- إنضم
- 7 ديسمبر 2012
- المشاركات
- 3,665
- نقاط التفاعل
- 4,668
- النقاط
- 191
وش راكم يا الناس الملاح ..؟؟..ناس وش راك تهدر ....ان شاء الله تكونو بخير و على خير يا ناس الخير ...
قلمي هاد ليام الله يبارك راه ياخدلي الراي و مطاوعني ..قلت نبروفيتي و نكتب وش راني نشوف ...
يقلك عيش تسمع و عيش تشوف ...
المهم دون اطالة ...منذ مدة رْكبت busرغم اني نكره الركوب في العمومي لاسباب تعرفوها كامل و ظرك نزيدكم سبب واحد اوخر ...une raison de plus
المهم كنت فحلة من لُوْلين و دبرت فيها كرسي ...و بدا هاداك ال receveur يرْكِب في الغاشي ..هادا على هادا ...
فجأة ..
انفجر صوت مْرَا....بسم الله يا اا لطيف ...
و صوت طفلة تبكي ...
و اذا به راجل ما شافش طفلة عفسها ....
و حكمااااتو هاديك المْراَالي ماهيش مْرا بالنسبة ليا انا و تْعيِط عليه بصوت عالي مقزز ...
و قعدت تهدر و تعيط ..ما كان لاه نقولو وش قالت؟؟...!!
انا قلت sur يِخْسر عليها كف يكسر ليها فمها ...
بقيت نتبع و نستنى ...و هو باين عليه وليد فاميليا ...ما قالها والو ..قالها اني قتلك اسمحيلي راني و الله ما شفتها ...
و هي زادت في volume و بقات تهدر و تعيط ...
حتى نطق الروسوفور ..قالها اسكتي و الا اهبطي ...!!
فهل بنت الفاميليا تعارك الرجال على الملا؟؟؟ و الغاشي يتفرج ..؟؟..
هل هو اخر الزمان ..؟؟انو لِمْرا تطاول على الراجل ..؟؟..
و ين راحت المْرا الي تستر روحها و تصون نفسها حتى و ان كان الراجل غالط ..؟؟..
و علاه تْسَيْبِتْ النساء ؟؟؟...
خاطر ما كانش الي يحكم و لا وجه النساء الي صحاح اكثر من اللازم ؟؟
كون جيت انت خويا في بلاصة الراجل هاذاك ..؟؟..
وش دير ..؟؟...
بكل صراحة حط روحك في بلاصتو مع واحدة كيم هاذيك ..؟؟...
نهار سردوك و لا عشرة دجاجة ..؟؟...
تحيات ام اسحاق