توقفت حياتي لاجله

السلام عليكم اخوتي
اولا اتمنى منكم قراءة قصتي الى نهايتها
انا فتاة ابلغ من العمر 24 سنة جامعية وعاملة حاليا اتمتع بكل صفات الحسنة شكلا ومضمونا
في سنوات دراستي في الجامعة وفي الاقامة الجامعية تعرفت على شخص يكبرني ب 12سنة
كان شديد الاعجاب بي لكني رفضته رفضا قاطعا.واصل في ملاحقتي من السنة الاولى الى السنة الثالثة
الى ان وافقت ولكني رفضت الخطبة لان اتم دراستي
هو شخص ذو مستوى 9 متوسط..المهم انا صراحة مع الوقت وجدت فيه كل الصفات التي اتمنى وهو كدلك
احببته جدا واحبني جدا .مر بظروف جد صعبة توقف عن العمل وامور اخرى لكني لم اتخلى عنه وساعدته بكل
ما املك ماديا ومعنويا الى ان فرج الله عليه وتقدم لخطبتي
هنا تبدا المرحلة الثانية
رفضه والدي رفضا شديدا مطلقا لمستواه الدراسي ولانه لم يعجبه بصحفة عامة وقال لي انني استحق الاحسن. رغم هذا قال لي ان لا افقد الامل واستمرينا معا الى ان تقدم لخطبتي شخص اخر
احبه والدي جدا لانه كان انسان ماشاء الله لكني رفضته وعندما سئلت عن السبب قلت لاني اود الاخر
هنا قامت علي الحرب العالمية حتى والدي ضربني لاول مرة في العمر وامي جنت وقالتلي ادا تزوجتي
به ماراكي بنتي مانعرفك.هنا انا قلت له خلاص لا امل انساني ومارانيش حابة نعطلك عيش حياتك
وماتسنانيش لكنه جن ورفض كلامي هو من ولاية اخرى جاني حتى لعندي وصل على 1تاع صباح يبكي
ويقولي موحال واكيد راح نقنعو .صراحة هو حبو ليا بزاف كبير وتمسكو اكبر ماقدرش يفقد الامل ولا يعاود
حياتو وانا تاني ماقدرتش غاضني بزاف كيفاه هو حاكم فيا هكا وانا نوافق على انسان اخر يعني انا
لليوم ماقبلت بحتى واحد.ساعات نتقلق ونقولو شوف حياتك لكن ديما يبقا معايا ويقولي راني جاي عند
باباك واهدري لماماك انا نخاف ونقلو اصبر شوي
نتمنى تكونو فهمتو شوية وبالتلخيص هادا علاقتنا وتفاصيلها يعني رانا نحبو بعضانا لدرجة واين كون ماش انا مايحتاج حتى وحدة
لكن صدمة حياتي كانت يوم الاربعاء لي جاز
تلاقينا. هو راح باه يشري حاجة ونسى هاتفو.انا مباشرة دخلت لميساج اونفوايي وهنا كانت صدمة العمر
تخيلو راهو على علاقة باخرى ويبعتلها لي ميساج ويعيطلها
انا تبكمت تشوكيت مالقيت مانقول كيفاه هو يدير هكا ...كي جا قالي واش بيك مبعد شاف هاتفو في
يدي بدا يعيط و يسب ويقولي علاه تمسيه وعلاه تهزيه ويعيط وهز بورطابلو كسرو الف طرف وانا ماقدرت
نهدر حتى كلمة ولا كلمة ولا نفس .داني روحت وطريق كامل وحنا ساكتين
انا درك قلت خلاص انا كنت كي الغبية خايفة عليه يقعد وحدو بلا زواج وديما نقولو شوف حياتك وماقدرت
ندير والو في حياتي ضميري انبني ماقدرتش نقبل باي واحد وهو راهو مع وحدة اخرى.انا الان قررت غلق الباب نهائيا وماش راح نشوف ورايا ماش راح يغيضني ولا نقول ظلمتو بالنسبة ليا راهو عبد ميت
من فضلك واش رايكم بحكايتي وقولولي واش ندير وعذرا على الاطالة

رد: توقفت حياتي لاجله

رد: توقفت حياتي لاجله

رد: توقفت حياتي لاجله

الاقامة والجامعة والسيد نيفو 9 ويتبع فيك ثلاث سنين وعلى الأخير قبلتي هذا لي يقلقني بنت ما شاء الله عليها عمرها ماعرفت واحد ويجي واحد يفسدها

للأسف كاين ناس وجهة صحيح تترفض في النهار ألف مرة وتبقى تقصد

شوفي نقلك اذا ديتيه راح يعذبك أولا لأنك جرتيه 3 سنين ثانيا لأنو السيد 36 سنة ومافاقش لعمرو هذا من النوع لي تجيه مراهقة متأخرة
ونزيد نقلك وحطيها حلقة في وذنك مليح لأني جاي ننصح مشي جاي نافقك

اذا ماكشفوش ليك ربي كي نسى البورطابل كان راح يطلب منك تهربي معاه بنسبة 80 بالمئة وتتزوجي غصبا عن أهلك واذا كان مافاتحشك في الموضوع أكيد كان راح يفاتحك والا على الأقل فكر في الأمر كأحد الحلول ومانحكيش على الأمر الأخر

شوفي يابنت الناس انتي تحبيه صح ممكن بصح هو ماندري
المهم السيد مشو راجل أولا لأنو خطبك رفض الوالد وزاد خطبك ورفض سيبون الله يسهلو بصح بقى ينغنغ معناها حاجتين
يا ... ويا واليأت لزوج انتي اكبر خاسرة فيهم

واش نقلك انتي تقراي في هدرتي ضرك حسبة صغيرة ليكي عامين على الأقل تعرفيه مشي حاجة صدقيني
الناس عرفت 5 و 6 سنين وأكثر وباعت وخانت
وفي الأول والأخير علاقة حرام

أنا انسان نحب الوضح اعلاش نخلطو العسل بالغرقة والا نحلطو الحليب بالماء الراكد ../
لو كان كل شيء واضح لكنا في أحسن حال
ماتقولوش باغيين لحلال وانتم ماشيين في الحرام لا لا أخرجها ربي عريان يكسيك سواء للرجل والمراة ياو لي باغي الحياة حلوة فاليعشها وليقلها وسيجد من يرغب فيها ولي حاب يبدى الحلال يبداه بأصوله


اذا كانت نصيحتي عنيفة أعتذر رغم أنني خذفت معظم المقاطع من ردي حفاظا على مشاعرك ...
بصح أني قتلك اذا كنتي تريدين زوجا فراكي غلطني في خيارك

رد: توقفت حياتي لاجله

يا بنتي احمدي ربي آلاف المرات كي كشفتيه ربي مش شايفلك فيها خير وصلاح تهنيتي من جدو يا أختي يا غالية اعطي قيمة لنفسك والله ربي ما يخيب مول النية الصافية نزيدك حاجة النيفو مش مشكل المشكلة في انو كبير وجايح ترابو خطبو لولادهم ربي يهدينا برك
اسمعي هههههههه شوفي كاش أنوش ماتصاحبيش ازوجي في لحلال طيشي عليك الشايب حبيت ننصحك بفكاهة ربي يفرج عليك يا أختي يا رب

رد: توقفت حياتي لاجله

رد: توقفت حياتي لاجله

وكلي امرك لربي

رد: توقفت حياتي لاجله

رد: توقفت حياتي لاجله

اول حاجة نقولها ليك يا اختي احمدي ربي على انك عرفتيه على حقيقته و الله ربي يبغيك انت خرجتي معاه امراة و نص و ما خصرتيش و الحخمد لله ما خسرتيش والديك على جاله درك الحاجة الي ديريها تفيقي و ما تخميش في الي راح على خاطر الي فاات مات العمدة على الي جاي حبيبة و الله يوفقك في حيااتك ان شاء الله​

رد: توقفت حياتي لاجله

شوفي يا اختي
وش صرى ماكان الا رسالة من عند رب العالمين باش تولي لعقلك
احمدي ربي صباحا و مساءا انه سبب الاسباب و خلاك تشوفي بعينيك
صدقيني هذا دليل انك عزيزة عند ربي و كاش دعوة خير حضرتلك من عند الوالدين لي جادلتيهم في هكا موضوع على هكا شخص

ثانيا يا اختي تبقى هذه تجربة من تجارب الحياة و اذا فشلت فيها مش نهاية العالم الحمد لله انها انتهت باقل الخسائر


ثالثا يا اختي مادامك صغيرة في السن و قارية و فيك من الصفات وش يتمنى اي واحد علاش ما تعرفيش قيمة نفسك
من حقك اختيار الافضل ليك
و الاختيار الصحيح يكون بالعقل و المنطق و النظر للبعيد
اكيد مش كل الرجال اصحاب المستويات الضعيفة كيف كيف شخصيا نعرف منهم امثلة في الاخلاق و الدين و تكذبي ان مستواهم متوسط او ثانوي لكن ما نقدروش نقيسو الامور بامثلة قليلة
اختاري لنفسك الافضل و من ترضين خلقه و دينه مش قلبه و حبه هذه اكدي عليها مليح
كل تمنياتي لك بالتوفيق و السداد
و المرة الجاية اعرفي وين تحطي رجلك

رد: توقفت حياتي لاجله

مؤسف انك تواجهي اهلك وترفضي خطيب من اجل واحد غدار وكذاب اختي هدا مايستاهل حتى تفكري فيه
بداي صفحة جديدة واددا جاك رزقك توكلي على الله اما علاقات مافيهم غير الغدر وكدوب مكاين غير الكداب حدا خوه
وحمدي ربك وشكريه انك عرفتي على حقيقتو من البداية تصوري اهلك قبلوه ومن بعد عرفتي فعلته شنو بكون ردك لاهلك حمدي ربك عرفتي من دابا
ودابا ديها فراسك وكملي حياتك ومزال يجي مكتوبك وتبقاي تفكري هدا الحدت وتبقاي ضحكي تقولي اشنو كنت غادي ندير فراسي وحياتي
والله اسهل عليك اختي

رد: توقفت حياتي لاجله

هذا ربي سبحانه كشف لكي غرام حقيقة جزاء خير فعلتيه احمدي ري كيما قالك عضوات من قبلي

رد: توقفت حياتي لاجله

من البداية كانت العلاقة بيناتكم مستحيلة و غير متوافقة ,,,, أوّلا و قبل كل شىء لأن العلاقات خارج إطار الزواج محرّمة شرعا و الشىء المحرّم ما يباركش فيه ربّي ,,, لكن مع هذا نقدرو نقولوا بلّي غلطة و مرحلة مراهقة ,,, لكن العلامة الثانية على استحالة علاقتكما هو فارق السن الكبير بينكما أثناء تعارفكما حيث أنّ الفارق وصل إلى درجة جيلين مختلفين ,,,,,,, العلامة الثالثة لاستحالة علاقتكما هو عدم التوافق بينكما في المستوى الثقافي و إن كان تأثيره يختلف من شخص لآخر ,,,,,,, العلامة الرابعة هي عدم قبول والديك بهذا الرجل و أكيد بأنّ الأب هو أكثر الناس حرصا على مصلحة إبنته و أكيد أنّه يعرف أشياء كثيرة قد تجهلها النساء بحكمه رجل ,,,,,,,,,,,, المهم إستغفري الله و اشكريه على انكشاف الأمر ,, و الله إنّكي محضوضة بالمقارنة من آلاف الغافلات ممن ضيّعن حياتهن جريا وراء سراب حبّ زائف ,,,, الحل هو تمزيق تلك الصفحات من كتاب حياتك و بدء صفحة جديدة تتطلّعين فيها للأفضل ,,,, الله يوفقك اختي ,,

رد: توقفت حياتي لاجله

اختي الكريمة الحمد لله انه كشفه الله لك على حقيقته والا كنت ستبقين العمر كله معطلة حياتك حتى ياتيك خبر زواجه من المفروض من الاول عندما رفضه والدك ترفضيه انت كذالك وتقبلين بالشخص اللذي والديك وافقوا عليه مادام يناسبك وقبلت به وتنسين امر هذا الشخص الذي هو ليس من نصيبك فالزواج نصيب وقدر ولنا ان نرضى به وكنت نسيتيه وبات حياتك بالزواج مع ذالك الشخص اللذي رحبوا به في البيت لما كنت انهرتي واكتشفتي خيانته لك وكنت نسيت امره مع الايام وانشغلت بحياتك الخاصة لكن لاتندمي لانك تعاملت بحسن نية ولكن هذا يعتبر درس لكي ارجوا ان تستوعبيه وتفكري المرة القادمة بعقلك قبل قلبك وربي يوفقك ويفرحك ويعوضك بشخص اخر افضل منه وخيرا منه