كيفاش تحافظي على بيت الزوجية (موضوع للنقاش)

قال ام سراج الدين وملك:

موضوع مليح ورانا نعيشوه دائما لاننا متزوجات
يا اختي حدة كاين مشاكل بزاف فالدنيا نحلو مشكل يجيو عشرين ربي يجيب الخير ويستر كل المتزوجات
انا من النوع ادا كان بيناتنا مشكل ويبدا هو يهدر ندير روحي ماعلاباليش بصح انا نغلي من الداخل
بصح ادا كان هو الضالم نقلب عليه الدنيا ههههههه​

إضغط للتوسيع...

نجوى كل بيت ما يخلاش من المشاكل ولو على قضيان ينوض الحرب
حنا هنا باه ناقشو هذا المشاكل البسيطة لي تكبر وتولي مشكل عويص بين الزوجين ويجبدو لقديم والجديد وكيفاه نتفداو هذه الشرارات الكهرو زوجية
يسمى انت كي يكون مشكل بسيط تلتزمي الصمت نضن بلي هذا مليح منك هاك ما تطورش الى شجار ينتج عنو شي تندمي عليه
بالنسية كي يكون ظالم صح لازم دافعي على حقك لكن بالتفاهم ( ياربي برك نطبق انا تاني هاك وما نقلبش عليه خزانة ولا ميكرو ...هههههه)
​

قال نور الحبوبة:

حدة تعرفي انا مشكلتي كي اكون بينا مشكل ولا سوء تفاهم نكون من داخل نغلي مي منهدرش نخاف نهدر نقيسو بكلمة ولا نخلط معاه نخليه حتى ابرد قلبو واقول كلشي عندو ولو هو الغالط ولا ظالم حتى تهدا الامور ونتناقش معاه واذا كان سوء تفاهم نشرحلو الوضع والحمد لله الطريقة هادي راهي ناجحة وعمرها ماكبرت مشكلة بيناتنا هذا ىواش تفكرت دوك ننصح المتزوجات وخاصة الي معندهاش خبرة متخشنش راسها مع الراجل وتخلي حتى تهدا الامور وتفوت الزوبعة وتفهمو وجهة نظرها لان العناد اجيب لبلا كلمة منها كلمة منو تولو حاجة كبيرة بعد ماكانت صغيرة وتقدر تتفادها

إضغط للتوسيع...

قال ام ريهام:

حدة تخشان الراس جامي يجيب نتيجة حتى انا نلتزم الصمت ونخليه يغلي ويفور ويطرطق كي البركان الحاجة لي مليحة فيه هي يخرج يولي كانو مكاين والو ومن بعد يجي دوري لي ظلمت فيها انا نقول اي غلطت في هاذي ولي غلط فيها هو نقولو طرطقت وحدك وتولي الحالة عادية والحق تاني الخدمة ماهيش تخليه يغلي بزاف في الدار يجي ياكل ويرقد ويقصر شوية ومكاش وقت لزقا والمندبة

إضغط للتوسيع...

قال ام الحلوين:

مساء النور
حدة ربي يعطيك واش تتمناي ، ان شاء الله نجتامعو و نستفادو

انا عن نفسي مانسامحش و كي يكون مشكل انا ظالمة و لا مظلومة مانسكتش و هو 10 د يعود يضحك و انا نبقى قريب سمانة و انا مشنفة و هو يسايس و يعاود باش نرضى
راني عارفة هاذ التصرف ماشي مليح بصح ماقدرتش نبدل عقليتي
مع انه يظل يشكر فيا قدام اهله و يقولهم شاطرة و رزينة و عاقلة و هي لي مربية لولاد وحدها وووووو ، بصح انا لي خاصتني طريحة باش نتعلم

مرات كي يكون مشكل صغير نهدر غير شوية و نرجع نضحك حتى هو يفرح بصح ماشي دايما نديرها ههه

إضغط للتوسيع...

قال أم رزق الله:

يعطيك الصحة حدة على هاد الموضوع القيم
انا بلاك تجربتي ماشي كبيرة بزاف بصح كيما سبقوني لبنات فالردود تاعهم انا ضد انو لمرا تلعب دور الراجل هي تاني فالدار الراجل كي يتزوج مادابيه يعيش مع انثى بكل معنى الكلمة حتى في ساعة الغضب ما تعليش صوتها عليه تخليه يقول واش يحب اومبعد وحدو يتفش و هادا هو طبع اغلبية الرجال انا شخصيا زوجي خفيف بزاف بصح حنانتو غلبت الغضب التاعو علابيها ما نديرش عليه يطير يطير اومبعد يتفش دايمن الزعاف بيناتنا يخلاص بابتسامة بريئة مني و انا اغلب الاحيان نبادر بالصلح و ما نحشمش بهاد الشي و كيما قلت مقبل الراجل كي يتزوج مادابيه يعيش مع مرا ماشي مع صاحبو الزوبير هههه

إضغط للتوسيع...

قال °أم عبد الله °:

اهلا بسيدآتـ اللمة
هل لي ان اتنـآقش معكن ام ان الموضوع خـآص بالمتزوجـآتـ:$
ولا تـٌعلقن ع كـٌنيتي ف هي تعتبر كـٌنية وفقطـ وليس هنـآكـ لاعبدو ولا ابوه:d
معكـٌن نينـآ:love01: وفقطـ ممممممم هل تـٌشـآركـ معكن لعلهـآ تستفيد م خبراتكن ام لا
بعد السلام يحلو الكلام
اذا سلامي للجميع لحين اشعـآل الضوء الاخضر:-r
:regards01:​

إضغط للتوسيع...

قال °أم عبد الله °:

اهلا بسيدآتـ اللمة
هل لي ان اتنـآقش معكن ام ان الموضوع خـآص بالمتزوجـآتـ:$
ولا تـٌعلقن ع كـٌنيتي ف هي تعتبر كـٌنية وفقطـ وليس هنـآكـ لاعبدو ولا ابوه:d
معكـٌن نينـآ:love01: وفقطـ ممممممم هل تـٌشـآركـ معكن لعلهـآ تستفيد م خبراتكن ام لا
بعد السلام يحلو الكلام
اذا سلامي للجميع لحين اشعـآل الضوء الاخضر:-r
:regards01:​

إضغط للتوسيع...