ماوراء الكواليس تكسر الاقنعة المزيفة

وصال · 30 أفريل 2014

[FONT=&quot]السلام عليكم ورحمة الله تعالى وبركاته[/FONT]

[FONT=&quot] [/FONT]

[FONT=&quot]كيفاش راكم لاباس ملاح الحمد لله يا ربي [/FONT]

[FONT=&quot]اليوم حبيت نسلطو الضوء على واحد الموضوع سبيسيال ، مالقري معظمنا عندو ما واء الكواليس لكن كيما يقولو واحد على واحد .[/FONT]

[FONT=&quot]في حياتنا نشوفو بعض الامور لي نورمال تخليك بلا راس ،صوا في العايلات ولا في الخدمة ولا في المناسبات نتاع الساشيات المهمة اه حبيت نقول الشخصيات المهمة .[/FONT]

[FONT=&quot]علابالي مفهمتو والو ، واش الحكاية .[/FONT]

[FONT=&quot]نعطيكم مثال خطرة كنت قاعدة في لمة نسوية ، نتبادلو اطراف القصرة ،كيما علابالكم كاين بعض النسا كيتقعد معاهم تشكر روحها بدون اي حساسيات انا وأنا وحياتها البطولية ، وكاين لي تبدى تشكرلك في بنتها وتتباهى بعقليتها وتربيتها وبيناتنا تكون مزلت قاعد تم تسرسب البنيتة وتروح لكاش شوبر وتبدةى تحكي في التلفون بسوايع تجي جايز طريق تصيب الهدرة مع ولد ونهار تلقاك فقتلها نسيم تولي نسيمة ....الخ ، دوك ماذا فهمتو يا اطفال ـ بلي كاين عفسة راهي تصرى وراء الكواليس بصح علاش انت ولا انت فقتيلها مجرد زيارة والام المثالية ما فاقتش؟[/FONT]

[FONT=&quot]نصيحة : حبيبتي الام اذا راكي تشوفي بنتك تقعد في شومبرتها وحدها وهي ني صلاة ني هم يحزنزن اعرفي بلي الامر راهو يستدعي تدخل طاريء ، ولازم مرة على مرة وضربي طلة بصح بلعقل بالاك تتشوكاي ، من ثمرة تربيتك .[/FONT]

[FONT=&quot]عبرة : الثقة مالازمش تكون عمياء خير الامور اوسطها .[/FONT]

[FONT=&quot]دوك نروحو الحاجة واحداخرا ،[/FONT]

[FONT=&quot]خطرة كنت قاعدة في البيرو ديالي ، حتى دخلوا عليا جماعة ، طريقتهم اونديغي الانتربول ، مامبا ما كانش سلام عليكم ،بعد ما رجعت الصعداء فهمت بلي عمو المير وحاشيتو عندهم ضيوف وجاو باش يستيميو الحالة ، بداو زعمه يسقسيو على الكونيكسيو و....و....و....[/FONT]

[FONT=&quot]قالك غدوا عندنا ساشيات مهمة راهم جايين ، وعطاونا قائمة من الاوامر [/FONT]

1- [FONT=&quot]لازم هندام شباب وسبابطكم مسيرجين (علاش راه جاي لخدمة عمومية ولا باش نديرو ديفيلي دمود)[/FONT]

2- [FONT=&quot]امسحو الحالة ومنحبش حتى غبرة في القاعة ولا في المابل (مسكينة الفام دو ميناج لي خدماتو في هداك اليوم كانت تخدمو في شهر ).[/FONT]

[FONT=&quot]حاجة عجبتني بزاف جابو شجر واجدين ولسقوهم في الارض في الدزاير كلشي خرطي [/FONT]

[FONT=&quot]باتويخموويوجدو ، في الصباح جيت كالعادة لقيت لابوليس مرشقين في الطريق ، هذا يجري هذا يحكي في التلفون باش يعرف وين وصل [/FONT]

[FONT=&quot]في الاخير عمي معلاباليش مامبا شكون اتخيلو علاش جا باش ياكل ، ريستوغون انا قريب ما هبلت من الضحك ، وحاجة خلعتني هادوك الساشيات اتخيلو الكاوكاو ياربي وحفنوه في جياباهم كون صابو القرع نتاع الجي ويدوهم .[/FONT]

[FONT=&quot]نصيحة :سيدي الساشية السلام عليكم راهي تحية الاسلام متنقصش من شخصيتك بالعكس ترفعها .[/FONT]

[FONT=&quot]نصيحة ليكم نتومة يالي يخلعوكم اصحاب النفوذ وتولوا ترتعدو نهار تشوفوهم ميخلعكم نوار الدفلى في الواد داير ظلايل وما تخلعكم الشخصية المهمة حتى تشوفو لفعايل.[/FONT]

[FONT=&quot]عبرة :المظاهر خداعة.[/FONT]

[FONT=&quot] [/FONT]

[FONT=&quot][/FONT]
[FONT=&quot]نظن الموضوع مفهوم والان اليكم مجموعة من التساؤلات :[/FONT]

[FONT=&quot][/FONT]
[FONT=&quot]علاش كاين بعض الاشياء تكون ظاهرة للعيان بصح منعترفوش او بالاحرى دايما نخلو الكواليس في حيز المستور .[/FONT]

[FONT=&quot][/FONT]
[FONT=&quot]علاش دايما المعنيين بالامر اخر من يعلم زعمة صح مرهمش عارفين بواش راه يصرى في ما وراء الكواليس قصدي هل تواطؤ ام تجاهل .[/FONT]

[FONT=&quot][/FONT]
[FONT=&quot]في بعض الاحيان كاين امور مالازمش نسكتو عليها خاصة كيتعلق الامر بمصلحة شخص او خدمة ،
[/FONT]
[FONT=&quot]في هاذي الحالة عندكم الجراة للتكلم .[/FONT]
[FONT=&quot]في انتظار مداخلاتكم ، في امان الله .
[/FONT]

[FONT=&quot][/FONT]

[FONT=&quot] [/FONT]

أمــ وليــد الجزائرية · 30 أفريل 2014

رد: ماوراء الكواليس تكسر الاقنعة المزيفة

و شحال توحشناك يا وصال و توحشنا لمواضيعك الهادفة

طرحتي موضوع بزاف حساس

مي كما قلتي وينو الجريء الي يقدر يهدر الصح هنا
نقدر نقولك انو كلامك صحيح 100/100 و ما وراء الكوليس رهي امور الواحد يحشم يهدرهم اصلا بديتي في امر البنت مع مماها وي و ياما السواهي دواهي :d معرفتش ولاصحيح المثل :d
بالنسبة للاشجار الي تنوضي صبح تلقايهم بقا غير تقطفي الثمار ياسبحان الله شي يدوخ

[FONT=&quot]علاش كاين بعض الاشياء تكون ظاهرة للعيان بصح منعترفوش او بالاحرى دايما نخلو الكواليس في حيز المستور .[/FONT]

نقدر نقولك انو ولا خرجت رهي تولي كارثة و هذا الي يخلي الواحد يخبي و نقدر نقولك انو كاين نقص شديد في الثقة ولا مكانش ثيقة في مماك تقوليلها هاني درت هك و لا ندير هك و لا خايف من الي فوقك رح تقدر تواجهو زعمة ؟؟ هذو كامل دخلين في سؤالك هذا

[FONT=&quot]علاش دايما المعنيين بالامر اخر من يعلم زعمة صح مرهمش عارفين بواش راه يصرى في ما وراء الكواليس قصدي هل تواطؤ ام تجاهل .[/FONT]

هنا صاديبو منقدرش نقولك لانو على حساب المستور

[FONT=&quot]في بعض الاحيان كاين امور مالازمش نسكتو عليها خاصة كيتعلق الامر بمصلحة شخص او خدمة ، [/FONT]
[FONT=&quot] [/FONT]

رنا في الجزائر متستنايش تشوفي هذا الشيء

[FONT=&quot]في هاذي الحالة عندكم الجراة للتكلم .[/FONT]
[FONT=&quot]في انتظار مداخلاتكم ، في امان الله .[/FONT]
[FONT=&quot] [/FONT]

علبالي مقدرتش نقنعك مي رني هنا بلاك تقدري تخليني نزيد نهدر كثر :d

nanoche · 30 أفريل 2014

رد: ماوراء الكواليس تكسر الاقنعة المزيفة

في بلادنا غير الخرطي يا اختي الاولى حكاية الام على بنتها هادي ما حيرتنيش لأنو حتى ويلا الام تعرف بنتها بليك مــا تصلح لحتى شي مي تبقى تشكر فيها باش بالاك كاش ما تصيد واحدة حابة تخطب لوليدها
اما على المسؤولين ؟؟ كلهم كانو من الفقاقير و شبعو كروشهم وين رجعت كلمة السلام تقيلة عليهم وتلقاي واحد طلع مسعول جديد يبقى يبحلق فيك و يستناك وقتاش انتي اللي تقوليلو السلام اومبعد يخمم اذا يرجعها او يعمل كي شغل ما سمعهاش....الخ
ما يخلعونيش لأنو عندي تقريبا 8 سنوات راني نخدم معاهم و 99% منهم زيرو في ريسانهم و ما يعرفوش حتى يهدرو باللباقة في أماكن لازم تستعمل فيهم اللسان و الدماغ ....
شكرا اختي على الموضوع وما خفي كان أعظم

وصال · 30 أفريل 2014

رد: ماوراء الكواليس تكسر الاقنعة المزيفة

[FONT=&quot]وشحال توحشناك يا وصال و توحشنا لمواضيعك الهادفة [/FONT][FONT=&quot]
[/FONT][FONT=&quot]وانا ثاني توحشتكم يا غاليين شكرا جزيلا لاعتماد الموضوع [/FONT][FONT=&quot]
[/FONT][FONT=&quot]طرحتي موضوع بزاف حساس [/FONT][FONT=&quot]

[/FONT][FONT=&quot]مي كما قلتي وينو الجريء الي يقدر يهدر الصح هنا [/FONT][FONT=&quot]
[/FONT][FONT=&quot]نقدر نقولك انو كلامك صحيح 100/100 و ما وراء الكوليس رهي امور الواحد يحشم يهدرهم اصلا بديتي في امر البنت مع مماها وي و ياما السواهي دواهي [/FONT][FONT=&quot]معرفتش ولاصحيح المثل [/FONT][FONT=&quot]
[/FONT][FONT=&quot]بالنسبة للاشجار الي تنوضي صبح تلقايهم بقا غير تقطفي الثمار ياسبحان الله شي يدوخ [/FONT][FONT=&quot]

[/FONT][FONT=&quot]هادي راهي بارتو كلشي فيستي زصلنا وين الشجرة جوطابل[/FONT][FONT=&quot] .[/FONT][FONT=&quot][/FONT]

[FONT=&quot] [/FONT]

[FONT=&quot]
[/FONT][FONT=&quot]علاش كاين بعض الاشياء تكون ظاهرة للعيان بصح منعترفوش او بالاحرى دايما نخلو الكواليس في حيز المستور[/FONT][FONT=&quot] .[/FONT][FONT=&quot]

[/FONT][FONT=&quot]نقدر نقولك انو ولا خرجت رهي تولي كارثة و هذا الي يخلي الواحد يخبي و نقدر نقولك انو كاين نقص شديد في الثقة ولا مكانش ثيقة في مماك تقوليلها هاني درت هك و لا ندير هك و لا خايف من الي فوقك رح تقدر تواجهو زعمة ؟؟ هذو كامل دخلين في سؤالك هذا [/FONT][FONT=&quot]

[/FONT][FONT=&quot]علاش دايما المعنيين بالامر اخر من يعلم زعمة صح مرهمش عارفين بواش راه يصرى في ما وراء الكواليس قصدي هل تواطؤ ام تجاهل[/FONT][FONT=&quot] .[/FONT][FONT=&quot]

[/FONT][FONT=&quot]هنا صاديبو منقدرش نقولك لانو على حساب المستور[/FONT][FONT=&quot]

[/FONT][FONT=&quot]في بعض الاحيان كاين امور مالازمش نسكتو عليها خاصة كيتعلق الامر بمصلحة شخص او خدمة ، [/FONT][FONT=&quot]

[/FONT][FONT=&quot]رنا في الجزائر متستنايش تشوفي هذا الشيء[/FONT][FONT=&quot]

[/FONT][FONT=&quot]في هاذي الحالة عندكم الجراة للتكلم[/FONT][FONT=&quot] .[/FONT][FONT=&quot]
[/FONT][FONT=&quot]في انتظار مداخلاتكم ، في امان الله[/FONT][FONT=&quot] .[/FONT][FONT=&quot][/FONT]

[FONT=&quot]
[/FONT]

[FONT=&quot]
[/FONT]

[FONT=&quot]

[/FONT][FONT=&quot]علبالي مقدرتش نقنعك مي رني هنا بلاك تقدري تخليني نزيد نهدر كثر [/FONT][FONT=&quot]

اهلين بيك اختي ونتمنى تشاركينا في المناقشة كلما يسمح الامر هادو مجرد امثلة والعينات كثيرة في كل المجالات انا اكيد مرحش نقدر نجمع الكم الهائل من الامثلة وخليت المجال مفتوح لطرح المزيد والمناقشة فيه .
نتمنى تفيدينا اختي ميلينا.[/FONT]
[FONT=&quot][/FONT]

وصال · 30 أفريل 2014

رد: ماوراء الكواليس تكسر الاقنعة المزيفة

قال nanoche:
في بلادنا غير الخرطي يا اختي الاولى حكاية الام على بنتها هادي ما حيرتنيش لأنو حتى ويلا الام تعرف بنتها بليك مــا تصلح لحتى شي مي تبقى تشكر فيها باش بالاك كاش ما تصيد واحدة حابة تخطب لوليدها
اما على المسؤولين ؟؟ كلهم كانو من الفقاقير و شبعو كروشهم وين رجعت كلمة السلام تقيلة عليهم وتلقاي واحد طلع مسعول جديد يبقى يبحلق فيك و يستناك وقتاش انتي اللي تقوليلو السلام اومبعد يخمم اذا يرجعها او يعمل كي شغل ما سمعهاش....الخ
ما يخلعونيش لأنو عندي تقريبا 8 سنوات راني نخدم معاهم و 99% منهم زيرو في ريسانهم و ما يعرفوش حتى يهدرو باللباقة في أماكن لازم تستعمل فيهم اللسان و الدماغ ....
شكرا اختي على الموضوع وما خفي كان أعظم

شكرا جزيلا اختي نانوش على المناقشة عجبتني بزاف نتاع تصيد كاش واحدة حابة تخطب لوليدها صح والله كاينين بزاف لي يديرو هادي العفسة وتلقايهم في كل مجلس يجبدو بناتهم وحتى وان كان الموقف ميسمحش بهاذي الهدرة .
اما الساشيات راكي لتي راكي في الموقف وعايشاتو امالا نتفاهمو انا وياك في هادي الفكرة ، يعني دايما تصيبي الشخص غير المناسب في المكان غير المناسب ، يعني غير الخليع اما في وقت الصح ما كان والو ، شعب يبغي غير يدك ويعمر كرشو هذا ماكان .
صحيتي مرة اخرى بارك الله فيك.

الورد الأحمر · 1 ماي 2014

رد: ماوراء الكواليس تكسر الاقنعة المزيفة

أختي بخصوص الكواليس كاين مثل يقول خليها في القلب تجرح ولا تطلع برا وتفضح، نظن أنو بزاف يخدمو بالمثل هذا وكاين حوايج تدخل في الستر وكي ربي يسترك ما عندك علاه تفضحي الدنيا، يعني الله سبحانو ويستر عبدو، مالا ديما الانسان يحاول يستر ما ستره الله، بخصوص الثقة بين الأم وبنتها عندك فيها حق يلزم الأم مهما تكون عارفة تربية بنتها تبقى تتابع فيها لأنو جل من يخطئ، بخصوص الشخصيات لي جاو والناس لي تخلعو فيهم هذو راهم من النوع لي يحني الرأس وكلش يتفصّللهم من فوق هوما يلبسو برك، وراني نخدم في البلدية وشافية بلي حاشاك وحاشا لي ما يستاهلش أرذل بشر راهم مسؤولي البلدية، جامي يقولو لا وجامي يقولو مش هكذا، ديما يمشو في الخط وبرك، باقي نقولو ربي يهدينا أجمعين، وربي يسترنا، وبارك الله فيك .

Mîss Bÿlkà · 2 جوان 2014

رد: ماوراء الكواليس تكسر الاقنعة المزيفة

موضوع جد حساس بصح رائع

بخصوص الموضوع الثاني كيما تقولي الساشيات :d الظاهرة هاديك بارتو هنا في عنابة كاين بلايص يكونوا مايتشافوش بمجرد يقولوا جاي السي فلان و فلتان تلقاهم مبكرين على ال6 يسبغوا في بلايص عندهم 5 سنين ماتسبغوش , ينحيو لحشيش يعلgو الدابوات و ... و... و.... و هدا الكــامل لي تخدم في سمانة تلقا السي فلان هادا رايح يعدي بطوموبيل أفار تع 5 دقايق يخي خرطي يخي تلقاو سيركولاسيون مايخليوكش تعدي لا بوليس و...و...و... سي نورمال الشياتة :down:

أما بالنسبة للموضوع الأول احم احم :-r رائـــــــــــج بكل قوة سي نورمال تشكر بنتها كشما تفرلكها كاش عريس ههههه مشها راح تبخص بيها و فعلا لازم الأم مش تقول بنتي راني مديتلها لا ليبرتي توتال لازم شوي شوي و احسن شيء انو الأم تحاول تكون الصديقة المقربة تع بنتها إييلا كانت الأم واعرة و متشددة ياسر فبنتها يكون عندها عقدة و من هاد الشي بعد ما تكره راح ينتج عن هاداك التعقد و التشدد ما لم يكن فالحسبان ليسونسيال انا راييي ف هاد الشــــ] هو تجـــــــــــــــــــــــــاهل باسكو 85% علابالهوم و يضربوا النح برك باش ما يتكروشاوش معاهم
تقبلي مروري :bravo01: و شكرا على الموضوع الرائع:regards01:

luna lunitta · 14 جوان 2014

رد: ماوراء الكواليس تكسر الاقنعة المزيفة

موضوع شيق للنقاش مي لا تعليق
ميرسي

loula loulita · 19 جوان 2014

رد: ماوراء الكواليس تكسر الاقنعة المزيفة

mawdoooo3 hayal bzffffff oui sah kolch goltih kayan manno w rah 7adar m3ana fi kol blassa w fi kol wa9t !!

تقبلي مروري عزيزتي و موضوع شيق يستحق النقاش

ماوراء الكواليس تكسر الاقنعة المزيفة

وصال

:: عضو بارز ::

أمــ وليــد الجزائرية

:: عضو بارز ::

nanoche

:: عضو بارز ::

وصال

:: عضو بارز ::

وصال

:: عضو بارز ::

الورد الأحمر

:: أمينة اللمة الجزائرية ::

Mîss Bÿlkà

:: عضو منتسِب ::

luna lunitta

:: عضو مُشارك ::

loula loulita

:: عضو منتسِب ::

المواضيع المشابهة