نزوح الأفارقة....

أ

أم محمد رائد

:: عضو مُشارك ::
إنضم
18 ديسمبر 2012
المشاركات
396
نقاط التفاعل
486
النقاط
13
img_girls-ly1365295648_928.gif



ان شاء الله تكونوا بخير
أنا أول مرة نشارك في هذا القسم
09.gif




حبيت نهدرلكم على ظاهرة انتشرت هنا في ولاية ميلة
وشفتها تاني لما زرت ولاية قسنطينة و جيجل تاني
11.gif


هذي الظاهرة هي : :down:



9k=


ولينا في كل دورة نتلاقاوهم
16.gif
فالشارع فالمدرسة فالمسجد...
12.gif



والمندبة تعلموا كلمة : *صدقة* ورجعوا يحكموك فالطريق ...
صدقة...صدقة....

عندي طفلة تقرا فالتحضيري ماتحبش تروحلي وحدها تقرا والمدرسة قريبة لازم نروح معاها
على خاطرش خلعوهالي مرة قريب ماتت
53.gif


ورجعوا يروحوا حتى للديار ...تطبطب الباب تفتحي تلقايهم في وجهك 7 ولا 8 ...صدقة ...صدقة
80.gif


مانيش عارفة اذا راهم ملقحين ولا لالا
56.gif


مافهمتش واش جابهم من تحت خلاص من مالي و النيجر حتى لولايات الشمال
101.gif



و فالشتاء كيفاش راح يديروا ؟؟؟؟؟؟؟

علاش ماقعدوش في ولايات الصحراء خير و خير


مانعرف اذا كان هاذ الظاهرة فالولايات الكل ولا برك في ميلة...اللي رجعت نص دزيريين و نص ماليين و نيجيريين
48.gif


​
 
رد: نزوح الأفارقة....

السلام عليكم
بصراحة انا ما شفتهاش عندنا هاد الظاهرة
اللي شفتهم انا هوما البدو الرحل تاوعنا تع الصحرا هدوك صح كي يلصقو فيك كون متمديلهمش يكرهوك في حياتك سيرتو الصغار
مي قريت عليها هاد الظاهرة كيما راكي تسميها كالكو زاغتيكل في الجوغنال
مرة على مرة يقولك القبض على رعية افريقي بدون وثائق ...الخ
مي والله يا ختي اللي لقى الربح في بلادو ميروحش لبلاد الناس ويزيد يمد يدو
هوما كون لقاو الربح والراحة في بلادهم ميجيوش هنا ويطلبو
المعيشة صعابت والزوالي ما لقاش بيها وين سيرتو مع التهاب الاسعار في ايامنا هادي بالدات واين سعر صرف الدينار يشهد تدهور كبير اللي خلى الاسعار تع السلع الاستهلاكية خصوصا المستوردة مالخارج تلتهب
قوليلي مساكن هادو كيفاه يديرو ،، انا بصراحة يغيضوني ناس اللي كيما هادو نقول انا في دارنا بين والديا وخاوتي وربي ساترها علينا مي هوما مساكن مشردين لا مأوى ولا عمل ويمدو يديهم كاين لي يمدلهم وكاين لي يسبهم حالهم بحال كامل المتسولين بل أسوء
حسيت بقساوة كلماتك وأنت أم والأم نبع الحنان فما بالك بالناس برا اللي ما ترحمش
حاولي تليني قلبك يا اختي وانظري ليهم بعين الرحمة والشفقة مش وباء ولا نبتة سامة ينبغي اقتلاعها من الجذور
لأن الدنيا دوارة وكل من عليها فان ويبقى وجه ربك ذو الجلال والاكرام
​
 
رد: نزوح الأفارقة....

السلام عليكم

فعلا هده الظاهرة اصبحت تنتشر في كل مكان
انا لاحظتها في محطت المسافرين بولاية ورقلة وغرداية
اطفال صغار وكحالش يدورو على المسافرين والحافلات

واللي محيرني هو انني لم اجد اي كبير او كبيرة فيهم يتسولون فقط الاطفال عكس السوريين نجدهم في المساجد والشوارع بكثرة
طبعا كلهم مساكين ضروف الحرب دفعتهم الى النزوح ولكن اين هو دور السلطات في اقامت لهم مخيمات خاصة بهم لمنع انتشار الاوبئة واعطائهم حقهم كلاجئين

والسؤال هو ان الحرب انتهت في مالي ومازالو هنا .......
 
رد: نزوح الأفارقة....

صح نتاشرو بزاف حنا لبلاد كامل مفرشة بيهم
بصح مشكيتش يقدرو يقاومو الشتا تاع باتنة :p
تصب شوي نو برك تلقايهم كامل بالصوف
يعطيك الصحه​
 
رد: نزوح الأفارقة....

قال zagane:
السلام عليكم

ولكن اين هو دور السلطات في اقامت لهم مخيمات خاصة بهم لمنع انتشار الاوبئة واعطائهم حقهم كلاجئين

والسؤال هو ان الحرب انتهت في مالي ومازالو هنا .......
إضغط للتوسيع...
عندهم مخيمات بصح مبغاوش يقعدو فيها
 
رد: نزوح الأفارقة....

حتى في تلمسان انتشرت هاذ الظاهرة ولينا نلقاوهم فكل بلاصة يطلبو صدقة
 
رد: نزوح الأفارقة....

حتى عندنا في المغرب الافارقة كثار بزاف وكيبيعو متجولين فشوارع بورطابلات وبعض كيطلبو
وراكم عارفين بلادهم مساكن قمة تهميش انتي صاحبة موضوع كتكلمي عليهم بحال الى مراضياش انهم اكونو في مدينتك وعلاش كل واحد ورزقو لاقاو رزقهم هناك لازم نتقبلو الاخر مهما كان لان ظروف هي لي خلاتهم يهاجرو بلادهم مثل عندنا يهاجرو اروبا وغيرها وكتقولي ملقحين او لا علاش مالهم ماشي بشر وبنتك خايفة منهم علاش وحوش لي يسمع كلامك اظن انهم مخلوقات فضائية
المهم الله اعاونهم ويسهل عليهم مساكين
 
رد: نزوح الأفارقة....

ختي دعاء الموضوع مش هاكة مش مسالة انو حنا رافضينهم و لكن رافضين طبايعهم لانهم يسرقو و يجو للديار رغم انو الدولة دايرتلهم مخيمات بصح ما يقنعوش لو كان جاو يخدمو حنا ما نقطعو رزق حتى واحد و لكن حنى متضايقين من طبايعهم مش منهم كبشر
 
رد: نزوح الأفارقة....

قال zagane:
السلام عليكم

QUOTE]
اطفال صغار وكحالش يدورو على المسافرين والحافلات
وعليكم السلام
اطفال صغار فهمناها
كحالش؟؟؟؟؟؟؟؟؟؟؟؟؟؟؟؟؟؟؟:down:سؤال يبقى مطروح
سيدنا آدم كان اكحل ونزيدك البشرة السودا هي افضل بشرة
اتقاوم الشمس والمرض وخير دليل عايشين في الميزيرية ويقاومو فيها سبحان الله
علاه في الصحراء مكانش الكحالش كيما قلتي؟
نعيب (لوبان )المتطرف اليميني والعيب فيناحتى احنا ولادنا راهم اهاجرو لاوروبا
ويطلبو ويسرقو ويتمرمدو حلال علينا وحرام علي زورنا
والله الراسيزم عندنا في الدم ومكان لاه اتقولو ماقصدتش
انعايروهم ونضحكو عليهم ونسبوهم
ونسينا ان الله يمهل ولا يهمل
الله يهدينا ويهديكم لو كنا فعلا مسلمين لما بقيا فقيرا فوق الارض ناس تسبح في السحاب وناس اتسف في التراب
​
إضغط للتوسيع...
 
رد: نزوح الأفارقة....

السلام عليكم
صح الظاهرة هاذي انتشرت في الآونة الأخيرة خصوصا

هنا في ولاية ميلة راهي كارثة تاع الصح في كل دورة تلقاهم

لاحظت أن بعض الإخوة و الأخوات شافو للأمر من ناحية وحدة

فقط وهي النظر للامر من جهة اللون و البشرة و....

الامر ليس كبشر بل كأفعال ... مثلا علاش مانشوفوش ناس كبار

غير اولاد برك ..وعلاش يروحو يطبطبو على الديار و يكونوا مجموعات

رانا عارفين بلي راهم نازحين و لاجئين و فقراء و طالبين

معيشة و لكن مايش هاكا ...ماعادش الواحد يمشي براحتو فالشارع

ولا في داره...

دارولهم مخيمات يلتزموا بيها و اللي يحب يصدق راه يعرف كيفاش

يتصدق....

شكرا على الموضوع
​
 
رد: نزوح الأفارقة....

شكرا لكل من شارك في الموضوع
الأمر يجب أن يأخذ من كل زواياه و ليس من زاوية الشكل و اللون فقط
نتمنى ان نرى ناس كبار و ليس أولاد منتشرين هنا و هناك يضايقو فالمارة
ويدخلوا للمنازل نتمنى نشوفوهم في ملاجئ خاصة و حنا الجزائريين رانا تاع جود و كرم
 
رد: نزوح الأفارقة....

السلام عليكم ورحمة الله تعالى وبركاته

هاذي الظاهرة راهي بارتو وماشي غير النيجر ومالي مام السوريين هوما ثاني روحي للسوق نتاع بومعطي تصيبيهم غير هوما ، ومام احنا عندنا راهم بزاف منتشرين الله يحميهم ان شاء الله ، والله يقطعوا القلب ، والجزايريين يعني فريمو في المواقف كيما هادو يعرفو للخير انا شفت بزاف ناس يعطيولهم الماكلة ، الغطى ، وحتى الدراهم احنى نتمناو ظروفهم تتعدل ويولوا لبلادهم معززين مكرمين ان شاء الله ربي يرجع الامن والامان في كل بلاد المسلمين يا رب .
 
رد: نزوح الأفارقة....

وعليكم السلام
شاعو عندنا في قالمة ورى رمضان شفتتهم بزاف
مباعد منعرف واش شكاو بيهم لموهم ومعرف واين بعثوهم
منين نخرج منلقاهمش بعد ماغزاو الولاية
لي شفت نسا وولادهم
كاين لي يطلبو وكاين لي استعملو لولاد الصغار يعاونوهم يبيعو القش ويديو صوارد
ليسونسيال مابقاوش درك غير تاع الجامعة هادوك تاني بزاف
بصح بقدرهم ماش زي هادوك كانو واين نمشيو نلقاوهم
يعني شعبنا حاير في روحو يزيدو هوما علينا
قبلنا الشناوة على الاقل هوما يخدمو ميبقاوش عالة كيما هادو
مادين يديهم يطلبو وممكن يسرقو وكاشما يديرو عصابات كيما موالفين نسمعو عليهم يدخلو الممنوعات
ومننكروش تاني كاين منهم المسلمين شفت النسا يصليو
ورجال تاني مالازمش نحطوهم كامل في دفة وحدة
ربي يستر
شكرا على الموضوع
سلامي​
 
رد: نزوح الأفارقة....

احنا ف العاصمة على على رسانهم في كل دورة تلقايهم بصح ما يطلبوش صدفة ما صدقة يجيو يحوسو الخدمة عند مول حوانت حوايج تع لعرايس باش يخدمولهم ليكاراكو و قفاطن بالشعرة والله خدمتهم تهبل الله يبارك
 
رد: نزوح الأفارقة....

salam
ih sa7 nt3 mali w nidjer kaml rahm hna meme 7na fi setif denya melyana bihm fi kl plaça srt ki y3odo macgi mdayrin vaccin wa3r l7al
ana yghidoni l a6fal bzf msakn mais ma3andna wach ndirolhm:(
dzl les claviers ma yktbouch en arabic​
 
رد: نزوح الأفارقة....

الافارقة السود فيهم و عليهم كاين ناس جاو للجزاير غلطة و كاين لي جا هنا يعيش لكن المشكل في الاخير
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top