مـآ نتزوح مانمرض روحي

أم عبد الله

:: عضو بارز ::
أحباب اللمة
إنضم
20 مارس 2010
المشاركات
8,976
نقاط التفاعل
10,750
النقاط
351
محل الإقامة
Zeralda
الجنس
أنثى
سلامي للجميع
سعيدة كون لمتنـآ رجعتـ هه :d واش راكم ناس اللمة ان شاء الله لاباس والحمد لله ;)
ليوم السوجي ديالي حبيت انحطو ف النقاش مي قلت لهنـآ كاين الهدارين اكثر آآقصدي قصدي كاين الغاشي لهنـآ ( محبين الهدرة اونجينيغال :-h)

المهم خلونـآ من البداياتـ راني نكرهم سورتو كي يعودو بالدارجة :down:
موضوعنـآ’ ليوم ع صرخة الشباب الجزائري
مانتزوج مانمرض روحي

مايخفاش عليكم بلي الزواج هو نصف الدين مي للان مازال الشباب ديالنا يتخوف منو
وفي الحقيقة عندو الحق
ندخلو شوي ف الاسباب والا خفات عليا ماعليكم الا تضيفولي انتوما الجديد ههه

-يتزوج باش يريح ويصيب ع الاقل راحتو في الغرفة ديالو يلقاها تقابلو بكل برودة ( يماك عملت - اختك قاتلي _ الجارة شرات ووو ) يعني السيد ماكفاهش هم الزنقة يجيب هم لدارو
- تلعبلو ع المورال
هنا سقسيت خويا قتلو علاش عزفت ع الزواج قالي حاجة عجبتني قلت نكتبهالكم
قالك علاش يتزوج والطفلة كي تكون في دار باباها تكون بصحتها تلعب وتلبس وتتفشش وكي تتزوج نهار زوج تقولو راني مريضة . . .آي عييت باش تتهرب من الشغل و التسياق
لهنا علاش لبنات هاذي شفتها صح مام انا
يعني في داركم تخدمي نوغمال هذوك والديك وعند راجلك اتحبي يماه تعاونك ( عيب عليك نوغمالمو هاذيك ثان يماك:mad:)
- هذا الكل ومازال ماشافش ولادو يعني الاطفال من بعد نحكيو عليهم

لهنا قولولي بالله عليكم ماشي تنعل جد الزواج طول
كيما قالو ناس زمان * الزواج كي البطيخة ماتقدرش تعرف الا صالح ولا لالا حتان تجربو ;)*
وتلقى كل واحد متزوج مسكين كاره حياتو وع شوي برك يسويسيدي
علاش هذا الشي وين رايحيين النسا بهاذي العقلية

ماننجموش نلومو تربية الاهل ونقولو يماها ماعرفتش تربي
لالا والله خاطية تلقاي اليمات توصي وتعاود يابنتي بالاكي وبالاكي
هاذاك راجلك وهاذيك يماك عندكي تغضبيها يغضب عليك ربي
مي الطفلة تسمع لالا

حابة تعيش وتستقل ع حساب كل شيء ومن بعد كي تتلق ولا كاش حاجة تبدى تقول آي ياندامتي :mad:


موضوع خاطيه الرتوش والتزيينات وكلش
راني كتبت واش في قلبي ضرك برك من بعد الا تفكرت حاجة خلاف نزيد نحطهالكم خخخ


مي قولولي ماشي عندهم الحق ليجان مساكن
مايتزوجوش خير ويربحو راحت بالهم :d



سلامي للجميع
 
رد: مـآ نتزوح مانمرض روحي

الدنيا مكتوب كون نمشيو بمبدأ مانكسروش ريسانا واحد مايتزوجش ومانديرو والو في حياتنا ولبلادنا ولدين نتعنا
اتزوج والرزق والراحة على ربي
وافقت على الموضوع
 
رد: مـآ نتزوح مانمرض روحي

سلامـ
أهلينـ نينا
والله صحيح كلامك يجيبها غير تمرضو بالهدرة هاذيك قالتلي وهذاك شنف عليّا ولخرا .........................
والرّاجل مسكين مايلقا مايدير
مرض والله غير مرض سرتو اذا عادت ماتقضيش
ثم الكارثة مانهدروش خلاص امها تشفلها وعجوزها المسكينة ماتشفلهاشـ
ميـ كاينين بنات الله يبارك في دار رجالتهم قايمينـ بكلّش
والله يصلح البنات و الرجال
مشكوووووووورة على الموضوعـْ
 
رد: مـآ نتزوح مانمرض روحي

لك الشكر على الموضوع ..:regards01:

ننتظروا المتزوجات باه يردوا ويجاوبونا ..على قصايصهم:s

اللي ما ازوجش يقول لو كان غير ....راني متزوج ..:$

واللي مزوج يقول والله لو كان بقيت براسي خير ..:-o

المشكل في العقلية .نقطة.:-h
 
رد: مـآ نتزوح مانمرض روحي

أنا نظن أنو لبنات عندهم نظرة غالطة على الزواج وراني عملت موضوع في المنتدى العام
اسمو ليلة ألبس لك الأبيض يحكي على النظرة الخاطئة للزواج من وجهة نظر المرأة أو الفتاة
بزاف بنات يحسبو الزواج لعبة حب وبرك، ناسيات بلي الزواج مسؤولية قبل كلشي مسؤولية
دار وزوج وأولاد، وبزاف بنات يحسبو بلي راهم ملزمات بالزوج وفقط ويماه ربي يسهل عليها
وهذا تفكير غلط، وكيما لزمت عليها امها وباباها تلزم عليها أمو وباباه، لبنات تاعنا ربي يهديهم
وحتى الرجال عندهم أخطاءهم ثاني ونظن الموضوع يسلط في الضوء على أخطاء الفتاة فلا داعي
للتعرض لأخطاء الرجال ربما في موضوع آخر، في الأخير نقول ربي يهدي النفوس ولقلوب
 
رد: مـآ نتزوح مانمرض روحي

الدنيا مكتوب كون نمشيو بمبدأ مانكسروش ريسانا واحد مايتزوجش ومانديرو والو في حياتنا ولبلادنا ولدين نتعنا
اتزوج والرزق والراحة على ربي
وافقت على الموضوع

اكيد اخي ف الله
يعني هي سـٌنة الحيـآة ولا مصاص ولكن مع ذآلكـ تدفعنـآ الحكـآيات الكثيرة ع هاته النقطة بالذات للتساؤل ( اين غابت راحت بال المتزوجين ) ولكننا نجدها بعد 5 او عشر سنوات من الزواج
يعني بالعشرة تستطلح الاحوال - نحن ع يقين بهذا_
شكرا ع الموافقة
سلامي
 
رد: مـآ نتزوح مانمرض روحي

السلام عليكم
لي تزوج ندم ولي طلق ندم ولي قعد ندم املا يتزوج خير
 
رد: مـآ نتزوح مانمرض روحي

سلامـ
وعليكـِ السلام ورحمة الله وبركاته
أهلينـ نينا
اهلين فيكـ فاتي ;)
والله صحيح كلامك يجيبها غير تمرضو بالهدرة هاذيك قالتلي وهذاك شنف عليّا ولخرا .........................
والرّاجل مسكين مايلقا مايدير
مرض والله غير مرض سرتو اذا عادت ماتقضيش
ثم الكارثة مانهدروش خلاص امها تشفلها وعجوزها المسكينة ماتشفلهاشـ
ميـ كاينين بنات الله يبارك في دار رجالتهم قايمينـ بكلّش
والله يصلح البنات و الرجال
اللهم آميين يارب
ويهدي بنـآتنا يارب

مشكوووووووورة على الموضوعـْ

اولا نشكركـ ع ردكـ الرائع
مي والله ماني نجمع مي بنات الليوم حدث ولاحرج الا من رحم ربي
يعني ملي تتزوج وهي لاعبتها اما مريضة ولا تصييبيها رايحة ضيفة لدارهم وتقولك اتوحشت وهي البورطابل مايتنحاش من وذنها
يعني كيما قال واحد شويا برك
الزواج مسؤولية ماشي لعب ذراري ولا مسلسل تركي
ولا راني غالطة ثان؟


نورتـِ

سلامي

 
رد: مـآ نتزوح مانمرض روحي

لك الشكر على الموضوع ..:regards01:

ننتظروا المتزوجات باه يردوا ويجاوبونا ..على قصايصهم:s

اللي ما ازوجش يقول لو كان غير ....راني متزوج ..:$

واللي مزوج يقول والله لو كان بقيت براسي خير ..:-o

المشكل في العقلية .نقطة.:-h
وكل الشكر لكـ ع الرد سيدي العمدة

اكيد ننتظرهن لنعرف رأيهن ف القضية :-r
يـُدعى ذاكـ التفصيل الصغير بلعبة القدر فكل واحد منـآ يتمنى لو جرب شيئـآ ما ( جيدآ كان ام سيء ) والزواج احدى تلكـ الاشياء

والعقليـآتـ تلعب الدور المهم في المجتمعات فان صلحت صلحتـ الاسرة ككل
ولكن هل هنـآ ان تـٌشير الى تدني ثقافة فتياتنا لدرجة جعلتهن يستهترن بامر الزواج؟


سلامي
 
رد: مـآ نتزوح مانمرض روحي

أنا نظن أنو لبنات عندهم نظرة غالطة على الزواج وراني عملت موضوع في المنتدى العام
اسمو ليلة ألبس لك الأبيض يحكي على النظرة الخاطئة للزواج من وجهة نظر المرأة أو الفتاة
بزاف بنات يحسبو الزواج لعبة حب وبرك، ناسيات بلي الزواج مسؤولية قبل كلشي مسؤولية
دار وزوج وأولاد، وبزاف بنات يحسبو بلي راهم ملزمات بالزوج وفقط ويماه ربي يسهل عليها
وهذا تفكير غلط، وكيما لزمت عليها امها وباباها تلزم عليها أمو وباباه، لبنات تاعنا ربي يهديهم
وحتى الرجال عندهم أخطاءهم ثاني ونظن الموضوع يسلط في الضوء على أخطاء الفتاة فلا داعي
للتعرض لأخطاء الرجال ربما في موضوع آخر، في الأخير نقول ربي يهدي النفوس ولقلوب
اهلا بصاحبة الالوان
لم اطلع ع موضوعكـ بعد ولكني لي موعد معه;)
الزواج الان صار موضة العصر يعني يكفي ان يـٌقال عني اني مـُتزوجة فكوني ضمنت رجل لاشيء يعنيني بعدها
وكما قال المصرييون ( ضل راجل ولا ضل حيطه ) وهو الامر الذي بات يـُطبق مؤخرا
فلا يهمها من الزواج الا الزوج هذا ان كان يـُلبي رغباتها طبعا والا نغصت عليه حياته ليصبح منزله عبارة عن فندق ينام فيه حينما تـُجهده متاعب يومه
سلطت الضوء ع الفتاة لاني وقفت ع حالات كثيرة تكون الزوجة فيها هي الآثمة الوحيدة ف حق زوجها وعائلته
وان احببتـ اضيفي لي ولنا نقاط اخرى ليتسع نقاط موضوعنا اكثر فاكثر

سلامي
 
رد: مـآ نتزوح مانمرض روحي

السلام عليكم
لي تزوج ندم ولي طلق ندم ولي قعد ندم املا يتزوج خير

وعليكـ السلام ورحمة الله تعالى وبركاته اخي ف الله
يعني راه كي صاحب الريشة - يديها ف الندم يخليها ف الندم :(_
يتزوج خير اكيد يعني يجرب حظو واش راح يخسر ينوي ويتقدم :d وكيما جات كلات :d
والباقي ع ربي

سلامي
 
رد: مـآ نتزوح مانمرض روحي

لي قال مانتزوج مانمرض روحي راهو غااااالط هنااا

نينا اسمحيلي جيت خفيف ليوم زيارة خفيفة برك لي عودة ان شاء الله
 
رد: مـآ نتزوح مانمرض روحي

السلام عليكم حبوبتي والله غير توحشتك وبزاف تاني
والله يامهبولتي نينا هاذي كامل ترجع للطفلة يعني الواحد كي يزوج مرا ونص وعلييها لكلام تخلييه يحب الزواج وعش الزوجية
مبصح اذا زوج وحدة نار جهنم هههه تخلييه يلعن النهار لي تزوج فيه والنهار لي خمم باه يزوج وقال ليمااه روحي اخطبيلي ههه
يعني حنا نتمناو كل واحد يطيح في مرا تكون صح فحلة وتهنيه
حبوبة كنت هوا ورحت هههه تقبلي مروري
الزهرة الحمراء
 
رد: مـآ نتزوح مانمرض روحي

موضوع باهي بزاف نسومة راني نسيي نولي ليه
اتهلاي في روحك
 
رد: مـآ نتزوح مانمرض روحي

السلام عليكم
لي تزوج ندم ولي طلق ندم ولي قعد ندم املا يتزوج خير





ههههههه هذا هو الحل وكل واحد يجرب حظو
 
رد: مـآ نتزوح مانمرض روحي

الزواج في وقتنا صعيب

نقول برك ربي يقدرنا نكونو قد مسؤوليتو لكبيرة

ان شاء الله يجو المتزوجات كيما قال عمي العمدة ممكن نستفادو منهم شويا

هاني جيت ولقيت روحي مكانش هدرة بزااف تالمو مزال متزوجتش :d
 
رد: مـآ نتزوح مانمرض روحي

لي قال مانتزوج مانمرض روحي راهو غااااالط هنااا

نينا اسمحيلي جيت خفيف ليوم زيارة خفيفة برك لي عودة ان شاء الله

ماعليش راني نقللهم بلي راهم غالطين مي انا يظهرلي عندهم الحق

ان شـآء الله رانا نستناو الرجعة ديالكـ باش نشوفو نظرة الشاب لي قال ماكاش منها ههه

سلامي
 
رد: مـآ نتزوح مانمرض روحي

السلام عليكم حبوبتي والله غير توحشتك وبزاف تاني
وعليكم السلام آالمهبولة وين اغطستي هاذي مدة ماشفتكش تسيركولي ف لابوات ديالي هههههههههههههه
مام انا توحشتك رانا من بعد نقصرو خير;)

والله يامهبولتي نينا هاذي كامل ترجع للطفلة يعني الواحد كي يزوج مرا ونص وعلييها لكلام تخلييه يحب الزواج وعش الزوجية
:up::up::up::up:
مبصح اذا زوج وحدة نار جهنم هههه تخلييه يلعن النهار لي تزوج فيه والنهار لي خمم باه يزوج وقال ليمااه روحي اخطبيلي ههه:d
يعني حنا نتمناو كل واحد يطيح في مرا تكون صح فحلة وتهنيه
حبوبة كنت هوا ورحت هههه تقبلي مروري
الزهرة الحمراء
مام انـآ حسيت بيك بلي كنتي لهنـآ ورحتي:p ميرسي ع ردك الفور غلاتي والله جبتيها
اللع غالب لبنات انتاع ضرك خاصتهم ثقافة الزواج والتكتيكات دياولو :down:
ربي يجيب الخير برك هه

كثرينا م الطلات هذوما مهبولتي:p
سلامي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top