إجمالي المشاركات 14- عرض 6 إلى 14 من الأصدقاء

zagane

:: عضو بارز ::
أحباب اللمة
إنضم
2 جويلية 2007
المشاركات
5,340
نقاط التفاعل
2,313
النقاط
906
محل الإقامة
معسكر
الجنس
ذكر
السلام عليكم

إجمالي المشاركات 14- عرض 6 إلى 14 من الأصدقاءكل مشاركة بصديق؟؟؟؟؟؟؟؟؟؟؟؟؟؟؟؟؟؟؟
وجدت هدا في اللمة

مع كل احتراماتي للاعضاء الجدد

ولا اقصد اي عضو معين

ما فهمت والو كاين بعض الاعضاء في اللمة

تاريخ تسجيلهم جديد غير كيما سجل ومرحبا بيه بين اعضاء اللمة

عدد مشركاتهم اقل من 20 مشاركة

عدد اصدقائهم يفوق عدد المشاركات اكثر من 20 صديق

كيفاش استاطعو ان يتحصلو على هدا الكم الهايل من الاصدقاء
كيفاش عرفوهم بلي ملاح ويجو على عقليتهم

ولا كل مشاركة يضيف صديق

راني عارف بلي مشي القداما هما لي يطلبو الصداقة من الجدد وهدا نادرا جدا

باينة بلي الجدد هما لي يطلبو الصداقة من القدامى في اغلب الاحيان

ولا كاين لي داخل عليها من الاول يأجوتي في الاصدقاء والصديقات برك لحاجة في نفسه ولا حاجة في نفسها

واش راني حاب نقول هو ان الجدد ما يتسرعوش في طلب الصداقة ولا حتى القدامى لان العشرة قصيرة حتى يعرف العقليات مليح ويبدى يطلب الصداقة

ولا هاكا نقولو بلي هدا العضو جا للمنتدى فقط من اجل الصداقة (المشبوهة) لا غير

وتقدرو تتاكدو بانفسكم ان هده الظاهرة موجودة وحقيقة في اللمة

طبعا انه لشرف عظيم ان يطلب منك عضو الصداقة ولكن قد تجلب له او يجلب لك المشاكل فالتسرع في هدا هو السبب .

ومازال ما فهمتش
 
رد: إجمالي المشاركات 14- عرض 6 إلى 14 من الأصدقاء

عليكم السلام ورحمة الله وبركاته
نعم موجودة هذه الضهارة
لكن الاسباب وراء الاضافات العشوائية الله اعلم
انا ما نطلبش الصداقة من عضو الا اذا خالطتو مليح وعاشرتو
ربى يوفقك خويا محمد
ولا تحرمنا من مواضيعك الراقية


 
رد: إجمالي المشاركات 14- عرض 6 إلى 14 من الأصدقاء

بارك الله فيك اخي الطيب

ملاحظة مهمة حول الصداقة
يجب ان يكون للعضو او العضوة طريقة
فليس المعنى باضافة صديق هي ملئ القائمة وحسب
بل الغاية هى الصداقة بعينها والتعاون على البر والتقوي
موضوع حسن
تحيتي
 
رد: إجمالي المشاركات 14- عرض 6 إلى 14 من الأصدقاء

السلام عليكمـــ
أنا نقولك الصراحة اللي في قائمة الاصدقاء نتاعي الأعظمية مانعرفش.
هوما يطلبو الصداقة و أنا نقبل.
ماشي على اساس لازم نعرفهم أصلا أنا من النوع اللي مايزربش يندمج مع الناس قصدي الأعضاء سيرتو
طلبات التعارف في الرسائل مانحبش نرد غير من فوق القلب
هههههه ماشي قصدي ماتهدروش معايا ههه
 
رد: إجمالي المشاركات 14- عرض 6 إلى 14 من الأصدقاء

بارك الله فيك
عن نفسي ما نطلبش الصداقة من اي كان الا بعد معرفة طوييييلة ولكن اذا جاني عرض ما نقدرش نرفض نقبل ماشي لانو كاين حاجة في نفسي انما احتراما للشخص لي طلب الصداقة
حتى انو اصداقئي هنا يعدون على اصباع اليد الواحدة
تحياتي ليك اخي
 
رد: إجمالي المشاركات 14- عرض 6 إلى 14 من الأصدقاء

هذا أمر قديم وتجده في جل المنتديات
ولكن أظن أن كل عضو وحالته
فقد يكون العضو قديم بعضوية جدبدة إذن يعرف العديد من الاعضاء هنا
او يكون العضو سريع الاندماع في المنتدى
أو يكون للعضو مجموعة من المعارف هنا فتتم دعوته
وهناك من يرسل الدعوات لملأ القائمة وفقط
وغيرها من الحالات التي تعيد الظاهرة إلى خانة الأمر العادي
بآرك الله فيك أخي
 
رد: إجمالي المشاركات 14- عرض 6 إلى 14 من الأصدقاء

السلام عليكم
ههههههه والله صح
من اي منطلق باش ولاو عندو اصدقاء
بالمعاشرة ولا ورالهم عقليتو بالردود فالمواضيع ولا واش.؟؟؟؟
تحير تاع الصح ..
وديجا انا هاديك الايقونة تاع الصداقة بالنسبة ليا ما عندها حتى معنى
يعني ماهيش اوبصيون تدير كاش عفسة
ربي يهدينا وخلاص​
 
رد: إجمالي المشاركات 14- عرض 6 إلى 14 من الأصدقاء

السلام عليكم اخي
بارك الله فيك اخي على الموضوع
صحيح كاينة هاذي الظاهرة يمكن بالاك يقولوا كي نطلبوا طلبات الصداقة تيتعرفوا بسرعة ويولوا كامل الاعضاء يعرفوهم والله اعلم
واصلا حتى ولو طلب منو طلب صداقة وقبل بيه ومن بعدة يعني عادي
يعطيك الصحة اخي
 
رد: إجمالي المشاركات 14- عرض 6 إلى 14 من الأصدقاء

صح كاينة هادي وانا كل دايما تصراني نلقا طلب اضافة والعضو يكون جديد حتى يكون عندو 6 مشاركات


نقلهم كاين بلايص خرين ادا حبيتو ديرو معريفو اخديكم من المنتدى لان الناس الي فيه مستواها مرتفع على البحث عن الصدقات الي معندهاش معنى

وهاذا لا يعني انه لايوجد اصدقاء لا العكس اانا عندي في اللمة "اصدقاء العمر"


وعمري بعثت طلب صداقة الا لواحد نكون نتبع في مواضعو وردودو ونشوف بلي صح كي نهدر معاه رايحة نفيدو ويفيدني ماشي نهدرو في الفيد


ونقولهم الي راهم يحوسو على هاد الشي حوسو عليه بعيد


هنا الناس ماهيش قاعدة قعادكم

وتحلو بشيء من اللباقة


والحمد لله كاين الادارة الي تبليغ مني وتبليغ من فلان واخر من فلانة

نحذفوك من هنا
وسلآم
 
رد: إجمالي المشاركات 14- عرض 6 إلى 14 من الأصدقاء

السلام عليكم

الصداقة معناها بعيد وواسع وشاسع
ليس بمجرد ان تطلب او ان تضيف صديق في منتدى فقد ملكت او ملك قلبك
ادن هدا الدي نتفق عليه
العشرة حتى في المنتديات لازمة مع انه مغامرة خطيرة واخطر من ارض الواقع
بارك الله فيكم على الردود
 
رد: إجمالي المشاركات 14- عرض 6 إلى 14 من الأصدقاء

الاسباب مانعرفهاش بحكم اني بعثت مرة و لا زوج طلبات صداقة لاشخاص كنت نعرفهم هنا في اللمة مسبقا
لكن كي تجيني دعوة ممكن نقبلها على حساب الظروف و المورال و اغلبهمن مايحكيوش معايا يعني انا صديقتهم غير هاك
و تبقى هادي حاجة في كل انسان هو اعلم بيها
 
رد: إجمالي المشاركات 14- عرض 6 إلى 14 من الأصدقاء


الصداقة و طلبات الصداقة ...

راح نجيبلك من لخر خويا محمد ..

هنا في اللمة طلبات الصداقة معندهاش معنى .. اللي صديقك راك تعرفوو تتواصل معاه بالميساجات ولا في الفايس ولا سكايب ولا التلفون .... على حسب درجة لانتيميتي ..يعني قوة الصداقة ....

تلقى لي عندو عشرين صديق و ما يعرفش حتى اخرهم شحال في عمرو ولا وين يسكن ....

في المواقع لخرى كيما الفايسبوك .. طلبات الصداقة عندها تاثير ... psk هذا اللي تضيفو راح يولي يقدر يشارك في الحائط تاعك و يقدر يشوف مواضيعك و مشاركاتك و يتواصل معاك و يلحقوه اخبارك .. الخ ...

في سكايب نفس الشي .. لما يضيفك تقدر تشوفو متصل ولا لا .. و امور اخرى ....

لكن في اللمة طلبات الصداقة معندهاش دور من الناحية التقنية ..لكنها متروكة للجانب الانساني ..يعني الانسان هو كائن يحب العيش في مجتمعات سواءا كانت الكترونية أو حقيقية .. و من الامور الاساسية عندو هي تكوين اصدقاء ....

نتذكر وحد العام كان عندي ألف صديق ( في ملف الشخصية ) من بعد حذفتهم لان الكثيرين لا أعرفهم ..

المهم الصداقة هي أكثر من مجرد رموز و طلبات نبعثها يمينا و شمالا ... هي شيء يتحس ..... و نعيشوه ...

و بالمناسبة نحيي جميع أصدقائي اللي مهمش في ملف شخصيتي و لكن في قلبي ... و تفكيري ...



حفيد هواري بومدين


عرض 6 إلى 966 من الأصدقاء



كنت كيما خويا عبدو ..مداير collection :p :d




سلامي

MــحـMـــــد العاقل



 
رد: إجمالي المشاركات 14- عرض 6 إلى 14 من الأصدقاء


عن نفسي ما نطلبش الصداقة من اي كان الا بعد معرفة طويــــلة
وقليل وين نطلب الصداقة
من شخص
ولكن اذا جاني عرض ما نقدرش نرفض
باسكو احتراما للشخص لي طلب الصداقة
صح تالمو راني مسجلة
من 2010
مي الاصدقاء الي عندي
مكاش بزاااااف
كل الشكر لك على الموضوع
 
رد: إجمالي المشاركات 14- عرض 6 إلى 14 من الأصدقاء

وعليكم السلام
ملاحظة في محلها
انا تاني نحير في طلبات الصداقة
انا عن روحي ديما نحيهم طول بالنسبة ليا ماش هاديك القايمة لي تحددلي اصدقائي الاصدقاء تاعي المقربين في اللمة قلال بزاف
لأنو كيما يقولو الانسان يدير حدرو ماش اي عضوية جديدة يأمنها
تقبل مروري
 
رد: إجمالي المشاركات 14- عرض 6 إلى 14 من الأصدقاء

شكراااا على الموضوع
 
رد: إجمالي المشاركات 14- عرض 6 إلى 14 من الأصدقاء

فعلا كل واحد وغاية ديالو من صداقة
انا بعض اصدقاء لي عندي معظمهم مكنعرفهومش ومكيكلمونيش هههههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top