هدرة و سكآآآآت

قال نعومة البراءة:

سلام
ربي ينجحك حبيبتي الجندية
انا هاذو الجاست ديما تصرالي انا لعام اللي فات كنت bemوكانت عندنا استاذة ادب معندي منقلك مضروبة من جيهتي غير نتحرك تنوض تعطينا درس في الاخلاق انا مندير والو تنوض تسب فيا ومن بعد انا كرهت وليت نرجعلها عادت من تدخل لازم نخرج انا
هي غير تدخل تقلي هيا نينا هزي حوايج واخرجي حتى انو كان عندي هادة ومحضرتش حتى درس صدقيني مكانش عندي كراس وكانت ديما تعايرنا وتقلي رانا نتلاقاو لعام لجاي هنا في سيام انا كانت تغيضني بزاف لخاطر كامل الاساتذة يشكرو فيا لخاطر متربية وعاقلة مي هيا كانت وحدها وانا بالرغم من كل هذا حبيت نبرهلنا بلي قادرة نجيب البيام بلا ما نحضر حصتها
عام كامل مقريتش ادب وتصوري واش كان يصرى فيا نبات نقرى فيها وبالسيف باه النفهم مي في الاخير جبت المعدل 16 و ديت في الادب 18.50 رحت ليها ونعتلها البيلتا قاتلي اكيد نقلتي وزيد قاتلي انت فيك وفيك وكون نقلك السبب علاه متصدقيش
السبب هو انها كانت تلعبها مدينة وكانو لبنات كل في كلاستنا دايرين الحجاب غير انا على هاذي تكرهني مي ربي يهديهم
اساتذة اخر زمن
​

إضغط للتوسيع...