4 سنين..و قلب باباه ماحنش عليه وماوافقش على زواجنا

nanouta

:: عضو مُتميز ::
إنضم
24 ماي 2008
المشاركات
684
نقاط التفاعل
12
النقاط
37
السلام عليكم ورحمة الله وبركاته
والصلاة و السلام على الحبيب المصطفى

قررت باش نكتب هاد الموضوع وكلي امل انو الاعضاء و اللي هوما بمثابة اخوة و اخوات ليا..كلي امل انهم يشاركوني النقاش الجاد و البناء و التفاعل مع الموضوع و الوصول لحل ان شاء الله..و البعد كل البعد عن السخرية او التعليقات الساخرة و غير البناءة

الموضوع انو :
شاب متعرف على فتاة لمدة تزيد عن 6 سنوات...يوم اتفقو على الارتباط و قرر يحكي مع اهلو باش يروحو يخطبولو هاد البنت..تفاجئ انهم كلهم رحبو بفكرة الزواج اللي كانو يستناو فيها من زمان..لكن تفاجئ اكثر لما الاب نتاعو رحب بفكرة الزواج لكن اتعرض على الفتاة دون ان يعرف من تكون او ماهو اصلها وفصلها..ببساطة لانو الاب حاط في راسو انو يزوج وليدو ببنت يختارهالو هو و اللي هي بنت احد الصدقاء و ذا ما عجبتش هاد البنت كاين غيرها المهم انها تكون من طرف الاب و تكون من بنات احد اصدقاؤو
الشاب رفض و حاول مرارا وتكرارا يقنع الاب ويغير فكرتو لكن دون فائدة..استعمل كل الطرق :
- قطع عنهم المصروف
- زعف و اتخذ موقف من اهلو وخصوصي الاب نتاعو
- حكى لاعمامو و جدو وراحو هوما بدورهم يحكو مع الاب دون نتيجة
- ضغط على الوالدة نتاعو وهي بدورها ضغطت على الزوج دون فائدة
- وعد يماه وباباه باش يديهم للحج على نفقتو الخاصة لو هوما فرحوه وراحو خطبولو البنت اللي يحبها..لكن بدون اي نتيجة كذلك
استمرت هاد المعاناة لمدة 4 سنوات..و الشاب يحاول ويحاول..و مع ذلك الاب ماغيرش راييو ولا غاضو وليدو..و بدون اي سبب غير انو حب يمشي كلمتو على وليدو اللي طول عمرو مرضي والديه ويحوس غير على دعوة الخير ورضاهم عليه لتفاجئ بردة الفعل هادي..ورفض الاب للفتاة دون ان يعرف من هي اصلا..يعني المشكل مشي فالبنت ماهيش مليحة او عايلتها غير مناسبة او اي سبب ثاني
البنت و الشاب يمرو بظوف صعبة ...الايام تمضي و 4 سنوات تمضي كذلك من حياتهم كلها معاناة وامل في فرج قريب..مي المشكل راهم يكبرو مشي يصغارو وحابين يفرحو ببعضاهم ويعيشو واش بقالهم تحت سقف واحد

حبيت نشاركم هاد الموضوع على امل تشاركوني باقتراحاتكم و آراءكم ونصائحكم وماتبخلوش عليا باي حل او اقتراح او وجهة نظر ممكن تفيد هاد الشاب
كل واحد يحط روحو في بلاصة هاد الشاب ويقولنا واش ممكن يدير..واش تقترحو عليه كحل
هدا واش نقدر نقول
فلا تبخلو بالرد و الاقتراح
وجزاكم الله كل خير​

لمن لا يتذكرني...هدا رابط لقصتي و معاناتي التي كانت بتاريخ : 25/05/2008
http://4algeria.com/forum/threads/47089/
 
رد: 4 سنين..و قلب باباه ماحنش عليه وماوافقش على زواجنا

48 مشاهدة ولا يوجد رد واحد؟؟؟؟؟؟؟؟؟؟؟؟؟؟؟
لهاد الدرجة المشكلة مستعصية وماقدرتوش تساعدونا بحل او اقتراح او نصيحة؟​
 
رد: 4 سنين..و قلب باباه ماحنش عليه وماوافقش على زواجنا

وعليكم السلام اختي​
اولا القضية شوي صعيبة​
بما انو الوالد في حد داتو محبش يقنع ويرضى على زواج الشاب​
يخاف يتزوج يبقى ماش راضي عليه طول عمرو وهنا صعيبة​
الدعاء وقيام الليل​
ماش ليلة زوج بزاااف​
للدعاء سر كبير يقدر يبدل حال الانسان​
الافضل الدعاء ب : لاإله إلا أنت سبحانك إني كنتُ من الظالمين​
كنت نرددو والحمد لله​
 
رد: 4 سنين..و قلب باباه ماحنش عليه وماوافقش على زواجنا

وعليكم السلام اختي​
اولا القضية شوي صعيبة​
بما انو الوالد في حد داتو محبش يقنع ويرضى على زواج الشاب​
يخاف يتزوج يبقى ماش راضي عليه طول عمرو وهنا صعيبة​
الدعاء وقيام الليل​
ماش ليلة زوج بزاااف​
للدعاء سر كبير يقدر يبدل حال الانسان​
الافضل الدعاء ب : لاإله إلا أنت سبحانك إني كنتُ من الظالمين​
كنت نرددو والحمد لله​

بارك الله فيك اختي على الاهتمام وعلى الرد و على النصيحة كذلك
ونشالله رانا ناخدوها بعين الاعتبار وربي يسهل وحنن قلب بابا عليه ياااااااااااااااااااااارب
ولا تنسوني من صالح دعاءكم
شكرا ليك اختي مرة اخرى ونشالله انتي اول وحدة تلحقها البشارة لو فيها خير باذن الله
 
رد: 4 سنين..و قلب باباه ماحنش عليه وماوافقش على زواجنا

اهلا حبيبتي،، اولا ربي يفرج كربة كل مؤمن،
حبيبتي نضن انو كاين فتوى في هذه الحالة، تقدرو تسألو اهل العلم وهوما يرشدوكم
باسكو سمعت من قبل بحكاية كيما هاذي وتزوج الشاب بدون الرجوع الى ابيه
ممكن يدي معاه اعمامو ولا اخوالو واذا رفضو يقدر يروح هو وحدو ويفهم اهل العروس، خصوصلا اذا كانت تحبو ومستنياتو طول هذي المدة،
ونشالله ربي يفرج كربتو ويجمعو باللي يحبها في الحلال نشالله
 
رد: 4 سنين..و قلب باباه ماحنش عليه وماوافقش على زواجنا

وعليكم السلام ورحمة الله

ديزولي اختي البارح كنت مزروب آكتيفيت الموضوع وخرجت
المهم

كون جات عليا انا

نتزوج نورمال
مايهمنيش فيه الآب تاعي
هي دعوة الشر من الوالدين تجي على كل حاجة آبار الزواج راها ماتصلحش
نعرف بزاف لي تزوجو بلا مايرضو والديه وراهم فينعمة ربي
مادام يماه وكامل اهلو علابالهم واشيستنى
يعول على الكريم
مارهش يدير فلحرام ياك
لاتعرفيه غي قوليلو يتكل على الله ويخبط الباب
اما باباه على ربي يتقنع ,,,
 
رد: 4 سنين..و قلب باباه ماحنش عليه وماوافقش على زواجنا

اهلا حبيبتي،، اولا ربي يفرج كربة كل مؤمن،
حبيبتي نضن انو كاين فتوى في هذه الحالة، تقدرو تسألو اهل العلم وهوما يرشدوكم
باسكو سمعت من قبل بحكاية كيما هاذي وتزوج الشاب بدون الرجوع الى ابيه
ممكن يدي معاه اعمامو ولا اخوالو واذا رفضو يقدر يروح هو وحدو ويفهم اهل العروس، خصوصلا اذا كانت تحبو ومستنياتو طول هذي المدة،
ونشالله ربي يفرج كربتو ويجمعو باللي يحبها في الحلال نشالله

اللهم آمين يارب العالمين
اختي الكريمة ربي يحفظك ويسترك ويناولك اللي في بالك والله لا يطيحك في موقف كيما هذا
شكرا على المرور و على النصيحة القيمة احتي بارك الله فيك و اللي هي بخصوص اهل العلم و الفتوى اللي قلتي عليها
لكن بخصوص اعمامو واخوالو بدون موافقة الاب مايقدروش يتحركو
واذا راح وحدو المشكل في اهل البنت ( اللي هوما اهلي بدون لف ولا دوران) المشكل انهم 90 بالمية مايقبلوش بيه وحدو بدون اهلو
كيما قلتي اختي ربي يفرج نشالله ويجمعنا فالحلال عاجلا غير عاجلا يارب...4 سنين واحنا في هاد المشكل ماهيش حاجة ساهلة
شكرا ليك مرة اخرى
 
رد: 4 سنين..و قلب باباه ماحنش عليه وماوافقش على زواجنا

وعليكم السلام ورحمة الله

ديزولي اختي البارح كنت مزروب آكتيفيت الموضوع وخرجت
المهم

كون جات عليا انا

نتزوج نورمال
مايهمنيش فيه الآب تاعي
هي دعوة الشر من الوالدين تجي على كل حاجة آبار الزواج راها ماتصلحش
نعرف بزاف لي تزوجو بلا مايرضو والديه وراهم فينعمة ربي
مادام يماه وكامل اهلو علابالهم واشيستنى
يعول على الكريم
مارهش يدير فلحرام ياك
لاتعرفيه غي قوليلو يتكل على الله ويخبط الباب
اما باباه على ربي يتقنع ,,,
يا اخي الكريم واش نقولك
كل كلمة نتلقاها هي بمثابة دافع وامل
قبل كلشي نشكرك بزاف على الرد القوي و الحماس اللي حسيت بيه من خلال كلماتك القوية
ربي يفرحك اخي الكريم والله لا يغبنك نشالله
المشكل يا اخي لو هو راح اخطب وحدو احتمال 90 بالمية اهل البنت ( اللي هوما اهلي كيما قلت بدون مانكذب على روحي ولا نكذب على خاوتي ) احتمال يرفضو الشاب لانو جا لوحدو بدون اهلو ويبقاو دايما متخوفين انو الزواج يفشل لعدم رضى اهل الشاب او الاب نتاعو بالخصوص لانو كل اهلو موافقين ومرحبين فكرة زواجو اللي اتناوها هدا شحال...ويبقاو اهلي متخوفين كذلك من اي مشاكل من طرف اب الشاب لانو غير مقتنع ومع ذلك ابنو تزوج بلا رضايتو
**سؤال :
زعمه يكون فيها حل لو الشاب جا اخطب وحدو بدون اهلو وجاب معاه امام مثلا باش يقنع اهل البنت؟
 
رد: 4 سنين..و قلب باباه ماحنش عليه وماوافقش على زواجنا

ايه حبوبة، يقدر يروح عند الامام ويشرحلو حالتو وهو يروح عند باباك ويفهمو،
بزااف ناس تزوجو بدون ميروحو الاهل نتاعهم معاهم، ومن بعد مدة بعد الزواج رجعو عادي وزادو تقربو لبعضاهم
ربي يسهلك لحبييبة ويفرج عليك نشالله،
شوفو ناس قراب من باباك وهوما يفهموه، مثلا الشاب يروح يحكي مع واحد من اعمامك وهو يفهم باباك ونشالله ربي يفرجها
 
رد: 4 سنين..و قلب باباه ماحنش عليه وماوافقش على زواجنا

ايه حبوبة، يقدر يروح عند الامام ويشرحلو حالتو وهو يروح عند باباك ويفهمو،
بزااف ناس تزوجو بدون ميروحو الاهل نتاعهم معاهم، ومن بعد مدة بعد الزواج رجعو عادي وزادو تقربو لبعضاهم
ربي يسهلك لحبييبة ويفرج عليك نشالله،
شوفو ناس قراب من باباك وهوما يفهموه، مثلا الشاب يروح يحكي مع واحد من اعمامك وهو يفهم باباك ونشالله ربي يفرجها

بارك الله فيك حنونة وربي يحفظك ويفرحك نشالله و يفرح كل مومن يااااااااااااااااااااااااارب
نشالله ربي يفرج ويحلها من عندو آآآآآآآآآآآآآآآآآآآآآىمين ياربي العالي انت وحدك اللي داري بحالنا فرجها علينا من عندك يا العالي
 
رد: 4 سنين..و قلب باباه ماحنش عليه وماوافقش على زواجنا

لكن المشكل
لو االاهل اقتنعو بالشاب ورحبو بيه لوحدو و وافقو على الخطوبة بدون اهل
كيفاش رايح يكون الزواج بدون اهل؟؟؟؟؟؟؟
 
رد: 4 سنين..و قلب باباه ماحنش عليه وماوافقش على زواجنا

واش انقلك خويا لعزيز هدو المشاكل راهم يصراو لخطرش الاب راهو عارف واش راهو صاري في هاذ المشتمع الي اكثر فيه الخداع والنيفاق

في الاخير انقولو اللهم اشرح لي صدري و يسر لي أمري و احلل عقدة من لساني
 
رد: 4 سنين..و قلب باباه ماحنش عليه وماوافقش على زواجنا

دوك انتي تخمي فالزواج بدون آهلو ولا زواج يكون عرس كبير وآصال و و و
ياو المهم يتزوجو مادامها هك
هادا راي انا بيان سير
 
رد: 4 سنين..و قلب باباه ماحنش عليه وماوافقش على زواجنا

ماعليش حبوبة تكون الموافقة من عند الأب أولا ومن بعد كلشي ساهل،
بلاك منا لحتا فترة الزواج يرضى الوالد،
وحتى اذا مارضاش ممكن يخلي الام والاخوةيروحو
وحتى اذا ماراحوش تقدرو تعملو عرس واحد كيما راهم يديرو هاذ ليامات، اعرضو المعازيم نتاع اهل العروس ولعريس في يوم واحد في لاصال ويجي يهزك من دار باباك بلاغوب بلونش كي توصلو لاصال اصدري ومن بعد يحنيولك وخلاص
اكيد عندو صحابو وحبابو، بنت خالة صاحبتي واحد مارضى يروح معاه جاب اهل صحابو وحبابو وحناتلها أم صاحبو وعقب العرس هايل،
وضرك عندهم عام ونص زواج عندهم طفل أهل الشاب راهم ميتتي باش يجي وليدهم يسكن معاهم
 
رد: 4 سنين..و قلب باباه ماحنش عليه وماوافقش على زواجنا

اختي هذه حالة ماناش عارفين الظروف المحيطة بها ..

قادر ننصحوه باه يروح يدير العقد بلا باباه ...ويدي جماعه ويدير العرس..

وقادر يكون العكس ...يعني يطيع باباه ويشد في كلامو .. وما يكملش في هذا الطريق..

********************

الاب ما مستواه الثقافي والعلمي مثلا ؟ ما مدى عقلانيته ورشده ؟؟

الابن ما مستواه وكم سنه ... وما مدى سلامة تصرفاته عموما ..؟

هل يملك سكن خاص ام لا ؟ هل قادر ماديا ...الخ.

ما هي البدائل اللي يطرحه الاب ... وما هي اسباب رفضه ؟

**********
على حسب هذه الظروف وغيرها يكون الموقف الصحيح ...والخطوات اللي يمكن اتباعها .

***********************************

اذا بغيتي المساعدة رانا حاضرين على قدر الاستطاعة ...

ربي يصلح الاحوال ..
 
رد: 4 سنين..و قلب باباه ماحنش عليه وماوافقش على زواجنا

كم عمر الابن ؟
وماهو عمله حتى يقول لامه وابيه احججكم على حسابي اذا وافقتم ؟
ثم كيف له مساومة والديه بتفضله بحجهم ؟! اليس من حقهم عليه ذلك دونما مساومه ؟!!
أخشى ما أخشاه ان يكون الولد هو من يرفض لكن يضع اللوم على غيره إمعانا منه في الاستمرار في عشق لايريد له نهايه !!!
هناك حلقه مفقوده لم تبينيها كي ندلي بدلونا ,, والا ترى الامر سهل ومش صعيب لان الابن له جد موجود على قيد الحياه وجده له كلمه على والد الابن فلما لايستخدم الابن ورقة الجد والاعمام استخدام جيد وبرويه واتقان كي يحصل على الموافقه ,, اربع سنين مده طويله تلين معها القلوب الغلفاء ففي عدم ليانها امر لم تتطرقي له .. لانرغمك على قول كل شيء فهي حريتك لكن من اراد النصيحه عليه ابداء الحكايه بما له وماعليه كي تكون النصيحة في مكانها الاصوب .... شكرا .
 
رد: 4 سنين..و قلب باباه ماحنش عليه وماوافقش على زواجنا

السلام عليكم ورحمة الله وبركاته

اسمحوا لي ان اطرح وجهة نظر والله المستعان

دائما ندفع ثمن تطاولنا على احكام الله على عدم سلكنا طريق طيبا سهلا ميسرا معلوم مرضي كل الناس
تعرف على فتاة وتفاهوا على الزواج ماذا تريدون من الاهل ان يباركوا لكم انتم بافعالكم تجاهلتموهم انت بتصرفكم عصيتهم واغضبتموهم بالله عليك
اذا لم تتزوج تلك الفتاة ماذا سينقصك وتخيل لو فارق الدنيا ابيك وهو عنك غير راضي اتعلم ان رضاه من رضى رب العالمين فقد اوجب طاعتهما الا في شيء في معصية الله وانت يا اخي لم تطرق باب من الاول ولم تسلك طريقا صحيحا من الاول انت الان ترق وتبحث عن حل 6 سنوات ولم تسال نفسك لما ابوك لم يوافق على زواجك وعذرني على هذا لو كنت ارى رضاه اهم لقلت له امرك ابي اتبعت غيرك وهواك وما املاه عليك شيطان الهواء فعاندت اباك مسكين اي بر وان تقولها وتطلب من غير نصيحه فهناك من قال لك مصيره ان يرضى فلا تنتظر بركته او موافقته باس المشورة هي فلو كنت انت الاب فهل كنت ستقبل ان يعصيك ولدك فانت عمله
ولا تبتعد كثيرا ولا تفكر اكثر ولا تكن منفزع فالحل يسير لم تسمع قول الله عز وجل قم بالليل وانت موقن بالاجابه غير مستعجل على يقبن في ما عند الله وعرض مشكلك على رب السماء فقد قال لخير البرية محمد رسول الله واذا سالك عبادي عني فاني قريب اجيب دعوة الداعي اذا دعان صدق الله عظيم
وحتسب امرك لله ثم ارضى بما قسم الله لك فعسى ان تكرهوا شياء يجعل الله فيه خيرا كثيرا
لقد طرقت ابواب الناس الظهفاء وطلبت من الوسطت وسالتهم المساعدة وعلم ان الخطاء فيك انت لان رب العالمين يقول من يتقي الله يجعله مخرجا ويرزقه من حيث لا يحتسب صدق الله عظيم
اتمنى انك فهمت كلامي
واسف على ازعاجك
السلام عليكم
 
رد: 4 سنين..و قلب باباه ماحنش عليه وماوافقش على زواجنا

واش انقلك خويا لعزيز هدو المشاكل راهم يصراو لخطرش الاب راهو عارف واش راهو صاري في هاذ المشتمع الي اكثر فيه الخداع والنيفاق

في الاخير انقولو اللهم اشرح لي صدري و يسر لي أمري و احلل عقدة من لساني

شكرا ليك اخي الكريم
زكيما قلت
اللهم اشرحلي صدري و يسرلي امري واحلل عقدة من لساني
ياربي فرجها من عندك
شكرا ليك مرة اخرى
 
رد: 4 سنين..و قلب باباه ماحنش عليه وماوافقش على زواجنا

دوك انتي تخمي فالزواج بدون آهلو ولا زواج يكون عرس كبير وآصال و و و
ياو المهم يتزوجو مادامها هك
هادا راي انا بيان سير

بارك الله فيك خويا sahiko hamza
وكيما قلت المهم يتزوجو مشي المهم العرس و الغاشي
ربي يفرج نشالله
 
رد: 4 سنين..و قلب باباه ماحنش عليه وماوافقش على زواجنا

ماعليش حبوبة تكون الموافقة من عند الأب أولا ومن بعد كلشي ساهل،
بلاك منا لحتا فترة الزواج يرضى الوالد،
وحتى اذا مارضاش ممكن يخلي الام والاخوةيروحو
وحتى اذا ماراحوش تقدرو تعملو عرس واحد كيما راهم يديرو هاذ ليامات، اعرضو المعازيم نتاع اهل العروس ولعريس في يوم واحد في لاصال ويجي يهزك من دار باباك بلاغوب بلونش كي توصلو لاصال اصدري ومن بعد يحنيولك وخلاص
اكيد عندو صحابو وحبابو، بنت خالة صاحبتي واحد مارضى يروح معاه جاب اهل صحابو وحبابو وحناتلها أم صاحبو وعقب العرس هايل،
وضرك عندهم عام ونص زواج عندهم طفل أهل الشاب راهم ميتتي باش يجي وليدهم يسكن معاهم

هــــيلدا حنونة نحييك من كل قبلي ونشكرك بزاف على دعمك وعلى نصايحك
وفكرة العرس الموحد ماهيش فكرة بطالة كيما يقولو
نشالله ربي يفرج قولو آمين
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top