رولي الدجاج والسلق من مطبخي ممممممممممم

ام ريهام

:: عضو بارز ::
أحباب اللمة
إنضم
20 سبتمبر 2012
المشاركات
2,248
نقاط التفاعل
10,543
النقاط
111
شفتو في قناة سميرة
do.php


صدر دجاجة حبة بصل صغيرة سنة ثوم حبة بيض شوية سلق مغلي ملح فلفل اسود جبن السندويشات
do.php

نرابيو البصل والثوم رقيق
نرحيو الدجاج من بعد نحوه من المكسور لي طحناه فيه نخلو قيس 2 مغارف تاع الجاج في المكسور نزيدولو السلق المغلي يعني نطحنو السلق مع 2 مغارف جاج.
نشدو الجاج المرحي نزيدلو البصل والثوم والملح والفلفل الاسود ونخلط مليح نزيدو البيض هنا ماراحش نحط الحبة كامل سينو تولي جارية انا دالي حوالي نص حبة بيض
نحط هاذ الخليط في البلاستيك الغذائي ونشكلوه مستطيل نديرو فوقو السلق لي مخلط مع شوية جاج ونتبلوهم ثاني بالملح والفلفل اسود ونديروه على كامل الجاج ونزيدة مربعات جبن السندويشات يدي 6 مربعات بالضبط هكذا تعرفو طول المستطيل تاع الجاج قداه اديروه ومن بعد نبداو نرولي كي البسكوي رولي نغفوه مليح بالبلاستيك الغذائي ونساووه مليح باش يشد شكل مليح ومتساوي
يتغلف مليح بالبلاستيك ونزيدو نغلفوه بالالمنيوم ونحطوه في بلا فيه شوية ماء وندخلوه للفور40د يكون واجد نخرجوه نحولو الالمنيوم والبلاستك ونرجعوه للفور باش ينشف شوية ونقطعوه وهاهو واجد
بصحتكم
do.php

do.php

زووووووووووووم
do.php
 
رد: رولي الدجاج والسلق من مطبخي ممممممممممم

هي هي راني اول وحدة نرد مذابيك تديريه وتبعثيهولي راني قريبة ليك :-r:-r

يعطيك الصحة حبوبة، باين بنين بزااف نشالله نجربو ونردلك الخبر
تسلم الايادي:regards01:
 
رد: رولي الدجاج والسلق من مطبخي ممممممممممم

روعة اعطيك الصحة
الدجاج رحيتيه كيما اللحم مرحي لول في الرحا سبيسيال تاع اللحم خاطر الربو يرحيه خلاه يولي عجينة
 
رد: رولي الدجاج والسلق من مطبخي ممممممممممم

اختي ميس ايه اولي عجينة ماشي في تاع اللحم في المكسور
 
رد: رولي الدجاج والسلق من مطبخي ممممممممممم

حبوبة تشبه للوصفة تاعي مي نديرها باللحم مرحي

ندوزن اللحم و نفرشو على ورق المنيوم
و من بعد نعمل شكشوكة بصل و مراة نذبل معاها الفلفل الطرشي المقطع قطع صغيرة جدا و من بعد لما نغسل السلق و نقطرو من الماء نقطعو و نحطو مباشرة يذبال مع البصل و المعدنوس المهم لازم تكون الكمية كبيرة لانها راح تنقص
نحط الطبقةالثانية نتاع السلق فوق اللحم المرحي اذا حبيتي ترمي شرائح الزيتون الي نقعتيها في الماء البارد باش تخرج الملح الزائد و ترابي الجبن شدار او غرويار .. احمر الي عندكو ممكن تحطي جبن شاف كشغل خشيبات في الجهة اليمنة و تبداي تلفي بحذر راج تبان الطبقات
و تزيري بالالمنيوم و تثقبيها و الى الفرن ممكن تقدم كمقبلة و ممكن تجيبيلها صوص بيضاء و تخلطيها مع الكرام ففراش ممممممم تقطعي اللفائف و بصحتك
 
رد: رولي الدجاج والسلق من مطبخي ممممممممممم

اختي ميس ايه اولي عجينة ماشي في تاع اللحم في المكسور

مغسي حبوبة نجربها فكرة هايلة
 
رد: رولي الدجاج والسلق من مطبخي ممممممممممم

ييمممممم كور وديكور خرجلك هايل يعطيك الصحة


شكرا على الوصفة
 
رد: رولي الدجاج والسلق من مطبخي ممممممممممم

يعطيك الصحة نجربو باذن الله يبان هايل​
 
رد: رولي الدجاج والسلق من مطبخي ممممممممممم

اممممم يعطيك الصحة يا الفحلة نتاعنا بصح السوسبانس نتاعي مكانش اللي تديرو ههههه اللي كان مقصود مقصود واللي كان بالال قصد بلا قصد المهم كان سيسبانس عظيم وخلاص هههههه
 
رد: رولي الدجاج والسلق من مطبخي ممممممممممم

امممممممم يهببببل نجربو ان شاء الله
يعطيك الصحة نعيمة الفحلة​
 
رد: رولي الدجاج والسلق من مطبخي ممممممممممم

جاك هايل حبيبتي ام ريهام بصحتكم
 
رد: رولي الدجاج والسلق من مطبخي ممممممممممم

روعة

يعطيك الصحة
 
رد: رولي الدجاج والسلق من مطبخي ممممممممممم

وصفة رائعة وتشهي يعطيك الصحة يا ام ريهام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top