بسبب اية في القران قررت اني نسامحو

وصال

:: عضو بارز ::
أحباب اللمة
إنضم
6 جوان 2011
المشاركات
1,059
نقاط التفاعل
656
النقاط
51
العمر
37
محل الإقامة
الجزائر
الجنس
أنثى
السلام عليكم ورحمة الله تعالى وبركاته


عندي بزاف مكتبتش هنا واليوم حبيت نقوللكم بلي اخيرا الطبيب ديالي اعترف بالخطأ الطبي لي كنت ديجا من قبل حكيتولكم اذا تشفاو ، على بالي كاين جدد في المنتدي وكاين لي راحو ، بصح مختصر القصة اني عملت عملية قلب ، وبسبب خطأ طبي راني نمشي بالبيلة دوك ، المهم الطبيب ديالي قالي بلي ريسك ماشي خطأ متعمد الله غالب جاءت الرياح بما لا تشتهي السفن .
تحبو الصراحة انا في الاول مكنتش علا بالي بلي القصة هكذا وراجل اختي هو لي فيقني ، في قرارة نفسي مكنتش عارفة اسكو صح 100 % ولا لالا ، وراح نقوللكم بلي انا الحمد لله راني راضية او بالاحرى دوك رضيت تمام الرضا بعد ما دخلت في حلقة تحفيظ القران ، هذا الطبيب كان عندي شويا لوم من جيهتو كنت نقول لوكان ماشي هو مرنيش ندير اوبيراسيو كل 8 ولا 10 سنين ، سبحان الله ، وخاصة في هذا السن راهم بزاف يحبو يخطبوني والمشكل هذا يخليهم يتخوفو من الامر وبالرغم لي راني عارفة بلي ربي جامي يخليني ، ديفوا الشيطان يجيبهالي ، ونلوم هذا الطبيب .
بصح اليوم قررت اني سامحتو باذن الله لانو الله غالب عليه ما كانش ناوي انو ياذيني بالعكس ، والاية هادي هي لي خلاتني نندم اني كنت جاهلة في حق نفسي وحق هذا الطبيب .
يقول الله تعالى ،

مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي

كتَابٍ مِنْ قَبْلِ أَنْ نَبْرَأَهَا ۚ إِنَّ ذَ‌ٰلِكَ عَلَى اللَّهِ يَسِيرٌ

23 لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ (الحديد)

وانظر الى قوله سبحانه ( من قبل ان نبرأها )اي قبل ان يبرأا لبريه وقبل ان يخلق
الخليقه مكتوب كل شيء في اللوح المحفوظ
فلماذا اذن الحزن والهم وهو لا يقدم ولا يؤخر
ولو احتسب الأجر عند نزول المصيبه وتذكر هذه الايات وحديث المصطفى عليه الصلاة والسلام
( واعلم ان ما اصابك لم يكن ليخطأك وماأخطأك لم يكن ليصيبك)
لهان عليه كل مصيبه وانقلبت المحنة عنده منحه. ومن رضي فله الرضى ومن سخط فله السخط
وبالله التوفيق


اردت ان اشارككم قصتي لتكون عبرة لكم فلا داعي للحزن ولا الاسى فالله اعلم بما هوخير لنا .

وابدا بنفسي اولا طبعا ، فوالله على يقين وبكل قواي انا اليوم جد راضية والحمد لله .


الى الملتقى .
 
رد: بسبب اية في القران قررت اني نسامحو

بارك الله فيك
وان شاء الله الناس كامل تولي كيفك وبالعقلية هدي
سبحان الله اخطأ فيك وسامحته
نعم هي التربية الحسنة
ربي يفرج عليك ويشفيك بإذنه تعالى ,,,
 
رد: بسبب اية في القران قررت اني نسامحو

قل لن يصيبنا الا ما كتب الله لنا
شكرا وصال على مشاركتك وايانا مشاعرك ونقولك ربي ما يخليش المؤمن ابدا
وربي يرزقك على قد عقلك ونيتك
 
رد: بسبب اية في القران قررت اني نسامحو

بارك الله فيك يا اختاه
كل واحد منا عنده ياسر متاعب في الحياة لكن المهم كيف نتخطاها
وليس الحزن عليها
انكي ممن يحبهم الله لأنكي تمتحنين الآن في هذه الدنيا لا في الآخرة
\\اللهم أذهب الباس ....رب الناس
اشف أنت والشافي
لاشفاء الاشفاؤك شفاءاا لا يغادر سقما\\
\\اللهم أزل عنها العلل والداء..وأعدها الى الصحة والشفاء\\
 
رد: بسبب اية في القران قررت اني نسامحو

هذا ماكتبه الله لك والحمد لله انك متقبلة للأمر وخاصة استدلادلك بكلام الله قاسني بزاف
خاطر كاين اللي يجهل ومايقولش قضاء وقدر .... قبل كل شيء رآكي مليحه في صحتك
وما تتقبلقيش من الخطاب لأنو راكي خاضعه للقدر وفي نفس الوقت تستناي في قدر آخـر
وهذا في حد ذاتو أيمان كبير وربي يزيدك ايمان على آخــر
ويشآفيك ويعاآفــيك و ان شاء الله كل عقده و حلالها ربي
ومايكون غر الخير ... لانو في قلبك غير الخير

 
رد: بسبب اية في القران قررت اني نسامحو

حفظك الله ورعاك.

واجزل لك المثوبة.

ويوفى الصابرون اجرهم بغير حساب ..

وما زاد العفو بصاحبه الا رفعة وسموا ..

دمتي سالمة كاتبة.
 
رد: بسبب اية في القران قررت اني نسامحو

سبحــــــــــان الله وبحمده
قدر الله ما شاء فعل
خير ما فعلت الأخت
ربي يشفيك ان شاء الله

 
رد: بسبب اية في القران قررت اني نسامحو

صراحة ملقيت واش نقولك فهاد الموقف ان دل على شيئ فانما يدل على انو انتي انسانة مربية الله يبارك والاكتر من هادا الشي جانبك الايماني راهو منورلك طريقك فمسار حياتك ربي يوفقك واربي ينورلك دربك وربي يشافيك
 
رد: بسبب اية في القران قررت اني نسامحو

jleOO1.jpg
 
رد: بسبب اية في القران قررت اني نسامحو

الله يشفيك من كل داء يؤذيك
الحمد لله الذي جعل القرآن الكريم جلاء حزننا وذهاب همنا أختي بصراحة تأثرت كثيرا بقصتك وخاصة عزمك علي حفظ كتاب الله فليجعله الله لك انيسا في الدنيا والآخرة
فكم من صحيح مات من غير علة وكم من عليل عاش حينا من الدهر.
 
رد: بسبب اية في القران قررت اني نسامحو

ما شاء الله اختي ^^
ربي يعطيك على قد قلبك ان شاء الله و يحفظك
 
رد: بسبب اية في القران قررت اني نسامحو

جزيت خيرا اختي على ما فعلت ربي يبارك فيك
 
رد: بسبب اية في القران قررت اني نسامحو

قدر الله وماشاء فعل
ربي يصبرك اختي ويجازيك على قد قلبك الكبير
وبما انو حياتنا راهي مسطرة من قبل ما ننزادو وربي سبحانه ما دمنا حيين يبقى يبتلي فينا فواجبنا هو الصبر و الرضا بالقضاء و القدر .....
 
رد: بسبب اية في القران قررت اني نسامحو

وفيكي الخير الكثييير اخيتي

زادك الله ايمانا به وشفاكي وعافاكي من مرض
امين
 
رد: بسبب اية في القران قررت اني نسامحو


أحمدي ربي ختي وصال على كلش .... و اللي خلق ما يضيع

ربي يرزقك ان شاء الله بانسان يعرف قيمتك ..

و الpيلا مهيش عيب ... العقليات تاع الناس لي تبدلت ... ربي يهديهم ..

دنيتنا هاذي فانية .. و يا سعدو لي طاع ربي و دار الخير


ربي يصلح امورك وصال


خوك محمد


 
رد: بسبب اية في القران قررت اني نسامحو

جازاك الله كل خير
و ان شاء الله يجيك وليد الحلال و راح ندعيلك من قلبي .. . . .. و لازم تفرحي لانو الناس لي كيما يحب رضى الله قلال
لقد زاد هذا العمل الجميل من رفعتك و علو قدرك و ربي يهدينا لصالح الاعمال و اصدق الاقوال
 
رد: بسبب اية في القران قررت اني نسامحو

ربي جيبلك لاشفاء وصال ويعوضك خير
 
رد: بسبب اية في القران قررت اني نسامحو

بارك الله فيك حبيبتي وعوضك الله كل الخير ان شاء الله

وقل لن يصيبنا الا ما كتبه الله لنا........ الحمد لله على كل حال مهما كانت الاحوال
جزاك الله على مسامحتك دمت فخرا لمعنى الانسانية
 
الله يحفظك اختي اختي مهما قلت في حقك مان عطيكش الكلمات المناسبه جزاك الله الخير ويعطيك ماتتمني
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top