يـآجمـآعة الخير : رآكم معروضين للدفينه انتـآع السي موح ( الله يرحمو )

قال mlina4algeria:

واش نقول واش نخلي
بديتيلي بالتبراح تفكرت كي كان لحمي يتشوك نسمع غير يقول يا صحابـــــــ ..... و يا صحابــــ ....

ره السي فلان ....... إن لله و إن إليه راجعون

من بعد نموت قبل مايكمل
لهنـآ ف جوايهنـآ مايبرحوش كي كنتـ نروح لمـآني ف بوفـآريكـ نسمعو
تقولي اتصنتي مليح اسمعيلي شكون مـآتـ ( الله يرحمهـآ شحال كـآنتـ ادير الواجب )

و من بعد جيتيني للقوم تاع درك كيما نقولو التطور حتى مع الميت
كارثة عضمى الواحد يروح يربح حسانات رجع يربح بلاما نقولهااااا
شفتي كيفـآش تنقلب الآية آبنتي :down:
أنا وحدة تكره الجنازات و جامي نروحلهم مهما أنو هي واجب علينا الله غالب منحملهمش
نقولكـ سر لهنـآ العواتق ( يعني لبنـآتـ لي ماشي متزوجـآتـ ) خاطيهم مايروحوش للعزا محـآل غير الا كـآن م الفاميليـآ وتقدر ماتروحش

واش نقولك يانينا تبانلي انت الي تفتحي لاليس الله الله على الموضوع
رح تلقايه هنا

قائمة المواضيع المميزة لمنتدى واش راك تهدر 2014

و مبروك عليك أول ختم من عند طاطاك ملينة :d
​

إضغط للتوسيع...

قال ЯέКîά Яồมkà:

وعليكم الســـــــــــلآم
وعليكم السلام ورحمة الله تعـآلى وبركـآته غلاتي
نينا يا نينا
عآش من شآفك ولا عآش من شآفني الله اعلم :p
رآني ندور شوي أنـآ انتـِ لي غـآب حسكـ علينـآ
الحمد لله ع سلامتكـ :-r
من العنوان عرفت محتوى الموضوع خخخخخخ عبقرية انا :-r
الله الله ع العبقرية ديـآلنـآ
والله هاد الظاهرة يا لحبيبة رآهي بآرتوا
المحمر ولاسووp والسلآيط، الطابلة منوعة
بكري كنا الطعاام او الكسكس وخلآص
والناس تحس شويا وتعتبر
درك العبرة والوا مكانش
يفرحوا مين يموت الواحد باه يمشوا يآكلوا هآد مكآن
شفتي كيفـآش فكرتيني ف واحد ف رغـآية نوغمـآلمو مـآتـ باباهم وكي يخدم الطفل ف البحر جابولو الغاشي الكغوفـآتـ و دارو مالكة الله لايشوفكـ ( الملوكـ وقليل ) لي خرج م تم ف وجهم قالهم الكغوفاتـ غالية لوكـآن غير يزيد يموتلكم كـآش ميتـ باش نشبعوهـآ :down: والله نحكيلكـ م نيتي
غـآشي ماعندهـآش ونـآس دير ف الزردآتـ:-o
ولات نزآهة درك

وزيدي الزغاريت وقااع :-o
علاش مـآتـ شهيد:s:s:s
كيما قلتي خاص غير الحلوى برك
​

ربي يجيب الخير برك، ويهدي ما خلق
صحيتي الزينة على الموضوع الزين :up:
​

إضغط للتوسيع...

اللهم آميين يـآرب
وصحيتي ع المرور الاكثر م رآئع نورتيني
ومـآتزيديش تغيبي رانـآ نتوحشوكـ
سلامي​

قال ملكًة الاحسآس:

وعليكم السلآم
حنى انآ يآروكآ فهمت الموضوع من العنوآن مش غير انتي عبقرية هيهي
صحيتو الشـآطرآتـ:p
موضوع مليح نينآتي وكمآ رنآ نشوفو درك
:$:$:$
درك الموت رجع كي العرس سوغثو في حكآية الزردة هديكـ
العرضة واالي معهآ وخلي منحكوش كي تروحي تلقآي الحآلة مستيكيآ اونديغي عرس
وتعجبك رجعوو كمآ فالأعرآس يشوفو شكون مآكلته جآت خير ، وهدآك دآر اللحم بزآف ولآخر كثر غير الجآري
ايتـآستو كلش غير ماتخميش :down:
هدآك النهآر جآت مرت عمي ويبقىو يحكو هي ومآمآ نهآر رآحو لموتى
نسمع فيهم دآرونآ القآطو الفلآني وامبعد الفلآني وكي خلصنآ فآتو علينآ بالديسير
صدقيني حسبتهم على عرس ولآ خطبة ، قآلولي نهآر رحنآ لموت الفلآنية بقيت بلآ رآس
شفتي كيفـآش تقوشي فرحو بالميتـ ماشي زعفو ع فراقو وكيما قلتي الراس يحبس م هاكذا تصرفـآتـ
ربي يهدي من خلق ، دركـ مآولآتش كي بكري المظآر طغآت على بزآف حوآيج
اللهم آميين يـآرب
ورآهم كل مرة يخرجونآ بخرجة جديدة ربي يستر برك
ميرسي على الموضوع الحلو يآحلوة أنتي ​

إضغط للتوسيع...

قال ♫only me♫:

سِلَامً عٌلَيِکمً اخِتٌيِ نِيِنِاتٌيِ
وعليكم السلام ورحمة الله تعـآلى وبركـآته امورتي الحلوة
مًوٌضوٌعٌ فور تٌلَفُهّالَيِ سِيِ مًوٌحً

ايه انـآ تلفوهـآلي الغاشي لي جـآو يعزيو ف السي موح
شُوٌفُيِ وٌاشُ قُلَتٌيِ فُيِ ابًدٍايِة تٌاعٌ الَنِار نِتٌشُعٌلَشُ وٌ مًنِعٌرفُ وٌا انِا نِقُوٌلَک تٌبًالَيِ کلَشُ خِرافُاتٌ مًشُ نِصّدٍقُهّمً

لالا عمري ماشي خـٌرآفـآتـ هـآذي ف السـٌنة النبوية
لاتوقد النار ف بيت الميتـ ثلاثا وللامانة لاادري ان كان الحديث صحيح ام حسن :$
امًا الَمًاکلَة وٌاشُ مًنِ مًاکلَة تٌفُوٌتٌ فُيِ الَحًلَقُ وٌ نِاسِ حًزٍيِنِة وٌالَلَهّ کوٌنِ مًيِفُکروٌکشُ مًتٌفُکريِشُ تٌاکلَيِ الَلَهّ غُالَبً
علابالي غلاتي ربي يصبر اهل الميتـ
انِا فُيِ جّنِازٍة بًابًا ربًيِ يِرحًمًهّ وٌالَلَهّ قُريِبً اکثًر مًنِ سِمًانِة مًشُ مًاکلَة مًاکلَة بًايِنِة مًشُ مًذِکرة لَدٍرجّة الَتٌاثًر

ان لله وانـآ اليه راجعون
ربي يرحمو ويسكنو فسيح جنانه غلاتي اعتذر لتقليب عليكـ المواجع لم اقصد:$
امًا الَنِاسِ الَيِ تٌجّيِ تٌاکلَ يِاوٌ خِلَيِنِيِ تٌقُوٌلَوٌ تٌغُلَقُ الَبًابً نِاسِ تٌجّيِ زٍعٌمًا تٌعٌزٍيِ تٌلَقُايِهّا فُيِ وٌقُتٌ العصر وٌالَعٌشاء وٌ مًنِعٌرفُ هّهّهّهّهّهّهّ
يِجّيِوٌ يِتٌعٌشُوٌا وٌ يِشُربًوٌا قُهّوٌة

حًاجّة الَيِ تٌکوٌنِ مًلَيِحًة خِلَاهّ هّيِ صّدٍاقُة الَمًيِتٌ تٌحًسِيِ روٌحًک صّحً راکيِ تٌصّدٍقُيِ وٌ هّوٌ راهّ فُرحًانِ بًصّدقُتٌک
وٌتٌوٌلَيِ تٌتٌمًنِيِ غُيِر يِزٍيِدٍ الَغُاشُيِ وٌ يِزٍيِدٍ

اكيد فالصدقة وخـآصة الجـآرية منها تلكـ تعود بالنفع الكثير ع الميتـ ف اكثرو بهـآ لوالدكم كما قرآءة القرآن وحفظه ابتغـآء إلبـآس والديكـ تـآجا يوم القيـآمة فلا تستهيني به غلاتي
ايِا خِلَاصّ طِاحًتٌلَيِ الَدٍمًعٌة
اعتذر والله لم اقصد

ربًيِ يِرحًمً جّمًيِعٌ الَمًوٌتٌى وٌ يِرحًمً ابًيِ وٌ يِسِکنِهّ فُسيِحً جّنِاتٌهّ

تٌحًيِاتٌيِ

​

إضغط للتوسيع...

قال °أم عبد الله °:

اللهم آميين يـآرب
ربي يرحمو ويصبركم يارب
واعتذر مجددا ع الموضوع :$
سلامي​

إضغط للتوسيع...

قال nanoche:

السلام عليكم و رحمة الله
مرحبا بيك اختي بالموضوع ديالك اللي Vريمون يوجع الخاطر
وعليكـِ السلام ورحمة الله تعـآلى وبركـآته اختي
صح انا نشفى بكري كان عشاء الميت كسكس بالمرقة واللحم فقط ونص الغاشي من وجعهم والله ما ياكلو اومبعد زادولو الشربة و الشلاظة ودووووكااااا الطواجين و المتوم والشربة والسلاطة Vاريي و احنا حضر عندنا اللحم الحلو في الجنازات ربي يستر على عبادو
في حكاية المواكل ماعليه نديروها داخلة في الصدقة مي احنا صرا عندنا موقف اللي مازالني حتى لليوم مخلوعة فيه وهو في موت ماني ربي يرحمها جاونا فاميليتنا من الغرب الجزايري لابسين القفاطن داخلين و خارجين كلي ديفيلي دو مود قالك هاكدا عوايدنا :s:s حاجة تحير​

إضغط للتوسيع...

آه وانـآ لي قلتـ زعمـآ اللحم لحلو حقرووه ف القصة هـآذي عـآد انـآ ماشفتـ ماسمعتـ بركـ
مي صح صح ربي يهدي هاذوكـ قفاطن زعما للعزا واش هذا ياعاجـآبا وينهـآ الحشمة مممممم صح فريمو راسي حبس ف هاذي تقوشي قوم لاعلاقة بالتحظر ( الله يرحمها ويوسع عليها )
هاذي هي الدنيا واش اديري غاشي تعياي تفهمي فيهم ماتفهميهمش كيفاش يخمو
نورتـ اختي
سلامي​

قال ساندريلا زماني:

وعليكم السلام ​

بون سوجي نينا :up:​

صح عادت الموت في وقتنا شغل مهرجان ولا عرس ​

اضافة لواش قلتي تاني تلقاي النسا يبدلو في القنادر​

ادا الشتا يلبسو ويبدلو في القنادر تاع لقطيفة وادا صيف يبدلو تاع الصيف ​

وتلقايهم منهم فيهم موالين الموت بعد لي يديرو هك ​

راحت زمان تاع احترام الميت ومواليه ​

درك نلقاو الشعب كاشخ ضاحك ​

ولا علابالو ​

تقبلي مروري ​

إضغط للتوسيع...

اهلين ساندي
اهاه ولاتـ ثـآن ف اللبسة ماسمعتش بيهـآ هاذي راني من عندكم نزيد صوالح جدد للموضوع هذا
والله صح صح تحيري واش م الفايدة ووعلاش هذا الشيء
ربي يهدي ماخلق بركـ الناس تلتهى بالميت وهومـآ يزينو لوجه النـآس باش يقولو شفتي دار فلان وفلتاان خخخخخخ
ولو مروركـ ع العين والراس غلاتي تسلميلي :$
سلامي​

قال mlina4algeria:

اجماعة كلما نقرى رد نتشوكا كثر هذا كامل راه صاري :-o
أنا صح نسمع أنو الناس ماتحشمش مي مش لهذ الدرجة
تنصدمت والله مزية كي منروحش
كما يقولو مانروح مانوجع قلبي
وربي ستر ملي رح نشوفوه مع القوم تاع هذا الوقت
​

إضغط للتوسيع...