوسة

مرسي ياسو ولالاسف ما عندناش حليب غبرة الا ادا استعملت تاع مريم بصح ان شاء الله نحتفظ بيها ونعملها كاش نهار اليوم ان شاء الله ندير تاع ميما
 
رد: طريقة عمل البسبوسة

73.png

هااااااااااااايلة ميرسي الزينة​
 
رد: طريقة عمل البسبوسة

ميرسي اختي ان شاء الله نجربها
 
رد: طريقة عمل البسبوسة

merciiiiiiiiiiiii
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top